Գոհար Ավետիսյան

Այսպիսի տեսք ծննդաբերությունից հետո. նորաթուխ մայրիկ Գոհար Ավետիսյանը նշում իր ծննդյան օրը

961
(Թարմացված է 17:22 04.07.2020)
Երկրպագուները վաղուց էին սպասում երկրի գլխավոր բյութի-բոլգերի առաջնեկի լույս աշխարհ գալուն, և ահա Գոհարը ծննդատնից լուսանկար է հրապարակել։

ԵՐԵՎԱՆ, 4 հունիսի – Sputnik. Հայտնի դիմահարդար Գոհար Ավետիսյանը, որին Ռուսաստանում և Հայաստանում հաճախ անվանում են «մեյքափի գուրու», երկրպագուներին պատմել է առաջնեկի ծնվելուց հետո իր ապրումների մասին։ Առավել ևս, որ երեխան ծնվել է նրա ծննդյան նախորդ օրը՝ հուլիսի 3-ին։

«Հենց այսպիսին է աշխարհի լավագույն ծննդյան օրը։ Շատ բան եմ ուզում ասել, բայց պիտի գնամ կաթ փնտրելու։ Այնքան երջանիկ եմ»,-գրել է Ավետիսյանը` գրառմանը կցելով լուսանկար և բազմաթիվ «սրտիկներ» ու «սմայլիկներ»։

Հետևորդներն ի սրտե շնորհավորել են նորաթուխ մայրիկին։ «Գոհար, դուք հիասքանչ եք։ Շնորհավորում եմ, սա քո կյանքի լավագույն ծննդյան օրն է։ Առողջ մեծացեք», «Երեխան այնպիսի երջանկություն է, շնորհավորում եմ, մենք սպասում էինք ձեզ հետ միասին», «Գոհար, ինչ հրաշալի եք։ Առաջին անգամ եմ այսքան գեղեցիկ մայրիկ տեսնում՝ ծննդաբերության հենց հաջորդ օրը», «Թող ձեր կյանքի բոլոր օրերը նույնքան երջանիկ լինեն, որքան սա»»,- գրում են նրանք։

Գոհար Ավետիսյանի առաջնեկը ծնվել է. լուսանկար

Հղիության ամբողջ ընթացքում Գոհարը լուսանկարներ էր հրապարակում և պատմում զգացողությունների մասին։ Շատ երկրպագուներ անհամբերությամբ սպասում էին նրա առաջնեկի լույս աշխարհ գալուն։ Գոհարը հետևորդներին հայտնել էր նաև ապագա փոքրիկի սեռը, ինչի կապակցությամբ նրան բազմիցս շնորհավորել էին`պատմելով սեփական երեխաների դաստիարակության մասին։

Իսկ փոքրիկի ծնվելու օրը նա անմիջապես գրառում էր արել․«Բարի գալուստ այս հիասքանչ աշխարհ, իմ փոքրիկ հսկա, 4 կգ երջանկություն և անիրական սեր առաջին իսկ վայրկյանից, սա երևի իմ կյանքում ծննդյան օրվա լավագույն նվերն է(որը վաղն է, բայց ինձ համար արդեն միևնույնն է, բոլորին մաղթում եմ զգալ այս երջանկությունը)»,-գրել է նա։

Առաջին ամուսնուց՝ գործարար Վաղինակ Մարտիրոսյանից բաժանվելուց հետո Ավետիսյանը գրեթե կես տարի ընկճախտի մեջ էր։ Ամուսնալուծությունից հետո դիմահարդարը 43 կգ-ով նիհարեց և նոր սեր գտավ։

Ավետիսյանը ծնունդով Մարտունի քաղաքից է, նրա ընտանիքը Մոսկվա է տեղափոխվել, երբ աղջիկն ընդամենը մեկ տարեկան էր։ Նա հավասարապես սիրում է թե՛ Ռուսաստանը, թե՛ Հայաստանը։ Գոհարը, դիմահարդարման իր վարպետությամբ, բառացիորեն գրավել է Մոսկվան։ Կոսմետիկ նյութերով սկսել է աշխատել դեռ 11-12 տարեկանում։

