Մարգարիտա Սիմոնյան

Մարգարիտա Սիմոնյանը բացահայտել է ԱՄՆ-ի բժշկական համակարգի մասին միֆը

115
(Թարմացված է 17:59 18.05.2020)
Ինչո՞ւ ԱՄՆ-ը բոլորի համար հավասար առողջապահության համակարգ չունի, իսկ «Շտապ օգնություն» կանչելը ամերիկացիների համար շքեղություն է։ Մարգարիտա Սիմոնյանը խոսել է այդ համակարգի, ինչպես նաև Covid-19-ի հետ կապված սեփական փորձարկման մասին։

ԵՐԵՎԱՆ, 1 մայիսի – Sputnik․ «Ռոսիա սեգոդնյա» ՄՏԳ-ի և RT հեռուստաընկերության գլխավոր խմբագիր Մարգարիտա Սիմոնյանը Ռոման Բաբայանի հեղինակային հաղորդման ընթացքում բացահայտել է ԱՄՆ-ի կատարյալ առողջապահական համակարգի մասին լեգենդը։

Նրա կարծիքով՝ այն սուտը, թե ռուսական առողջապահական համակարգն ամերիկյանից վատն է, մարդկանց ներշնչել են անցած դարի 80-90-ական թվականներին։ Բայց իրականում ԱՄՆ-ում բոլորի համար հավասար առողջապահության համակարգ գոյություն չունի, իսկ որակյալ բուժօգնություն կարող են ստանալ միայն ապահովված մարդիկ։ Սիմոնյանը նշում է, որ ԱՄՆ-ում ոչ մեկի մտքով չի անցնի «Շտապօգնություն» կանչել, եթե երեխան ջերմություն ունի կամ տատիկի ճնշումն է բարձրացել։ Դա պարզապես շքեղություն է և կսնանկացնի մարդուն։ 

«Ի տարբերություն Ռուսաստանի, Ամերիկայում առողջապահական համակարգը վճարովի է, իսկ վճարելու համար պետք է հարուստ լինել, ապահովագրություն ունենալ կամ ինչ-որ պետական ծրագրերի մեջ ներառված լինել։ Հսկայական թվով մարդիկ ուղղակի ապահովագրություն չունեն, իսկ եթե անգամ ունեն, ապա դրանով բոլոր խնդիրները չեն կարող լուծել։ Պետական ծրագրերում ևս ամենևին էլ ոչ բոլոր կարիք ունեցողներն են ներառվում»,-նշել է Սիմոնյանը։

Մասսայական առողջապահական համակարգի բացակայության պատճառով ամերիկացիներից շատերը բժշկի դիմելու սովորություն չունեն։ Սիմոնյանը համարում է, որ կորոնավիրուսից մահացությունների այդքան մեծ թիվը հենց նման առողջապահական համակարգի արդյունք է։

Նրա խոսքով՝ ԱՄՆ-ում բնակչության մեկ շնչին ընկնող բժիշկների թիվը, նաև մահճակալային ֆոնդը մի քանի անգամ քիչ են։

Սիմոնյանը նաև պատմել է «Ռոսիա Սեգոդնյա» ՄՏԳ-ի աշխատակիցների շրջանում անցկացված թեստավորման մասին։ Ապրիլի 28-ին գրասենյակից աշխատող 162 մարդ COVID-19-ի թեստ են հանձնել։ Ընդ որում, թեստերից դատելով` նրանց մոտ առկա էր հիվանդությունը՝ սկզբնական կամ սուր փուլում։ Երկու շաբաթ անց հիվանդության ախտանիշներ նրանցից միայն մեկի մոտ են հայտնաբերվել։ Մարգարիտա Սիմոնյանը կարծում է, որ հնարավոր չէ իմանալ կորոնավիրուսով վարակվածների հստակ քանակը, քանի որ ներկայացվող թվերը վարակվածների ընդամենը որոշակի տոկոսն են կազմում։ Այնուամենայնիվ, ուսումնասիրելով Covid-19-ով մարդկանց հոսպիտալացման ցուցանիշներն ու մահերի քանակը, կարելի է պարզել, թե առողջապահական համակարգն ինչպես է դիմադրում վիրուսին։

Ինչպես է Մարգարիտա Սիմոնյանի մեծ ընտանիքն անցկացնում ժամանակը մեկուսացման ընթացքում

