Խաչատուրյան քույրեր

Խաչատուրյան քույրերի պաշտպանը դիմել է ՄԱԿ-ի հատուկ զեկուցողին

55
(Թարմացված է 12:47 20.05.2020)
Փաստաբանները կարծում են, որ քույրերի քրեական գործերի միավորումը կօգնի խուսափել կրկնակի սթրեսից։

ԵՐԵՎԱՆ, 20 մայիսի – Sputnik. Խաչատուրյան քույրերի պաշտպանական կողմը դիմել է ՄԱԿ-ի կանանց նկատմամբ բռնության գծով հատուկ զեկուցող Դուբրավկա Սիմոնովիչին՝ Ռուսաստանի իշխանությանը դիմելու խնդրանքով։

«Մենք խնդրել ենք ՄԱԿ-ի հատուկ զեկուցողին դիմել ռուսական իշխանությանն ու պահանջել թույլ չտալ կրկին տրավմայի ենթարկել աղջիկներին քրեական գործի քննման ընթացքում։ Անհրաժեշտ է հաշվի առնել, որ նրանք գործել են անհրաժեշտ ինքնապաշտպանության շրջանակում՝ գտնվելով ընտանեկան բռնության իրավիճակում», - ասել է փաստաբանը։

Փաստաբանները կարծում են, որ քույրերի նկատմամբ քրեական գործերի միավորումը կօգնի խուսափել կրկնակի սթրեսից։ Այժմ նրանց քրեական գործերն առանձին են, բայց քանի որ ավելի վաղ Մարիա Խաչատուրյանն անմեղսունակ էր ճանաչվել, այդ պատճառով նրա գործն առանձին են քննելու։ 

«Մենք պնդում ենք, որ գործը միասին քննվի ու դադարեցվի, քանի որ դա անհրաժեշտ պաշտպանություն էր», - ասել է Անգելինայի պաշտպանը։

Ավելի վաղ քննությունը հրաժարվել էր Խաչատուրյան քույրերի գործը սպանությունից վերաորակավորել անհրաժեշտ  պաշտպանություն։ Այս պահին քննությունն ավարտվել է, գործը փոխանցվել է տուժած կողմին՝ ծանոթանալու համար։

Խաչատուրյան քույրերի գործը կկարճվի՞. դատախազության որոշումն ու պաշտպանների ակնկալիքը

Հիշեցնենք` Միխայիլ Խաչատուրյանի սպանությունը տեղի էր ունեցել Մոսկվայում 2018 թվականի հուլիսի 27-ին։ 57-ամյա տղամարդու դին` վզի և կրծքավանդակի բազմաթիվ կտրած–ծակած վերքերով, հայտնաբերվել էր Մոսկվայի Ալտուֆյեվսկի մայրուղում գտնվող տանը։ Երեք դուստրերը, որոնք մեղադրվում են հոր սպանության մեջ, խոստովանել են հանցանքը։ Քննչական տվյալների համաձայն՝ քույրերից կրտսերը՝ 11-րդ դասարանի աշակերտուհի Մարիան, հորը դանակի մոտ 35 հարված է հասցրել։ Մյուս երկու աղջիկները՝ Քրիստինան (ավագ քույրը) և Անգելինան (միջնեկը) հարվածներ են հասցրել հոր գլխին, իսկ դեմքին գազային ցողիչ են փչել։

Խաչատուրյան քույրերի վերահսկման էլեկտրոնային թևնոցները հանել են

Ավելի ուշ հետմահու հոգեբանա-հոգեբուժական փորձաքննությունը հաստատեց, որ տղամարդն անձի խանգարումներ է ունեցել։ Համացանցում տեսագրություն հայտնվեց, որտեղ հայրը հոգեբանական բռնության է ենթարկում դուստրերին։ Պաշտպանական կողմը պնդում է, որ տարիներ շարունակ Խաչատուրյանը պարբերաբար ծեծել է դուստրերին, իսկ աղջիկները գործել են ելնելով անհրաժեշտ ինքնապաշտպանությունից։