16 տարեկանում ընդունվել է Ռուսաստանի ժողովրդական տնտեսության և պետծառայության ակադեմիա՝ տնտեսագիտության ֆակուլտետ։ Դեռ առաջին կուրսում սկսել է դիմահարդարել բոլոր ընկերուհիներին և ծանոթներին։ Սիրելի զբաղմունքը դարձել է աշխատանք, նա ստիպված է եղել թողնել ուսումը։ Արդյունքում՝ 2012թ-ին, Գոհարը սկսել է դասավանդել։ Սկզբում դիմահարդարման վարպետության դասընթացներ էր անցկացնում, իսկ հիմա արդեն իր դպրոցն ու ստուդիան ունի Մոսկվայի կենտրոնում։

961
թեգերը:
ծնունդ, երեխա, ծննդատուն, Գոհար Ավետիսյան
Ըստ թեմայի
«Տարվա ձախողո՞ւմ», թե՞ հաջողված կատակ․ Գոհար Ավետիսյանի կեղծամը զվարճացրել է օգտատերերին
Վիկտորյա Կոլեսնիկովան հղի է․ նա երրորդ զավակը կպարգևի հայ ամուսնուն
Պաշտպանական բնա՞զդ, թե՞ վախ. «դիմահարդարման գուրուն» սոցցանցում «հարցում» է անցկացրել
Հանրային խորհրդի նիստ, արխիվային լուսանկար

ՌԴ նոր Հանրային պալատը կշարունակի համագործակցել ՀՀ Հանրային խորհրդի հետ

53
(Թարմացված է 19:07 10.08.2020)
ՀՀ Հանրային խորհուրդը ռուսական կողմին առաջարկել է մինչ կորոնավիրուսի համավարակի ավարտը փոխգործակցության հիմնական ուղղությունների շրջանակում կազմակերպել առցանց կոնֆերանս: Կոնֆերանսի թեմաները կհստակեցվեն առաջիկայում:

ԵՐԵՎԱՆ, 10 օգոստոսի - Sputnik. ՌԴ Հանրային պալատը հույս է հայտնել, որ նոր՝ 7-րդ կազմով, ևս կշարունակի համագործակցել ՀՀ Հանրային խորհրդի հետ:

ՌԴ Հանրային պալատի գլխավոր քարտուղարը՝ միջազգային հարաբերությունների գծով տեղակալ Ա. Շկոլնիկը ՀՀ Հանրային խորհրդի նախագահ Ստյոպա Սաֆարյանին ուղղված նամակով տեղեկացրել է, որ ՀՊ 7-րդ կազմն արդեն ձևավորված է: Գլխավոր քարտուղար է ընտրվել Լ. Միխեևան:

Շկոլնիկը ՌԴ Հանրային պալատի նոր կազմի անունից, վստահություն է հայտնել, որ ՀՀ Հանրային խորհրդի հետ համագործակցությունը կշարունակի մնալ միջազգային հարաբերությունների կարևորագույն ուղղություններից մեկը:

«Հանրային պալատի անդամները պատրաստակամ են ներգրավվել երկկողմ և բազմակողմ համաժողովներում, ֆորումներում և գործունեության հիմնական ուղղություններին առնչվող այլ միջոցառումներում»,- նշված է նամակում:

ՀՀ ՄԻՊ Արման Թաթոյանը դատապարտել է Ստյոպա Սաֆարյանի արարքը

ՀԽ նախագահը պատասխան նամակով շնորհավորել է ՀՊ նոր կազմին՝ նշանակումների և ընտրությունների կապակցությամբ և շնորհակալական խոսք ուղղել նախկին գործընկերներին՝ արդյունավետ համագործակցության համար:

Ափսոսանք հայտնելով հետաձգված փոխայցերի համար, որոնք այս պահին անհնար են դարձել կորոնավիրուսային համավարակի պատճառով՝  Սաֆարյանը հույս է հայտնել, որ դրանք հնարավոր կդառնան համավարակային իրավիճակի մեղմացումից անմիջապես հետո: Մինչ այդ, ռուսական կողմին առաջարկվել է փոխգործակցության հիմնական ուղղությունների շրջանակում կազմակերպել առցանց կոնֆերանս: Առաջիկայում կհստակեցվեն այն թեմաները, որոնց շուրջ այս ձևաչափով հնարավոր քննարկումները կարող են արդյունավետ լինել:

53
թեգերը:
կորոնավիրուս, Ռուսաստան, Հայաստան, նամակ, Ստյոպա Սաֆարյան, Հանրային խորհուրդ
Ըստ թեմայի
Հանրային խորհուրդն անիմաստ կառույց է. Ալեն Սիմոնյան
Ալավերդյան. «Ստյոպա Սաֆարյանի համար Վազգեն Մանուկյանի անձը մարտահրավեր է»
Պիպոյան. «Հանրային խորհուրդը հարկավոր է որպես ինստիտուտ՝ անկախ անձերից»
Ստյոպա Սաֆարյան. «Նիսյա» լավ երկրի հեռանկարը հեշտ չէ համոզել մարդկանց
Օլգա Բուզովա

