Եվգենի Պետրոսյան, Ելենա Ստեպանենկո

Ինչու Պետրոսյանն ու Ստեպանենկոն չեն կարողանում կիսել հարստությունը. փաստաբանի կարծիքը

54
(Թարմացված է 12:53 09.07.2020)
Փաստաբան Սերգեյ Ժորինը ներկայացրել է Եվգենի Պետրոսյանի ու նրա նախկին կնոջ՝ Ելենա Ստեպանենկոյի ունեցվածքը բաժանելու գործընթացի մանրամասները։

ԵՐԵՎԱՆ, 9 հուլիսի — Sputnik. Հայտնի արտիստ Ելենա Ստեպանենկոն շարունակում է ձգձգել նախկին ամուսնու՝ Եվգենի Պետրոսյանի հետ ունեցվածքի բաժանման գործընթացը։ Ռուսաստանյան ԶԼՄ-ների փոխանցմամբ՝ տեղեկությունը լրագրողների հետ զրույցում հայտնել է Պետրոսյանի փաստաբան Սերգեյ Ժորինը։

Փաստաբանը նշել է՝ ի սկզբանե հասկանալի էր, որ գործընթացը ձգձգվելու է․կողմերը մինչ այժմ չեն կարողանում պայմանավորվել ու դրանում մեղավոր է Ստեպանենկոն, ոչ թե նրա հաճախորդը։ Նրա խոսքով՝ Ստեպանենկոն չի ուզում մինչդատական կարգով լուծել խնդիրը։

Այժմ նախկին ամուսինների ունեցվածքի գնահատում է իրականացվում։ Մասնավորապես հայտնի է, որ զույգն անշարժ գույքի մի քանի օբյեկտ ունի, նաև հազվագյուտ գրքեր, արվեստի գործեր և արժեքավոր այլ իրեր։

Գործընթացը վարում են դատի շրջանակում նշանակված փորձագետները։ Սակայն կորոնավիրուսի համավարակի պատճառով որոշ քայլեր հետաձգվել են։

«Իհարկե, խելամիտ ժամկետ հասկացություն գոյություն ունի։ Սակայն հաշվի առնելով ունեցվածքի ծավալը, կարծում եմ` ամեն ինչ հենց խելամիտ ժամկետներում է ընթանում», - ասել է Ժորինը։

Եվգենի Պետրոսյանի երիտասարդ կինը փոխել է «այրու կերպարն» ու որոշել գիրք կարդալ

Նա ընդգծել է, որ ուշադիր հետևում է գործընթացին, որպեսզի բաժանումն օրենքով տեղի ունենա։

Եվգենի Պետրոսյանն ու Ելենա Ստեպանենկոն ամուսնալուծվել են 2018 թվականին, սակայն նրանց` ունեցվածքը բաժանելու գործընթացը մինչ այժմ չի ավարտվել։ 2019 թվականի դեկտեմբերին Պետրոսյանն ամուսնացել է իր երիտասարդ օգնական Տատյանա Բրուխունովայի հետ։

54
թեգերը:
փաստաբան, ունեցվածք, ամուսնալուծություն, Ելենա Ստեպանենկո, Եվգենի Պետրոսյան
թեմա:
Եվգենի Պետրոսյանի և Ելենա Ստեպանենկոյի բաժանությունը (35)
Ըստ թեմայի
Եվգենի Պետրոսյանն առաջին ընտանեկան լուսանկարն է հրապարակել Տատյանա Բրուխունովայի հետ
«Բոլորը կպատժվեն ըստ արժանվույն». Եվգենի Պետրոսյանի կինն արձագանքել է մեղադրանքներին
«Այսպես գեղեցիկ է». Եվգենի Պետրոսյանի երիտասարդ կինը պարծեցել է իր ճաշակով
ՌԴ վարչապետին արգելել են ՄՌՇ սենյակ մտնել

