Միխայիլ Միշուստին. արխիվային լուսանկար

Միշուստինը վերադարձել է վարչապետի պարտականությունների կատարմանը

44
Ռուսաստանի վարչապետ Միխայիլ Միշուստինը բուժվել է կորոնավիրուսից ու վերադարձել իր աշխատասենյակ։

ԵՐԵՎԱՆ, 19 մայիսի – Sputnik․ ՌԴ նախագահ Վլադիմիր Պուտինը չեղարկել է Ռուսաստանի կառավարության ղեկավարի առաջին տեղակալ Անդրեյ Բելոուսովին վարչապետական լիազորություններով օժտելու մասին հրամանագիրը: Համապատասխան հրամանագիրը հրապարակվել է Կրեմլի պաշտոնական կայքում:

Ռուսաստանի վարչապետ Միխայիլ Միշուստինի մոտ ապրիլի 30-ին կորոնավիրուս էր հաստատվել։

Այդ օրը նա Ռուսաստանի նախագահ Վլադիմիր Պուտինին զեկուցել էր, որ կորոնավիրուսի թեստը դրական արդյունք է ցույց տվել, ինչի կապակցությամբ ինքը ստիպված է հիվանդանոցում գտնվել՝ բուժման համար: Կառավարության ղեկավարի պաշտոնակատար էր նշանակվել առաջին փոխվարչապետ Անդրեյ Բելոուսովը։

«Ամեն օր կապի մեջ ենք նրա հետ»․ Պուտինը խոսել է Միշուստինի առողջական վիճակի մասին

Հիշեցնենք` Ռուսաստանում կորոնավիրուսով վարակվել են նաև մի շարք այլ բարձրաստիճան ռուս պաշտոնյաներ, այդ թվում՝ ՌԴ քաղաքաշինության նախարար Վլադիմիր Յակուշևը և Ռուսաստանի նախագահի մամուլի քարտուղար Դմիտրի Պեսկովը։

Միշուստինն ապաքինվում է, դուրս կգրվի հաջորդ շաբաթ. ՌԴ առողջապահության նախարար

44
թեգերը:
կորոնավիրուս, Միխայիլ Միշուստին, Վարչապետ, Ռուսաստան
թեմա:
Կորոնավիրուսը Չինաստանում և աշխարհում (701)
Ըստ թեմայի
Միշուստինը շարունակում է բուժում ստանալ. Բելյակովը խոսել է նրա առողջական վիճակի մասին
Միշուստինի մամուլի քարտուղարը պատմել է նրա վիճակի մասին
«Պետք է ամեն ինչ անհապաղ անել». Միշուստինը խորհրդակցություն է անցկացրել
Ոչ ոքի մտքով չանցնի, որ բուժաշխատողների հավելավճարների հարցում կարելի է խնայել. Միշուստին
Լաբորատորիայի աշխատակից. արխիվային լուսանկար

Ռուսական գիտական կենտրոնում ասել են, թե երբ կսկսեն փորձարկել COVID-19–ի պատվաստանյութը

14
(Թարմացված է 13:23 26.05.2020)
Զանգվածային կիրառումից առաջ պատվաստանյութը դեռ պետք է լաբորատոր փորձարկում անցնի, որից հետո միայն կսկսվի դրա արտադրությունը։

ԵՐԵՎԱՆ, 26 մայիսի –Sputnik. Ռոսպոտրեբնադզորի «Վեկտոր» վարակաբանության գիտական կենտրոն գլխավոր տնօրեն Ռինատ Մակսյուտովը «Իզվեստիա» թերթին տված հարցազրույցում հայտնել է, որ մտադիր են հունիսի վերջին սկսել COVID-19–ի պատվաստանյութի կլինիկական փորձարկումները։

Մակսյուտովը նշել է, որ փորձարկումները կսկսեն կենդանիների վրա իրականացրած թեստերի արդյունքները ստանալուց հետո։ Բացի այդ, կլինիկական հետազոտությունների համար անհրաժեշտ է Առողջապահության նախարարության թույլտվությունը։

Կենտրոնի գլխավոր տնօրենի խոսքով` զանգվածային կիրառումից առաջ պատվաստանյութը պետք է հաջողությամբ լաբորատոր փորձարկում անցնի, նոր միայն արտադրություն հասնի և դեղորայքային տեսք ստանա։ Դրան կհաջորդի նախակլինիկական և կլինիկական ուսումնասիրությունների մի ամբողջական սպեկտր, ինչպես նաև պատվաստանյութի գրանցումը։