Դավան և Բուզովան նշում են իրենց հանդիպման հոբելյանը․ ի՞նչ նվեր է մատուցել բլոգերը սիրելիին

269
(Թարմացված է 20:55 09.08.2020)
Պարզվում է՝ Դավիթից առաջ, Օլգային նույն անակնկալը մատուցել է նաև նրա նախկին ամուսինը՝ Դմիտրի Տարասովը։

ԵՐԵՎԱՆ, 9 օգոստոսի - Sputnik. Ռուսական շոու-բիզնեսի ամենագեղեցիկ զույգերից մեկը՝ երգչուհի Օլգա Բուզովան և նրա ընտրյալը՝ բլոգեր, պարող Դավան (Դավիթ Մանուկյանը) իրենց հարաբերությունների մեկամյակը նշել են Սոչիում։ Երգչուհին Instagram-ում լուսանկար է հրապարակել իրենց հանգստից։

«Երեկ Սոչիի լավագույն բաղնիքներից մեկում էինք։ Մաքուր օդ, լեռներ, կանաչ թեյ և մերսում»,- հիացած գրել է երգչուհին։

Скрин поста Ольги Бузовой
Դավան և Բուզովան նշում են իրենց հանդիպման հոբելյանը

7days.ru կայքը գրում է, որ բաղնիքից հետո զույգը ռեստորան է գնացել, որտեղից էլ Բուզովան վայելել է Դավայի գլխավոր անակնկալը՝ մեծ հրավառությունը։

Սակայն, պարզվում է, Դավիթից առաջ, Օլգային նույն անակնկալը մատուցել է նաև նրա նախկին ամուսինը՝ Դմիտրի Տարասովը։ Օլգայի 30-ամյակին նա մեծ հրավառություն էր պատվիրել, որին երգչուհին հետևել է իր ընկերուհիների հետ Մոսկվա գետի վրա գտնվող ռեստորաններից մեկից։

Հայերենը, մեքենաները, աղջիկները. ի՞նչ են քննարկել բլոգեր Ադամյանն ու Բուզովայի հայ ընկերը

Համացանցում քննարկում են՝ արդյո՞ք Դավան տեղյակ չէր Տարասովի արած անակնկալից, թե՞ հատուկ է որոշել «կրկնել» նրան։

Օլգա Բուզովան և Դավան միասին են ապրում։ Դավան տատու է արել սիրելիի անունը մարմնի վրա, ծանոթացրել նրան իր ծնողների հետ, Օլգան էլ ամեն կերպ օգնում է ընկերոջը կայանալ շոու-բիզնեսում։

269
թեգերը:
հրավառություն, Սոչի, նվեր, Բլոգեր, երգչուհի, Օլգա Բուզովա, Դավիթ (Դավա) Մանուկյան
Ըստ թեմայի
Բուզովայի փեսացուն ամեն ինչի պատրաստ է․ Մանուկյանը դեմ չէ «մեծական» ֆիլմում նկարահանվելուն
Բուզովայի` բանկ ներխուժած «երկրպագուն» երկու ամսով կալանավորվել է. լուսանկար
Ալֆո՞նս, թե՞ երկար սպասված արքայազն․ ինչո՞վ է հայտնի Բուզովայի հայ փեսացուն
Հայերենը, մեքենաները, աղջիկները. ի՞նչ են քննարկել բլոգեր Ադամյանն ու Բուզովայի հայ ընկերը
Կարմիր հաղարջ

Ի՞նչ է կատարվում օրգանիզմում, երբ կարմիր հաղարջ ենք ուտում

0
(Թարմացված է 15:24 10.08.2020)
Այս անուշաբույր ու շատ թթու հատապտուղը կարող է բարենպաստ ազդեցությունն ունենալ տարբեր օրգանների վրա, բայց նաև հակացուցումներ ունի։ Մանրամասները՝ Sputnik Արմենիայի նյութում։

Կարմիր հաղարջը կոկռոշազգիների ընտանիքի բույս է։ Ի տարբերություն սև հաղարջի՝ կարմիր հաղարջի թփերն ավելի սեղմված են ու դեպի վեր ձգված։

