«Ստրելա»

Ռուսական նոր զենք. «Ստրելա» զրահամեքենան շարժվում է աննկարագրելի արագությամբ

1971
(Թարմացված է 09:48 17.07.2020)
«Ստրելա» թեթև զրահամեքենան ՌԴ-ում նմանը չունի։ Այն արդեն փորձարկվել է Սիրիայում ու ապացուցել իր առավելությունները։

Ալեքսանդր Խրոլենկո, ռազմական վերլուծաբան

Ռուսական բանակի նորագույն զրահամեքենաների եզակի շարքը համալրվել է սրընթաց «Ստրելայով», որը զրահամեքենաների համար անհավանական արագություն է հավաքում՝ ավելի քան 155 կիլոմետր/ժամ։ Բայց դա միակ առավելությունը չէ, որը թույլ կտա ամրապնդել ՌԴ-ի ու երկրի դաշնակիցների պաշտպանունակությունը և ապահովել ռուսական զենքի գերակայությունը ժամանակակից ռազմական հակամարտություններում։

«Ռազմաարդյունաբերական ընկերություն» (ՌԱԸ) մշակող ձեռնարկության գլխավոր տնօրեն Ալեքսանդր Կրասովիցկին ՌԻԱ Նովոստիի հետ զրույցում ասել է, որ «Ստրելա» թեթև զրահամեքենան ՌԴ-ում նմանը չունի։ Հակաականային պաշտպանությունը երաշխավորում է անձնակազմի կյանքի ապահովությունը, եթե մեքենայի տակ ական կամ պայթուցիկ նյութ պայթի (տրոտիլային համարժեքով մինչև երկու կիլոգրամ հզորության)։ Մեքենայի քաշը 4,7 տոննա է։ Համեմատության համար՝ «Տիգր» զրահամեքենան երկու անգամ ծանր է ու տրոտիլային համարժեքով ընդամենը մինչև 600 գրամ հզորության պայթյունի է դիմանում։

Առանց պաթոսի. ռազմական ոլորտում Հայաստանի և Ռուսաստանի բարեկամության մասին խոսում են թվերը

«Ստրելան» պաշտպանված է ժամանակակից զրահով ու կորպուսի երկրաչափությամբ։ Հիմա ընդունված է ներսում տեղադրել նստարաններ, որոնք հավասարակշռում են պայթյունի ալիքի հարվածը։ Սիրիայում ռուսական նորագույն զրահամեքենաների կիրառումը ցուցադրել է նոր տեսակի կառուցվածքի ապահովությունը․ պայթյունները մարդկանց մահվան չեն հանգեցրել։

Легкий скоростной бронеавтомобиль  Стрела
Пресс-служба ВПК
«Ստրելա»

«Ստրելա» թեթև զրահամեքենան նախատեսված է հատուկ ստորաբաժանումների օպերատիվ ծառայողական գործունեությունն ապահովելու, բալիստիկ պաշտպանության բարձր մակարդակի ապահովմամբ մարդկանց ու տարատեսակ բեռների տեղափոխման համար։ Ներսում տեղավորվում է մինչև ութ մարդ, այդ թվում՝ վարորդը։ Մարտական մեքենան պատրաստված է բացառապես ռուսական պահեստամասերից։

Զինծառայողները հաստատ կհավանեն սրընթաց «Ստրելան», քանի որ շարժունակությունը ստորաբաժանումների մարտական կայունության հիմքն է։ Եթե զրահամեքենան մայրուղու վրա մինչև 155 կմ/ժ արագություն է հավաքում, ապա բարդ տեղանքում` առնվազն 80 կմ/ժ։ Մեքենայի հիմքում դրված հանգույցներն ու ագրեգատները կարող են օգտագործվել քաղաքացիական մեքենաշինության զանգվածային արտադրության մեջ, ու այդ ժամանակ Ռուսաստանում կարող է հայտնվել աշխարհի ամենահզոր քրոսովերը, որի մասին երազում են երկրաբանները, արշավականներն ու ձկնորսները։

