Պատվաստանյութի փորձանմուշներ. արխիվային լուսանկար

«Պատվաստանյութային ազգայնականություն». ինչո՞ւ է Արևմուտքն անհանգիստ շարժումներ անում

56
(Թարմացված է 18:12 22.07.2020)
Համավարակով պայմանավորված իրավիճակը ստիպեց Ռուսաստանին արագացնել պատվաստանյութի ստեղծման աշխատանքները` շրջանցելով առկա գործընթացները, սակայն այստեղ էլ բախվեց Արևմուտքի բավական հակասական արձագանքին։ Ինչն այնպես չէ` փորձել է պարզել ՌԻԱ Նովոստիի լրագրող Իրինա Ալկսնիսը։

ԵՐԵՎԱՆ, 22 հուլիսի - Sputnik. ՌԴ պաշտպանության նախարարի առաջին տեղակալ Ռուսլան Ցալիկովը հայտնել է, որ COVID-19–ի դեմ հայրենական պատվաստանյութը պատրաստ է. կլինիկական փորձարկումների արդյունքները ցույց են տվել, որ մասնակցած բոլոր կամավորների մոտ իմունային պատասխան է ձևավորվում։ Թեև, Սեչենովի անվան համալսարանի դեղամիջոցների կլինիկական ուսումնասիրման կենտրոնում պարզաբանել են, որ դեռ դեղորայքի թեստավորման հաջորդ փուլ պետք է լինի, որը կստուգի նրա արդյունավետությունը։

Ռուսաստանում, ընդհանուր առմամբ, COVID-19–ի դեմ շուրջ 50 պատվաստանյութի մշակում է իրականացվում 14 հարթակներում։ Այդ գործընթացում առաջատար են համարվում Գամալեայի համաճարակաբանության և միկրոկենսաբանության ազգային գիտահետազոտական կենտրոնը, Ռոսպոտրեբնադզորի «Վեկտոր» կենտրոնն ու Կենսաբժշկական դաշնային գործակալության պատվաստանյութերի և շիճուկների ինստիտուտը։

Կորոնավիրուսի դեմ առաջին հայրենական պատվաստանյութը, առողջապահության նախարար Միխայիլ Մուրաշկոյի խոսքով, նախատեսվում է գրանցել օգոստոսին։

Դա շատ արագ է։

Սովորական իրավիճակում պատվաստանյութի, ինչպես նաև ցանկացած այլ դեղամիջոցի ստեղծումը տարիներ է պահանջում։ Ուսումնասիրությունների առկա ընթացակարգերը բավական խիստ են, քանի որ արտադրանքը պետք է ապացուցի ինչպես իր արդյունավետությունը, այնպես էլ անվտանգությունը մարդու առողջության համար։

Արևմուտքն արգելել է օգնության խնդրանքով դիմել Ռուսաստանին. Լավրով

Սակայն կորոնավիրուսի նետած մարտահրավերը ստիպեց վերանայել ընդունված ընթացակարգերը դրանք արագացնելու ուղղությամբ։ Այնպես որ, դեռ ապրիլին բրիտանացի գիտնականները հայտարարեցին, որ իրենք նպատակ են դրել դեղամիջոցը ստանալ մինչև սեպտեմբեր։

Պատվաստանյութի ստեղծման համար իսկապես հսկայական ուժեր և միջոցներ են ուղղված։ Մասնավորապես, Դոնալդ Թրամփի վարչակազմն ավելի քան 2 մլրդ դոլար է հատկացրել ինչպես ամերիկյան, այնպես էլ եվրոպական դեղագործական ընկերություններին։ Նման շռայլ ֆինանսավորման պայմանը, բնականաբար, ԱՄՆ–ի օգտին աշխատանքներ տանելն է։

Փաստորեն, աշխարհում կորոնավիրուսի դեմ պատվաստանյութի ստեղծմանն ուղղված մրցավազք է սկսվել, ընդ որում, այն ինչպես ֆինանսական, այնպես էլ քաղաքական բաղկացուցիչ ունի։

Ֆինանսական առումով ամեն ինչ պարզ է. ով առաջինը համաշխարհային շուկայում սկսի վաճառել պատվաստանյութը, նա բոլորից շատ գումար կվաստակի։ Այդ է պատճառը, որ առկա ուսումնասիրություններում ակտիվ ներգրավվածություն ունեն ոչ միայն պետական և ակադեմիական կառույցները, այլև դեղագործական ընկերությունները. նրանց համար դա պոտենցիալ «ոսկու» աղբյուր է։