Նշենք, որ մայիսի 18-ի դրությամբ աշխարհում COVID-19–ով վարակված դեպքերի հաստատված ընդհանուր թիվը գերազանցել է 4.8 միլիոնը։

Առաջին տեղում է ԱՄՆ–ն, այստեղ բացահայտված դեպքերի թիվը 1 527 664 է, մահացել է 90 978 մարդ։ Երկրորդ տեղում է Ռուսաստանը։ Աղբյուրի համաձայն` այստեղ կորոնավիրուսով վարակվածների թիվը կազմում է 281 752։ Մահվան ելքով դեպքերը 2 631 են։ Երրորդ տեղը զբաղեցնում է Իսպանիան, որտեղ հաստատվել է 277 719 դեպք, մահացել է 27 650  պացիենտ։

«Հակավարկանիշի» առաջին տասնյակում են նաև Մեծ Բրիտանիան, Բրազիլիան, Իտալիան, Ֆրանսիան, Գերմանիան, Թուրքիան և Իրանը։

115
թեգերը:
բժշկություն, կորոնավիրուս, ԱՄՆ, Ռուսաստան, Մարգարիտա Սիմոնյան
թեմա:
Կորոնավիրուսը Չինաստանում և աշխարհում (705)
Ըստ թեմայի
Հայաստանում կորոնավիրուսից մահացածը 84–ամյա տղամարդ է
Կորոնավիրուսով վարակվածներից ավելի քան 100-ը ծանր և ծայրահեղ ծանր վիճակում են
Օրվա կադր. ինչ է կատարվում Երևանի «ՄՌՈւ»–ում, կամ կորոնավիրուսի վրա թքած ունենալու արվեստը
Արմեն Սարգսյան

«Թուրքիայի հետ բանակցությունը` ինձ վրա». ի՞նչ նախագիծ էին մտածել Սարգսյանն ու Չեռնոմիրդինը

241
(Թարմացված է 21:55 26.05.2020)
Վիկտոր Չեռնոմիրդինն ու Արմեն Սարգսյանը ծանոթացել են 1980-ականներին կեսին։ Ապագա նախագահին, որն այն ժամանակ երիտասարդ գիտնական էր, հրավիրել էին Հայաստանի գազամատակարող ընկերության աշխատանքը բարելավելուն ուղղված նախագծի աշխատանքներին մասնակցելու։

ԵՐԵՎԱՆ, 26 մայիսի – Sputnik. ՀՀ նախագահ Արմեն Սարգսյանը Sputnik Արմենիայի հետ զրույցում պատմել է, որ 90-ականներին, երբ ղեկավարում էր Հայաստանի կառավարությունը, գործընկեր Վիկտոր Չեռնոմիրդինի հետ քննարկել է սփյուռքահայերի միջոցներով ՌԴ-ում էներգաընկերության ձեռքբերելու հարցը։

«Այլ` ֆանտաստիկ գաղափարներ էլ կային՝ համատեղ ընկերություն ստեղծելու։ Սփյուռքից գումար ներգրավելու և Ռուսաստանում էներգետիկ, նավթային կամ գազային ընկերություն գնելու։ Հիշում եմ՝ երբ Վիկտոր Ստեպանովիչի  հետ քննարկում էինք դա, նրա առաջին արձագանքն էր` նորից ինչ-որ ֆանտաստիկ գաղափար ասացիր», - պատմեց նախագահը։

Սարգսյանի խոսքով՝ Չեռնոմիրդինն ասել է, որ նավթային տերություն լինելու համար պարտադիր չէ նավթ ունենալ ու որպես օրինակ է բերել Նիդեռլանդներն ու Մեծ Բրիտանիան, որտեղ նավթ չկա, բայց Shell-ի ու BP-ի պես ընկերություններ կան։ Չեռնոմիրդինն այն ժամանակ համաձայնել էր։

«Նույնիսկ Ռուսաստանից Վրաստանով ու Հայաստանով դեպի Թուրքիա գնացող գազատարի գաղափար կար։ Նա (Չեռնոմիրդինը`խմբ) իր վրա է վերցրել թուրքական կողմի հետ հարցի քննարկումը։ Այն ժամանակ Թուրքիայի վարչապետը Թանսու Չիլերն էր», - ասաց Սարգսյանը։

Նախագահն ասաց, որ Չեռնոմիրդինի գրասենյակում առաջացած մեկ այլ գաղափար էլ է կյանքի կոչվել։