«Պրոֆեսիոնալը միանգամից երևում է»․ ՌԴ վարչապետին արգելել են մտնել ՄՌՇ-ի սենյակ․ տեսանյութ

162
(Թարմացված է 08:12 14.08.2020)
Միշուստինն այսօր ժամանել է Անադիր, որտեղից մեկնարկում է նրա աշխատանքային այցը Արևելք։

ԵՐԵՎԱՆ, 13 օգոստոսի — Sputnik. Չուկոտսկի շրջանային հիվանդանոցի աշխատակիցը թույլ չի տվել ՌԴ վարչապետ Միխայիլ Միշուստինին մտնել Մագնիսառեզոնանսային շերտագրության սենյակ։ Միջադեպը տեղի է ունեցել վարչապետի՝ բուժհաստատություն կատարած այցի ժամանակ։ Տեսանյութը Twitter-ում հրապարակել է ՌԻԱ Նովոստին։

Կադրերում երևում է՝ ինչպես են վարչապետն ու առողջապահության նախարար Միխայիլ Մուրաշկոն մտնում լաբորատորիա։ Նրանց հետևում է նկարահանող խումբը, սակայն բուժհաստատության աշխատակիցը բոլորին հորդորում է դուրս գալ, նշելով․ «Մի մտեք։ Սարքավորումների հետ չի կարելի»։

Զարմանալին այն է, որ ՌԴ կառավարության ղեկավարը չի դժգոհել, հակառակը՝ նա ողջունել է պրոֆեսիոնալի հորդորը։

«Ահա, մասնագետը միանգամից երևում է»,- ասել է Միշուստինը։

Միշուստինը խոսել է Ռուսաստանի «անվտանգության բարձիկի», Covid-19–ի ու իր երազանքի մասին

Հիշեցնենք՝ ՌԴ վարչապետն այսօր Անադիր է ժամանել, որտեղից մեկնարկում է նրա աշխատանքային այցը Հեռավոր Արևելք։  Օգոստոսի 13-ից 18-ը նա պատրաստվում է այցելել չորս շրջան՝ Չուկոտկա, Կամչատկայի երկրամաս, Մագադանի ու Ամուրի մարզեր։

162
թեգերը:
Մերձավոր Արևելք, Ռուսաստան, Միխայիլ Միշուստին
Ըստ թեմայի
Միշուստինի մամուլի քարտուղարը պատմել է նրա վիճակի մասին
Մեր կոփված բարեկամությունը կշարունակվի. Պուտինն ու Միշուստինը շնորհավորել են Փաշինյանին
«Պետք է ամեն ինչ անհապաղ անել». Միշուստինը խորհրդակցություն է անցկացրել
«Ամեն օր կապի մեջ ենք նրա հետ»․ Պուտինը խոսել է Միշուստինի առողջական վիճակի մասին
Ինքնաթիռ

Ռուսաստանը սեպտեմբերի 1-ից կբացի սահմանը Հայաստանի համար

1404
(Թարմացված է 16:50 13.08.2020)
Քանի որ Ռուսաստանում կորոնավիրուսային իրավիճակը կայունացել է, երկրի ավիաընկերությունները պատրաստվում են վերսկսել թռիչքները դեպի ԱՊՀ երկրներ։

ԵՐԵՎԱՆ, 13 օգոստոսի - Sputnik. Ռուսաստանը սեպտեմբերի 1-ից սահմանները կբացի ԱՊՀ որոշ երկրների՝ այդ թվում Հայաստանի համար։ Տեղեկությունը գրում է ՌԻԱ Նովոստին` հղում անելով Ռուսաստանի տուրօպերատորների ասոցիացիային։

Ասոցիացիան հայտնում է, որ սեպտեմբերի 1-ից ռուսական ավիաընկերությունները կսկսեն կանոնավոր չվերթներ իրականացնել դեպի Ղազախստան, Տաջիկստան, Ղրղզստան և Հայաստան։