Պատասխանը` 1 ժամում. Ֆրանսիայում COVID-19-ի նոր էքսպրես թեստ են մշակել

Գամալեայի անվան համաճարակաբանության և մանրէաբանության գիտահետազոտական կենտրոնի տնօրեն Ալեքսանդր Գինցբուրգն ավելի վաղ հայտնել էր, որ պատվաստանյութի մշակմամբ զբաղվող կենտրոնի աշխատակիցները, ինչպես նաև ինքն անձամբ պատվաստվել են, իրենց մոտ պաշտպանիչ հակամարմիններ են արտադրվել։ Նրա խոսքով` ՌԴ քաղաքացիների զանգվածային պատվաստումը կարող է մեկնարկել աշնան սկզբին և տևել 6-9 ամիս։

Օպերատիվ շտաբի պաշտոնական տվյալների համաձայն` Ռուսաստանում կորոնավիրուսի 362 342 դեպք է բացահայտվել, մահացել է 3 807 մարդ։ Երկրում ընդհանուր առմամբ 9.1 մլն թեստավորում է կատարվել։

Առողջապահության համաշխարհային կազմակերպությունը (ԱՀԿ) մարտի 11-ին նոր COVID-19 կորոնավիրուսի բռնկումը հայտարարել է համավարակ: Կազմակերպությունը բոլոր պետություններին կոչ է արել միավորվել վարակի դեմ պայքարում։

Համաշխարհային բժշկական ասոցիացիայի ղեկավարը հանդես է եկել COVID-19–ի դեմ պատվաստման օգտին

14
թեգերը:
պատվաստանյութ, պատվաստումներ, Ռուսաստան, կորոնավիրուս
թեմա:
Կորոնավիրուսը Չինաստանում և աշխարհում (701)
Ըստ թեմայի
Պատվաստանյութ կորոնավիրուսի դեմ․ դեռ որքա՞ն է պետք սպասել փրկությանը. տեսանյութ
Ե՞րբ պատրաստ կլինի կորոնավիրուսի դեմ պատվաստանյութը
Ռուսաստանում աշխատում են կորոնավիրուսի դեմ 47 անուն պատվաստանյութի ստեղծման վրա
Ми-8

Ռուսաստանում ուղղաթիռը կոշտ վայրէջք է կատարել. անձնակազմը զոհվել է

43
Միջադեպի պատճառ կարող էր լինել ուղղաթիռի տեխնիկական անսարքությունը։ Արտակարգ դրության վայր է մեկնել  ՌԴ ՕՏՈՒ գլխավոր հրամանատարության հանձնաժողովը։

ԵՐԵՎԱՆ, 26 մայիսի – Sputnik. ՌԴ ՕՏՈւ Մի-8 ուղղաթիռը կոշտ վայրէջք է կատարել Չուկոտկայում, միջադեպի հետևանքով զոհվել է անձնակազմը: Տեղեկությունը հայտնում են ռուսական ԶԼՄ–ները` հղում անելով երկրի ՊՆ–ին։

Միջադեպը տեղի է ունեցել Մոսկվայի ժամանակով առավոտյան ժամը 5-ին «Ուգոլնիե կոպի» («Угольные Копи») օդանավակայանի մերձակայքում, վերանորոգումից հետո փորձնական թռիչքի ժամանակ։ Գետնին հարված ստանալով, ուղղաթիռը բռնկվել է։ 4 մարդ է զոհվել, բոլորը զինծառայողներ են։

Նախնական տվյալներով` միջադեպի պատճառը կարող էր լինել ուղղաթիռի տեխնիկական անսարքությունը։

Մի-8-ի սև արկղերն արդեն գտել են, դրանց վիճակը բավարար է։ Անադիրի օդանավակայանը վթարից հետո աշխատում է սովորական ռեժիմով։

Դեպքի վայր է ժամանել ՌԴ ՕՏՈՒ գլխավոր հրամանատարության հանձնաժողովը։

43
թեգերը:
Ռուսաստան, վայրէջք, ուղղաթիռ
Депутат Владимир Варданян перед зданием Дома правительства Армении (20 мая 2019). Еревaн

Վարդանյանն Էդմոն Մարուքյանին մեղադրեց պետության հեղինակության հետ խաղալու մեջ

0
(Թարմացված է 13:58 26.05.2020)
ԱԺ «Իմ քայլը» խմբակցության պատգամավոր Վլադիմիր Վարդանյանը «Լուսավոր Հայաստան» խմբակցության ղեկավարին ասաց, որ պետք չէ կոնֆիդենցիալ հարցերը բարձրաձայնել. դա կարող է անցանկալի հետևանքներ ունենալ։

