Բերդ

ՌԴ–ում պացիետների հանդեպ սեռական բռնություն գործած հայ բժիշկը դատապարտվեց ազատազրկման

108
(Թարմացված է 16:22 10.07.2020)
Բժիշկ Արմեն Հովհաննիսյանին նաև արգելել են 6 տարի շարունակ բժշկական գործունեություն ծավալել։

ԵՐԵՎԱՆ, 10 հուլիսի — Sputnik. Ռուսական դատարանը մեղավոր ճանաչեց ազգությամբ  հայ անեսթեզիոլոգ-ռեանիմատոլոգ Արմեն Հովհաննիսյանին անզգայացման տակ գտնվող պացիենտների նկատմամբ սեռական բնություն կիրառելու համար։ Նրան դատապարտեցին 10 տարվա ազատազրկման։ Տեղեկությունը հայտնում է vesti.ru-ն։

Հովհաննիսյանին մեղադրանք էր առաջադրվել պացիենտների նկատմամբ սեռական բռնի գործողություններ կատարելու համար։ Ըստ մեղադրանքի` նա օգտվել է նրանց անօգնական վիճակից և անօրինական գործողությունների դիմել։ Բժիշկը մեղքը չի ընդունում։

Բացի տաս տարվա ազատազրկումից, դատարանը արգելել է նրան բժշկությամբ զբաղվել ևս 6 տարի։

Նշենք, որ Արմեն Հովհաննիսյանը Սանկտ Պետերբուրգի բժշկական կենտրոններից մեկում էր աշխատում։ Նա 35 տարվա աշխատանքային փորձ ունի։ Ըստ մեղադրանքի նրա զոհերն են եղել են 1997, 2001, 2002 թվականներին ծնված աղջիկները, որոնք դեռ ուշքի եկած չեն եղել վիրահատական թմրեցումից։

«Ոնց թե դու իմ շանը զարկես...». Երևանում գարեջրի շշերով կռիվ ու դանակահարություն է եղել

2018 թվականի դեկտեմբերին ոստիկանություն էր դիմել 32 տարեկան մի կին, որը հայտնել էր բժիշկ Արմեն Հովհաննիսյանի կողմից իր 15-ամյա աղջկա նկատմամբ իրականցված անառակաբարո գործողությունների մասին։ Հարուցվել էր քրեական գործ։

108
թեգերը:
վիրահատություն, հիվանդ, հայ, սեռական բռնություն, դատ, բժիշկ, Բանտ
ՌԴ վարչապետին արգելել են ՄՌՇ սենյակ մտնել

«Պրոֆեսիոնալը միանգամից երևում է»․ ՌԴ վարչապետին արգելել են մտնել ՄՌՇ-ի սենյակ․ տեսանյութ

169
(Թարմացված է 08:12 14.08.2020)
Միշուստինն այսօր ժամանել է Անադիր, որտեղից մեկնարկում է նրա աշխատանքային այցը Արևելք։

ԵՐԵՎԱՆ, 13 օգոստոսի — Sputnik. Չուկոտսկի շրջանային հիվանդանոցի աշխատակիցը թույլ չի տվել ՌԴ վարչապետ Միխայիլ Միշուստինին մտնել Մագնիսառեզոնանսային շերտագրության սենյակ։ Միջադեպը տեղի է ունեցել վարչապետի՝ բուժհաստատություն կատարած այցի ժամանակ։ Տեսանյութը Twitter-ում հրապարակել է ՌԻԱ Նովոստին։

Կադրերում երևում է՝ ինչպես են վարչապետն ու առողջապահության նախարար Միխայիլ Մուրաշկոն մտնում լաբորատորիա։ Նրանց հետևում է նկարահանող խումբը, սակայն բուժհաստատության աշխատակիցը բոլորին հորդորում է դուրս գալ, նշելով․ «Մի մտեք։ Սարքավորումների հետ չի կարելի»։

Զարմանալին այն է, որ ՌԴ կառավարության ղեկավարը չի դժգոհել, հակառակը՝ նա ողջունել է պրոֆեսիոնալի հորդորը։

«Ահա, մասնագետը միանգամից երևում է»,- ասել է Միշուստինը։

Միշուստինը խոսել է Ռուսաստանի «անվտանգության բարձիկի», Covid-19–ի ու իր երազանքի մասին

Հիշեցնենք՝ ՌԴ վարչապետն այսօր Անադիր է ժամանել, որտեղից մեկնարկում է նրա աշխատանքային այցը Հեռավոր Արևելք։  Օգոստոսի 13-ից 18-ը նա պատրաստվում է այցելել չորս շրջան՝ Չուկոտկա, Կամչատկայի երկրամաս, Մագադանի ու Ամուրի մարզեր։

