Су-57

Սու-57-ի փորձարկումներն ավարտված են. երբ ՌԴ ռազմաօդային ուժերը կստանան առաջին կործանիչները

472
(Թարմացված է 16:27 22.05.2020)
Չնայած կորոնավիրուսի հետևանքով առաջացած տեխնոլոգիական լարվածությանը՝ ՌԴ ռազմական արդյունաբերական համալիրը, ըստ նախատեսվածի, սկսում է սերիական Սու-57 հինգերորդ սերնդի կործանիչների արտադրությունը։ ՌԴ ռազմատիեզերական ուժերը շուտով կստանան նորագույն ավիացիոն համալիրը։

Ալեքսանդր Խրոլենկո, ռազմական վերլուծաբան

Պաշտպանության ծախսերի ցուցանիշով Ռուսաստանն աշխարհում չորրորդ տեղն է զբաղեցնում, բայց ռուսական պաշտպանական արդյունաբերական համալիրի հաջողությունները տպավորիչ են։ Առաջին անգամ պատմության մեջ Ռուսաստանը նորագույն սպառազինության ոլորտում գերազանցում է բոլոր երկրներին, այդ թվում՝ ԱՄՆ-ին, և շարունակում է առաջ գնալ։

Ինչո՞ւ է Ռուսաստանն ուժեղացնում Կասպիական նավատորմը

Ռուսաստանի պաշտպանական արդյունաբերությունը համակարգող, փոխվարչապետ Յուրի Բորիսովն այսօր ՌԻԱ Նովոստիի հետ զրույցում ասել է․ «Փորձարկումների ընթացքում Սու-57-ը հաստատել են մարտավարական տեխնիկական առաջադրանքի բոլոր պահանջները գրեթե ամբողջական ծավալով։ 76 ինքնաթիռ մատակարարելու պետական պայմանագիրն իրականացվում է ըստ նախատեսվածի»։

Բորիսովը կարծում է, որ չնայած COVID-19-ի պատճառով ստեղծված արտակարգ իրավիճակին՝ Սու-57 հինգերորդ սերնդի կործանիչների առաջին խմբաքանակը կփոխանցվի ՌԴ Զինված ուժերին 2020 թ-ին։

Многофункциональный истребитель Су-57
© Sputnik /
Բազմաֆունկցիոնալ կործանիչ Սու-57

Տարբեր ռեժիմներով, այդ թվում՝ անօդաչու, փորձարկումների ընթացքում ստուգվել է նորագույն կործանիչի համակարգերի աշխատանքը։ ՌԴ պաշտպանության նախարարությունը բազմիցս հայտնել է, որ կործանիչը բարեհաջող փորձարկումներ է անցել մարտական պայմաններում՝ Սիրիայում։ Այլ կերպ լինել չէր կարող, քանի որ հինգերորդ սերնդի կործանիչը նախատեսված է օդային ու ցամաքային ցանկացած թիրախ արդյունավետ խոցելու համար։

Հզոր զինամթերքի, հակառակորդին հայտնաբերելու առաջատար համակարգերի, գերձայնային արագության, մանևրելու բարձր հնարավորության շնորհիվ Սու-57-ը լիարժեք գերակայություն է ստանում օդում։ Այն աշխարհում նախատիպը չունի։

Անհավանական հնարավորություններ

Սու-57 նորագույն կործանիչը կարող է օդային և ցամաքային թիրախները հայտնաբերել մինչև 400 կմ հեռավորության վրա։ Այն գերազանցում է հինգերորդ սերնդի ամերիկյան կործանիչներին՝ շնորհիվ գերձայնային կրեյսերային արագության, երևակայելի պիլոտաժային որակների, հիմնական ռադիոլոկացիոն կայանի, թիրախների հայտնաբերման եզակի համակարգի, 10-տոննայանոց զինանոցի, այդ թվում՝ հիպերձայնային հրթիռների։ Կործանիչի զինանոցը գտնվում է ներսում, այսինքն՝ հակառակորդի ընդունիչները չեն կարող «տեսնել» այն։

Սևմաշը պատրաստվում է հանձնել ատոմային սուզանավերը.ինչպես կփոխվի ՌԴ ռազմածովային նավատորմը

Փոքր մակերեսի շնորհիվ  (0,4 կվ․մ) Սու-57-ը գրեթե աննկատ է հակառակորդի ընդունիչների համար։