ԵՐԵՎԱՆ, 26 մայիսի – Sputnik. «Իմ քայլը» խմբակցության պատգամավոր Վլադիմիր Վարդանյանն ԱԺ ամբիոնից բավականին վրդովված անդրադարձավ «Լուսավոր Հայաստան» խմբակցության ղեկավար Էդմոն Մարուքյանի ելույթին։

Մարուքյանը կասկածի տակ էր առել Վարդանյանի անաչառությունը որպես Եվրոպայի խորհրդի համապատասխան հանձնաժողովում COVID 19-ի զեկույցի համազեկուցող։

«Չեմ կարող չանդրադառնալ պարոն Մարուքյանի ասածներին. մե՜ծ, մեծ հարցական է՝ արդյո՞ք պարոն Մարուքյանն իրավունք ուներ այդ հարցը բարձրաձայնել որպես իրավաբան, որպես պատգամավոր, որպես ԵԽԽՎ անդամ և որպես իրավական հարցերի և մարդու իրավունքների հարցերի հանձնաժողովի առաջին փոխնախագահ, որովհետև դա դեռևս կոնֆիդենցիալ է, որոշումը դեռ կայացված չէ»,–ասաց Վարդանյանը:

Նա հավելեց՝ այո, քննարկվում էր հարց, որ ինքն էլ կարող է նշանակվել զեկուցող, չնայած այս քննարկումից հետո չգիտի՝ ինչ կստացվի: Նա ասաց, որ զեկույցը վերաբերում է մարդու իրավունքների պաշտպանությանը COVID-19-ի պայմաններում:

«Երաշխավորել եմ և երաշխավորում եմ, որ ես, այո՛, օբյեկտիվ եմ լինելու բոլոր 47 պետությունների նկատմամբ և արձանագրելու եմ ցանկացած խախտում, որը, իմ կարծիքով, կգտնվի արժանի արձանագրվելու այդ զեկույցում, բայց այս կարգի հարցերը բերել և քննարկել ԱԺ ամբիոնից, վտանգել պետությանդ հեղինակությունը, կասկածի տակ դնել որոշակի գործընթացներ... Չեմ ուզում մեկնաբանել, թող մեկնաբանի ՀՀ քաղաքացին»,- ասաց նա:

Հիշեցնենք, որ այսօր ԱԺ նախագահ Արարատ Միրզոյանը հայտարարեց, որ համավարակով պայմանավորված` ԱԺ նիստերի դահլիճում նախազգուշացվելուց հետո 1 կամ 7 օրով դուրս կհրավիրվեն բոլոր այն պատգամավորները, որոնք դիմակ չեն կրում։

Էդմոն Մարուքյանը Միրզոյանի այս հայտարարությունը համարեց ոչ սահմանադրական, նշելով, որ ԱԺ նիստերին առանց դիմակի խոսելը չի կարող համարվել կանոնների խախտում։

Նա հիշեցրեց Սահմանադրության այն նորմը, որով արտակարգ դրությունը չի տարածվում ԱԺ-ի վրա, հետևաբար, արտակարգ դրության շրջանակներում պարետի որոշումները չեն կարող կիրառվել խորհրդարանում և չեն կարող հիմք հանդիսանալ պատգամավորին դահլիճից դուրս հրավիրելու համար։

Նա մեղադրեց Միրզոյանին ԱԺ-ում երկակի ստանդարտներ կիրառելու մեջ, հիշեցնելով, որ երբ իր հանդեպ բռնություն էին գործադրում, որևէ պատգամավորի նախազգուշացում չտրվեց և որևէ պատգամավոր դուրս չհրավիրվեց ԱԺ դահլիճից։

Մարուքյանը նաև հայտարարեց, որ Վլադիմիր Վարդանյանը Եվրոպայի խորհրդի համապատասխան հանձնաժողովում պետք է հաստատվի որպես COVID 19-ի զեկույցի համազեկուցող, որով նա 47 անդամ-պետություններում պետք է տեսնի` մարդու իրավունքներն ինչպես են խախտել COVID 19-ի ժամանակ` արտակարգ դրությունից ելնելով։

Մարուքյանը մեղադրեց Վարդանյանին, որ նա ձայն չի հանում, երբ ԱԺ-ում երկակի ստանդարտներ են կիրառվում և, ըստ էության, ոտնահարվում է Սահմանադրությունը` ԱԺ կանոնակարգ օրենքի սխալ կիրարկմամբ, հետևաբար, կասկածի տակ է Վարդանյանի` Եվրոպայի խորհրդում օբյեկտիվ զեկուցով հանդես գալու հարցը։

0