Արևմուտքը տեղեկատվական նոր պատերազմ է սկսել Ռուսաստանի դեմ. տեսանյութ

Քաղաքականության, իսկ ավելի ճիշտ` մեծ քաղաքականության առումով ամեն ինչ շատ ավելի բարդ է։ Հարցն այն է, որ պատվաստանյութի ստեղծման ներկայիս պատմությունը դիտարկվում է որպես տերության զարգացվածության և նրա հնարավորությունների ցուցանիշ։ Դեղամիջոցի ստեղծման (այն էլ արագացված տեմպերով) համար միայն գումար հատկացնելը բավարար չէ։ Անհրաժեշտ են արդեն իսկ գոյություն ունեցող ակադեմիական կենտրոններ և գիտական կադրեր, ընդ որում, համապատասխան պրոֆեսիոնալ մակարդակի։ Անհրաժեշտ են նաև կառույցներ, որոնք կարող են առավելագույնս արդյունավետ կազմակերպել գործընթացը և օպերատիվ կերպով լուծել առաջացող խնդիրները։

Այս մոտեցման մեջ իսկապես որոշակի ճշմարտություն կա։ Սակայն վերջին շաբաթների ընթացքում այն Արևմուտքում Ռուսաստանի հանդեպ բավական անսպասելի շրջադարձ ունեցավ։

Ամենասկզբում պատվաստանյութի մշակման առաջատար երկրներ սկսեցին համարվել երեքը` ԱՄՆ–ն, Մեծ Բրիտանիան և Չինաստանը, որոնք բոլորից շուտ էին սկսել աշխատանքները։

Ռուսաստանի հանդեպ, կարելի է ասել, ավելի շուտ հանդուրժողական ինտոնացիա էր հնչում. իբր ռուսները ինչ–որ բան իհարկե անում են, սակայն հույս դնել, թե նրանք կկարողանան մրցել այդ ոլորտում ամենազարգացած երկրների հետ, իրատեսական չէ։

Իսկ The Wall Street Journal–ն ընդհանրապես հայրենական մոտեցումն անվանեց «պատվաստանյութային ազգայնականություն»։ Այդ արտահայտությունը նշանակում էր, որ մեր երկիրը դեղամիջոցի մշակման հարցում խաղադրույք է կատարել բացառապես սեփական ռեսուրսների վրա և նույնիսկ հանդգնել է հայտարարել, որ իր առաջնահերթությունների ցանկում սկզբում ռուսաստանցիներին պատվաստելն է, նոր միայն այլ խնդիրներին լուծում տալը։

Ովքեր են օգնում Պուտինին «կործանել Արևմուտքը». արևմտյան փորձագետներն անուններ են նշել

Հարցը` «ի՞նչ վատ բան կա այստեղ», առանձին մեկնաբանությունների կարիք ունի։ Խնդիրը տարրական երկերեսանիության մեջ է։ Բնականաբար, ցանկացած պետություն առաջնահերթ է համարում սեփական ժողովրդի, նոր միայն մարդկության մնացած հատվածի շահերը։ Սակայն ինչպես երևում է` այդ մասին ուղիղ և բաց խոսելը չի ողջունվում, դրա համար էլ Ռուսաստանը պիտակավորվեց այդ հողի վրա։

Ինչևէ, վերջին ամսվա ընթացքում արևմտյան դիրքորոշման մեջ լուրջ փոփոխություններ տեղի ունեցան` կապված COVID-19–ի դեմ պատվաստանյութի ստեղծման հայրենական ջանքերի հետ, և աշխարհը տեղեկացավ «Կրեմլի հերթական հանցագործությունների» մասին։

Սկզբում Ռուսաստանին մեղադրեցին հաքերների օգնությամբ երեք երկրներից (Մեծ Բրիտանիա, ԱՄՆ և Չինաստան) իրենց մշակումների մասին տեղեկատվությունը գողանալու փորձի մեջ։ Իսկ երեկ ընդհանրապես մի զարմանալի բան տեղի ունեցավ. Bloomberg գործակալությունը հայտնեց, որ Մոսկվան իր տիրապետության տակ դեռ ապրիլից ուներ փորձառական պատվաստանյութ, սակայն այն ստանում են գաղտնի, բացառապես ռուսաստանյան էլիտայի ներկայացուցիչները։

Եթե փորձենք այս մեղադրանքներում խելամիտ տարր գտնել, ապա ամենապարզունակ բացատրությունը կլինի Արևմուտքի մտավախությունը կապված նրա հետ, որ Ռուսաստանին կրկին հաջողվեց անել այն, ինչն անհնար էր համարվում. համալրել կորոնավիրուսի դեմ պատվաստանյութի ստեղծման առաջատար երկրների խումբը։