55
թեգերը:
Սպանություն, հայր, Խաչատուրյան քույրեր, Միավորված ազգերի կազմակերպություն (ՄԱԿ), Մոսկվա, Ռուսաստան
թեմա:
Հայրասպան Խաչատուրյան քույրերի պատմությունը (85)
Ըստ թեմայի
Խաչատուրյան քույրերի ընկերուհիների դեմ հայց են ներկայացրել սպանության դրդելու համար
Խաչատուրյան քույրերի փաստաբանն առաջարկում է, որ գործը քննեն երդվյալների դատարանում
Հորը սպանելիս Խաչատուրյան քույրերից 2-ը կարող էին կառավարել իրենց գործողությունները. ՔԿ
Լաբորատորիայի աշխատակից. արխիվային լուսանկար

Ռուսական գիտական կենտրոնում ասել են, թե երբ կսկսեն փորձարկել COVID-19–ի պատվաստանյութը

16
(Թարմացված է 13:23 26.05.2020)
Զանգվածային կիրառումից առաջ պատվաստանյութը դեռ պետք է լաբորատոր փորձարկում անցնի, որից հետո միայն կսկսվի դրա արտադրությունը։

ԵՐԵՎԱՆ, 26 մայիսի –Sputnik. Ռոսպոտրեբնադզորի «Վեկտոր» վարակաբանության գիտական կենտրոն գլխավոր տնօրեն Ռինատ Մակսյուտովը «Իզվեստիա» թերթին տված հարցազրույցում հայտնել է, որ մտադիր են հունիսի վերջին սկսել COVID-19–ի պատվաստանյութի կլինիկական փորձարկումները։

Մակսյուտովը նշել է, որ փորձարկումները կսկսեն կենդանիների վրա իրականացրած թեստերի արդյունքները ստանալուց հետո։ Բացի այդ, կլինիկական հետազոտությունների համար անհրաժեշտ է Առողջապահության նախարարության թույլտվությունը։

Կենտրոնի գլխավոր տնօրենի խոսքով` զանգվածային կիրառումից առաջ պատվաստանյութը պետք է հաջողությամբ լաբորատոր փորձարկում անցնի, նոր միայն արտադրություն հասնի և դեղորայքային տեսք ստանա։ Դրան կհաջորդի նախակլինիկական և կլինիկական ուսումնասիրությունների մի ամբողջական սպեկտր, ինչպես նաև պատվաստանյութի գրանցումը։

Պատասխանը` 1 ժամում. Ֆրանսիայում COVID-19-ի նոր էքսպրես թեստ են մշակել

Գամալեայի անվան համաճարակաբանության և մանրէաբանության գիտահետազոտական կենտրոնի տնօրեն Ալեքսանդր Գինցբուրգն ավելի վաղ հայտնել էր, որ պատվաստանյութի մշակմամբ զբաղվող կենտրոնի աշխատակիցները, ինչպես նաև ինքն անձամբ պատվաստվել են, իրենց մոտ պաշտպանիչ հակամարմիններ են արտադրվել։ Նրա խոսքով` ՌԴ քաղաքացիների զանգվածային պատվաստումը կարող է մեկնարկել աշնան սկզբին և տևել 6-9 ամիս։

Օպերատիվ շտաբի պաշտոնական տվյալների համաձայն` Ռուսաստանում կորոնավիրուսի 362 342 դեպք է բացահայտվել, մահացել է 3 807 մարդ։ Երկրում ընդհանուր առմամբ 9.1 մլն թեստավորում է կատարվել։

Առողջապահության համաշխարհային կազմակերպությունը (ԱՀԿ) մարտի 11-ին նոր COVID-19 կորոնավիրուսի բռնկումը հայտարարել է համավարակ: Կազմակերպությունը բոլոր պետություններին կոչ է արել միավորվել վարակի դեմ պայքարում։