Հատուկ նշանակության բոլիդներ

Ակնհայտ է, որ մարտադաշտում տարատեսակ զրահամեքենաների կարիք կա։ Տարբեր դասերի ու հնարավորությունների մեքենաները թույլ կտան, որ զորքը լուծի իր առջև դրված խնդիրները, ոսկերչական ճշգրտությամբ կառավարի իրավիճակը, ճնշի հակառակորդին կրակային հզորությամբ ու մանևրներով։ Պատահական չէ որ սպառազինության միջազգային շուկան լի է Stryker (ԱՄՆ), LAV (Կանադա), VBCI (Ֆրանսիա), Boxer (Գերմանիա - Հոլանդիա), Pandur (Ավստրիա), Pars (Թուրքիա) զրահափոխադրիչներով, այդ ոլորտում տարեկան միլիարդավոր դոլարներ են պտտվում, և ռուսական ռազմաարդյունաբերական համալիրն արդեն տասնյակ տարիներ առաջատար դիրքում է։ Միայն 2010-2017 թվականներին 1,48 միլիարդ դոլարի 1206 ռուսական մեքենա է վաճառվել։ Նորագույն զրահամեքենաներն էլ ավելի կամրապնդեն ռուսական ՌԱՀ-ի դիրքերը։

«Ռազմաարդյունաբերական ընկերությունը» (ՌԱԸ) անվային զրահատեխնիկայի խոշորագույն մշակող ու արտադրող է։ Այն զրահամեքենաներ է մատակարարում ՌԴ ցամաքային զորքերին ու ավելի քան 40 երկրի բանակներին։ Ընկերության ամենահայտնի նախագծերից են «Տիգր» զրահամեքենաներն ու «Բումերանգ» հեռանկարային հարթակը։ Ամբողջ արտադրանքը ստուգվում է խիստ մարտական պայմաններում (այդ թվում՝ Սիրիայում) ու երաշխիքային սպասարկում ունի համաձայնեցված ժամկետի շրջանակում։

100 միլիոնանոց պարադոքս․ ինչու է F-35-ի պոչը պոկվում գերձայնային արագության ժամանակ

Նշենք, որ ռուսաստանցի զինագործները միշտ էլ համարվել են թրթուրավոր զրահատեխնիկայի առաջատարները, սակայն ՌԱԸ-ն երկար ժամանակ մասնագիտացվել է միայն անվային տեխնիկայի արտադրության վրա։ Նման լուրջ ու հաջողակ «ընտանիքում» ձախողակներ չեն ծնվում, ու «Ստրելա» թեթև զրահամեքենային մեծ ապագա է սպասում զորքերում, մարտի դաշտում ու զենքի միջազգային շուկայում։

Միայն Ռուսաստանը նման զենք ունի, բայց առանց լուրջ պատճառի երբեք չի գործարկի

1971
թեգերը:
Զենք, ավտոմեքենա, Ռուսաստան
Ըստ թեմայի
«Սա դեպի աշխարհի վերջ տանող քայլ է». ինչ կլինի, եթե ԱՄՆ–ն դուրս գա ՌՀՍ-3 պայմանագրից
Հայաստանը լրացուցիչ զենք կուզի՞ Ռուսաստանից. պատասխանում է դեսպան Տողանյանը
Ի՞նչ է ակնկալում Հայաստանը Ադրբեջանի ղեկավարությունից. Զոհրաբ Մնացականյանի հարցազրույցը
Արայիկ Հարությունյան

Այս անգամ զինադադար հաստատելու համար Ռուսաստանը ստիպված է բանակցել Թուրքիայի հետ

664
(Թարմացված է 23:10 30.09.2020)
Ի տարբերություն 2016–ի Ապրիլյան պատերազմի, այս անգամ միջնորդները գործ ունեն ոչ թե Ադրբեջանի, այլ Թուրքիայի հետ։