Զելենսկին Արևմուտքին կոչ է արել չհանել Ռուսաստանի դեմ պատժամիջոցները

Չինաստանը բանակում օգտագործելու համար դեռ հունիսի վերջին էր հավանության արժանացրել իր փորձառական պատվաստանյութերից մեկը։ Այժմ Ռուսաստանն է հայտարարում լավատեսություն ներշնչող արդյունքների մասին։

Իսկ ահա Արևմուտքի հաջողություններն այդքան էլ ակներև չեն։

ԶԼՄ–ների փոխանցմամբ` ԱՄՆ դեղագործական ընկերությունները նախատեսում են պատվաստանյութի արտադրությունը սկսել ամռան վերջին։ Միայն թե այս հաղորդումների ավելի ազդեցիկ լինելու համար պակասում են պաշտոնական կարգավիճակն ու տեղի ունեցողի մանրամասները։

Ինչ վերաբերում է բրիտանացիներին, նրանք ևս երեկ են հաշվետվություն ներկայացրել օքսֆորդյան պատվաստանյութի վերաբերյալ ընթացող աշխատանքների հերթական արդյունքների մասին և դատելով պաշտոնական հռետորաբանությունից, դրանք այնքան էլ դրական չեն, որքան ցանկալի էր, որ լինեին։ Կորոնավիրուսի պատվաստման գծով պետական աշխատանքային խմբի նախագահ Քեյթ Բինգեմը կոչ է արել մեծ հույսեր չտածել։

«Փաստն այն է, որ մենք գուցե երբեք էլ չստանանք պատվաստանյութը, իսկ եթե նույնիսկ ստանանք, այն կարող է լինել ոչ այնպիսին, որը կանխում է վարակը, այլ այնպիսին, որը նվազեցնում է ախտանշանների սուր արտահայտումը», – ասել է նա։

Ռուսական պատվաստանյութն անվտանգ է, բայց դեռ վաղ է տոնել վարակի դեմ հաղթանակը. տեսանյութ

Չարախնդալն այստեղ տեղին չէ։ Խոսքը մարդկության շահերի մասին է, իսկ կենսական կարևորություն ունեցող աշխատանքի ձախողման և գիտնականների հավանական անհաջողությունների համար ուրախանալն ընդհանրապես անելու բան չէ։

Միայն թե լավ կլիներ, որ այդ մասին հիշեր նաև Արևմուտքը։

56
թեգերը:
կորոնավիրուս, Արևմուտք, Ռուսաստան, պատվաստանյութ
Ըստ թեմայի
Ռուսական պատվաստանյութը հետաքրքրել է ԱՀԿ-ին
Ելքը գտնվե՞լ է․ COVID-19-ի դեմ ռուսական պատվաստանյութը նպաստում է իմունիտետի ձևավորմանը
COVID-19-ի պատվաստանյութը Ռուսաստանում աշնանը կլինի, բայց սահմանափակ խմբաքանակով
Արայիկ Հարությունյան

Այս անգամ զինադադար հաստատելու համար Ռուսաստանը ստիպված է բանակցել Թուրքիայի հետ

647
(Թարմացված է 23:10 30.09.2020)
Ի տարբերություն 2016–ի Ապրիլյան պատերազմի, այս անգամ միջնորդները գործ ունեն ոչ թե Ադրբեջանի, այլ Թուրքիայի հետ։

ԵՐԵՎԱՆ, 30 սեպտեմբերի — Sputnik. Այս անգամ զինադադար հաստատելու համար Ռուսաստանը ստիպված կլինի բանակցել Թուրքիայի, ոչ թե Ադրբեջանի հետ։ Նման կարծիք այսօր հայտնեց Արցախի Հանրապետության նախագահ Արայիկ Հարությունյանը` պատասխանելով լրագրողներից մեկի հարցին, թե Քառօրյա պատերազմի օրերին Ռուսաստանը միջամտեց, և հրադադար կնքվեց` արդյոք այս անգամ կան նման ազդակներ։

«2016 թվականին Արցախը կռվում էր Ադրբեջանի դեմ, և ՌԴ–ն ի վիճակի էր «համոզելու» Ադրբեջանին։ Այժմ ՌԴ–ն պետք է խոսի Հայաստանի և Թուրքիայի հետ։ Ես չգիտեմ, թե որքանով է պատրաստ ռուսական իշխանությունը խոսելու Թուրքիայի ղեկավարության հետ»,–ասաց նա։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Վերջին տեղեկություններով` հակառակորդի կրակոցների հետևանքով զոհվել են 103 զինծառայողներ և 6 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 920 զոհ ունի։

