Տյուլպան

Ռուսական զենք․ «Տյուլպանն» աշխարհի ամենահզոր ականանետն է

1616
(Թարմացված է 23:40 22.07.2020)
«Տյուլպանը» սպառազինության մեջ է ներառվել 40 տարի առաջ ու մինչև հիմա ռեկորդակիր է իր տրամաչափով ու մի շարք այլ բնութագրերով։

Ալեքսանդր Խրոլենկո, ռազմական վերլուծաբան

Ռուսական զորքերի մարտական պատրաստության հանկարծակի ստուգման ընթացքում Հարավային ռազմական օկրուգի հրետանավորները վերացրել են պայմանական հակառակորդին Հյուսիսային Օսեթիայի Տարսկոյե զորավարժարանում։ Զինծառայողներն իրենց գործն արել են մեծ հզորություն ունեցող ականանետների օգնությամբ՝ անօդաչու թռչող սարքերի թիրախավորմամբ։ «Տյուլպան» ինքնագնաց 240-մմ ականանետները, որոնք գտնվում են սովորական ու միջուկային սպառազինությունների հանգույցում, հայտնի են ամբողջ աշխարհի հրետանավորներին, ինչպես Էվերեստը` լեռնագնացներին։ Այսինքն՝ նմանը չունեն։

240-мм миномет 2С4 Тюльпан
© Sputnik / Сергей Мамонтов
Տյուլպան

ՌԴ պաշտպանության նախարարությունը հայտնում է, որ 58-րդ համազորային բանակի հրետանավորները հուլիսի 21-ին Կովկասյան լեռնաշղթայում զորավարժություններ ընթացքում վերացրել են պայմանական հակառակորդի դիրքերն ու ստորգետնյա զինապաշարը մեծ հզորություն ունեցող «Տյուլպան» 240-մմ ինքնագնաց ականանետներով։ Այդ զենքն այդքան էլ հաճախ չի կիրառվում մանևրների ընթացքում, բայց մարտական կիրառման արդյունավետությունը հավանական հակառակորդին շանս չի թողնում ո՛չ նեղ ձորերում, ո՛չ բետոնե բունկերներում։ Ի դեպ, ռուսական զորքերի զորավարժությունները որևէ երկրի հասցեագրված չէին։

Ռուսական նոր զենք. «Ստրելա» զրահամեքենան շարժվում է աննկարագրելի արագությամբ

Արդիականացումից հետո «Տյուլպանները» կառավարման ու կապի ժամանակակից միջոցներ են ստացել, որոնք թույլ են տալիս աշխատել Ցամաքային զորքերի կառավարման ավտոմատացված համակարգում ու մարտավարական օղակի հետախուզական ու կրակային հաղորդիչների փակ շղթայում։ Արդիականացված ականանետը դարձել է հեռահար դիպուկահար զենք, որը կարող է խոցել նույնիսկ ամենապաշտպանված թիրախները։ «Տյուլպանի» զինանոցում կան սովորական, երկու կիլոտոննա հզորությամբ ջերմամիջուկային ու այլ ականներ, որոնց կործանիչ ուժը կախված է ոչ միայն 240-մմ տրամաչափից։ Կիրառման բարձր ճշգրտությունը ապահովվում է նաև տեղում կրակի շտկման հնարավորությամբ․ դա արվում է արբանյակներից, ԱԹՍ-ներից, հեռավար ռադիոլոկացիոն հայտնաբերման ինքնաթիռներից ու հակառակորդի թիկունքում գտնվող հետախուզող դիվերսիոն խմբերի կողմից։ Կրակի ուղղման ու կառավարման ժամանակակից համակարգերը թույլ են տալիս հաշվի առնել և՛ սպառազինության բալիստիկ բնութագրերը, և՛ հրաձգության օդերևութաբանական պայմանները։