ԵՐԵՎԱՆ, 30 սեպտեմբերի — Sputnik. Այս անգամ զինադադար հաստատելու համար Ռուսաստանը ստիպված կլինի բանակցել Թուրքիայի, ոչ թե Ադրբեջանի հետ։ Նման կարծիք այսօր հայտնեց Արցախի Հանրապետության նախագահ Արայիկ Հարությունյանը` պատասխանելով լրագրողներից մեկի հարցին, թե Քառօրյա պատերազմի օրերին Ռուսաստանը միջամտեց, և հրադադար կնքվեց` արդյոք այս անգամ կան նման ազդակներ։

«2016 թվականին Արցախը կռվում էր Ադրբեջանի դեմ, և ՌԴ–ն ի վիճակի էր «համոզելու» Ադրբեջանին։ Այժմ ՌԴ–ն պետք է խոսի Հայաստանի և Թուրքիայի հետ։ Ես չգիտեմ, թե որքանով է պատրաստ ռուսական իշխանությունը խոսելու Թուրքիայի ղեկավարության հետ»,–ասաց նա։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Վերջին տեղեկություններով` հակառակորդի կրակոցների հետևանքով զոհվել են 103 զինծառայողներ և 6 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 920 զոհ ունի։

«Մերոնք նրանց աչքը հանեցին». խոցված ԱԹՍ-ներ ու հրետանային հարվածներ. ռեպորտաժ առաջնագծից

Ըստ այս պահին հայտնի տեղեկությունների` Ադրբեջանը զրկվել է նաև 83 ԱԹՍ–ից, 7 ուղղաթիռից, 170 զրահատեխնիկայից, 1 ինքնաթիռից, «Սմերչից»։ Արցախում և Հայաստանում ռազմական դրություն և համատարած զորահավաք է հայտարարվել։

Ադրբեջանը դարձյալ օդ է բարձրացրել թուրքական F-16 կործանիչները. Հովհաննիսյան

Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։

Հայաստանը պատրաստ է բանակցությունների, բայց կա մեկ «բայց». Փաշինյան

664
թեգերը:
Ադրբեջան, Թուրքիա, Ռուսաստան, Արցախի նախագահ Արայիկ Հարությունյան, Ղարաբաղյան հակամարտություն, Լեռնային Ղարաբաղ, Արցախ
թեմա:
Ադրբեջանական ագրեսիա Արցախում. 2020
Ըստ թեմայի
Դիրքային շոշափելի փոփոխություններ առաջնագծում տեղի չեն ունեցել. Արայիկ Հարությունյան
Կանգնեցրեք Ալիևին և Էրդողանին. Մերկելի նստավայրի մոտ ակցիա է տեղի ունեցել
Երևանում հնդիկ ուսանողներն օգնություն են հավաքում և ուղարկում Արցախ. տեսանյութ
ՌԴ արտգործնախարարության շենքը

Օտարերկրյա վարձկաններն Արցախում սպառնալիք են տարածաշրջանի համար. ՌԴ-ն մտահոգված է

471
(Թարմացված է 21:40 30.09.2020)
ՌԴ-ն կոչ է անում շահագրգիռ պետություններին գործնական միջոցներ ձեռք առնել՝ տարածաշրջանից օտարերկրյա վարձկաններին ու ահաբեկիչներին անհապաղ դուրս բերելու համար։

ԵՐԵՎԱՆ, 30 սեպտեմբերի – Sputnik. Մոսկվան մտահոգված է ապօրինի զինված խմբավորումների գրոհայիններին ղարաբաղյան հակամարտության գոտի տեղափոխելու լուրերից, ասվում է ՌԴ ԱԳՆ Տեղեկատվության ու տպագրության դեպարտամենտի մեկնաբանության մեջ։