«Մերոնք նրանց աչքը հանեցին». խոցված ԱԹՍ-ներ ու հրետանային հարվածներ. ռեպորտաժ առաջնագծից

Ըստ այս պահին հայտնի տեղեկությունների` Ադրբեջանը զրկվել է նաև 83 ԱԹՍ–ից, 7 ուղղաթիռից, 170 զրահատեխնիկայից, 1 ինքնաթիռից, «Սմերչից»։ Արցախում և Հայաստանում ռազմական դրություն և համատարած զորահավաք է հայտարարվել։

Ադրբեջանը դարձյալ օդ է բարձրացրել թուրքական F-16 կործանիչները. Հովհաննիսյան

Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։

Հայաստանը պատրաստ է բանակցությունների, բայց կա մեկ «բայց». Փաշինյան

647
թեգերը:
Ադրբեջան, Թուրքիա, Ռուսաստան, Արցախի նախագահ Արայիկ Հարությունյան, Ղարաբաղյան հակամարտություն, Լեռնային Ղարաբաղ, Արցախ
թեմա:
Ադրբեջանական ագրեսիա Արցախում. 2020
Ըստ թեմայի
Դիրքային շոշափելի փոփոխություններ առաջնագծում տեղի չեն ունեցել. Արայիկ Հարությունյան
Կանգնեցրեք Ալիևին և Էրդողանին. Մերկելի նստավայրի մոտ ակցիա է տեղի ունեցել
Երևանում հնդիկ ուսանողներն օգնություն են հավաքում և ուղարկում Արցախ. տեսանյութ
ՌԴ արտգործնախարարության շենքը

Օտարերկրյա վարձկաններն Արցախում սպառնալիք են տարածաշրջանի համար. ՌԴ-ն մտահոգված է

461
(Թարմացված է 21:40 30.09.2020)
ՌԴ-ն կոչ է անում շահագրգիռ պետություններին գործնական միջոցներ ձեռք առնել՝ տարածաշրջանից օտարերկրյա վարձկաններին ու ահաբեկիչներին անհապաղ դուրս բերելու համար։

ԵՐԵՎԱՆ, 30 սեպտեմբերի – Sputnik. Մոսկվան մտահոգված է ապօրինի զինված խմբավորումների գրոհայիններին ղարաբաղյան հակամարտության գոտի տեղափոխելու լուրերից, ասվում է ՌԴ ԱԳՆ Տեղեկատվության ու տպագրության դեպարտամենտի մեկնաբանության մեջ։

Նշվում է, որ ստացվող տեղեկությունների համաձայն, ղարաբաղյան հակամարտության գոտի են տեղափոխվում ապօրինի զինված խմբավորումների անդամներ մասնավորապես Սիրիայից, Լիբիայից՝ մարտական գործողություններին անմիջական մասնակցություն ունենալու համար։

«Խորապես մտահոգված ենք այդ գործընթացներով, որոնք ոչ միայն ավելի կավելացնեն ռազմական լարվածությունը հակամարտության գոտում, այլև երկարաժամկետ սպառնալիքներ կստեղծեն տարածաշրջանի բոլոր երկրների համար»,-նշվում է հաղորդագրության մեջ։

ՌԴ արտգործնախարարությունը կոչ է անում շահագրգիռ պետություններին գործնական միջոցներ ձեռք առնել՝ հակամարտության մեջ օտարերկրյա վարձկանների ու ահաբեկիչների օգտագործումը թույլ չտալու և տարածաշրջանից նրանց անհապաղ դուրս բերելու համար։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

ՀՀ ՊՆ–ն ներկայացրել է հակառակորդի վերջին կորուստները` 113 մահացած, 200 վիրավոր

Վերջին տեղեկություններով` հակառակորդի կրակոցների հետևանքով զոհվել են 80 զինծառայողներ և 6 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 920 զոհ ունի։

«Մերոնք նրանց աչքը հանեցին». խոցված ԱԹՍ-ներ ու հրետանային հարվածներ. ռեպորտաժ առաջնագծից

Ըստ այս պահին հայտնի տեղեկությունների` Ադրբեջանը զրկվել է նաև 83 ԱԹՍ–ից, 7 ուղղաթիռից, 166 զրահատեխնիկայից, 1 ինքնաթիռից, «Սմերչից»։ Արցախում և Հայաստանում ռազմական դրություն և համատարած զորահավաք է հայտարարվել։