Կործանիչի երկու տուրբոռեակտիվ շարժիչները թույլ են տալիս շարժվել մինչև 2600 կմ/ժամ արագությամբ, ու մեկ րոպեում 21 կիլոմետր բարձրություն ապահովել։ Հինգերորդ սերնդի ռուսական կործանիչը առանց ֆորսաժը միացնելու գերձայնային արագություն է հավաքում, և կարող է հարվածներ հասցնել ոչ միայն փոքր, միջին ու մեծ հեռահարության հրթիռներին, այլև գերմանևրային մոտակա մարտ վարել՝ թնդանոթային զենքի կիրառմամբ։

Կարելի է միայն ենթադրել՝ որքան կաճեն ռուսական բանակի պատվիրած 76 Սու-57 կործանիչների մարտական հնարավորությունները, եթե դրանք առաջադրանք կատարեն «Օխոտնիկ» նորագույն ԱԹՍ-ների հետ։

Սու-57-ի անօդաչու ռեժիմի մշակման մասին տեղեկությունը չափազանց հետաքրքիր է ու նշանակում է, որ բարդագույն տեխնիկան հնարավոր է բազային մեծ հեռավորության վրա կառավարել արհեստական բանականության միջոցով։ Այն վերացնում է արագության ու մանևրելու ֆիզիոլոգիական սահմանափակումերը։ Պատահական չէ, որ ԱՄՆ-ն անհանգստությամբ հետևում է Ռուսատանում հինգերորդ սերնդի անօդաչու կործանիչի մոդիֆիկացիային, քանի որ ամերիկյան նորագույն F-35 Lightning II-ը կարող է գերձայնային արագությամբ թռիչքի մոտ երրորդ րոպեի ընթացքում փլվել․ եզրակարը չի դիմանում։

Ռազմաքաղաքական մրրկայնություն

Կործանիչը  կարող է նաև օդային հետախուզում ու հսկողություն իրականացնել, այլ տեսակի զորքերի գործողությունները համակարգել, հեռավորության լայն սպեկտրի հրթիռային բարձր ճշգրտության հարվածներ իրականացնել։ Սակայն մարզական գերակայությունն ինքնանպատակ չէ։ Նորագույն ավիացիոն համալիրի արդյունավետությունը հսկայական նշանակություն ունի Ռուսատանի ու դաշնակից երկրների ռազմական անվտանգությունն ապահովելու, արտաքին ագրեսիան կանխելու համար։

Վերջին տասնամյակների ռազմական հակամարտությունների (Աֆղանստանում, Իրաքում, Սիրիայում, Լիբիայում, Հարավսլավիայում) փորձը ցույց է տալիս, որ Արևմուտքի գլխավոր զենքը օդում քանակական ու որակական գերակայությունն է։

Հիշեցնեմ՝ 2019 թվականին ԱՄՆ-ն դիտավորությամբ տապալեց «Միջին ու փոքր հեռահարության հրթիռների ոչնչացման մասին» պայմանագիրը, անորոշություն ստեղծեց ռազմավարական հարձակողական զենքի մասին պայմանագրի վերաբերյալ, մեծացրեց հակահրթիռային պաշտպանական համակարգի գլոբալ ներուժը։ 2020 թվականի ԱՄՆ ռազմական բյուջեն կազմում է 750 միլիարդ դոլար․ այն տասն անգամ գերազանցում է  ռուսական պաշտպանական բյուջեին։

Ինչո՞ւ են Հնդկաստանում Հայաստանը համարում «ԱՊՀ–ի Սիլիկոնյան հովիտ»

Այս համատեքստում Ռուսաստանի համար պարտադիր առաջնահերթություն է դառնում հզոր ռազմատիեզերական ուժերի ու հակահրթիռային պաշտպանության համակարգի ձևավորումը։ Մոսկվան ստիպված է արձագանքել ռազմական սպառնալիքների աճին անվտանգության ամբողջ տրամագծով, ավելացնել զորքերի պատրաստականությունն ու սպառազինության հնարավորությունները, ամրացնել դաշնակիցների անվտանգությունը։

Պատասխան հարվածի երաշխիք. Ռուսաստանում մարտական հերթապահության է անցնում «Ավանգարդը»