Նշվում է, որ ստացվող տեղեկությունների համաձայն, ղարաբաղյան հակամարտության գոտի են տեղափոխվում ապօրինի զինված խմբավորումների անդամներ մասնավորապես Սիրիայից, Լիբիայից՝ մարտական գործողություններին անմիջական մասնակցություն ունենալու համար։

«Խորապես մտահոգված ենք այդ գործընթացներով, որոնք ոչ միայն ավելի կավելացնեն ռազմական լարվածությունը հակամարտության գոտում, այլև երկարաժամկետ սպառնալիքներ կստեղծեն տարածաշրջանի բոլոր երկրների համար»,-նշվում է հաղորդագրության մեջ։

ՌԴ արտգործնախարարությունը կոչ է անում շահագրգիռ պետություններին գործնական միջոցներ ձեռք առնել՝ հակամարտության մեջ օտարերկրյա վարձկանների ու ահաբեկիչների օգտագործումը թույլ չտալու և տարածաշրջանից նրանց անհապաղ դուրս բերելու համար։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

ՀՀ ՊՆ–ն ներկայացրել է հակառակորդի վերջին կորուստները` 113 մահացած, 200 վիրավոր

Վերջին տեղեկություններով` հակառակորդի կրակոցների հետևանքով զոհվել են 80 զինծառայողներ և 6 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 920 զոհ ունի։

«Մերոնք նրանց աչքը հանեցին». խոցված ԱԹՍ-ներ ու հրետանային հարվածներ. ռեպորտաժ առաջնագծից

Ըստ այս պահին հայտնի տեղեկությունների` Ադրբեջանը զրկվել է նաև 83 ԱԹՍ–ից, 7 ուղղաթիռից, 166 զրահատեխնիկայից, 1 ինքնաթիռից, «Սմերչից»։ Արցախում և Հայաստանում ռազմական դրություն և համատարած զորահավաք է հայտարարվել։

Ադրբեջանը դարձյալ օդ է բարձրացրել թուրքական F-16 կործանիչները. Հովհաննիսյան

Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։

Հայաստանը պատրաստ է բանակցությունների, բայց կա մեկ «բայց». Փաշինյան

471
թեգերը:
Արցախ, գրոհային, հայ-ադրբեջանական, Ռուսաստան
թեմա:
Ադրբեջանական ագրեսիա Արցախում. 2020
Ըստ թեմայի
Մենք դա թույլ չենք տա. Մակրոնն անդրադարձել է Ղարաբաղի մասին Թուրքիայի ռազմատենչ կոչերին
Զոհերի թիվը ցնցող է. Գերմանիայի արտգործնախարարը` ղարաբաղյան էսկալացիայի մասին
Հայկական կողմը ադրբեջանական դիրք է գրավել. տեսանյութ
ԱԱԾ-ի շենքը

ԱԱԾ–ն պետական դավաճանություն կատարելու դեպք է բացահայտել

197
(Թարմացված է 11:41 01.10.2020)
Պետական դավաճանության մեջ մեղադրվողը բարձրաստիճան զինվորական ծառայություն իրականացնող անձ է։

ԵՐԵՎԱՆ, 1 հոկտեմբերի - Sputnik. Հայաստանի Հանրապետության ազգային անվտանգության ծառայությունը բացահայտել է նախկինում բարձրաստիճան զինվորական ծառայություն իրականացրած անձի կողմից պետական դավաճանության դեպք:

«Մասնավորապես, ՀՀ քաղաքացին, պաշտպանության նախարարի համապատասխան հրամանով ծառայության անցնելով ՀՀ զինված ուժերում և զբաղեցնելով պատասխանատու պաշտոններ, օտարերկրյա կազմակերպության ներկայացուցիչներին հանձնել կամ հանձնելու նպատակով հավաքել է պետական գաղտնիք պարունակող տեղեկատվություններ»,–նշված է հաղորդագրության մեջ։

