Ալեքսանդր Բաբայան

Պետք չէ քաղաքականացնել առևտուրը. հայ գործարարը ստեղծված իրավիճակից ելքեր է առաջարկում

357
(Թարմացված է 00:03 25.07.2020)
Ռուսաստանյան շուկայում աշխատելը շատ ռեսուրսներ է պահանջում, իսկ հայ մատակարարների պաշարները ռուսական չափանիշներով բավականին սահմանափակ են։ Այդ դեպքում ավելի լավ է դրսում միավորել ուժերը, քան մրցել միմյանց հետ։

ԵՐԵՎԱՆ, 24 հուլիսի – Sputnik. Արտահանումը Հայաստանից դեպի Ռուսաստան շատ ավելի հաջողված կլինի, եթե միահամուռ ուժերով իրականացվի։ Sputnik Արմենիայի թղթակցի հետ զրույցում նման կարծիք հայտնեց «Արմտորգ» ընկերության գլխավոր տնօրեն Ալեքսանդր Բաբայանը։

Ընկերությունը Հայաստանից սննդամթերք (մուրաբա, ջեմ, բանջարեղենի պահածո և այլն) է արտահանում Ռուսաստան` մանրածախ վաճառքի համար։ Նախօրեին «Տվոյ դոմ» մանրածախ ցանցը հրաժարվել է ընդունել նրանց ապրանքը, քանի որ ցանցի սեփականատերն ադրբեջանցի գործարար Արազ Ագալարովն է։

Այս իրավիճակը չի կարող ազդեցություն ունենալ Ռուսաստանում մեր ապրանքի վաճառքի վրա, քանի որ այդ ցանցը Մոսկվայում, Մոսկվայի մարզում ու Վորոնեժում ընդամենը մի քանի խանութ ունի։ Ռուսաստանում ադրբեջանական կապիտալով այլ մանրածախ ցանցեր գրեթե չկան։ Այդ պատճառով դրանց տոկոսային չափաբաժինը ռուսաստանյան մանրածախ վաճառքում զրո, ստորակետ զրո, զրո է», - նշեց Բաբայանը։

 «Այս պատճառով, եթե մեր ապրանք «Տվոյ դոմին» չմատակարարենք, դժվար թե մեր կյանքում որևէ բան փոխվի։ Պարզապես Ռուսաստանի տարածքում նման բաները պետք է անթույլատրելի լինեն։ Մենք տասնյակ տարիներ է` Մոսկվայում ենք ապրում, սակայն նման բան չենք տեսել նույնիսկ 2016 թվականի ապրիլին։ Իմ անձնական կարծիքով՝ առևտրի մեջ սա անթույլատրելի է։ Պետք չէ քաղաքականացնել առևտուրը», - ավելացրեց Բաբայանը։

Արդյո՞ք այդ բոյկոտը գովազդ էր հայկական ապրանքի համար։ Բաբայանը կարծում է, որ հայկական ապրանքը դրա կարիքը չուներ, այն արդեն երկու-երեք տարի է թրենդի մեջ է, բայց լավ փիար եղավ։

Հայաստանը դիմել է ՌԴ և ԵԱՏՄ գործընկերներին՝ հայկական ծիրանի վաճառքն արգելելու հարցով

«Վերջին շաբաթների ընթացքում հայկական ծիրանը, հավանաբար, ամռան ամենաթրենդային միրգը դարձավ: Որոշ «ընկերների» քայլի շնորհիվ, մենք լավ փիառ ունեցանք: Ամբողջ Մոսկվան է հիմա խոսում հայկական ծիրանի մասին», - նշեց Բաբայանը:

Մոսկվաբնակ հայերի ակցիան, ըստ նրա, բավական բարի ու դրական էր: Շաբաթ և կիրակի Մոսկվայի տարբեր կետերում նրանք ծիրան էին բաժանում անցորդներին, որոնք ժպիտով և հաճույքով վերցնում էին:

Այժմ պետք է մտածել, թե ինչպես խթանել հայկական արտահանումը: Այստեղ ոմանք խոսում են Ռուսաստանի կենտրոնում կամ հարավում մեծածախ առևտրի բազաներ կառուցելու անհրաժեշտության մասին, սակայն գործարարը կարծում է, որ դրանք հազիվ թե արդարացնեն իրենց: Հայաստանից կլոր տարին միրգ ու բանջարեղենի հոսք չկա՝ ամռանն այն ավելի մեծ է, քան ձմռանը: Հավանաբար ավելի ճիշտ կլինի առևտրի տներ ստեղծել դեսպանատան կամ հյուպատոսարանների ղեկավարության ներքո։ Այս քայլը կբարձրացնի հսկայական ցանցերի կշիռը և իր դերը կունենա  բանակցություններում։ Մեջքի հետևում պետություն ունենալով` բիզնեսն ավելի հեշտ կկարողանա լոբբինգ անել իր շահերը։

