Սերգեյ Ավագյանցը

Ռուսաստանում Ռազմածովային նավատորմի շքերթին ելույթ է ունեցել ծովակալ Սերգեյ Ավագյանցը

827
(Թարմացված է 15:32 26.07.2020)
Անձնակազմները կցուցադրեն պայմանական հակառակորդի սուզանավի որոնումն ու հարձակումը, կասկածելի նավի զննումն ու «ահաբեկիչների» գրաված նավի ազատումը, նաև նավերի շքերթային շարվածքի ֆոնին ժամանակակից նավաքարշերի «պարը»։

ԵՐԵՎԱՆ, 26 հուլիսի — Sputnik. Ռուսաստանի Ռազմածովային  նավատորմի օրվա կապակցությամբ Կամչատկայում ու Վլադիվոստոկում շքերթեր անցկացվեցին։ ՌԻԱ Նովոստիի փոխանցմամբ՝ տեղեկությունը հայտնում է Խաղաղօվկիանոսյան նավատորմի Արևելյան ռազմական օկրուգի մամուլի ծառայության պետ, երկրորդ կարգի կապիտան Նիկոլայ Վոսկրեսենսկին։

Командующий Тихоокеанским флотом адмирал Сергей Авакянц (слева на первом плане) на параде в честь Дня Военно-морского флота в бухте Золотой Рог во Владивостоке.
© Sputnik / Виталий Аньков
Ռուսաստանի Ռազմածովային  նավատորմի օրվա կապակցությամբ Կամչատկայում ու Վլադիվոստոկում շքերթեր անցկացվեցին

Ռազմածովային նավատորմի տոնական օրը սկսվել է Զոլոտոյ Ռոգ ծովածոցում Վլադիվոստոկում Խաղաղօվկանոսյան նավատորմի նավերի շքերթից։

Սևմաշը պատրաստվում է հանձնել ատոմային սուզանավերը.ինչպես կփոխվի ՌԴ ռազմածովային նավատորմը

Պրիմորիեի երկրամասի նահանգապետ Օլեգ Կոժեմյակոն ու Խաղաղօվկանոսյան նավատորմի հրամանատար, ծովակալ Սերգեյ Ավագյանցը շնորհավորել են անձնակազմին «Վարյագ» հածանավի վրա։

Վլադիվոստոկում շքերթին մասնակցել են Խաղաղօվկանոսյան նավատորմի յոթ մարտական նավ, այդ թվում «Վարյագ» գվարդիական հրթիռային հածանավը, «Ծովակալ Պանտելեև» մեծ հակասուզանավային նավը և այլն։

Командующий Тихоокеанским флотом адмирал Сергей Авакянц
© Sputnik / Виталий Аньков
Ռուսաստանի Ռազմածովային  նավատորմի օրվա կապակցությամբ Կամչատկայում ու Վլադիվոստոկում շքերթեր անցկացվեցին

Անձնակազմները կցուցադրեն պայմանական հակառակորդի սուզանավի որոնումն ու հարձակումը, կասկածելի նավի զննումն ու «ահաբեկիչների» գրաված նավի ազատումը, նաև նավերի շքերթային շարվածքի ֆոնին ժամանակակից նավաքարշերի «պարը»։

Ավելի վաղ հայտնում էին, որ Ռազմածովային նավատորմի օրվա կապակցությամբ Սևաստոպոլում կկայանա «Անմահ գունդը ջրի վրա» ակցիան։

827
թեգերը:
շքերթ, տոն, նավատորմ, Սերգեյ Ավագյանց, Ռուսաստան
Ըստ թեմայի
Կայսերական նավատորմի նավեր և ոչ միայն. Գյումրիում բացվեց յուրահատուկ ցուցահանդես
Ինչո՞ւ է Ռուսաստանն ուժեղացնում Կասպիական նավատորմը
Վլադիմիր Պուտին

Պուտինը Ղարաբաղում տիրող իրավիճակը քննարկել է Անվտանգության խորհրդի անդամների հետ

371
(Թարմացված է 16:11 30.10.2020)
Խորհրդակցության մասնակիցները ևս մեկ անգամ վճռականորեն դատապարտել են ահաբեկչությունն իր բոլոր դրսևորումներով։