169
թեգերը:
Մերձավոր Արևելք, Ռուսաստան, Միխայիլ Միշուստին
Ըստ թեմայի
Միշուստինի մամուլի քարտուղարը պատմել է նրա վիճակի մասին
Մեր կոփված բարեկամությունը կշարունակվի. Պուտինն ու Միշուստինը շնորհավորել են Փաշինյանին
«Պետք է ամեն ինչ անհապաղ անել». Միշուստինը խորհրդակցություն է անցկացրել
«Ամեն օր կապի մեջ ենք նրա հետ»․ Պուտինը խոսել է Միշուստինի առողջական վիճակի մասին
Ինքնաթիռ

Ռուսաստանը սեպտեմբերի 1-ից կբացի սահմանը Հայաստանի համար

1417
(Թարմացված է 16:50 13.08.2020)
Քանի որ Ռուսաստանում կորոնավիրուսային իրավիճակը կայունացել է, երկրի ավիաընկերությունները պատրաստվում են վերսկսել թռիչքները դեպի ԱՊՀ երկրներ։

ԵՐԵՎԱՆ, 13 օգոստոսի - Sputnik. Ռուսաստանը սեպտեմբերի 1-ից սահմանները կբացի ԱՊՀ որոշ երկրների՝ այդ թվում Հայաստանի համար։ Տեղեկությունը գրում է ՌԻԱ Նովոստին` հղում անելով Ռուսաստանի տուրօպերատորների ասոցիացիային։

Ասոցիացիան հայտնում է, որ սեպտեմբերի 1-ից ռուսական ավիաընկերությունները կսկսեն կանոնավոր չվերթներ իրականացնել դեպի Ղազախստան, Տաջիկստան, Ղրղզստան և Հայաստան։

Երկրի ավիաընկերությունները պատրաստվում են վերսկսել թռիչքները դեպի ԱՊՀ երկրներ, քանի որ նախ՝ Ռուսաստանում կորոնավիրուսային իրավիճակը կայունացել է, երկրորդ՝ արդեն սեպտեմբերին սկսվելու է COVID-19-ի դեմ ռուսական պատվաստանյութի արտադրությունը։

ՌԻԱ Նովոստին գրում է` քանի որ վերոնշյալ երկրները մտադիր են ռուսական պատվաստանյութը գնել, դա կնպաստի Ռուսաստանի հետ մարդասիրական և գործարար կապերի ամրապնդմանը։

Հիշեցնենք, որ Ռուսաստանը կորոնավիրուսի համավարակի պատճառով դադարեցրել է ավիահաղորդակցությունը մարտի 27-ից։

Երգիչները կերգեն, սահմանները կբացվեն. պարետը ներկայացրեց արտակարգ դրության նոր պայմանները

1417
թեգերը:
պատվաստանյութ, կորոնավիրուս, Երևան, չվերթ, թռիչք, Հայաստան, Ռուսաստան
Ըստ թեմայի
«Արմենիա Էյրվեյզ» ավիաընկերությունը սկսում է Երևան–Թեհրան–Երևան թռիչքները
«Air India»-ի ինքնաթիռը դուրս է եկել թռիչքուղուց. տեսանյութ
Մինչև արտակարգ դրության ավարտը թռիչքներ չեն լինելու. Զբոսաշրջության կոմիտե
Ապաստարան, Տավուշ, Չինարի

Այն պետք է լինի բոլորի տանը. ինչպե՞ս հրեաները կարող են օգնել Տավուշում ապրող հայերին

0
(Թարմացված է 20:36 13.08.2020)
Ինչպե՞ս իսրայելական փորձն ու Երկրորդ համաշխարհային պատերազմի դասերը կարող են օգնել Հայաստանի սահմանամերձ գյուղերի բնակիչներին. ստորև ներկայացնում ենք Sputnik Արմենիայի սյունակագրի մտորումները:

Տավուշում հուլիսին տեղի ունեցած մարտական գործողությունների հետևանքով կրկին բոլորի ուշադրությունը սևեռվեց սահմանամերձ գոտու ուղղությամբ. վերականգնվում են հակառակորդի հրետակոծության հետևանքով վնասված ենթակառուցվածքները, նորոգվում տները, իսկ հիմնահատակ փլուզվածների փոխարեն՝ կառուցվում նորերը։