«Սա դեռ միայն գաղափար է, սակայն հույս ունեմ, որ մենք կհասնենք նաև դրա իրականացմանը», - ասաց Բաբայանը։

Մոսկվայի ՎԴՆԽ-ում 2004 թվականից գործում է «Հայաստան» տաղավարը, սակայն այն ավելի շատ ցուցահանդեսային է և ոչ առևտրային։ Բաբայանը կարծում է, որ համառուսաստանյան խոշոր ցանցերի հետ աշխատանքն այն հազիվ թե կարողանա կորդինացնել։

Հայկական առևտրի տներում ձեռնարկությունները պետք է պայմանավորվածություն ձեռք բերեն ռուսական ցանցերի հետ՝ բայց ոչ  ի վնաս միմյանց, այլ միասին, նկատեց նա։ Պետք է հասկանալ, որ Ռուսաստանում ստիպված ենք աշխատել խոշոր գործընկերների հետ և դրա վրա մեծ ռեսուրսներ ծախսել (ապրանք առաջարկել, գովազդային ակցիաներ  կազմակերպել, շահավետ տեղեր ապահովել ցուցափեղկերի վրա և այլն)։ Բնականաբար, ռուսական չափանիշներով, հայկական արտադրողների ռեսուրսները սահմանափակ են, այդ պատճառով պետք է դրանք ոչ թե վատնել, այլ միավորել, ընդգծեց Բաբայանը։

ՌԴ–ում ՀՀ դեսպանությունը ծիրանով բեռնված բեռնատարներին անվճար կայանելու տեղեր է առաջարկել

Գործարարն առաջարկում է այդ նպատակով Հայաստանում արտահանման գործակալության «մեկ պատուհան» ստեղծել։

««Made in Armenia-ի միասնական ձևաչափ է անհրաժեշտ, բայց գրագետ կազմված։ Դա մեկ օրվա գործ չէ», - ընդգծեց գործարարը։

Նշենք, որ Հայաստանը դեպի Ռուսաստան տարեկան 50-60 մլն դոլարի թարմ միրգ ու բանջարեղեն է արտահանում, իսկ պահածոներ և հյութեր՝ ևս մի քանի միլիոնի։ Ռուսաստանը շարունակում է մնալ հայկական պարենի, գինու և կոնյակի սպառման գլխավոր շուկան։

357
թեգերը:
Ծեծկռտուք, խանութ, հայ-ադրբեջանական, Ադրբեջան, հայ, բիզնես, առևտուր, Մոսկվա, Ռուսաստան
Ըստ թեմայի
«Մենք երեք բան ենք ուզում». Արա Աբրահամյանը ներկայացրել է հայ համայնքի դիրքորոշումը
Երևանն ու Բաքուն պետք է զերծ մնան չկշռադատված գործողություններից. Մեդվեդև
Սպառնալիքներ Սան Ֆրանցիսկոյի հայկական դպրոցի պատերին. վանդալները գործի են անցել
Արայիկ Հարությունյան

Այս անգամ զինադադար հաստատելու համար Ռուսաստանը ստիպված է բանակցել Թուրքիայի հետ

516
(Թարմացված է 23:10 30.09.2020)
Ի տարբերություն 2016–ի Ապրիլյան պատերազմի, այս անգամ միջնորդները գործ ունեն ոչ թե Ադրբեջանի, այլ Թուրքիայի հետ։

ԵՐԵՎԱՆ, 30 սեպտեմբերի — Sputnik. Այս անգամ զինադադար հաստատելու համար Ռուսաստանը ստիպված կլինի բանակցել Թուրքիայի, ոչ թե Ադրբեջանի հետ։ Նման կարծիք այսօր հայտնեց Արցախի Հանրապետության նախագահ Արայիկ Հարությունյանը` պատասխանելով լրագրողներից մեկի հարցին, թե Քառօրյա պատերազմի օրերին Ռուսաստանը միջամտեց, և հրադադար կնքվեց` արդյոք այս անգամ կան նման ազդակներ։

«2016 թվականին Արցախը կռվում էր Ադրբեջանի դեմ, և ՌԴ–ն ի վիճակի էր «համոզելու» Ադրբեջանին։ Այժմ ՌԴ–ն պետք է խոսի Հայաստանի և Թուրքիայի հետ։ Ես չգիտեմ, թե որքանով է պատրաստ ռուսական իշխանությունը խոսելու Թուրքիայի ղեկավարության հետ»,–ասաց նա։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Վերջին տեղեկություններով` հակառակորդի կրակոցների հետևանքով զոհվել են 103 զինծառայողներ և 6 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 920 զոհ ունի։

«Մերոնք նրանց աչքը հանեցին». խոցված ԱԹՍ-ներ ու հրետանային հարվածներ. ռեպորտաժ առաջնագծից

Ըստ այս պահին հայտնի տեղեկությունների` Ադրբեջանը զրկվել է նաև 83 ԱԹՍ–ից, 7 ուղղաթիռից, 170 զրահատեխնիկայից, 1 ինքնաթիռից, «Սմերչից»։ Արցախում և Հայաստանում ռազմական դրություն և համատարած զորահավաք է հայտարարվել։