240-мм самоходный миномёт 2С4 Тюльпан
© Sputnik / Алексей Куденко
Տյուլպան

Աշխարհում միակ 240 մմ տրամաչափով «Տյուլպան» ականանետը նախատեսված է ամրաշինական շինությունները, կառույցները, կենդանի ուժի կուտակումները, հակառակորդի զենքն ու զինվորական տեխնիկան 9,6 –ից 19,7 կմ հեռավորության վրա ոչնչացնելու համար։ Այն սկսել են կիրառել 40 տարի առաջ, ու մինչև հիմա ռեկորդակիր է իր տրամաչափով ու մի շարք այլ բնութագրերով ։ Զենքը կարող է խոցել այնպիսի թիրախներ, որոնք չենք կարող խոցել հրետանու մյուս տեսակները (պակաս հզորությամբ)։ «Տյուլպանի» ականը ազատ անկման մեջ ծակում է տասներկու սանտիմետր ծածկույթով երկաթբետոնյա շինությունը։ Կոնստրուկտորական մտքի այդ գլուխգործոցը հողի վրա 10 մետր տրամագծով ու ավելի քան 5 մետր խորությամբ փոս է թողնում։ Ակամա պատկերացնում ես նման զենքի կիրառման հետևանքները։

«Արմատան» կարտահանվի․ ով առաջինը կստանա Տ-14 նորագույն ռուսական հզոր տանկը

Առաջին նմուշները դաշտային փորձարկումներ են անցել 1971 թվականին, որից հետո «Տյուլպան» 2С4 հրետանային համակարգն ընդգրկվել է սպառազինության մեջ։

Ընդհանուր առմամբ ավելի քան 580 «Տյուլպան» է թողարկվել, 1988 թվականին արտադրությունը դադարեցվել է։ Կարծում եմ՝ շատ ի զուր։ Այդ ականանետը XXI դարում լիովին ժամանակակից տեսք ունի, իսկ մարտի դաշտում այն պարզապես անփոխարինելի է։

Ինչ տեղի կունենա ջերմամիջուկային ռումբի հետ, եթե F-35-ի պոչի մասը թռիչքի սկզբում պոկվի

1616
թեգերը:
Զենք, Ռուսաստան
Ըստ թեմայի
Միայն Ռուսաստանը նման զենք ունի, բայց առանց լուրջ պատճառի երբեք չի գործարկի
Տեղում դոփելով․ ամերիկյան Patriot ՀՕՊ համալիրների հերթական ձախողումը
Մարտական համակարգերի «մարդասպանը». ՌԴ-ում 10 կմ հեռահարության թնդանոթներ են ստեղծել
Արայիկ Հարությունյան

Այս անգամ զինադադար հաստատելու համար Ռուսաստանը ստիպված է բանակցել Թուրքիայի հետ

670
(Թարմացված է 23:10 30.09.2020)
Ի տարբերություն 2016–ի Ապրիլյան պատերազմի, այս անգամ միջնորդները գործ ունեն ոչ թե Ադրբեջանի, այլ Թուրքիայի հետ։

ԵՐԵՎԱՆ, 30 սեպտեմբերի — Sputnik. Այս անգամ զինադադար հաստատելու համար Ռուսաստանը ստիպված կլինի բանակցել Թուրքիայի, ոչ թե Ադրբեջանի հետ։ Նման կարծիք այսօր հայտնեց Արցախի Հանրապետության նախագահ Արայիկ Հարությունյանը` պատասխանելով լրագրողներից մեկի հարցին, թե Քառօրյա պատերազմի օրերին Ռուսաստանը միջամտեց, և հրադադար կնքվեց` արդյոք այս անգամ կան նման ազդակներ։

«2016 թվականին Արցախը կռվում էր Ադրբեջանի դեմ, և ՌԴ–ն ի վիճակի էր «համոզելու» Ադրբեջանին։ Այժմ ՌԴ–ն պետք է խոսի Հայաստանի և Թուրքիայի հետ։ Ես չգիտեմ, թե որքանով է պատրաստ ռուսական իշխանությունը խոսելու Թուրքիայի ղեկավարության հետ»,–ասաց նա։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Վերջին տեղեկություններով` հակառակորդի կրակոցների հետևանքով զոհվել են 103 զինծառայողներ և 6 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 920 զոհ ունի։