Երկրի ավիաընկերությունները պատրաստվում են վերսկսել թռիչքները դեպի ԱՊՀ երկրներ, քանի որ նախ՝ Ռուսաստանում կորոնավիրուսային իրավիճակը կայունացել է, երկրորդ՝ արդեն սեպտեմբերին սկսվելու է COVID-19-ի դեմ ռուսական պատվաստանյութի արտադրությունը։

ՌԻԱ Նովոստին գրում է` քանի որ վերոնշյալ երկրները մտադիր են ռուսական պատվաստանյութը գնել, դա կնպաստի Ռուսաստանի հետ մարդասիրական և գործարար կապերի ամրապնդմանը։

Հիշեցնենք, որ Ռուսաստանը կորոնավիրուսի համավարակի պատճառով դադարեցրել է ավիահաղորդակցությունը մարտի 27-ից։

Երգիչները կերգեն, սահմանները կբացվեն. պարետը ներկայացրեց արտակարգ դրության նոր պայմանները

1404
թեգերը:
պատվաստանյութ, կորոնավիրուս, Երևան, չվերթ, թռիչք, Հայաստան, Ռուսաստան
Ըստ թեմայի
«Արմենիա Էյրվեյզ» ավիաընկերությունը սկսում է Երևան–Թեհրան–Երևան թռիչքները
«Air India»-ի ինքնաթիռը դուրս է եկել թռիչքուղուց. տեսանյութ
Մինչև արտակարգ դրության ավարտը թռիչքներ չեն լինելու. Զբոսաշրջության կոմիտե
Депутат от фракции Просвещенная Армения Мане Тандилян на пленарном заседании Парламента Армении (5 марта 2019). Еревaн

Մանե Թանդիլյանը վայր է դնում պատգամավորական մանդատը

16
(Թարմացված է 08:39 14.08.2020)
Պատգամավորական մանդատից հրաժարվելու մասին Թանդիլյանը հայտնել է Facebook-ի իր էջում արված գրառմամբ:

ԵՐԵՎԱՆ, 14 օգոստոսի - Sputnik. ԱԺ «Լուսավոր Հայաստան» խմբակցության պատգամավոր Մանե Թանդիլյանը վայր է դնում պատգամավորական մանդատը: Այս մասին պատգամավորը հայտնել է Facebook-ի իր էջում՝ նշելով, որ պատճառը առողջական խնդիրներն են, որոնք առողջական խնդիրների հետ անհամատեղելի են:

«Տևական ժամանակ է ունեմ առողջական խնդիրներ, որոնք այս ընթացքում փորձել եմ լուծել՝ աշխատանքիս հետ զուգահեռ։ Սակայն պարզ դարձավ, որ դրանք այլևս անհամատեղելի են պատգամավորական և ակտիվ քաղաքական գործունեության հետ։ Սույնով թույլ տվեք տեղեկացնել, որ ստիպված եմ վայր դնել պատգամավորական լիազորություններս, ինչպես նաև դադարեցնել գործունեությունս՝ որպես «Լուսավոր Հայաստան» կուսակցության կառավարման խորհրդի անդամ»,- գրել է նա։

Թանդիլյանը շնորհակալություն է հայտնել իր քաղաքական թիմին՝ «Լուսավոր Հայաստանին», միասին անցած ճանապարհի համար, մաղթել նորանոր հաջողություններ՝ ի նպաստ Հայաստանի Հանրապետության, նաև այն մարդկանց, որոնց վստահության շնորհիվ ստանձնել է քաղաքական գործչի պարտականությունները:

«Ուզում եմ նաև ներողություն խնդրել բոլոր այն մարդկանցից, որոնց վստահության շնորհիվ հնարավորություն եմ ունեցել ծավալել քաղաքական գործունեություն և, հնարավոր է, որևէ հիասթափության առիթ եմ տվել ։ Փորձել եմ հնարավորինս արդարացնել ձեր վստահությունը, հուսով եմ՝ որոշ չափով հաջողել եմ»,- շարունակել է պատգամավորը։

16