Միխայիլ Գալուստյանն ու կինը, արխիվային լուսանկար

«Շնորհավոր ձեր տոնը, սիրելի Գալուստյանչիկներ». ի՞նչպես են հայտնիները նշել Ընտանիքի օրը

62
(Թարմացված է 23:22 08.07.2020)
Ընտանիքի օրը հատուկ տոն է։ Եվ եթե Միշա Գալուստյանը թեմային հումորով է մոտեցել, ապա ոմանք հիասքանչ լուսանկարներ են տեղադրել` հուրախություն երկրպագուների։

ԵՐԵՎԱՆ, 8 հուլիսի - Sputnik. Ռուսաստանում հուլիսի 8-ին տոնում են Ընտանիքի, սիրո և հավատարմության օրը։ Բնականաբար, ազդեցիկ մարդկանցից շատերը բաց չեն թողել ինչպես իրենց, այնպես էլ իրենց բազմաթիվ երկրպագուներին այս գեղեցիկ տոնի առթիվ շնորհավորելու հնարավորությունը։

Ամանազվարճալի գրառումներից մեկն արել է հայտնի հումորիստ և շոումեն Միշա Գալուստյանը։ Instagram–ում նա Սիմփսոնների ոճով ընտանեկան լուսանկար է հրապարակել։

«Տանը մնացած կլինեիր»․ ինչպես են Գարիկ Մարտիրոսյանն ու կինը «փոխել սեռերը»․ լուսանկար

«Այսօր ամբողջ Ռուսաստանը տոնում է Ընտանիքի, սիրո և հավատարմության օրը... Հենց այս պահին զանգահարեք նրանց և ավելորդ անգամ հիշեցրեք, թե որքան ուժեղ եք նրանց սիրում», – գրառմանը կից գրել է Գալուստյանը։

View this post on Instagram

A post shared by Михаил Галустян (@m_galustyan) on

Ի պատասխան Միշային շնորհավորել են նրա բաժանորդներն ու ընկերները։ Այսպես, օրինակ, հայտնի դերասան և երգիչ Արթուր Պիրոժկովը (Ալեքսանդր Ռևան) գրել է. «Շնորհավոր ձեր տոնը, սիրելի Գալուստյանչիկներ»։ Իսկ սրամիտներից մեկը մեկնաբանություններում ավելացրել. «Գալուստիյանսոններ»։

Գարիկ Մարտիրոսյանն ու կինը պարում են «Սուպեր Ժորիկի» «Զոլոտո» երգի ներքո

Հայտնի շոումեն Գարիկ Մարտիրոսյանի կինը հավատարիմ է մնացել իր ոճին և հեգնական լուսանկար հրապարակել (բարեբախտաբար դեպքը տեղի է ունենում Ռուսաստանում, այլապես ԱՄՆ–ում նման լուսանկարը մեծ աղմուկ կբարձրացներ), որին կից գրել է. «Շնորհավորում եմ ընտանիքի, սիրո և հավատարմության օրը»։

View this post on Instagram

A post shared by Zhanna Levina/Martirosyan (@jannalevina_martirosyan) on

Պետք է ասել, որ բաժանորդները գնահատել են կատակասեր Ժաննայի սև հումորը։ Եվ միայն մեկն է սրտնեղել. «Ծիծաղելի չէ»։

Թեմային անդրադարձել  է նաև հայկական արմատներ ունեցող ռուսաստանցի հայտնի մարզիչ, Ռուսաստանի վաստակավոր արտիստ Կարինե Բաղդասարովան։ Instagram–ի իր էջում նա հուզիչ լուսանկար է հրապարակել ամուսնու հետ`շնորհավորելով բաժանորդներին։

View this post on Instagram

A post shared by Karina Bagdasarova (@karinabagdasarova_) on

«Այսօր այնքան հրաշալի օր է։ Սուրբ Պետրոսի և Ֆևրոնիայի օրը։ Թող որ նրանք, ովքեր գտել են իրենց կեսին, ապրեն սիրո, համերաշխության և հավատարմության մեջ երկար ու երջանիկ, իսկ նրանք, ովքեր դեռ չեն գտել` անպայման գտնեն։ Առողջություն և երջանկություն եմ մաղթում, սեր և ներդաշնակություն հոգում։ Թիթեռնիկներ փորի մեջ։ Լուսավոր, բարի և լավ տոն է», – գրել է նա։

Հայեր էլ կան. Forbes-ն առանձնացրել է ռուսաստանաբնակ 40 ամենահաջողակ աստղերին

Հիասքանչ ընտանեկան լուսանկար է հայտնվել նաև հայտնի ռուսաստանցի ռեփեր Ջիգանի էջում։ Նրա գրառումն առանձնակի ուշադրություն է գրավում այն աղմկահարույց դեպքերի ֆոնին, որոնք տեղի են ունենում երգչի  և նրա կնոջ` Օքսանա Սամոյլովայի շուրջ։