ԵՐԵՎԱՆ, 30 հոկտեմբերի - Sputnik. Ռուսաստանի նախագահ Վլադիմիր Պուտինը ՌԴ Անվտանգության խորհրդի մշտական անդամների հետ քննարկել է Ղարաբաղում տիրող իրավիճակը, Եվրոպայում տեղի ունեցող ողբերգական իրադարձությունները, ինչպես նաև այլ հարցեր: ՌԻԱ Նովոստիի փոխանցմամբ` տեղեկությունը հայտնել է ՌԴ նախագահի մամուլի քարտուղար Դմիտրի Պեսկովը։

«Քննարկվել է Անդրկովկասի իրադրությունը՝ շեշտը դնելով Ղարաբաղում տիրող իրավիճակի զարգացման վրա», - նշել է Պեսկովը:

Նրա խոսքով` խորհրդակցության մասնակիցները ևս մեկ անգամ վճռականորեն դատապարտել են ահաբեկչությունն իր բոլոր դրսևորումներով։

Պեսկովն ասել է նաև, որ որպես Անվտանգության խորհրդի մշտական անդամների հետ օպերատիվ խորհրդակցության հիմնական հարց քննարկվել է պետական նյութական պահուստի ձևավորման թեման:

Խորհրդակցությանը մասնակցել են ՌԴ վարչապետ Միխայիլ Միշուստինը, խորհրդարանի երկու պալատների խոսնակները` Վալենտինա Մատվիենկոն և Վյաչեսլավ Վոլոդինը, ԱԽ ղեկավարի տեղակալ Դմիտրի Մեդվեդևը, ԱԽ աշխատակազմի ղեկավար Անտոն Վայնոն, ԱԽ քարտուղար Նիկոլայ Պատրուշևը, պաշտպանության նախարար Սերգեյ Շոյգուն և ներքին գործերի նախարար Վլադիմիր Կոլոկոլցևը, Անվտանգության դաշնային ծառայության տնօրեն Ալեքսանդր Բորտնիկովը, Արտաքին հետախուզության ծառայության ղեկավար Սերգեյ Նարիշկինը:

​Հիշեցնենք` Հայաստանի և Ադրբեջանի արտգործնախարարներ Զոհրաբ Մնացականյանն ու Ջեյհուն Բայրամովը հոկտեմբերի 9–ին Մոսկվա էին մեկնել` խորհրդատվություններ անցկացնելու։ ՌԴ արտգործնախարար Սերգեյ Լավրովի հետ համատեղ հանդիպումը տևեց գրեթե 11 ժամ և ավարտվեց համաձայնագրի ընդունմամբ, որը հակամարտության կարգավորման չորս կետ է պարունակում։

Մասնավորապես, կողմերը պայմանավորվեցին, որ հոկտեմբերի 10-ին, ժամը 12։00-ից սկսած հումանիտար նպատակներով հրադադար կհաստատվի ռազմագերիներին, այլ պահվող անձանց և զոհվածների մարմինները փոխանակելու համար՝ Միջազգային Կարմիր խաչի չափանիշներին համապատասխան։ Հրադադարի վերաբերյալ պայմանավորվածությունից հետո Ադրբեջանը շարունակեց հրետակոծել Արցախը։

Հոկտեմբերի 17-ին ՀՀ արտգործնախարարությունը հայտնեց, որ Հայաստանի Հանրապետությունը և Ադրբեջանի Հանրապետությունը երկրորդ պայմանավորվածությունն են ձեռք բերել. որոշվել է հոկտեմբերի 18-ին, տեղական ժամանակով ժամը 00:00-ից հաստատել մարդասիրական զինադադար։

Արցախի ՊԲ–ն, սակայն, հոկտեմբերի 18-ի առավոտյան տեղեկացրեց, որ 07:20-ի սահմաններում հրետանային ակտիվ կրակից հետո ադրբեջանական զինուժը հարավային ուղղությամբ անցել է հարձակման: Երկուստեք եղել են զոհեր ու վիրավորներ: 

Հոկտեմբերի 26-ին ՀՀ ԱԳՆ–ն հայտարարեց, որ Հայաստանի և Ադրբեջանի արտգործնախարարները հումանիտար հրադադարի հաստատման երրորդ ժամկետի մասին են պայմանավորվել, որը պետք է ուժի մեջ մտներ 2020թ. հոկտեմբերի 26-ին, տեղական ժամանակով 08:00-ին։ Սակայն Ադրբեջանը խախտեց նաև երրորդ պայմանավորվածությունը։

