Յուրի Վարդանյան

5 ռեկորդ մեկ օրում. Յուրի Վարդանյանը մոսկովյան օլիմպիադայի թանկարժեք ադամանդն էր

433
(Թարմացված է 10:00 26.07.2020)
Յուրի Վարդանյանն իր մարզական սխրանքով և համաշխարհային ռեկորդներով մեկ երեկոյի ընթացքում մտավ սպորտի և մասնավորապես ծանրամարտի պատմության մեջ: Մոսկովյան օլիմպիադայից 40 տարի անց հիմա էլ դժվար է մոռանալ այն, ինչ արեց երկաթախաղի հայ վարպետը:

1980 թվականին առաջին անգամ ամառային օլիմպիական խաղերն անցկացվեցին սոցիալիստական երկրում՝ ԽՍՀՄ-ում: Եվ այդ օլիմպիական խաղերի ադամանդը, շատերի կարծիքով, դարձավ ծանրամարտիկ Յուրի Վարդանյանը:

Լենինականի հպարտությունը

Յուրի Վարդանյանի հաղթարշավը մեծ սպորտում սկսվեց 1977 թվականին, երբ 21 տարեկան հասակում լենինականցի (այժմ Գյումրի) ծանրորդը նվաճեց աշխարհի չեմպիոնի կոչումը: Հումորի քաղաք Լենինականում նրա հաղթանակից հետո բոլորը ծիծաղով ասում էին. «Էդ տղեն հլը շատ հաղթանակներ կունենա: Շտանգեն ընպես կհանե, ինչխոր էդիգ փետից է, ոչ թե երկաթից»:

Рекордсмен мира по тяжелой атлетике в весовой категории до 82,5 кг Юрий Варданян (1987 год)
© Sputnik / Игорь Уткин
Рекордсмен мира по тяжелой атлетике в весовой категории до 82,5 кг Юрий Варданян (1987 год)

Ու մարդիկ չէին սխալվում. իր մարզական փայլուն կարիերայի ընթացքում Վարդանյանը վայելում էր միլիոնավոր մարդկանց սերն ու հարգանքը: Իսկ Լենինականը պարզապես հպարտանում էր իր դյուցազունով: Յուրի Վարդանյանն առաջին լենինականցին էր, որ աշխարհի չեմպիոն դարձավ, հետո էլ առաջինն իր քաղաքի ու ժողովրդի համար նվաճեց օլիմպիական ոսկե մեդալը:

Մելբուռնի զուգահեռ չեմպիոնը

1976 թվականի Մելբուռնի օլիմպիական խաղերում ԽՍՀՄ հավաքականը ներկայացնում էր Յուրի Վարդանյանի համաքաղաքացի Վարդան Միլիտոսյանը, որը 75 կգ քաշային կարգում նվաճեց արծաթե մեդալ: Իսկ օլիմպիական չեմպիոն հռչակվեց բուլղարացի Յորդան Միտկովը: 20- ամյա Վարդանյանը Մելբուռնի մրցումներին զուգահեռ, Լենինականում վեց մոտեցում կատարեց ծանրաձողին` ոչ պաշտոնապես մրցելով օլիմպիադայի մասնակիցների հետ:

Պարզվեց` Լենինականում Վարդանյանի արդյունքը երկամարտում 7,5 կգ- ով ավելի բարձր էր, քան օլիմպիական չեմպիոն Յորդան Միտկովինը` նրանք համապատասխանաբար բարձրացրել էին 342,5 և 335 կգ: Բայց օլիմպիական բարձրունքը Յուրային սպասում էր չորս տարի անց՝ Մոսկվայում:

Մոսկովյանը անմոռանալի օրերը

Անկասկած  Յուրի Վարդանյանի մարզական կարիերայի գագաթնակետը Մոսկվայի օլիմպիադան էր: Վարդանյանը օլիմպիական խաղերին մոտեցավ որպես հաղթողի հիմնական հավակնորդ 82,5 կգ քաշային կարգում: Բայց ոչ ոք չէր կարող գուշակել, թե ինչպիսի արդյունքով է հաղթելու հայ ծանրորդը: Մեկ երեկոյի ընթացքում Յուրան սահմանեց համաշխարհային 5 ռեկորդ, ու միջին քաշայինների համար երկամարտի անհավանական` 400 կգ արդյունքով դարձավ չեմպիոն: Ծանրամարտի համաշխարհային ֆեդերացիայի այդ ժամանակվա նախագահ Գոդֆրիդ Շյոդլը Վարդանյանին անվանեց անգին ադամանդ:

Վարդանյանի հանրահռչակած Լենինականը

Վարդանյանի հաղթանակների շնորհիվ համաշխարհային սպորտում և ԽՍՀՄ-ում առանձնահատուկ ճանաչում ձեռք բերեցին Հայաստանն ու մարզիկի հայրենի քաղաք Լենինականը: Շիրակի մարզպետարանի մշակույթի և սպորտի բաժնի պետ, ՀՀ ֆիզիկական կուլտուրայի և սպորտի վաստակավոր գործիչ Վաչիկ Վարդանյանը, Յուրայի մասին պատմելիս, նշում է, որ ի շնորհիվ լեգենդար մարզիկի ծանրամարտն իրենց քաղաքում ունեցավ զարգացման վերընթաց ուղի և արձանագրեց բազում ձեռքբերումներ։

7 օլիմպիադաների մասնակցած Յուրի Սարգսյանի մոսկովյան սխրանքն ու Կարեն Դեմիրճյանի խոստումը

«Հիշում եմ` 1985 թվականին Մոսկվայի Կարմիր Հրապարակում լուսանկարվելուց հետո, երբ տվյալներս էի թելադրում լուսանկարչին՝ город Ленинакан, Варданян, բոլորը միանգամից սկսեցին ինձ հարցնել, թե արդյոք բարեկամական կապ ունեմ Յուրի Վարդանյանի հետ»:

Վաչիկ Վարդանյանը հիշում է, որ օլիմպիադայից հետո Լենինականում ծանրամարտի խմբակներում միանգամից գրանցվեց պատանիների հաճախման մեծ աճ, իսկ նորածին տղաների մեծ մասին Յուրի անունով էին կնքում:

Վարդանյանի ֆենոմենը

Հայտնի մարզական մեկնաբան Սլավա Սարգսյանը նույնպես չի մոռացել այն հաղթական բերկրանքն ու ուրախությունը, որով համակվել էր Հայաստանը մոսկովյան օլիմպիադայում Յուրի Վարդանյանի ելույթներից հետո։

«Յուրի Վարդանյանը ֆենոմեն էր: Մենք չէինք էլ կասկածում  նրա հաղթանակին: Բնությունը Յուրային ամեն ինչ տվել էր` գումարած աշխատասիրությունը: Նա չեմպիոն կդառնար յուրաքանչյուր մարզաձևում, որը որ ընտրեր: Հրաշալի մարզիկ էր, երբեք կանգ չէր առնում իր ձեռք բերածով: Անընդհատ ուզում էր նոր արդյունքի հասնել: Համաշխարհային 43 ռեկորդ` հեշտ է ասելը»

Հարգանք, սեր, փառք ու ցավ

Յուրի Վարդանյանը Մոսկվայի օլիմպիական խաղերից հետո արդեն հայտնի մարդ էր ոչ միայն ԽՍՀՄ-ում, այլ նաև ամբողջ աշխարհում: Նրա անունը պարզապես բոլոր մարզասերների շուրթերին էր: Իր բնավորության համաձայն` Վարդանյանը ուզում էր շարժվել առաջ ու կերտել նոր հաղթանակներ: Բայց օլիմպիական նոր ոսկե մեդալներ նվաճել չհաջողվեց: 1984 թվականին Լոս Անջելեսի օլիմպիական խաղերին խորհրդային ծանրորդները չմասնակցեցին:

Իսկ ԱՄՆ-ում օլիմպիական ոսկե մեդալակիր դարձած ռումինացի Պետրե Բեչերույի արդյունքը 45 կգ-ով զիջում էր Վարդանյանի արդյունքին երկամարտում: Պարզից էլ պարզ է, որ օլիմպիական ոսկե երկրորդ մեդալը Յուրայից խլեց քաղաքականությունը: Վարդանյանը ամեն գնով ուզում էր ևս մեկ անգամ մասնակցել օլիմպիական խաղերին արդեն 1988 թվականին: Բայց ԽՍՀՄ հավաքականի մարզիչները նրան ուղղակի չվերցրեցին հավաքական, իսկ չեմպիոն` երկամարտի 377,5 արդյունքով, դարձավ Իսրայել Արսամակովը:

Անհնար է նրան մոռանալ

Ցավոք, Յուրի Վարդանյանը մահացավ 62 տարեկան հասակում: 2018 թվականին դադարեց բաբախել հռչակավոր մարզիկի սիրտը: Բայց նրան ոչ ոք չի մոռացել, ու դժվար թե սպորտին մոտ կանգնած որևիցե մեկ մոռանա: Յուրի Վարդանյանը, որի անունը տեղ է գտել համաշխարհային ծանրամարտի փառքի սրահում, վայելում էր նաև մարդկային փառքը:

Юрий Варданян с сыновьями (1987 год)
© Sputnik / Р. Мангасарян
Յուրի Վարդանյանը որդիների հետ

Նրան սիրում էին, գնահատում: Նրա հաղթանակը մոսկովյան օլիմպիական խաղերում ապացուցեց, որ մեծ ցանկության և ճիշտ պայքարի դեպքում մարդը կարող է հասնել անհավանական արդյունքի: 400 կգ-ը երկամարտում հենց այդպիսի արդյունք էր 1980 թվականին:

433
թեգերը:
չեմպիոն, ռեկորդ, Օլիմպիական խաղեր, Մոսկվա, ծանրամարտ, Յուրի Վարդանյան
Ըստ թեմայի
Ով դառնա չեմպիոն, ով քշի Վոլգան. օլիմպիական հերոսը, նրա երիտասարդ կինն ու Տաշքենդի հայը
Հայկական ծամոնը, Յուրի Վարդանյանի անսովոր պատասխանը և ամենասև օրը. հուշեր Օլիմպիադա 80–ից
Օլիմպիական խաղերում հաղթած մարզիկներն ամսական 500 000 դրամ կստանան. նոր կարգ է սահմանվել
Մարիա Խաչատուրյանը. արխիվային լուսանկար

«Էս կեղտերը, էս կեղտոտ շները». համացանցում նոր տեսանյութ է հայտնվել Խաչատուրյան ընտանիքից

199
Խաչատուրյան ընտանիքի պատմությունը հանրությանը դեռ երկար ժամանակ հանգիստ չի տա ինչպես Ռուսաստանում, այնպես էլ Հայաստանում։ Մինչ դատավարությունն ընթանում է, համացանցում նորանոր տեսանյութեր են հայտնվում, որտեղ երևում են հոր և երեք դուստրերի ոչ ջերմ հարաբերությունները։

ԵՐԵՎԱՆ, 4 օգոստոսի – Sputnik․ Համացանցում ևս մեկ տեսանյութ է հայտնվել Խաչատուրյան ընտանիքի կյանքից, որի հայրը՝ Միխայիլ Խաչատուրյանը, դաժանորեն սպանվել էր դուստրերի կողմից։ «360» Telegram-ալիքի տրամադրության տակ հայտնված կադրերում երևում է, թե ինչպես է Միխայիլ Խաչատուրյանը զայրանում աղջիկների վրա բնակարանում տիրող անկարգության համար, ընդ որում՝ շատ կոպիտ արտահայտվելով նրանց հասցեին։

Խաչատուրյան քույրերի գործը. փաստաբանը հրապարակել է նրանց հոր սկանդալային նամակագրությունը

«Ու ես ամեն օր եմ էսպես ապրում։ Ես այսպես ապրում եմ, ես ինքս եմ փոշեկուլ անում։ Ես այսպես էլ ապրում եմ, էս անասունները էսպես էլ ապրում են։ Էս կեղտերը, էս կեղտոտ շները»,-ասում է Խաչատուրյանը կադրից դուրս, միաժամանակ նկարահանելով գետնին ընկած շան մազի խուրձը և աղջիկներին։

Հիշեցնենք` Միխայիլ Խաչատուրյանի աղմկահարույց սպանությունը տեղի էր ունեցել Մոսկվայում 2018 թվականի հուլիսի 27-ին։ 57-ամյա տղամարդու դին` վզի և կրծքավանդակի բազմաթիվ կտրած–ծակած վերքերով, հայտնաբերվել էր Մոսկվայի Լոբաչևսկի մայրուղում գտնվող տան շքամուտքում։ Երեք դուստրերը, որոնք մեղադրվում են հոր սպանության մեջ, խոստովանել են, որ իրենք են սպանել հորը։