View this post on Instagram

A post shared by Джиган / GeeGun (@iamgeegun) on

Չէ՞ որ դեռ մի քանի ամիս առաջ Օքսանան սենսացիոն հայտարարություն էր արել, որ ամուսինն իրեն դավաճանել է, և որ ինքը ամուսնալուծության է դիմում։ Սակայն բազմաթիվ վայրիվերումներից հետո նա հետ կանչեց հայցը, ինչից երկրպագուները եզրակացրին, որ աղջիկը ներել է ամուսնու սխալներն ու որոշել պահպանել ընտանիքը։ Մի քանի ամիս շարունակ զույգը համացանցի ռուսական տիրույթում ամենաքննարկվողն էր։

Հայկական «էֆեկտ»․ համացանցի ամենակենսուրախ զույգերը հետևորդներին ստիպում են ժպտալ

Իսկ այս գրառումը փարատեց բաժանորդների կասկածները, որ Օքսանան և Ջիգանը որոշել են դարձյալ ապրել հաշտ ու համերաշխ մի տանիքի տակ։

Երկու որդիների հետ շատ գեղեցիկ լուսանկար է հրապարակել նաև հայտնի ռուսաստանաբնակ երգչուհի Զառան, որը 2016 թվականին ամուսնալուծվել է։  Երգչուհու երկրպագուները անկեղծ բարեմաղթանքներ են հղել։

View this post on Instagram

A post shared by ZARA (@zara_music) on

Գեղեցկուհի, դերասանուհի և հեռուստահաղորդավարուհի Լուսինե Թովմասյանը մի քանի լուսանկար է հրապարակել, որում նա կրքոտ գրկել ու համբուրում է ամուսնուն։ Ու թեև Լուսինեն հայտնում է, որ լուսանկարն արվել է երեկ` իր ընտրյալի ծննդյան օրը, այնուամենայնիվ, դրանք ինչպես երբևէ այսօր արդիական են։  Այդ պատճառով որոշեցինք նրա գրառումը ևս ներառել Ընտանիքի օրվա շնորհավորանքների ընտրանու մեջ։

View this post on Instagram

A post shared by Lusine Tovmasyan (@lusinetovmasyan) on

62
թեգերը:
Ժաննա Լևինա, Գարիկ Մարտիրոսյան, շնորհավորանք, Ռուսաստան, Միխայիլ Գալուստյան, ընտանիք, հայ
Ըստ թեմայի
ԶԼՄ-ները «գուժում» են Միխայիլ Գալուստյանի ընկերության սնանկության մասին
Միխայիլ Գալուստյանն Ուրգանտի հետ զրույցում բացահայտել է իր «սուպեր» ծրագրերը. տեսանյութ
Հա՞յ, իտալացի՞, թե՞ չինացի․ Միխայիլ Գալուստյանը պարզել է իր իսկական ազգությունը
«Սուպեր Ժորիկ, բռնվի՛ր». պատանի հայ հումորիստը «ձեռնոց է նետում» Միխայիլ Գալուստյանին
Մարիա Զախարովա

Լավրովը Ղարաբաղում տիրող իրավիճակի շուրջ ինտենսիվ շփումներ է վարում. Զախարովա

238
(Թարմացված է 14:35 27.09.2020)
Ռուաստանի և Հայաստանի արտգործնախարարները Ղարաբաղյան հակամարտության գոտում տիրող իրավիճակի թեման քննարկել են հեռախոսով։

ԵՐԵՎԱՆ, 27 սեպտեմբերի – Sputnik. Ռուսաստանի արտգործնախարար Սերգեյ Լավրովը ինտենսիվ շփումներ է վարում, որպեսզի կողմերը դադարեցնեն կրակը և իրավիճակը կայունացնելու համար բանակցություններ սկսեն։ ՌԻԱ Նովոստիի փոխանցմամբ` տեղեկությունը հայտնել է Ռուսաստանի ԱԳՆ պաշտոնական ներկայացուցիչ Մարիա Զախարովան։

Լավրովը հեռախոսազրույց է ունեցել Հայաստանի արտգործնախարար Զոհրաբ Մնացականյանի հետ, քննարկվել է Ղարաբաղյան հակամարտության գոտում տիրող իրավիճակը:

Հիշեցնենք, որ այսօր վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:

Խստագույնս դատապարտում ենք ադրբեջանական ագրեսիան. ԱԳՆ

Արցախի պաշտպանության նախարարությունը տեղեկացրել էր, որ ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Հայտնի է, որ հակառակորդի կրակոցների հետևանքով Մարտունիում մեկ կին և մեկ երեխա են մահացել։ 

Արցախում և Հայաստանում ռազմական դրություն և համատարած զորահավաք է հայտարարվել։

ԱՀ ԱԳՆ-ն ուղիղ կապի մեջ է ԵԱՀԿ գործող նախագահի անձնական ներկայացուցչի հետ

 