«Մերոնք նրանց աչքը հանեցին». խոցված ԱԹՍ-ներ ու հրետանային հարվածներ. ռեպորտաժ առաջնագծից

Ըստ այս պահին հայտնի տեղեկությունների` Ադրբեջանը զրկվել է նաև 83 ԱԹՍ–ից, 7 ուղղաթիռից, 170 զրահատեխնիկայից, 1 ինքնաթիռից, «Սմերչից»։ Արցախում և Հայաստանում ռազմական դրություն և համատարած զորահավաք է հայտարարվել։

Ադրբեջանը դարձյալ օդ է բարձրացրել թուրքական F-16 կործանիչները. Հովհաննիսյան

Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։

Հայաստանը պատրաստ է բանակցությունների, բայց կա մեկ «բայց». Փաշինյան

670
թեգերը:
Ադրբեջան, Թուրքիա, Ռուսաստան, Արցախի նախագահ Արայիկ Հարությունյան, Ղարաբաղյան հակամարտություն, Լեռնային Ղարաբաղ, Արցախ
թեմա:
Ադրբեջանական ագրեսիա Արցախում. 2020
Ըստ թեմայի
Դիրքային շոշափելի փոփոխություններ առաջնագծում տեղի չեն ունեցել. Արայիկ Հարությունյան
Կանգնեցրեք Ալիևին և Էրդողանին. Մերկելի նստավայրի մոտ ակցիա է տեղի ունեցել
Երևանում հնդիկ ուսանողներն օգնություն են հավաքում և ուղարկում Արցախ. տեսանյութ
ՌԴ արտգործնախարարության շենքը

Օտարերկրյա վարձկաններն Արցախում սպառնալիք են տարածաշրջանի համար. ՌԴ-ն մտահոգված է

481
(Թարմացված է 21:40 30.09.2020)
ՌԴ-ն կոչ է անում շահագրգիռ պետություններին գործնական միջոցներ ձեռք առնել՝ տարածաշրջանից օտարերկրյա վարձկաններին ու ահաբեկիչներին անհապաղ դուրս բերելու համար։

ԵՐԵՎԱՆ, 30 սեպտեմբերի – Sputnik. Մոսկվան մտահոգված է ապօրինի զինված խմբավորումների գրոհայիններին ղարաբաղյան հակամարտության գոտի տեղափոխելու լուրերից, ասվում է ՌԴ ԱԳՆ Տեղեկատվության ու տպագրության դեպարտամենտի մեկնաբանության մեջ։

Նշվում է, որ ստացվող տեղեկությունների համաձայն, ղարաբաղյան հակամարտության գոտի են տեղափոխվում ապօրինի զինված խմբավորումների անդամներ մասնավորապես Սիրիայից, Լիբիայից՝ մարտական գործողություններին անմիջական մասնակցություն ունենալու համար։

«Խորապես մտահոգված ենք այդ գործընթացներով, որոնք ոչ միայն ավելի կավելացնեն ռազմական լարվածությունը հակամարտության գոտում, այլև երկարաժամկետ սպառնալիքներ կստեղծեն տարածաշրջանի բոլոր երկրների համար»,-նշվում է հաղորդագրության մեջ։

ՌԴ արտգործնախարարությունը կոչ է անում շահագրգիռ պետություններին գործնական միջոցներ ձեռք առնել՝ հակամարտության մեջ օտարերկրյա վարձկանների ու ահաբեկիչների օգտագործումը թույլ չտալու և տարածաշրջանից նրանց անհապաղ դուրս բերելու համար։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

ՀՀ ՊՆ–ն ներկայացրել է հակառակորդի վերջին կորուստները` 113 մահացած, 200 վիրավոր

Վերջին տեղեկություններով` հակառակորդի կրակոցների հետևանքով զոհվել են 80 զինծառայողներ և 6 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 920 զոհ ունի։

«Մերոնք նրանց աչքը հանեցին». խոցված ԱԹՍ-ներ ու հրետանային հարվածներ. ռեպորտաժ առաջնագծից