Թեև խաղաղ բնակչության շրջանում կորուստներ չեղան, բայց իրողությունն այն է, որ սահմանին մոտ գտնվող քաղաքների և գյուղերի բնակիչները մշտապես թիրախի տակ են։ Այդ առումով իրավիճակը հիշեցնում է իսրայելական պատկերը՝ մեկ տարբերությամբ, եթե որևէ բան պատահի (իսկ նման դեպքեր այնտեղ հաճախ են պատահում) իսրայելցիները 15 վայրկյանի ընթացքում կարող են թաքնվել ապաստարաններում, իսկ հայերը`ոչ։ Խնդիրը ոչ թե արագ վազելու, այլ հուսալի թաքստոցների բացակայության մեջ է։

Խոսքն ամենևին էլ ինչ–որ ինժեներատեխնիկական կառույցների մասին չէ, որոնց շինարարությունը ֆիզիկական մեծ ջանքեր և ֆինանսական լուրջ ծախսեր է պահանջում։ Նման բան չկա։ Իսրայելում ամեն շենք իր նկուղն ունի, (ինչպես և մեզ մոտ), որը նաև ապաստարան է, իսկ եթե վտանգը դրսում է վրա հասել, բոլոր գյուղերում բետոնե փոքր թաքստոցներ կան (ինչը մենք չունենք)։

Ներկայացնում ենք մի հատված «Газеты.Ru»–ի թղթակցի և իսրայելական Մոդիին սահմանամերձ քաղաքի բնակչուհի Ելենայի զրույցից. «Ազդանշանը հուշում է, որ քաղաքի վրա հրթիռ է գալիս։ Ես 1.5 րոպե ունեմ թաքնվելու համար, և դա ճոխություն է, Սդորտում (որը անմիջապես սահմանին կպած է) մարդիկ ընդամենը 15 վայրկյան ունեն։ Մեր տանը սենյակներից մեկը ամրացված է, որպեսզի ծառայի որպես ապաստարան։ Հենց այնտեղ ենք մենք գնում և տանում փոքրիկին։ Երբ տանը գտնվելիս լսում ենք ազդանշանը, փակում ենք դռներն ու պատուհանները։ Ընդհանրապես սա սովորական սենյակ է, որը մեզ որպես աշխատասենյակ և հյուրերի համար ննջասենյակ է ծառայում, սակայն այն հաստ պատեր ունի, զրահապատ դուռ և երկաթե վարագույրներ՝ դրսից։ 1990 թվականից հետո կառուցած շենքերում նման սենյակ կա յուրաքանչյուր բնակարանում»։

Ելենան նշել է, որ ավելի վաղ կառուցված շենքերում ապաստարանները սովորաբար տեղակայված են նկուղում։ Եթե դրանց հասնելու հնարավորություն չկա, մարդիկ աստիճանավանդակով արագ իջնում են նկուղային հարկեր, կամ բնակարանում հարմար մի անկյուն ընտրում՝ պատուհաններից և արտաքին պատերից հեռու։

«Այո, արդեն եղել է, որ ընկերներս դուրս վազեն աստիճանավանդակով գիշերվա կեսին` արթնացնելով քնած երեխաներին, կամ ընդհանրապես ցնցուղ ընդունելիս՝ հենց լոգասենյակից սրբիչով փաթաթված», – հիշում է նա։

Տարօրինակ զգացողություն է. անցնում ես փողոցով մանկասայլակով և մտածում՝ այ, եթե հիմա տագնապի ազդանշան հնչի, ո՞ւր կփախչենք։ Առևտրի կենտրոն մտնելիս` առաջին հերթին սարսափում ես ապակե ցուցափեղկերի առատությունից, այնուհետև նկատում ցուցանակներ, որոնց վրա նշված է ապաստարանների ուղղությունը. դրանք կառուցված են մոլի ներսում։

Ինչպես տեսնում ենք, իսրայելցիների փորձը հարմար է նաև Հայաստանի սահմանամերձ քաղաքների և գյուղերի համար, բայց ինչո՞ւ միայն սահմանամերձ։ Ի՞նչ ունենք Երևանում, Գյումրիում և երկրի մյուս խոշոր քաղաքներում։ Երևանում կա մետրո, որը մարդկանց փրկել է Երկրորդ համաշխարհային պատերազմի տարիներին՝ ինչպես Մոսկվայում, Բեռլինում և Լոնդոնում։ Թեև Մոսկվայում այն ժամանակ չկային գետնանցումներ։ Այսօր Երևանում մետրո էլ կա, գետնանցումներ էլ։

