ԵՐԵՎԱՆ, 8 հունիսի – Sputnik. COVID-19–ի բարդությունների բուժման համար ստեղծված «Լևիլիմաբ» դեղամիջոցն ի սկզբանե ուզում էին կիրառել ռևմատոիդ արթրիտի դեպքում, պատմել է BIOCAD ռուսական կենսատեխնոլոգիական ընկերության գլխավոր տնօրեն Դմիտրի Մորոզովը, հայտնում է ՌԻԱ Նովոստին։
«Քանի որ աշխարհում` COVID-19–ով հիվանդ պացիենտներին բուժելու համար այս տեսակի դեղորայքների կիրառման փորձ կա, մենք որոշեցինք այն կիրառել այդտեղ և սկսեցինք կլինիկական փորձարկումները», – ասել է նա։
Տուփի մեջ երկու ներարկիչ կա, որոնք բժիշկները կարող են օգտագործել կա՛մ միաժամանակ, կա՛մ մի փոքր դադարով։ Այնուհետև պացիենտը 10 օր մնում է հսկողության տակ և դրանից հետո դուրս գրվում։
Մորոզովը ընդգծել է, որ սա լիովին օրիգինալ դեղամիջոց է, որի մոլեկուլներն իրենց ընկերությունն է ստեղծել։ Սկզբում այն նախատեսվում էր ներարկել, երբ պացիենտի մոտ ցիտոկինի փոթորիկ էր սկսում, սակայն կենտրոնական կլինիկական հիվանդանոցի բժիշկները կլինիկական փորձարկումների շրջանակում կիրառման սեփական ռեժիմը մշակեցին։
«Երբ նրանք տեսնում են, որ մարդը մի փոքր հևոց կամ COVID 19-ի այլ ախտանշաններ ունի, որոնք կարող են բարդությունների վերաճել, նրանք սկսում են օգտագործել այս դեղամիջոցը», – ասել է Մորոզովը։
Նախարարությունը բժշկական կենտրոններին հորդորում է օգնել COVID-ի դեմ պայքարում
Ավելի վաղ Biocad-ի մամուլի ծառայությունից ՌԻԱ Նովոստիին հայտնել էին, որ Ռուսաստանի հիվանդանոցերը դեղամիջոցը կստանան մոտավորապես երեք շաբաթից։
Ռուսաստանում կորոնավիրուսային վարակի բացահայտված դեպքերը հունիսի 7–ի դրությամբ գերազանցել են 467 հազարը, համավարակի զոհ է դարձել` 5689 պացիենտ։
