Մոսկվայում ահաբեկչություն է կանխվել. տեսանյութ

Մոսկվայում ահաբեկչություն է կանխվել. տեսանյութ

331
(Թարմացված է 17:02 27.07.2020)
Տղամարդը կրակ է բացել իրավապահ մարմինների աշխատակիցների ուղղությամբ։ Պատասխան կրակով նրան սպանել են:

ԵՐԵՎԱՆ, 27 հուլիսի - Sputnik. Անվտանգության դաշնային ծառայության (ԱԴԾ) աշխատակիցները Մոսկվայում ահաբեկչություն են կանխել, որը ծրագրում էր իրականացնել Կենտրոնական Ասիայի երկրներից մեկի քաղաքացին։ Տեղեկությունը հայտնում է գերատեսչության մամուլի ծառայությունը:

«ՌԴ անվտանգության դաշնային ծառայությունը Ռուսաստանի ՆԳՆ-ի և ՌԴ Քննչական կոմիտեի հետ համատեղ կանխել է ահաբեկչական կազմակերպության այն անդամի գործունեությունը, որը ծրագրում էր ահաբեկչական գործողություն իրագործել Մոսկվայի մարդաշատ վայրերից մեկում», - գրված է գերատեսչության հաղորդագրության մեջ:

Նշվում է, որ ահաբեկչին հայտնաբերել են Խիմկիի լքված ավտոտնակների տարածքում: Տղամարդը կրակ է բացել իրավապահների ուղղությամբ: Պատասխան կրակով նա չեզոքացվել է։

Դեպքի վայրում հայտնաբերվել են ԱԿՍ-74Ու տիպի ինքնաձիգ, երկու Ֆ-l նռնակ, 1 ՌԳԴ նռնակ:

Հանցագործը Կենտրոնական Ասիայի երկրներից մեկի քաղաքացի էր, բնակվում էր Մոսկվայում վարձակալած բնակարանում։ Մերձմոսկովյան շրջանում իրավապահները ձերբակալել են նրա եղբորը, որը փնտրում էր հարազատին:

ԱԴԾ–ն Աստրախանում մի տղամարդու է ձերբակալել, որը պատրաստվում էր ահաբեկչություն իրագործել

«Հանցագործի վարձակալած տանն իրականացված խուզարկության ժամանակ իրեղեն ապացույցներ են հայտնաբերվել, որ սպանվածը կապեր է ունեցել Սիրիայում միջազգային ահաբեկչական կազմակերպության հետ և քաղաքացիների զանգվածային սպանություն էր ծրագրում», - գրված է հաղորդագրության մեջ:

Այժմ փնտրում են հանցագործի հավանական հանցակիցներին:

ՌԴ ՔԿ մերձմոսկովյան բաժնի ղեկավարի ավագ օգնական Օլգա Վրադին լրագրողներին հայտնել է, որ առայժմ քրեական գործ է հարուցվել «Ոտնձգություն իրավապահ մարմինների աշխատակցի կյանքի նկատմամբ» հոդվածով:

Ինչպես են Ռուսաստանում կանխել ահաբեկչությունը. ձերբակալման կադրերը հայտնվել են համացանցում

331
թեգերը:
տեսանյութ, Ահաբեկչություն, Ռուսաստան
Ըստ թեմայի
Ռուսաստանի ԱԴԾ-ն առնվազն երկու ահաբեկչություն է կանխել
Ռուսաստանում ահաբեկչություն են կանխել. ԱԴԾ-ն հայտարարություն է տարածել
Ինչպես են Ռուսաստանում կանխել ահաբեկչությունը. ձերբակալման կադրերը հայտնվել են համացանցում
Մարիա Զախարովա

Լավրովը Ղարաբաղում տիրող իրավիճակի շուրջ ինտենսիվ շփումներ է վարում. Զախարովա

228
(Թարմացված է 14:35 27.09.2020)
Ռուաստանի և Հայաստանի արտգործնախարարները Ղարաբաղյան հակամարտության գոտում տիրող իրավիճակի թեման քննարկել են հեռախոսով։

ԵՐԵՎԱՆ, 27 սեպտեմբերի – Sputnik. Ռուսաստանի արտգործնախարար Սերգեյ Լավրովը ինտենսիվ շփումներ է վարում, որպեսզի կողմերը դադարեցնեն կրակը և իրավիճակը կայունացնելու համար բանակցություններ սկսեն։ ՌԻԱ Նովոստիի փոխանցմամբ` տեղեկությունը հայտնել է Ռուսաստանի ԱԳՆ պաշտոնական ներկայացուցիչ Մարիա Զախարովան։

Լավրովը հեռախոսազրույց է ունեցել Հայաստանի արտգործնախարար Զոհրաբ Մնացականյանի հետ, քննարկվել է Ղարաբաղյան հակամարտության գոտում տիրող իրավիճակը:

Հիշեցնենք, որ այսօր վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:

Խստագույնս դատապարտում ենք ադրբեջանական ագրեսիան. ԱԳՆ

Արցախի պաշտպանության նախարարությունը տեղեկացրել էր, որ ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Հայտնի է, որ հակառակորդի կրակոցների հետևանքով Մարտունիում մեկ կին և մեկ երեխա են մահացել։ 

Արցախում և Հայաստանում ռազմական դրություն և համատարած զորահավաք է հայտարարվել։

ԱՀ ԱԳՆ-ն ուղիղ կապի մեջ է ԵԱՀԿ գործող նախագահի անձնական ներկայացուցչի հետ

 