Ադրբեջանը դարձյալ օդ է բարձրացրել թուրքական F-16 կործանիչները. Հովհաննիսյան

Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։

Հայաստանը պատրաստ է բանակցությունների, բայց կա մեկ «բայց». Փաշինյան

516
թեգերը:
Ադրբեջան, Թուրքիա, Ռուսաստան, Արցախի նախագահ Արայիկ Հարությունյան, Ղարաբաղյան հակամարտություն, Լեռնային Ղարաբաղ, Արցախ
թեմա:
Ադրբեջանական ագրեսիա Արցախում. 2020
Ըստ թեմայի
Դիրքային շոշափելի փոփոխություններ առաջնագծում տեղի չեն ունեցել. Արայիկ Հարությունյան
Կանգնեցրեք Ալիևին և Էրդողանին. Մերկելի նստավայրի մոտ ակցիա է տեղի ունեցել
Երևանում հնդիկ ուսանողներն օգնություն են հավաքում և ուղարկում Արցախ. տեսանյութ
ՌԴ արտգործնախարարության շենքը

Օտարերկրյա վարձկաններն Արցախում սպառնալիք են տարածաշրջանի համար. ՌԴ-ն մտահոգված է

423
(Թարմացված է 21:40 30.09.2020)
ՌԴ-ն կոչ է անում շահագրգիռ պետություններին գործնական միջոցներ ձեռք առնել՝ տարածաշրջանից օտարերկրյա վարձկաններին ու ահաբեկիչներին անհապաղ դուրս բերելու համար։

ԵՐԵՎԱՆ, 30 սեպտեմբերի – Sputnik. Մոսկվան մտահոգված է ապօրինի զինված խմբավորումների գրոհայիններին ղարաբաղյան հակամարտության գոտի տեղափոխելու լուրերից, ասվում է ՌԴ ԱԳՆ Տեղեկատվության ու տպագրության դեպարտամենտի մեկնաբանության մեջ։

Նշվում է, որ ստացվող տեղեկությունների համաձայն, ղարաբաղյան հակամարտության գոտի են տեղափոխվում ապօրինի զինված խմբավորումների անդամներ մասնավորապես Սիրիայից, Լիբիայից՝ մարտական գործողություններին անմիջական մասնակցություն ունենալու համար։

«Խորապես մտահոգված ենք այդ գործընթացներով, որոնք ոչ միայն ավելի կավելացնեն ռազմական լարվածությունը հակամարտության գոտում, այլև երկարաժամկետ սպառնալիքներ կստեղծեն տարածաշրջանի բոլոր երկրների համար»,-նշվում է հաղորդագրության մեջ։

ՌԴ արտգործնախարարությունը կոչ է անում շահագրգիռ պետություններին գործնական միջոցներ ձեռք առնել՝ հակամարտության մեջ օտարերկրյա վարձկանների ու ահաբեկիչների օգտագործումը թույլ չտալու և տարածաշրջանից նրանց անհապաղ դուրս բերելու համար։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

ՀՀ ՊՆ–ն ներկայացրել է հակառակորդի վերջին կորուստները` 113 մահացած, 200 վիրավոր

Վերջին տեղեկություններով` հակառակորդի կրակոցների հետևանքով զոհվել են 80 զինծառայողներ և 6 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 920 զոհ ունի։

«Մերոնք նրանց աչքը հանեցին». խոցված ԱԹՍ-ներ ու հրետանային հարվածներ. ռեպորտաժ առաջնագծից

Ըստ այս պահին հայտնի տեղեկությունների` Ադրբեջանը զրկվել է նաև 83 ԱԹՍ–ից, 7 ուղղաթիռից, 166 զրահատեխնիկայից, 1 ինքնաթիռից, «Սմերչից»։ Արցախում և Հայաստանում ռազմական դրություն և համատարած զորահավաք է հայտարարվել։

Ադրբեջանը դարձյալ օդ է բարձրացրել թուրքական F-16 կործանիչները. Հովհաննիսյան

Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։

Հայաստանը պատրաստ է բանակցությունների, բայց կա մեկ «բայց». Փաշինյան

423
թեգերը:
Արցախ, գրոհային, հայ-ադրբեջանական, Ռուսաստան
թեմա:
Ադրբեջանական ագրեսիա Արցախում. 2020
Ըստ թեմայի
Մենք դա թույլ չենք տա. Մակրոնն անդրադարձել է Ղարաբաղի մասին Թուրքիայի ռազմատենչ կոչերին
Զոհերի թիվը ցնցող է. Գերմանիայի արտգործնախարարը` ղարաբաղյան էսկալացիայի մասին
Հայկական կողմը ադրբեջանական դիրք է գրավել. տեսանյութ

Ինչպես պետք է լուծել Ղարաբաղյան հակամարտությունը

0
0