Քննչական տվյալների համաձայն՝ քույրերից կրտսերը՝ 11-րդ դասարանի աշակերտուհի Մարիան, հորը դանակի մոտ 35 հարված է հասցրել։ Մյուս երկու աղջիկները՝ Քրիստինան (ավագ քույրը) և Անգելինան (միջնեկը) հարվածներ են հասցրել հոր գլխին, իսկ դեմքին գազային ցողիչ են փչել։

Ավելի ուշ հետմահու հոգեբանա-հոգեբուժական փորձաքննությունը հաստատեց, որ տղամարդը հոգեկան խանգարումներ է ունեցել։ Համացանցում տեսագրություն հայտնվեց, որտեղ հայրը հոգեբանական բռնության է ենթարկում դուստրերին։ Պաշտպանական կողմը պնդում է, որ տարիներ շարունակ Խաչատուրյանը պարբերաբար ծեծել է դուստրերին և «սեռական բռնություն է գործադրել», իսկ աղջիկները գործել են` ելնելով անհրաժեշտ ինքնապաշտպանությունից։

«Մի վայրկյան ձայնդ կտրի՛ր»․ ինչպես են Ամանորը նշել Խաչատուրյանների ընտանիքում․ տեսանյութ

Կրտսեր քրոջը՝ Մարիային, անմեղսունակ են ճանաչել։ Սպանված Միխայիլ Խաչատուրյանի ազգականները և տուժած կողմի փաստաբանները հայտարարել են, որ կասկածում են, թե աղջիկն անմեղսունակ է։

Փաստաբան Ալեքսեյ Պապյոնովը նշել է, որ «տուժողների կողմը պնդում է, որ դա նախնական պայմանավորվածությամբ սպանություն է եղել՝ կազմակերպված հանցախմբով»։

«Այս կողմ շրջվիր, ուռո՛դ». ինչպես է Խաչատուրյանը «դաստիարակում» դուստրերին. տեսանյութ

199
թեգերը:
տեսանյութ, Քրեական գործ, Խաչատուրյան քույրեր
թեմա:
Հայրասպան Խաչատուրյան քույրերի պատմությունը
Ըստ թեմայի
ՌԴ դատախազությունը հաստատել է Խաչատուրյան քույրերի մեղադրանքը
«Ազատություն, ազատություն»․ կայացել է Մարիա Խաչատուրյանի գործով դատական նիստը․ տեսանյութ
Խաչատուրյան քույրերից ավագներին՝ Քրիստինային և Անգելինային, կդատեն երդվյալ ատենակալները
Գամալեայի անվան համաճարակաբանության և միկրոկենսաբանության ազգային հետազոտական կենտրոն

ՌԴ–ում կորոնավիրուսի դեմ պատվաստանյութը կսկսեն փորձարկել երեխաների վրա

33
(Թարմացված է 13:32 04.08.2020)
Գամալեայի անվան համաճարակաբանության և միկրոկենսաբանության ազգային հետազոտական կենտրոնն արդեն փաստաթղթեր է պատրաստում թեստավորում անցկացնելու համար։

ԵՐԵՎԱՆ, 4 օգոստոսի — Sputnik. 2021 թվականի հունվար-փետրվարին Գամալեայի անվան համաճարակաբանության և միկրոկենսաբանության ազգային հետազոտական կենտրոնը սկսելու է կորոնավիրուսի դեմ պատվաստանյութը փորձարկել երեխաների վրա։ ՌԻԱ Նովոստիի փոխանցմամբ՝ տեղեկությունը հայտնել է կենտրոնի տնօրեն Ալեքսանդր Գինցբուրգը։

Նրա խոսքով՝ այժմ անհրաժեշտ փաստաթղթեր են պատրաստվում, քանի որ նախկինում կենտրոնը երբեք երեխաների վրա փորձարկումներ չի անցկացրել։

«Մանկաբույժները գիտեն այդ նրբությունները, նրանց հետ հիմա փաստաթղթերի փաթեթ ենք կազմում, որը կներկայացնենք առողջապահության նախարարությանը՝ երեխաների վրա փորձարկումներ անցկացնելու համար», - ասել է Գինցբուրգը։

Ընդ որում՝ նա ընդգծել է, որ փորձարկումները կսկսվեն միայն մեծահասակների վրա փորձարկումների ավարտից հետո։

Գինցբուրգն ավելացրել է, որ թեստավորումը կսկսեն միայն ձմռանը, քանի որ մեծահասակների վրա COVID-19-ի դեմ պատվաստանյութի երրորդ փուլը մոտ հինգ ամիս կտևի։ Դրան մոտ երկու հազար պացիենտ է մասնակցելու։