Ըստ այս պահին հայտնի տեղեկությունների` Ադրբեջանը զրկվել է նաև 83 ԱԹՍ–ից, 7 ուղղաթիռից, 166 զրահատեխնիկայից, 1 ինքնաթիռից, «Սմերչից»։ Արցախում և Հայաստանում ռազմական դրություն և համատարած զորահավաք է հայտարարվել։

Ադրբեջանը դարձյալ օդ է բարձրացրել թուրքական F-16 կործանիչները. Հովհաննիսյան

Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։

Հայաստանը պատրաստ է բանակցությունների, բայց կա մեկ «բայց». Փաշինյան

481
թեգերը:
Արցախ, գրոհային, հայ-ադրբեջանական, Ռուսաստան
թեմա:
Ադրբեջանական ագրեսիա Արցախում. 2020
Ըստ թեմայի
Մենք դա թույլ չենք տա. Մակրոնն անդրադարձել է Ղարաբաղի մասին Թուրքիայի ռազմատենչ կոչերին
Զոհերի թիվը ցնցող է. Գերմանիայի արտգործնախարարը` ղարաբաղյան էսկալացիայի մասին
Հայկական կողմը ադրբեջանական դիրք է գրավել. տեսանյութ
Արխիվային լուսանկար. Արցախ, սեպտեմբերի 27

Ստեփանակերտը գնդակոծվում է, հրետակոծության ձայներ են լսվում

0
(Թարմացված է 12:24 01.10.2020)
Ամենայն հավանականությամբ՝ հարվածի տակ են հայտնվել Ստեփանակերտի արվարձանները։

ԵՐԵՎԱՆ, 1 հոկտեմբերի - Sputnik. Այս պահին Արցախի մայյրաքաղաք Ստեփանակերտը հրետակոծության է ենթարկվում։

«5-7 րոպե առաջ Ստեփանակերտում հրետակոծության ձայներ էին լսվում»,-տեղեկացնում է Sputnik Արմենիայի թղթակիցը, ով այդ պահին քաղաքի կենտրոնում էր։

Ամենայն հավանականությամբ՝ հարվածի տակ են հայտնվել Ստեփանակերտի արվարձանները։

Շչակի ձայն չի եղել, դա նշանակում է, որ քաղաքի վրա ԱԹՍ-ներ չեն հարձակվել։

Հավանական է, որ դա հրետակոծություն է եղել։

Փորձում ենք ստանալ Արցախի ՊԲ մեկնաբանությունը։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Վերջին տեղեկություններով` հակառակորդի կրակոցների հետևանքով զոհվել են 103 զինծառայողներ և 6 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 920 զոհ ունի։

«Մերոնք նրանց աչքը հանեցին». խոցված ԱԹՍ-ներ ու հրետանային հարվածներ. ռեպորտաժ առաջնագծից

Ըստ այս պահին հայտնի տեղեկությունների` Ադրբեջանը զրկվել է նաև 84 ԱԹՍ–ից, 7 ուղղաթիռից, 170 զրահատեխնիկայից, 1 ինքնաթիռից, «Սմերչից»։ Արցախում և Հայաստանում ռազմական դրություն և համատարած զորահավաք է հայտարարվել։

Խաթարված մանկությունն ու աչքերի լույսը․ Արցախի երեխաների տպավորիչ ֆոտոշարքը

Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։

Հայաստանը պատրաստ է բանակցությունների, բայց կա մեկ «բայց». Փաշինյան

0
թեգերը:
հրետակոծություն, Արցախ, Ստեփանակերտ
թեմա:
Ադրբեջանական ագրեսիա Արցախում. 2020
Ըստ թեմայի
ԱԹՍ-ն խոցվել է Ասկերանի բնակելի թաղամասի հարևանությամբ. նոր լուսանկարներ
Հայկական կողմը Լելե–Թեփեում ադրբեջանական ուղղաթիռ է խոցել, որն ընկել է Իրանի տարածքում
Մարտերը նորից թեժացել են. Արծրուն Հովհաննիսյանը` Ադրբեջանի կորուստների մասին