Բացի այդ, վերահիշյալ անձը թշնամական գործունեություն իրականացնելու համար ցուցաբերել է այլ օգնություն՝ ի վնաս ՀՀ տարածքային անձեռնմխելիության և արտաքին անվտանգության:

Քրգործով որպես մեղադրյալ նեգրավված անձը գտնվել է Վրաստանում և այնտեղ ադրբեջանական հետախուզական ծառայությունների աշխատակիցների կողմից ստացել է կոնկրետ առաջադրանքներ` Արցախի և Հայաստանի արտաքին անվտանգության, զինված ուժերի, սպառազինությունների մասին տեղեկություններ ձեռք բերելու կամ ծառայության բերումով արդեն իսկ իրեն հասանելի դարձած տեղեկատվությունը փոխանցելու վերաբերյալ։ Այդ թվում` նա բանակի անձնակազմի, զենքի, զինամթերքի, զինտեխնիկայի քանակի և տեսակի, զորամասերի և դրանց հրամանատարական կազմի, ինժեներական կառույցների և սարքավորումների և այլնի վերաբերյալ՝ ի վնաս ՀՀ արտաքին անվտանգության առնչությամբ կատարել է լրտեսություն:

Նա տեղեկություն է հավաքել մարտական տեխնիկայի, սպառազինության, այդ թվում՝ տանկերի, մարտկոցների, ուժեղացման միջոցների, առաջնահերթ խոցվող օբյեկտների, ՀՀ զինված ուժերում ծառայող, պահեստազորում հաշվառված անձանց և այլնի վերաբերյալ։

Հայաստանում պարբերաբար հանդիպումներ է ունեցել ՀՀ–ի և Արցախի սպայական կազմի ներկայացուցիչների հետ, իրականացվող կոնկրետ գործողությունների և այլնի վերաբերյալ լուրեր հավաքել, հետո մեկնել է Վրաստան ու դրանք փոխանցել ադրբեջանական հետախուզական ծառայությունների աշխատակիցներին։

Հիշյալ անձին ՀՀ քրեական օրենսգրքի 299-րդ հոդվածի 1-ին մասով (պետական դավաճանությունը) մեղադրանք է առաջադրվել և նրա նկատմամբ որպես խափանման միջոց է ընտրվել կալանավորումը:

Ի՞նչ է կատարվում Արցախում. ՊՆ–ն հաղորդագրություն է տարածել

Քրգործի շրջանակներում շուրջ մեկ տասնյակից ավելի խուզարկությունների արդյունքում մեղադրյալի բնակարանում կամ օժանդակ շինություններում հայտնաբերվել և առգրավվել են մեծ քանակի ռազմամթերք՝ նռնակներ, պայթուցիչներ, փամփուշտներ։ Բացի այդ, հայտնաբերվել են նաև զինտեխնիկայի վերաբերյալ ծառայողական և պետական գաղտնիք պարունակող փաստաթղթեր, որոնց մի մասը՝ եզակի բնօրինակներով:

Հայտնաբերվել են նաև ռադիոհաղորդիչ սարքավորումներ, կապի միջոցներ, ադրբեջանական հատուկ ծառայությունների հետ կապ հաստատելու համար նախատեսված հեռախոսահամարների վերաբերյալ գրառումներով նոթատետրեր:

197
թեգերը:
հայ-ադրբեջանական, դավաճանություն, ՀՀ ազգային անվտանգության ծառայություն. ԱԱԾ
Ըստ թեմայի
Մարտակերտը Ադրբեջանի անհաջողության վկայությունն է. Արցախի ՊՆ մամուլի խոսնակ
ԱԹՍ-ն խոցվել է Ասկերանի բնակելի թաղամասի հարևանությամբ. նոր լուսանկարներ
Հայկական կողմը Լելե–Թեփեում ադրբեջանական ուղղաթիռ է խոցել, որն ընկել է Իրանի տարածքում