472
թեգերը:
անօդաչու, Սիրիա, բյուջե, ԱՄՆ, ռազմարդյունաբերություն, Ռուսաստան
Ըստ թեմայի
Պատասխան հարվածի երաշխիք. Ռուսաստանում մարտական հերթապահության է անցնում «Ավանգարդը»
Կայունության գործիք. ՌԴ–ն վերսկսել է Տու-160Մ ռազմավարական հրթիռակիրների արտադրությունը
Երկրորդ կյանք` մանր սադրանքների համար. ինչպիսի ռազմանավակներ է ԱՄՆ–ն տալիս Ուկրաինային
Ոչ թե խոսքով, այլ գործով. ինչպես է Հայաստանը Սիրիայում օգնում Ռուսաստանին
Եվգենի Պետրոսյանն ու Ելենա Ստեպանենկոն

Ստեպանենկոն ասել է, թե ինչպես է վերաբերվում Պետրոսյանին ամուսնալուծությունից հետո

80
(Թարմացված է 17:11 31.05.2020)
Ստեպանենկոն պատմել է, որ ամուսնալուծության գործընթացի ժամանակ ստիպված բախվել է սուտ մեղադրանքների, բայց որոշել է դիմանալ ի վերուստ տրված փորձություններին։

ԵՐԵՎԱՆ, 31 մայիսի –Sputnik. Հայտնի երգիծաբան Ելենա Ստեպանենկոն խոստովանել է, որ Եվգենի Պետրոսյանի վրա չարացած չէ և վաղուց է ներել նրան։ Այս մասին նա պատմել է «Վեչեռնյայա Մոսկվային» տված հարցազրույցում։

Ստեպանենկոն խոստովանել է, որ լինելով հավատացյալ, ինքը հակված է ներել բոլորին։

«Չէ՞ որ հավատքում կարևոր է բոլորին ներելը։ Իսկ եթե մարդուն չես ներել, էլ ի՞նչ հավատացյալ ես դու»,– ասել է նա։

Ստեպանենկոն պատմել է, որ ամուսնալուծության գործընթացի ժամանակ ստիպված բախվել է սուտ մեղադրանքների, որոնք չի հերքել՝ դարձյալ հետևելով քրիստոնեական սկզբունքներին։ Նա որոշել է դիմանալ ի վերուստ տրված փորձություններին։

Միևնույն ժամանակ Ստեպանենկոն խոստովանել է, որ զարմացած է կատարվածի, քանի որ «դա իսկապես սարսափելի էր»։

«Չէ՞ որ ես անցա այդ ճանապարհը՝ չպատասխանելով կեղծ մեղադրանքներին։ Մտածում էի, որ եթե Աստված այդպես է վարվել, նշանակում է, ես պետք է դիմանամ դրան։ Այլ կերպ լինել չի կարող»,– նշել է Ստեպանենկոն։

Իսկական տղամարդը գիտի՝ երբ հեռանալ. նախկին ամուսինների վեճը շարունակվում է

Նա հավաստիացրել է, որ թերթել է իր կյանքի այդ էջը և այժմ իրեն բացարձակ երջանիկ համարում։ Ստեպանենկոն ընդգծել է, որ վաղուց է բաց թողել Պետրոսյանին և նրան երջանկություն մաղթել։

Պետրոսյանն ու Ստեպանենկոն ամուսնալուծվել են 2018 թվականին` 33 տարի ամուսնացած լինելուց հետո։  Անցած տարվա դեկտեմբերին Եվգենի Պետրոսյանն ամուսնացավ իր երիտասարդ օգնական Տատյանա Բրուխունովայի հետ։ 74-ամյա երգիծաբանի հասուն դուստրը՝ Վիկտորյան, բնակվում է Մոսկվայում` Ելենա Ստեպանենկոյի հետ նույն բնակարանում։ Ամուսնալուծությունից հետո Վիկտորյան սատարեց խորթ մորը և դադարեց շփվել հոր հետ։

«Շատ ոճային եք». սոցցանցերում քննարկում են Եվգենի Պետրոսյանի նոր կերպարը

80
թեգերը:
Մեղադրանք, ամուսնալուծություն, Ռուսաստան, Եվգենի Պետրոսյան
Ըստ թեմայի
Պետրոսյանի և Ստեպանենկոյի ունեցվածքը կգնահատեն. նշանակված է փորձաքննություն
Եթե դա ճիշտ է. Ստեպանենկոն խոսել է Պետրոսյանի և նրա երիտասարդ սիրուհու ամուսնության մասին
Ելենա Ստեպանենկոն Եվգենի Պետրոսյանից գրեթե կես միլիոն դոլար է թաքցրել
«Երկրորդ Ջիգարխանյան կսարքեմ». սիրահարված և նիհարած Ստեպանենկոն սպառնացել է Պետրոսյանին
Հայաստան ժամանած նորակոչիկները կփոխարինեն 102-րդ ռազմաբազայի անձնակազմին