Ավելի վաղ Ռուսաստանի առողջապահության նախարար Միխայիլ Մուրաշկոն հայտնել էր, որ Գամալեայի անվան համաճարակաբանության և միկրոկենսաբանության ազգային հետազոտական կենտրոնի մշակած պատվաստանյութի կլինիկական փորձարկումներն ավարտվել են։

«Պատվաստանյութերի մրցավազք»․ ինչու՞ է Արևմուտքը մեղադրում Ռուսաստանին

Առողջապահության համաշխարհային կազմակերպությունը (ԱՀԿ) մարտի 11-ին նոր COVID-19 կորոնավիրուսի բռնկումը հայտարարել է համավարակ: Կազմակերպությունը բոլոր պետություններին կոչ է արել միավորվել վարակի դեմ պայքարում։
Համաշխարհային վիճակագրության Worldometer կայքի տվյալներով՝ այսօրվա դրությամբ աշխարհում կորոնավիրուսի հայտնաբերված դեպքերի թիվը հասել է 18,4 միլիոնի: Մահացել է ավելի քան 697 հազար մարդ։
Օպերատիվ շտաբի պաշտոնական տվյալներով՝ Ռուսաստանում COVID-19-ի հաստատված դեպքերի քանակը հասել է 891 423–ի, 14 351 մարդ կորոնավիրուսի զոհ է դարձել։

Ռուսաստանի ՊՆ-ում ներկայացրել են COVID-19-ի դեմ պատվաստանյութի փորձարկման արդյունքները

33
թեգերը:
երեխա, կորոնավիրուս, Ռուսաստան
թեմա:
Կորոնավիրուսը աշխարհում
Ըստ թեմայի
Ռուսաստանում հաջողությամբ փորձարկել են կորոնավիրուսի դեմ պատվաստանյութը
Ռուսաստանի հիվանդանոցները ստացել են կորոնավիրուսի դեմ դեղամիջոցի առաջին խմբաքանակը
Կորոնավիրուսի դեմ պայքարում Ռուսաստանն առաջընթաց է գրանցում. Պուտին
Дым после взрыва в Бейруте (4 августа 2020). Ливан

Պայթյունը Բեյրութի հայկական թաղամասի մոտ է եղել. Վարդինե Օհանյան

9
(Թարմացված է 22:00 04.08.2020)
Լիբանանի երիտասարդության և սպորտի նախարարի խոսքով`կան բազմաթիվ վիրավորներ և հավանաբար նրանց թվում հայերն էլ քիչ չեն։

ԵՐԵՎԱՆ, 4 օգոստոսի - Sputnik. Լիբանանի երիտասարդության և սպորտի նախարար Վարդինե Օհանյանը Sputnik Արմենիայի հետ զրույցում նշեց, որ Բեյրութում որոտացած պայթյունը հայկական թաղամասին բավականին մոտ է եղել։

«Կարող ենք ասել, որ պայթյունը որոտացել է Բեյրութի Բուրջհամուդ հայկական թաղամասին մոտ`վնասները շատ մեծ են։ Զոհերի մասով տեղեկություն չկա»,–ասաց նա։

Օհանյանի խոսքով`շատ վիրավորներ կան, հավանաբար նրանց թվում հայերն էլ քիչ չեն։

«Տեղեկությունն ամբողջական կլինի մի քանի ժամվա ընթացքում, առայժմ այսքանն է հայտնի։ Դեռ վաղ է խոսել պայթյունի պատճառների մասին, խորհուրդ եմ տալիս մի քանի ժամ սպասել»,–նշեց նա։

Հիշեցնենք` Լիբանանի մայրաքաղաք Բեյրութում` նավահանգստի շրջանում, ուժգին պայթյուն է որոտացել։

Սկզբում կրակոց է լսվել, որից հինգ րոպե անց սև ու սպիտակ ծուխ է տարածվել։ Այնուհետև հզոր պայթյուն է որոտացել, և կարմիր ծուխ է բարձրացել երկինք։ Բազմաթիվ օգտատերեր պայթյունի կադրերն արդեն սկսել են հրապարակել համացանցում։

Պայթյունի ալիքը կոտրել է մի քանի կիլոմետրի վրա գտնվող շինությունների ապակիներն ու դռները։

9