238
թեգերը:
Մարիա Զախարովա, Արցախ, Սերգեյ Լավրով
թեմա:
Ադրբեջանական ագրեսիա Արցախում. 2020
Ըստ թեմայի
Անկախ բոլոր տարաձայնություններից` Հայաստանում քաղաքական ուժերը միավորում են ջանքերը
Հազարավոր կյանքերի գնով վաստակած մեր անկախությունը նորից վտանգված է. Օնիկ Գասպարյան
Հակառակորդի հրետակոծությունից վնասված բնակելի տները Ստեփանակերտում. նոր տեսանյութ
ՌԴ–ում Հայաստանի դեսպանություն

Դավիթ Տոնոյանը Մոսկվա չի մեկնել. ՌԴ-ում ՀՀ դեսպանությունը հերքում է լուրը

68
(Թարմացված է 13:56 27.09.2020)
Ավելի վաղ տեղեկություն էր տարածվել, թե Հայաստանի պաշտպանության նախարարը Ղարաբաղյան հակամարտության գոտու լարվածության ֆոնին մեկնել է Մոսկվա։

ԵՐԵՎԱՆ, 27 սեպտեմբերի - Sputnik. ՌԴ-ում ՀՀ դեսպանությունը հերքում է այն տեղեկությունը, թե  ՀՀ պաշտպանության նախարար Դավիթ Տոնոյանն այսօր մեկնել է Մոսկվա։ Այս մասին ՌԻԱ Նովոստիին ասել է դիվանագիտական առաքելության խորհրդական Էդվարդ Ջամբազյանը։

Ավելի վաղ telegram ալիքներում տեղեկություն էր տարածվել, որ Տոնոյանը ՌԴ է մեկնել Ղարաբաղյան հակամարտության լարվածության ֆոնին։

«Մենք չենք հաստատում այդ տեղեկությունը, դեսպանատանը հերքել են»,— ասել է Ջամբազյանը:

Հիշեցնենք, որ այսօր վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:

Արցախի պաշտպանության նախարարությունը տեղեկացրել էր, որ ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Հայտնի է, որ հակառակորդի կրակոցների հետևանքով Մարտունիում մեկ կին և մեկ երեխա են մահացել։ 

Արցախում և Հայաստանում ռազմական դրություն և համատարած զորահավաք է հայտարարվել։

68
թեգերը:
Դավիթ Տոնոյան, Ռուսաստան, Հայաստան
Ըստ թեմայի
ԱԳ նախարարը մշտական կապի մեջ է ԵԱՀԿ ՄԽ համանախագահների հետ
Արցախի պաշտպանության բանակն առաջնագծից տեսանյութ է հրապարակել
Հազարավոր կյանքերի գնով վաստակած մեր անկախությունը նորից վտանգված է. Օնիկ Գասպարյան
Անվտանգության խորհրդի նիստ

Կայացել է ՀՀ Անվտանգության խորհրդի նիստը

0
(Թարմացված է 15:51 27.09.2020)
Նիստում քննարկվել են Զինված ուժերի կողմից ադրբեջանական ագրեսիային արժանի հակահարված տալուն և հետագա քայլերին վերաբերող հարցեր։

ԵՐԵՎԱՆ, 27 սեպտեմբերի– Sputnik. Վարչապետ Նիկոլ Փաշինյանի գլխավորությամբ կառավարությունում տեղի է ունեցել Անվտանգության խորհրդի արտահերթ նիստ։ Վարչապետի մամուլի խոսնակ Մանե Գևորգյանի տեղեկացմամբ` բացի ԱԽ անդամներից նիստին մասնակցել են նաև ՀՀ նախագահ Արմեն Սարգսյանը, Ազգային ժողովի նախագահ Արարատ Միրզոյանը, վարչապետի աշխատակազմի ղեկավար Էդուարդ Աղաջանյանը, արտակարգ իրավիճակների նախարար Ֆելիքս Ցոլակյանը:

«Նիստի ընթացքում անդրադարձ է կատարվել ղարաբաղա-ադրբեջանական սահմանագոտում հակառակորդի կողմից սանձազերծված ռազմական լայնամասշտաբ գործողություններին հակազդելուն, Զինված ուժերի կողմից դրանց արժանի հակահարված տալուն և հետագա քայլերին վերաբերող հարցեր»,– գրել է Գևորգյանը Facebook-ի իր պաշտոնական էջում։

ԱԺ-ն հատուկ նիստ կգումարի. ՀՀ-ում հայտարարվում է ռազմական դրություն և ընդհանուր զորահավաք

Հիշեցնենք, որ այսօր վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:
Արցախի պաշտպանության նախարարությունը տեղեկացրել էր, որ ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Հայտնի է, որ հակառակորդի կրակոցների հետևանքով Մարտունիում մեկ կին և մեկ երեխա են մահացել։

Արցախում և Հայաստանում ռազմական դրություն և համատարած զորահավաք է հայտարարվել։

0
թեմա:
Ադրբեջանական ագրեսիա Արցախում. 2020