371
թեմա:
Ադրբեջանական ագրեսիան Արցախում - 2020
Ըստ թեմայի
Չի կարելի մոռանալ հայ ժողովրդի ապրած ողբերգությունը. Պուտինը խոսել է Ղարաբաղի մասին
Պուտինն օրը մի քանի անգամ հեռախոսազրույց է ունենում Փաշինյանի հետ
Պեսկովն ասել է` ինչի է ձգտում Պուտինը Ղարաբաղի հարցում
Արխիվային լուսանկար

Ռուսաստանում մտադիր են արյան մեջ շաքարի և խոլեստերինի քանակը հաշվարկող թևնոց ստեղծել

31
(Թարմացված է 15:08 30.10.2020)
«Խելացի» թևնոցի ստեղծման համար նախատեսվում է տեխնոլոգիական մրցույթ հայտարարել։

ԵՐԵՎԱՆ, 30 հոկտեմբերի – Sputnik. Ռուսաստանում ապագայում կհայտնվեն «խելացի» թևնոցներ, որոնք ի վիճակի են իրական ժամանակի ռեժիմում հաշվարկել մարդու օրգանիզմում հորմոնների վիճակի, արյան մեջ շաքարի և խոլեստերինի մակարդակի տվյալները։ Տեղեկությունը ՌԻԱ Նովոստիին հայտնել է «Ռուսաստանի վենչուրային ընկերության» նորարարական ենթակառուցվածքների գծով փոխտնօրեն Միխայիլ Անտոնովը։

Նրա խոսքով՝ այդպիսի սարքի ստեղծման տեխնոլոգիական մրցույթը նախատեսվում է հայտարարել ապագայում։

«Տվիչների մրցույթի գաղափարը ենթադրում է թևնոցների ստեղծում, որոնք կարող են արագ տվյալներ հավաքել մարդու առողջական վիճակի մասին և անմիջապես հայտնել նրան շաքարի, խոլեստերինի, սթրեսի հորմանի մակարդակի բարձրացման մասին և այլն։ Ալգորիթմներն առցանց վերլուծելու են մարդու առողջության մասին տվյալները և ակնթարթորեն փոխանցելու են դրանք»,-ասել է Անտոնովը։

Նրա խոսքով՝ նախքան մրցույթ հայտարարելը մեկ տարի մանրակրկիտ աշխատանք է պետք կատարել։

Գիտնականները գտել են այն մթերքը, որն այրում է ճարպը և նվազեցնում զարկերակային ճնշումը

31
թեգերը:
գիտնական, Ռուսաստան, շաքար
Ըստ թեմայի
3 բեկումնային տարիք, երբ ծերությունը «վրա է տալիս». գիտնականների խորհուրդները
Գիտնականները պարզել են շաքարային դիաբետի զարգացման հիմնական պատճառը
Ռուս գիտնականները նոր հակաբիոտիկ են հայտնաբերել, որը կարող է պայքարել նաև ուռուցքների դեմ
Աբբաս Արաղչի

Իրանը Ղարաբաղի վերաբերյալ իր ծրագիրն այնպես է նախագծել, որ ընդունելի լինի բոլորի համար

0
(Թարմացված է 17:15 30.10.2020)
Իրանական նախաձեռնության մանրամասները գործընկերներին ներկայացնելիս` Թեհրանը հաշվի է առել ինչպես Հայաստանի, այնպես էլ Ադրբեջանի նպատակները։

ԵՐԵՎԱՆ, 30 հոկտեմբերի – Sputnik. Իրանի նախագահի հատուկ բանագնաց, փոխարտգործնախարար Աբբաս Արաղչին ՌԻԱ Նովոստիին տված հարցազրույցում ասել է, որ Թեհրանը պատրաստ է միջնորդի դեր ստանձնել Ղարաբաղյան հակամարտության կարգավորման հարցում և հուսով է, որ իր ծրագիրը կօգնի կայուն խաղաղության հասնել։

Արաղչին նշել է, որ ԻԻՀ–ն մշտապես հայտարարել է հրադադարի հաստատմանն օժանդակելու, երկխոսություն սկսելու և խաղաղություն ու հանգստություն հաստատելու իր պատրաստակամության մասին։ Նա ընդգծել է, որ ԻԻՀ–ն լավ հարաբերություններ է պահպանում երկու երկրների հետ` Հայաստանի և Ադրբեջանի։

Արաղչին շեշտել է, որ իրանական նախաձեռնության մանրամասները գործընկերներին ներկայացնելիս` Թեհրանը մեծ ուշադրությամբ է վերաբերվել հակամարտության գործողությունների ուսումնասիրմանը, հաշվի է առել երկու երկրների` ինչպես Հայաստանի, այնպես էլ Ադրբեջանի նպատակները։