Հայաստան ժամանած նորակոչիկները կփոխարինեն Գյումրու 102-րդ ռազմաբազայի անձնակազմին

152
Նորակոչիկները կմնան երկշաբթայա կարանտինում` Գյումրու ռազմական կայազորի հատուկ պատրաստված տարածքներում:

ԵՐԵՎԱՆ, 31 մայիսի – Sputnik. Հայաստանում տեղակայված 102-րդ ռուսական ռազմակայան է ժամանել զինծառայողների առաջին խումբը` սահմանված ժամկետային զինծառայությունն ավարտած  զինվորների և սերժանտների պլանային փոխարինման համար։

Ինչպես հայտնում է ՀՌՕ մամուլի ծառայությունը, մայիսի 31-ին շուրջ 100 զինծառայողներ, որոնց ծառայության ժամկետն ավարտվել է, տուն են վերադարձել, որոնց էլ կփախարինեն Հայաստան եկած մոտ 150 զինծառայողները։

Զինծառայողներին տուն են ուղարկում ռազմատրանսպորտային ավիացիայի Իլ-76 ինքնաթիռներով։ ՀՌՕ զորահրամանատար, գեներալ–գնդապետ  Ալեքսանդր Դվորնիկովի որոշման համաձայն` անձնակազմի տեղափոխումն իրականացվում է ռազմական ինքնաթիռներով սոցիալական հեռավորության պահպանելով, օդանավը բեռնված է 50%–ով։

Ռազմակայանի բուժանձնակազմը բոլոր զինծառայողների բուժզննում է անցկացրել, ինչպես նաև ջերմաչափել նրանց։

Ռազմակայան ժամանելիս յուրաքանչյուր խումբ ապահովվում է անհատական պաշտպանության միջոցներով (ձեռնոց, դիմակ, բախիլներ), անձնակազմը տեղափոխվում է բացառապես զինվորական ավտոբուսներով, որոնք նախապես հատուկ մշակվել են ախտահանիչ լուծույթներով։

Ռուսաստանը չի բացահայտում Վալերի Պերմյակովի պահման վայրը

Նորակոչիկները երկշաբաթյա կարանտինի կտեղափոխվեն «Սիվերսկի» ռազմական ավանում գտնվող Գյումրիի ռազմական կայազորի հատուկ նախապատրաստած տարածքներում։  Կարանտինի ընթացքում զինծառայողների հետ ադապտացման միջոցառումներ կանցկացվեն, նրանց ֆիզիկական վիճակի ամենօրյա մոնիթորինգ, ջերմաչափում և բուժզննում կիրականացվի։  Ռազմակայանի ռազմաքաղաքական աշխատանքի բաժնի սպաները նորակոչիկներին կծանոթացնեն զորամասի պատմությանն ու ավանդույթներին։

Հայաստանում ՀՌՕ ռուսական ռազմակայանում ծառայություն անցնելու համար զինծառայողները Հարավային և այլ ռազմական օկրուգների զորամասերից և ուսումնական կենտրոններից են։ Փոխարինման ժամանած նորակոչիկներին ռազմակայանի հրամանատարությունը նշանակում է կապավորի, հետախույզի, կինոլոգի, սակրավորի, դիպուկահարի, ԱԹՍ և ՀՕՊ միջոցների օպերատորի պաշտոնների։

Մինչև հուլիսի 1-ը նախատեսվում է զորակոչով ծառայություն անցնող շուրջ 1.5 հազար զինվորի և սերժանտի փոխարինում։ Պլանային փոխարինման ընթացքում ռազմակայանի անձնակազմի թիվն անփոփոխ կմնա։

152
թեգերը:
Գյումրի, կարանտին, զինծառայող, նորակոչիկ, Գյումրու 102–րդ ռազմաբազա, Հայաստան
Ըստ թեմայի
ՀՀ-ում ՌԴ 102-րդ ռազմաբազայի աջակցությամբ Սադունց գյուղը նոր ջրագիծ ունի
Ռուսաստանի պաշտպանության փոխնախարարն այցելել է Գյումրու 102–րդ ռազմաբազա
Շարմազանով. «102–րդ ռազմաբազան Հայաստանի անվտանգության կարևորագույն բաղադրիչներից է»
Բողոքի ակցիա, ԱՄՆ