50-ականներին Հրազդանի ձորում գտնվող մանկական երկաթուղի երևանցիները մեծամասամբ հասնում էին թունելով, որը նախատեսված է ոչ միայն անցնելու, այլև պաշտպանության նպատակով, այդ թվում` քիմիական պաշտպանության։ Հավանաբար մայրաքաղաքում էլի ինչ–որ բան կա, որի մասին գիտեն ԱԻՆ–ում, սակայն լռում են և ճիշտ են անում։

Իսկ մինչ այդ ընտանեկան թաքստոցների նկատմամբ, հետաքրքրությունը, մասնավորապես, քաղաքից դուրս գտնվող հատվածներում սկսեցին ցուցաբերել մոսկվաբնակները։ Ո՞վ և ինչի՞ց է վախենում։

Իրազեկների պարզաբանմամբ՝ նախ` վախենում են ոչ բոլորը, միայն՝ հարուստները։ Վախենում են ջարդերից, ահաբեկչությունից, բայց՝ նախևառաջ կորոնավիրուսից։ Միջուկային հարվածներից մտահոգվում են ամենավերջինը, քանի որ այդժամ ոչինչ չի փրկել հնարավոր չի լինի։

Տավուշի Մովսես գյուղում հարսանիք է եղել. մարդիկ վերադառնում են բնականոն կյանքի

Մեջբերեմ Մոսկվայի մերձակայքում գտնվող էլիտար Ռուբլյովկայի բնակիչներից մեկի հետ զրուցած լրագրող Վլադիմիր Պերեկրեստի մեկնաբանությունը. «Թշնամին ուրիշ տարբերակ չունի, քան՝ Բարվիխան կամ Ուսովոն ռումբով թիրախավորելը։ Հանրային անկարգությունների մասին էլ կասկածում եմ. ահա Բոլոտնայա հրապարակում, երբ ընդդիմությունը խելագարվում էր, նրանք ավելի շուտ Կրեմլի վրա կհարձակվեին, քան մեզ մոտ գնացքով կժամանեին»։

Ռուբլյովկայում գտնվող բունկերի վերաբերյալ ոչինչ չեմ կարող ասել, բայց այն, որ ՀՀ Տավուշի մարզի Այգեպար գյուղում հրետակոծությունից ավելի քան տասնյակ տներ են տուժել, որոնցից մի քանիսն այլևս ապրելու պիտանի չեն՝ փաստ է։ Բացի այդ, ականն ընկել է մանկապարտեզի տանիքին, ուր 20 երեխա է հաճախում։ Բարեբախտաբար, գյուղում ոչ ոք չի տուժել, երեխաներին հասցրել են թաքցնել։

Մի դրվագ էլ Երկրորդ համաշխարհային պատերազմի փորձից։ Արագ, սակայն, գրեթե յուրաքանչյուր բակում բնակչության համար կառուցած բազմաթիվ ապաստարանները ճիշտ որոշում էին։ Լենինգրադում, օրինակ, ծայրահեղ ինտենսիվ ռմբակոծման և հրետակոծությունների դեպքում, նկուղային ապաստարաններ ունեցող շենքերի վրա ավիառումբերի անմիջական հարվածներ հազվադեպ էին լինում, դրանցից միայն մոտ 20-ը ծանր վնասներ կրեցին։

Տավուշի սահմանամերձ համայնքների դպրոցներում ապաստարաններ կգործեն. նախարար

Մեր սահմանամերձ գյուղի բնակիչների համար առանցքային են` «Ապաստարաններ՝ գրեթե յուրաքանչյուրի բակում» խոսքերը, իսկ իշխանությունների համար` սահմանամերձ գյուղերի բնակիչներին շինարարական նյութերով, գումարով և անհրաժեշտ բոլոր պարագաներով օգնելը, ինչպես նաև պատսպարանները հուսալիորեն բարեկարգելը ինչպես տանը, այնպես էլ դրա պատերից դուրս։

0
թեգերը:
Իսրայել, Հայաստան, հրետակոծություն, սահմանամերձ գյուղեր, Չինարի, Տավուշ, ապաստարան
Ըստ թեմայի
Ադրբեջանական հրետակոծությունների պարբերականությունը նվազել է. ՊՆ
Այգեպարի մանկապարտեզն ավերվել է հակառակորդի հրետակոծությունից. լուսանկարներ
Հրետակոծությունից տուժած բնակավայրերում վերականգնման աշխատանքներ են սկսել. լուսանկարներ
Հակառակորդի հրետակոծությունից ամենաշատը տուժած գյուղում արդեն մի քանի տուն վերականգնվել է