ԵՐԵՎԱՆ, 12 հունիսի – Sputnik. Ռուսաստանի նախագահի մամուլի քարտուղար Դմիտրի Պեսկովը կարծում է, որ իր գործունեությունը որոշակի առումով նման է սակրավորի աշխատանքի, սխալվել կարելի է միայն «մեկ անգամ»։ Այս մասին նա հայտարարել է` պատասխանելով «Вконтакте» սոցցանցում հեռարձակվող «Յունարմիայի» «Սիրում եմ Ռուսաստանը» նախագծի մասնակիցների հարցերին։
Պեսկովի խոսքով` երբեմն դժվար է ինչ–որ գնահատականներ տալը, ինչ–որ հայտարարություններ անելը։
«Որովհետև եթե դու ինչ–որ բան սխալ ձևակերպես, դա չարակամներից մեկը կարող է օգտագործել քո դեմ։ Սակայն դա չէ ամենավտանգավորը: Այն կարող են նախագահի դեմ օգտագործել, ինչը չի կարելի թույլ տալ։ Այդ պատճառով իմ աշխատանքը փոքր-ինչ նման է սակրավորի աշխատանքին. սխալվում ես մեկ անգամ»,– ասել է նա։
Պեսկովը նշել է, որ պետության ղեկավարի մամուլի քարտուղարը պետք է պատրաստ լինի ամեն ինչի։
Վրաստանի և Ուկրաինայի ղեկավարները կմասնակցե՞ն Հաղթանակի շքերթին. պատասխանում է Պեսկովը
