Red Wings

Սոչից Երևան թռչող ինքնաթիռն արդեն ճանապարհին է. այն Հայաստան է բերում 212 ՀՀ քաղաքացու

93
(Թարմացված է 20:36 19.05.2020)
Դեպի Երևան հաջորդ չարտերային չվերթները կիրականացվեն Մոսկվայից և Սանկտ Պետերբուրգից։

ԵՐԵՎԱՆ, 19 մայիսի — Sputnik. Սոչից Երևան թռչող ինքնաթիռն արդեն ճանապարհին է։ Տեղեկությունը հայտնում է ՌԴ-ում ՀՀ դեսպանությունը։

«Մայիսի 19-ին, ժամը 18։55-ին Սոչի քաղաքի միջազգային օդանավակայանից «Ռեդ վինգս» ընկերության օդանավն ուղղություն վերցրեց դեպի Երևան»,–ասված է հաղորդագրության մեջ։

Տեղեկացվում է, որ այս չվերթով Հայաստան է վերադառնում 212 քաղաքացի։

Դեսպանատնից նաև տեղեկացնում են, որ դեպի Երևան հաջորդ չարտերային չվերթները կիրականացվեն Մոսկվայից` մայիսի 25-ին և Սանկտ Պետերբուրգից` մայիսի 27-ին։

Հիշեցնենք, որ մայիսի 17–ին Մոսկվայի «Դոմոդեդովո» օդանավակայանից «Ռեդ վինգս» ընկերության օդանավով Երևան են վերադարձել 229 քաղաքացի։

93
թեգերը:
ինքնաթիռ, թռիչք, չվերթ, Երևան, Սոչի
Ըստ թեմայի
«Արմենիա» ավիաընկերությունը թռիչքներ կիրականացնի Վորոնեժ և Թել Ավիվ. ովքեր կարող են մեկնել
Ռազմական օդաչուները պատրաստ են Հաղթանակի օրվա տոնական թռիչքին Երևանի ու Գյումրու երկնքում
Երևան-Սոչի թռիչքով հայրենիք է վերադարձել 89 ՌԴ քաղաքացի
Լաբորատորիայի աշխատակից. արխիվային լուսանկար

Ռուսական գիտական կենտրոնում ասել են, թե երբ կսկսեն փորձարկել COVID-19–ի պատվաստանյութը

22
(Թարմացված է 13:23 26.05.2020)
Զանգվածային կիրառումից առաջ պատվաստանյութը դեռ պետք է լաբորատոր փորձարկում անցնի, որից հետո միայն կսկսվի դրա արտադրությունը։

ԵՐԵՎԱՆ, 26 մայիսի –Sputnik. Ռոսպոտրեբնադզորի «Վեկտոր» վարակաբանության գիտական կենտրոն գլխավոր տնօրեն Ռինատ Մակսյուտովը «Իզվեստիա» թերթին տված հարցազրույցում հայտնել է, որ մտադիր են հունիսի վերջին սկսել COVID-19–ի պատվաստանյութի կլինիկական փորձարկումները։

Մակսյուտովը նշել է, որ փորձարկումները կսկսեն կենդանիների վրա իրականացրած թեստերի արդյունքները ստանալուց հետո։ Բացի այդ, կլինիկական հետազոտությունների համար անհրաժեշտ է Առողջապահության նախարարության թույլտվությունը։

Կենտրոնի գլխավոր տնօրենի խոսքով` զանգվածային կիրառումից առաջ պատվաստանյութը պետք է հաջողությամբ լաբորատոր փորձարկում անցնի, նոր միայն արտադրություն հասնի և դեղորայքային տեսք ստանա։ Դրան կհաջորդի նախակլինիկական և կլինիկական ուսումնասիրությունների մի ամբողջական սպեկտր, ինչպես նաև պատվաստանյութի գրանցումը։

Պատասխանը` 1 ժամում. Ֆրանսիայում COVID-19-ի նոր էքսպրես թեստ են մշակել

Գամալեայի անվան համաճարակաբանության և մանրէաբանության գիտահետազոտական կենտրոնի տնօրեն Ալեքսանդր Գինցբուրգն ավելի վաղ հայտնել էր, որ պատվաստանյութի մշակմամբ զբաղվող կենտրոնի աշխատակիցները, ինչպես նաև ինքն անձամբ պատվաստվել են, իրենց մոտ պաշտպանիչ հակամարմիններ են արտադրվել։ Նրա խոսքով` ՌԴ քաղաքացիների զանգվածային պատվաստումը կարող է մեկնարկել աշնան սկզբին և տևել 6-9 ամիս։

Օպերատիվ շտաբի պաշտոնական տվյալների համաձայն` Ռուսաստանում կորոնավիրուսի 362 342 դեպք է բացահայտվել, մահացել է 3 807 մարդ։ Երկրում ընդհանուր առմամբ 9.1 մլն թեստավորում է կատարվել։