«Եվ այնպիսի առաջարկ ենք արել, որ այն ընդունելի լինի, տարածաշրջանի ազդեցիկ երկրները կարողանան մասնակցել, և հույս ունենք, որ այդ ծրագիրը ճանապարհ կհարթի Լեռնային Ղարաբաղում կայուն խաղաղություն հաստատելու համար», – ընդգծել է Արաղչին։

Ըստ նրա` դա հեշտ չէ, քանի որ բազմաթիվ խնդիրներ կան, այդ թվում «միջամտությունը տարածաշրջանից դուրս ու նրանց կողմից, ովքեր այս տարածաշրջանում խաղաղություն չեն ուզում»։ Արաղչին չի պարզաբանել, թե խոսքն ում մասին է, բայց ավելի վաղ նա ՌԻԱ Նովոստիին ասել էր, որ կարգավորմանը կարող են մասնակցել և՛ Ռուսաստանը, և՛ Թուրքիան։

«ԻԻՀ–ի ջանքերն ու նախաձեռնությունները չեն ժխտում այս հակամարտության կարգավորմանն ուղղված այլ նախաձեռնություններն ու ջանքերը, բայց մենք համոզված ենք, որ տարածաշրջանային ճգնաժամերը տարածաշրջանային լուծում ունեն», – եզրափակել է դիվանագետը։

​Հիշեցնենք` Հայաստանի և Ադրբեջանի արտգործնախարարներ Զոհրաբ Մնացականյանն ու Ջեյհուն Բայրամովը հոկտեմբերի 9–ին Մոսկվա էին մեկնել` խորհրդատվություններ անցկացնելու։ ՌԴ արտգործնախարար Սերգեյ Լավրովի հետ համատեղ հանդիպումը տևեց գրեթե 11 ժամ և ավարտվեց համաձայնագրի ընդունմամբ, որը հակամարտության կարգավորման չորս կետ է պարունակում։

Մասնավորապես, կողմերը պայմանավորվեցին, որ հոկտեմբերի 10-ին, ժամը 12։00-ից սկսած հումանիտար նպատակներով հրադադար կհաստատվի ռազմագերիներին, այլ պահվող անձանց և զոհվածների մարմինները փոխանակելու համար՝ Միջազգային Կարմիր խաչի չափանիշներին համապատասխան։ Հրադադարի վերաբերյալ պայմանավորվածությունից հետո Ադրբեջանը շարունակեց հրետակոծել Արցախը։

Հոկտեմբերի 17-ին ՀՀ արտգործնախարարությունը հայտնեց, որ Հայաստանի Հանրապետությունը և Ադրբեջանի Հանրապետությունը երկրորդ պայմանավորվածությունն են ձեռք բերել. որոշվել է հոկտեմբերի 18-ին, տեղական ժամանակով ժամը 00:00-ից հաստատել մարդասիրական զինադադար։

Արցախի ՊԲ–ն, սակայն, հոկտեմբերի 18-ի առավոտյան տեղեկացրեց, որ 07:20-ի սահմաններում հրետանային ակտիվ կրակից հետո ադրբեջանական զինուժը հարավային ուղղությամբ անցել է հարձակման: Երկուստեք եղել են զոհեր ու վիրավորներ: 

Հոկտեմբերի 26-ին ՀՀ ԱԳՆ–ն հայտարարեց, որ Հայաստանի և Ադրբեջանի արտգործնախարարները հումանիտար հրադադարի հաստատման երրորդ ժամկետի մասին են պայմանավորվել, որը պետք է ուժի մեջ մտներ 2020թ. հոկտեմբերի 26-ին, տեղական ժամանակով 08:00-ին։ Սակայն Ադրբեջանը խախտեց նաև երրորդ պայմանավորվածությունը։

0
թեգերը:
Իրանի Իսլամական Հանրապետություն, Արցախ, Ադրբեջան, Հայաստան
թեմա:
Հրադադար Արցախում
Ըստ թեմայի
Իրանն ու Ռուսաստանը նմանատիպ մոտեցումներ ունեն Ղարաբաղյան հակամարտության հարցում. Արաղչի
Իրանի նախագահի բանագնացը Ղարաբաղի հարցով խորհրդակցություններ է անցկացրել Մոսկվայում
Իրանի փոխարտգործնախարարը Զոհրաբ Մնացականյանի հետ քննարկել է ԼՂ խնդիրը