Համաշխարհային բժշկական ասոցիացիայի ղեկավարը հանդես է եկել COVID-19–ի դեմ պատվաստման օգտին

16
թեգերը:
պատվաստանյութ, պատվաստումներ, Ռուսաստան, կորոնավիրուս
թեմա:
Կորոնավիրուսը Չինաստանում և աշխարհում
Ըստ թեմայի
Պատվաստանյութ կորոնավիրուսի դեմ․ դեռ որքա՞ն է պետք սպասել փրկությանը. տեսանյութ
Ե՞րբ պատրաստ կլինի կորոնավիրուսի դեմ պատվաստանյութը
Ռուսաստանում աշխատում են կորոնավիրուսի դեմ 47 անուն պատվաստանյութի ստեղծման վրա
Ми-8

Ռուսաստանում ուղղաթիռը կոշտ վայրէջք է կատարել. անձնակազմը զոհվել է

45
Միջադեպի պատճառ կարող էր լինել ուղղաթիռի տեխնիկական անսարքությունը։ Արտակարգ դրության վայր է մեկնել  ՌԴ ՕՏՈՒ գլխավոր հրամանատարության հանձնաժողովը։

ԵՐԵՎԱՆ, 26 մայիսի – Sputnik. ՌԴ ՕՏՈւ Մի-8 ուղղաթիռը կոշտ վայրէջք է կատարել Չուկոտկայում, միջադեպի հետևանքով զոհվել է անձնակազմը: Տեղեկությունը հայտնում են ռուսական ԶԼՄ–ները` հղում անելով երկրի ՊՆ–ին։

Միջադեպը տեղի է ունեցել Մոսկվայի ժամանակով առավոտյան ժամը 5-ին «Ուգոլնիե կոպի» («Угольные Копи») օդանավակայանի մերձակայքում, վերանորոգումից հետո փորձնական թռիչքի ժամանակ։ Գետնին հարված ստանալով, ուղղաթիռը բռնկվել է։ 4 մարդ է զոհվել, բոլորը զինծառայողներ են։

Նախնական տվյալներով` միջադեպի պատճառը կարող էր լինել ուղղաթիռի տեխնիկական անսարքությունը։

Մի-8-ի սև արկղերն արդեն գտել են, դրանց վիճակը բավարար է։ Անադիրի օդանավակայանը վթարից հետո աշխատում է սովորական ռեժիմով։

Դեպքի վայր է ժամանել ՌԴ ՕՏՈՒ գլխավոր հրամանատարության հանձնաժողովը։

45
թեգերը:
Ռուսաստան, վայրէջք, ուղղաթիռ
Депутат Владимир Варданян перед зданием Дома правительства Армении (20 мая 2019). Еревaн

Վարդանյանն Էդմոն Մարուքյանին մեղադրեց պետության հեղինակության հետ խաղալու մեջ

0
(Թարմացված է 13:58 26.05.2020)
ԱԺ «Իմ քայլը» խմբակցության պատգամավոր Վլադիմիր Վարդանյանը «Լուսավոր Հայաստան» խմբակցության ղեկավարին ասաց, որ պետք չէ կոնֆիդենցիալ հարցերը բարձրաձայնել. դա կարող է անցանկալի հետևանքներ ունենալ։

ԵՐԵՎԱՆ, 26 մայիսի – Sputnik. «Իմ քայլը» խմբակցության պատգամավոր Վլադիմիր Վարդանյանն ԱԺ ամբիոնից բավականին վրդովված անդրադարձավ «Լուսավոր Հայաստան» խմբակցության ղեկավար Էդմոն Մարուքյանի ելույթին։

Մարուքյանը կասկածի տակ էր առել Վարդանյանի անաչառությունը որպես Եվրոպայի խորհրդի համապատասխան հանձնաժողովում COVID 19-ի զեկույցի համազեկուցող։