Ադրբեջանը դարձյալ օդ է բարձրացրել թուրքական F-16 կործանիչները. Հովհաննիսյան

Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։

Հայաստանը պատրաստ է բանակցությունների, բայց կա մեկ «բայց». Փաշինյան

461
թեգերը:
Արցախ, գրոհային, հայ-ադրբեջանական, Ռուսաստան
թեմա:
Ադրբեջանական ագրեսիա Արցախում. 2020
Ըստ թեմայի
Մենք դա թույլ չենք տա. Մակրոնն անդրադարձել է Ղարաբաղի մասին Թուրքիայի ռազմատենչ կոչերին
Զոհերի թիվը ցնցող է. Գերմանիայի արտգործնախարարը` ղարաբաղյան էսկալացիայի մասին
Հայկական կողմը ադրբեջանական դիրք է գրավել. տեսանյութ
Մարտակերտ

Մարտակերտը Ադրբեջանի անհաջողության վկայությունն է. Արցախի ՊՆ մամուլի խոսնակ

0
(Թարմացված է 10:35 01.10.2020)
Արցախի պաշտպանության նախարարի խոսնակը վստահեցնում է, որ հակառակորդն անզոր չարությունից է ռմբահարում հայկական բնակավայրերը։

ԵՐԵՎԱՆ, 1 հոկտեմբերի – Sputnik. Արցախի Հանրապետության ՊՆ մամուլի խոսնակ Սուրեն Սարումյանն այսօր Ստեփանակերտում կազմակերպված ճեպազրույցի ժամանակ հայտնեց, որ արցախյան ռազմաճակատում իրավիճակը հարաբերական կայուն է, բայց լարված:

«Մենք պարտավոր են հաշվի առնել իրադարձությունների զարգացման բոլոր սցենարներն ու պատրաստ լինել ցանկացած զարգացման»,- ասաց նա:

Մարտակերտում հակառակորդի երեկվա հրետակոծությունը Սարումյանը որակեց իբրև մարտի դաշտում ունեցած անհաջողության վկայություն:

«Երբ նա մարտի դաշտում ունենում է անհաջողություն, իսկ մենք գիտենք, որ Մարտակերտի գրավման մասին լուրը բացարձակ ապատեղեկատվություն է եղել, այնտեղ անգամ մի սանտիմետր նրանց չի հաջողվել առաջ գնալ, այդ անհաջողության, այսպես ասած, անզոր չարությունից, սկսել է ռմբահարել ռազմական նշանակություն չունեցող թիրախները, այդ թվում՝ Մարտակերտ քաղաքը»,- ասաց Սարումյանը:

Հիշեցնենք՝ սեպտեմբերի 30-ին թշնամին ավիառումբերով հարվածներ էր հասցրել Մարտակերտին, երեք մարդ էր զոհվել։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Վերջին տեղեկություններով` հակառակորդի կրակոցների հետևանքով զոհվել են 103 զինծառայողներ և 6 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 920 զոհ ունի։

«Մերոնք նրանց աչքը հանեցին». խոցված ԱԹՍ-ներ ու հրետանային հարվածներ. ռեպորտաժ առաջնագծից

Ըստ այս պահին հայտնի տեղեկությունների` Ադրբեջանը զրկվել է նաև 84 ԱԹՍ–ից, 7 ուղղաթիռից, 170 զրահատեխնիկայից, 1 ինքնաթիռից, «Սմերչից»։ Արցախում և Հայաստանում ռազմական դրություն և համատարած զորահավաք է հայտարարվել։

Խաթարված մանկությունն ու աչքերի լույսը․ Արցախի երեխաների տպավորիչ ֆոտոշարքը

Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։

Հայաստանը պատրաստ է բանակցությունների, բայց կա մեկ «բայց». Փաշինյան

0
թեգերը:
Մարտակերտ, Ադրբեջան, Արցախ
թեմա:
Ադրբեջանական ագրեսիա Արցախում. 2020
Ըստ թեմայի
Բողոքի ակցիա ԱՄՆ-ում. հայ համայնքը պահանջում է դատապարտել Ադրբեջանին ու Թուրքիային
Վերջապես մեր դիվանագիտությունը խոշոր հաղթանակ տարավ. Փաշինյան
Արցախ են մեկնել նաև «Կարմիր բերետներ-5165» կամավորական ջոկատի տղաները. տեսանյութ