Առողջապահության համաշխարհային կազմակերպությունը (ԱՀԿ) մարտի 11-ին նոր COVID-19 կորոնավիրուսի բռնկումը հայտարարել է համավարակ: Կազմակերպությունը բոլոր պետություններին կոչ է արել միավորվել վարակի դեմ պայքարում։

Համաշխարհային բժշկական ասոցիացիայի ղեկավարը հանդես է եկել COVID-19–ի դեմ պատվաստման օգտին

22
թեգերը:
պատվաստանյութ, պատվաստումներ, Ռուսաստան, կորոնավիրուս
թեմա:
Կորոնավիրուսը Չինաստանում և աշխարհում
Ըստ թեմայի
Պատվաստանյութ կորոնավիրուսի դեմ․ դեռ որքա՞ն է պետք սպասել փրկությանը. տեսանյութ
Ե՞րբ պատրաստ կլինի կորոնավիրուսի դեմ պատվաստանյութը
Ռուսաստանում աշխատում են կորոնավիրուսի դեմ 47 անուն պատվաստանյութի ստեղծման վրա
Ми-8

Ռուսաստանում ուղղաթիռը կոշտ վայրէջք է կատարել. անձնակազմը զոհվել է

45
Միջադեպի պատճառ կարող էր լինել ուղղաթիռի տեխնիկական անսարքությունը։ Արտակարգ դրության վայր է մեկնել  ՌԴ ՕՏՈՒ գլխավոր հրամանատարության հանձնաժողովը։

ԵՐԵՎԱՆ, 26 մայիսի – Sputnik. ՌԴ ՕՏՈւ Մի-8 ուղղաթիռը կոշտ վայրէջք է կատարել Չուկոտկայում, միջադեպի հետևանքով զոհվել է անձնակազմը: Տեղեկությունը հայտնում են ռուսական ԶԼՄ–ները` հղում անելով երկրի ՊՆ–ին։

Միջադեպը տեղի է ունեցել Մոսկվայի ժամանակով առավոտյան ժամը 5-ին «Ուգոլնիե կոպի» («Угольные Копи») օդանավակայանի մերձակայքում, վերանորոգումից հետո փորձնական թռիչքի ժամանակ։ Գետնին հարված ստանալով, ուղղաթիռը բռնկվել է։ 4 մարդ է զոհվել, բոլորը զինծառայողներ են։

Նախնական տվյալներով` միջադեպի պատճառը կարող էր լինել ուղղաթիռի տեխնիկական անսարքությունը։

Մի-8-ի սև արկղերն արդեն գտել են, դրանց վիճակը բավարար է։ Անադիրի օդանավակայանը վթարից հետո աշխատում է սովորական ռեժիմով։

Դեպքի վայր է ժամանել ՌԴ ՕՏՈՒ գլխավոր հրամանատարության հանձնաժողովը։

45
թեգերը:
Ռուսաստան, վայրէջք, ուղղաթիռ
Пробирка с определяемым антигеном коронавируса в лаборатории

«Ձորակ» հոգեկան առողջության խնդիրներ ունեցողների կենտրոնում կորոնավիրուսի դեպք է հաստատվել

0
Այս պահին Ձորակ» հոգեկան առողջության խնդիրներ ունեցող անձանց խնամքի կենտրոն»-ից մեկուսացվածների թիվը 21 է։

ԵՐԵՎԱՆ, 26 մայիսի — Sputnik. «Ձորակ» հոգեկան առողջության խնդիրներ ունեցող անձանց խնամքի կենտրոնում կորոնավիրուսի առաջին դեպքն է հաստատվել։ Տեղեկությունը Sputnik Արմենիայի հետ զրույցում հաստատեց Աշխատանքի և սոցիալական հարցերի նախարարության մամուլի խոսնակ Սոնա Մարտիրոսյանը։

«Մայիսի 23–ին առողջության վատթարացում է նկատվել հաստատությունում գտնվող անձանցից մեկի` 23–ամյա աղջկա մոտ`կապված նրա խրոնիկ հիվանդության հետ։ Նրան տեղափոխել են բուժկենտրոն, թեստավորում են իրականացրել, և պատասխանը դրական է եկել»,–ասաց նա։

Մարտիրոսյանի խոսքով` այս պահին մեկուսացվածների թիվը 21 է։ Նրանց այսօր, հավանաբար, կթեստվորեն։ Մարտիրոսյանը խոստացավ արդյունքների հայտնի լինելու դեպքում հավելյալ տեղեկություն տրամադրել։

Նշենք, որ վերջին մեկ օրում Հայաստանում կորոնավիրուսով վարակվածների թիվն ավելացել է 289-ով և դարձել 7402։

0
թեգերը:
Հայաստան, կորոնավիրուս