«Չեմ կարող չանդրադառնալ պարոն Մարուքյանի ասածներին. մե՜ծ, մեծ հարցական է՝ արդյո՞ք պարոն Մարուքյանն իրավունք ուներ այդ հարցը բարձրաձայնել որպես իրավաբան, որպես պատգամավոր, որպես ԵԽԽՎ անդամ և որպես իրավական հարցերի և մարդու իրավունքների հարցերի հանձնաժողովի առաջին փոխնախագահ, որովհետև դա դեռևս կոնֆիդենցիալ է, որոշումը դեռ կայացված չէ»,–ասաց Վարդանյանը:

Նա հավելեց՝ այո, քննարկվում էր հարց, որ ինքն էլ կարող է նշանակվել զեկուցող, չնայած այս քննարկումից հետո չգիտի՝ ինչ կստացվի: Նա ասաց, որ զեկույցը վերաբերում է մարդու իրավունքների պաշտպանությանը COVID-19-ի պայմաններում:

«Երաշխավորել եմ և երաշխավորում եմ, որ ես, այո՛, օբյեկտիվ եմ լինելու բոլոր 47 պետությունների նկատմամբ և արձանագրելու եմ ցանկացած խախտում, որը, իմ կարծիքով, կգտնվի արժանի արձանագրվելու այդ զեկույցում, բայց այս կարգի հարցերը բերել և քննարկել ԱԺ ամբիոնից, վտանգել պետությանդ հեղինակությունը, կասկածի տակ դնել որոշակի գործընթացներ... Չեմ ուզում մեկնաբանել, թող մեկնաբանի ՀՀ քաղաքացին»,- ասաց նա:

Հիշեցնենք, որ այսօր ԱԺ նախագահ Արարատ Միրզոյանը հայտարարեց, որ համավարակով պայմանավորված` ԱԺ նիստերի դահլիճում նախազգուշացվելուց հետո 1 կամ 7 օրով դուրս կհրավիրվեն բոլոր այն պատգամավորները, որոնք դիմակ չեն կրում։

Էդմոն Մարուքյանը Միրզոյանի այս հայտարարությունը համարեց ոչ սահմանադրական, նշելով, որ ԱԺ նիստերին առանց դիմակի խոսելը չի կարող համարվել կանոնների խախտում։

Նա հիշեցրեց Սահմանադրության այն նորմը, որով արտակարգ դրությունը չի տարածվում ԱԺ-ի վրա, հետևաբար, արտակարգ դրության շրջանակներում պարետի որոշումները չեն կարող կիրառվել խորհրդարանում և չեն կարող հիմք հանդիսանալ պատգամավորին դահլիճից դուրս հրավիրելու համար։

Նա մեղադրեց Միրզոյանին ԱԺ-ում երկակի ստանդարտներ կիրառելու մեջ, հիշեցնելով, որ երբ իր հանդեպ բռնություն էին գործադրում, որևէ պատգամավորի նախազգուշացում չտրվեց և որևէ պատգամավոր դուրս չհրավիրվեց ԱԺ դահլիճից։

Մարուքյանը նաև հայտարարեց, որ Վլադիմիր Վարդանյանը Եվրոպայի խորհրդի համապատասխան հանձնաժողովում պետք է հաստատվի որպես COVID 19-ի զեկույցի համազեկուցող, որով նա 47 անդամ-պետություններում պետք է տեսնի` մարդու իրավունքներն ինչպես են խախտել COVID 19-ի ժամանակ` արտակարգ դրությունից ելնելով։

Մարուքյանը մեղադրեց Վարդանյանին, որ նա ձայն չի հանում, երբ ԱԺ-ում երկակի ստանդարտներ են կիրառվում և, ըստ էության, ոտնահարվում է Սահմանադրությունը` ԱԺ կանոնակարգ օրենքի սխալ կիրարկմամբ, հետևաբար, կասկածի տակ է Վարդանյանի` Եվրոպայի խորհրդում օբյեկտիվ զեկուցով հանդես գալու հարցը։

0