Ավելի քան 60 սպա և գործակալ է տուժել ԱՄՆ-ում տեղի ունեցած ցույցերի ժամանակ

0
(Թարմացված է 23:35 31.05.2020)
Ցույցերի ժամանակ անցած գիշեր մեկ անձ է ձերբակալվել։ Ցուցարարներից ոչ ոք Սպիտակ տան ճաղավանդակներից այն կողմ չի անցել։

ԵՐԵՎԱՆ, 31 մայիսի –Sputnik.  ԱՄՆ գաղտնի ծառայությունների ավելի քան 60 սպա և հատուկ գործակալներ տուժել են Սպիտակ տան մոտ ընթացող ցույցի ժամանակ, նրանցից 11-ը հիվանդանոց է տեղափոխվել բուժզննման համար: Տեղեկությունը հայտնում է Գաղտնի ծառայությունների մամուլի ծառայությունը։

Այդ ծառայությունն ապահովում է ԱՄՆ կառավարական մարմինների և ղեկավարության անվտանգությունը։

«Ուրբաթ գիշերվանից մինչև կիրակի առավոտ Գաղտնի ծառայության ավելի քան 60 սպա և հատուկ գործակալ բազմաթիվ վնասվածքներ են ստացել նրանց ուղղությամբ նետած աղյուսների, քարերի, շշերի, ճայթուկների և այլ առարկաների պատճառով։ Ընդհանուր առմամբ 11 տուժած տեղի հիվանդանոց է տեղափոխվել, նրանց օգնություն է ցուցաբերվել, վնասվածքները կյանքի համար վտանգավոր չեն», – նշված է հաղորդագրության մեջ։

Նշվում է, որ ցույցի ժամանակ անցած գիշեր մեկ անձ է ձերբակալվել։ Ցուցարարներից ոչ ոք Սպիտակ տան ճաղերից այն կողմ չի անցել։

«Չեմ կարողանում շնչել»․ խռովությունները տարածվել են ԱՄՆ-ում

ԱՄՆ նախագահ Դոնալդ Թրամփն ավելի վաղ գովել է ծառայության գործողություններն ու քննադատել ցուցարարներին։

Անկարգությունները սկսվել էին ԱՄՆ Մինեապոլիս և մի շարք այլ  քաղաքներում այն բանից հետո, երբ ոստիկանության ձեռքից մահացավ աֆրոամերիկացի Ջորջ Ֆլոյդը։

Համացանցում տեսանյութ էր հայտնվել որում երևում է, թե ինչպես են մայիսի 25-ին Մինեապոլիսում աֆրոամերիկացի 46-ամյա Ջորջ Ֆլոյդի նկատմամբ ոստիկանության երկու ծառայողներ բռնություն կիրառում: Նրանցից մեկը ծնկով սեղմել էր գետնին պառկած Ֆլոյդի կոկորդն ու մի քանի րոպե պահել այդ դիրքում, չնայած որ քաղաքացին ասում էր, որ չի կարողանում շնչել ու թախանձագին խնդրում էր բաց թողնել իրեն։

Ոստիկանները անտեսել էին ոչ միայն իրենց զոհի, այլև հավաքվածների զգուշացումները, որ դադարեցնեն քաղաքացու նկատմամբ բռնությունը:

Իսկ երբ Ֆլոյդը կորցրել է գիտակցությունը, նրան տեղափոխել են հիվանդանոց, որտեղ էլ բժիշկներն արձանագրել են նրա մահը:

Ոստիկան Դերեկ Շովինը նախ հեռացվել էր ոստիկանության համակարգից, ապա՝ ձերբակալվել:

Աշխատանքից հեռացվել են միջադեպին մասնակցած ևս երեք ոստիկան:

Մինեապոլիսում անկարգությունները շարունակվում են․ ցուցարարները բանկ են հրկիզել

0
թեգերը:
Ձերբակալում, հիվանդանոց, Տուժածներ, Բողոքի ակցիա, ԱՄՆ
Ըստ թեմայի
ԱՄՆ-ն դադարեցնում է հարաբերությունները ԱՀԿ–ի հետ. Թրամփ
Կորոնավիրուսի մասին ապատեղեկատվություն տարածող կայքն աշխատել է ԱՄՆ փողերով
Թրամփն ասել է՝ ինչու է ԱՄՆ-ն թոքերի արհեստական շնչառության սարքեր տրամադրում այլ երկրների
ԱՄՆ–ում բնակվող հայերից մեկը Դավիթ Տոնոյանին է փոխանցել իր պապի` 100 տարվա ստացականը