Այս բույսի հայրենիքն Արևմտյան Եվրոպան է, որտեղ ժամանակին այն որպես դեղաբույս է աճեցվել։ Առաջին բերքը սկսում են հավաքել հունիսի վերջին, բայց գրեթե ամբողջ ամառ պտուղ է տալիս։

Ի՞նչ է կատարվում օրգանիզմում, երբ եգիպտացորեն ենք ուտում

Կարմիր հաղարջն իր հատկություններով ամենաարժեքավոր հատապտուղներից է։ Հարուստ է օրգանական թթուներով, որի համադրությամբ էլ պայմանավորված է հաճելի, թարմացնող համը։ Պարունակում է А, С, Е վիտամիններ, նաև երկաթ, կալիում, սաթաթթու ու խնձորի թթու։ Բացի այդ, հաղարջի մեջ մեծ քանակությամբ հակաօքսիդանտեր կան, որոնք կարող են դանդաղեցնել ծերացումն ու հակազդել քաղցկեղային բջիջներին։

Երիտասարդություն ու տոնուս

Կարմիր հաղարջի մեջ եղած սաթաթթուն ու խնձորի թթուն, որոնք էներգիա տվող միացությունների խմբին են պատկանում, արդյունավետ են գերհոգնածության ժամանակ։ Հենց այդ պատճառով էլ մարզիկներին խորհուրդ է տրվում հաղարջի հյութ խմել՝ մարաթոնյան վազքի ժամանակ տոնուսը պահելու ու մրցումներից հետո ուժերն արագ վերականգնելու համար։ Նշված թթուները շատ օգտակար են նաև տարեցներին։

Ի՞նչ է կատարվում օրգանիզմում, երբ մոշ ենք ուտում

Սրտի ու նյութափոխանակության համար

Կարմիր հաղարջի մեջ շատ է անոթներին անհրաժեշտ երկաթը, ինչպես նաև կալիումը, որը բարենպաստ ազդեցություն ունի սրտի վրա ու օրգանիզմից հանում է ավելորդ հեղուկը՝ կանխելով այտուցներն ու աչքերի տակի պարկերը։

Կարմիր հաղարջը ախորժակ է բացում և նպաստում կենդանական սպիտակուցի յուրացմանը։

Բուժիչ հատկություններ

Կարմիր հաղարջի հյութը ջերմիջեցնող, հակաբորբոքային ու քրտնաբեր հատկություն ունի, օգնում է սակավարյունության ժամանակ։ Օգտակար է միզաքարային հիվանդություններ ունեցողներին, քանի որ նպաստում է ուրատների՝ միզաթթվի աղերի դուրս բերմանը։

Օգտակար են նաև կարմիր հաղարջի թարմ ու չորացրած տերևները։

Ինչպե՞ս ընտրել

Կարմիր հաղարջ գնելիս ուշադրություն դարձրեք, որ հատիկները լինեն ամբողջական ու չոր։ Այս հատապտուղը չի կարելի երկար պահել, բայց սառեցման ժամանակ շատ լավ են պահպանվում օգտակար հատկությունները ։

Կիրառությունը

Հաղարջով մսային ու ձկնային ուտեստների սոուսներ, դոնդող ու մարմելադ են պատրաստում, հատապտուղն ավելացնում են սմուզիի մեջ ու անուշաբույր խմորեղեն թխում։ Բացի այդ, կարելի է հիանալի հյութ ու կոմպոտ սարքել։

Հակացուցումներ

Չնայած այս հատապտղի օգտակար հատկություններին, կան նաև հակացուցումներ։ Օրինակ` կարմիր հաղարջի հյութը հակացուցված է ստամոքսի ու տասներկումատնյա աղիքի խոցի, սուր գաստրիտի ու հեպատիտների, ինչպես նաև արյան ցածր մակարդելիության դեպքում։

Ի՞նչ է կատարվում օրգանիզմում, երբ սեխ ենք ուտում

0
թեգերը:
օրգանիզմ, հաղարջ
Ըստ թեմայի
Ի՞նչ է կատարվում օրգանիզմում, երբ ծիրան եք ուտում
Ինչ է տեղի ունենում օրգանիզմում, երբ մեղր ենք ուտում
Ի՞նչ է տեղի ունենում օրգանիզմում, երբ հապալաս եք ուտում
Ի՞նչ է կատարվում օրգանիզմում, երբ «շպանկա» ենք ուտում