228
թեգերը:
Մարիա Զախարովա, Արցախ, Սերգեյ Լավրով
թեմա:
Ադրբեջանական ագրեսիա Արցախում. 2020
Ըստ թեմայի
Անկախ բոլոր տարաձայնություններից` Հայաստանում քաղաքական ուժերը միավորում են ջանքերը
Հազարավոր կյանքերի գնով վաստակած մեր անկախությունը նորից վտանգված է. Օնիկ Գասպարյան
Հակառակորդի հրետակոծությունից վնասված բնակելի տները Ստեփանակերտում. նոր տեսանյութ
ՌԴ–ում Հայաստանի դեսպանություն

Դավիթ Տոնոյանը Մոսկվա չի մեկնել. ՌԴ-ում ՀՀ դեսպանությունը հերքում է լուրը

66
(Թարմացված է 13:56 27.09.2020)
Ավելի վաղ տեղեկություն էր տարածվել, թե Հայաստանի պաշտպանության նախարարը Ղարաբաղյան հակամարտության գոտու լարվածության ֆոնին մեկնել է Մոսկվա։

ԵՐԵՎԱՆ, 27 սեպտեմբերի - Sputnik. ՌԴ-ում ՀՀ դեսպանությունը հերքում է այն տեղեկությունը, թե  ՀՀ պաշտպանության նախարար Դավիթ Տոնոյանն այսօր մեկնել է Մոսկվա։ Այս մասին ՌԻԱ Նովոստիին ասել է դիվանագիտական առաքելության խորհրդական Էդվարդ Ջամբազյանը։

Ավելի վաղ telegram ալիքներում տեղեկություն էր տարածվել, որ Տոնոյանը ՌԴ է մեկնել Ղարաբաղյան հակամարտության լարվածության ֆոնին։

«Մենք չենք հաստատում այդ տեղեկությունը, դեսպանատանը հերքել են»,— ասել է Ջամբազյանը:

Հիշեցնենք, որ այսօր վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:

Արցախի պաշտպանության նախարարությունը տեղեկացրել էր, որ ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Հայտնի է, որ հակառակորդի կրակոցների հետևանքով Մարտունիում մեկ կին և մեկ երեխա են մահացել։ 

Արցախում և Հայաստանում ռազմական դրություն և համատարած զորահավաք է հայտարարվել։

66
թեգերը:
Դավիթ Տոնոյան, Ռուսաստան, Հայաստան
Ըստ թեմայի
ԱԳ նախարարը մշտական կապի մեջ է ԵԱՀԿ ՄԽ համանախագահների հետ
Արցախի պաշտպանության բանակն առաջնագծից տեսանյութ է հրապարակել
Հազարավոր կյանքերի գնով վաստակած մեր անկախությունը նորից վտանգված է. Օնիկ Գասպարյան
Начальник управления информации и по связям с общественностью Артак Нерсисян во время брифинга Единного информационного центра (27 сентября 2020). Степанакерт

Արցախն իրացնում է ինքնապաշտպանության իր անքակտելի իրավունքը. ԱՀ ԱԳՆ

0
Երկու հայկական պետություններն ակտիվորեն և համակարգված աշխատում են միջազգային հանրությանն Արցախի սանձազերծած ագրեսիան ներկայացնելու և այն կասեցնելու համար։

ԵՐԵՎԱՆ, 27 սեպտեմբերի– Sputnik. Արցախի Հանրապետության արտաքին գործերի նախարարությունը դատապարտում է  ադրբեջանական կողմի ռազմատենչ քաղաքականությունը։ Այսօր կայացած ճեպազրույցում այսպիսի հայտարարություն արեց ԱՀ ԱԳՆ տեղեկատվության և հասարակայնության հետ կապերի վարչության պետ Արտակ Ներսիսյանը։ 

«Արցախի Հանրապետությունը ՄԱԿ–ի կանոնադրության դրույթների համաձայն` իրականացնում է իր ինքնապաշտպանության անքակտելի իրավունքը, ձեռնարկում անհրաժեշտ բոլոր միջոցներն ագրեսիան հետ մղելու և տարածաշրջանում խաղաղությունը վերականգնելու համար»,– հայտարարեց Ներսիսյանը։

Նա տեղեկացրեց, որ Արցախի ԱԳՆ–ն ուղիղ կապի մեջ է ԵԱՀԿ գործող նախագահի անձնական ներկայացուցչի հետ, ԵԱՀԿ ՄԽ համանախագահները նույնպես տեղեկացված են, երկու հայկական պետություններն էլ ակտիվորեն և համակարգված աշխատում են միջազգային հանրությանն Արցախի սանձազերծած ագրեսիան ներկայացնելու և այն կասեցնելու համար։

Ներսիսյանը հիշեցրեց` լարվածության սրմանը նախորդել են ադրբեջանական ռազմատենչ հայտարարությունները, ԱՀ–ի դեմ ուժի կիրառման բացահայտ սպառնալիքները և զինված ուժերի շփման գոտում հոկտեմբերի 1-ին նախատեսված ԵԱՀԿ կողմից դիտարկման անցկացումից մերժումը։

Հիշեցնենք, որ այսօր վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:

Արցախի պաշտպանության նախարարությունը տեղեկացրել էր, որ ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Հակառակորդի կրակոցների հետևանքով Մարտունիում մեկ կին և մեկ երեխա են մահացել։ Կան նաև վիրավորներ։ 

Ինչպես է այրվում ադրբեջանական զրահատեխնիկան. նոր տեսանյութ

0
թեմա:
Ադրբեջանական ագրեսիա Արցախում. 2020