«Մենք ստորագրեցինք համատեղ ընկերություն ստեղծելու մասին առաջին փաստաթուղթը։ Հետագայում դա դարձավ «ԱրմՌոսգազպրոմը» (ներկայումս «Գազպրոմ Արմենիա»` խմբ.)», - նշեց նախագահը։

Նրա խոսքով՝ ի սկզբանե նախատեսվում էր այդ ընկերությունը դարձնել ուժեղ տարածաշրջանային խաղացող, որը գազային էներգետիկ օբյեկտներ կունենա ոչ միայն Հայաստանում, այլև տարածաշրջանի այլ երկրներում։        

Լավրովը խոսել է Հայաստանի և Ռուսաստանի ռազմական համագործակցության բնույթի մասին                   

Այդպես, փոխադարձ վստահությունն ու բարեկամությունը համարձակ գաղափարների ու հետաքրքիր նախագծերի հիմք դարձան։

«Երբեք չեմ մոռանա, երբ ծանր վիճակում հիվանդանոցում պառկած էի, Վիկտոր Չեռնոմիրդինն ամեն շաբաթ կնոջս ծաղիկ էր ուղարկում»,-ավելացրեց Սարգսյանը։  

Լավրովն ասաց` ով կարող է ՀԱՊԿ դիտորդ դառնալ ապագայում

Նրանց ընկերությունը երկար տարիներ է տևել, չէր խանգարում նաև այն, որ հաճախ չէին կարողանում հանդիպել։ Երբ  Չեռնոմիրդինն արդեն հիվանդ էր, Սարգսյանը փորձում էր օգնել նրան, չէ՞ որ ժամանակին ինքն էլ էր ծանր հիվանդության միջով անցել։ Սարգսյանը հիշում է, որ Չեռնոմիրդինի համար ավելի դժվար էր, քանի որ նա այն ժամանակ արդեն կորցրել էր կնոջը։

241
թեգերը:
Արմեն Սարգսյան, Վիկտոր Չեռնոմիրդին, «Գազպրոմ Արմենիա» ընկերություն, գազ, Թուրքիա, Ռուսաստան, Սերգեյ Լավրով
Վլադիմիր Պուտին

Ռուսաստանում COVID-19–ի տարածման պիկն անցել է. Պուտին

90
(Թարմացված է 18:33 26.05.2020)
Ռուսաստանի նախագահը շնորհակալություն է հայտնել ՊՆ ստորաբաժանումների մասնագետներին, որոնք այլ երկրներին օգնություն են ցուցաբերել կորոնավիրուսի դեմ պայքարում:

ԵՐԵՎԱՆ, 26 մայիսի - Sputnik. Ռուսաստանի նախագահ Վլադիմիր Պուտինը ՌԴ պաշտպանության նախարար Սերգեյ Շոյգուի հետ առցանց հանդիպման ժամանակ հայտնել է, որ ըստ մասնագետների` Ռուսաստանում կորոնավիրուսի տարածման պիկն անցել է։

Ինչպես հաղորդում է ՌԻԱ Նովոստին, Ռուսաստանի նախագահը շնորհակալություն է հայտնել ՊՆ ստորաբաժանումների մասնագետներին, որոնք COVID-19-ի դեմ պայքարում օգնություն են ցուցաբերել Իտալիային, Սերբիային, Բոսնիա և Հերցեգովինային ու այլ երկրներին:

«Պետք է ասել, որ հիմա մենք ենք օգնության առաջարկներ ստանում նրանցից։ Ճիշտ է, մասնագետների կարծիքով, մեզ մոտ պիկն արդեն անցած է համարվում, բայց, այդուհանդերձ, այն ամենը, ինչ դուք եք արել, կուտակվում է ամբողջ աշխարհի գործընկերների հետ մեր գործակցության խնայատուփում», - աշխատանքային հանդիպման ժամանակ ասել Է Պուտինը։

Ռուսաստանի օպերատիվ շտաբի պաշտոնական տվյալների համաձայն ՝ ՌԴ–ում կորոնավիրուսով վարակվելու 362 342 դեպք է արձանագրվել, մահացել է 3 807 մարդ:

Առողջապահության համաշխարհային կազմակերպությունը (ԱՀԿ) մարտի 11-ին նոր COVID-19 կորոնավիրուսի բռնկումը հայտարարել է համավարակ: Կազմակերպությունը բոլոր պետություններին կոչ է արել միավորվել վարակի դեմ պայքարում։

Կորոնավիրուսից մահացել է Ռուսաստանի էներգետիկայի առաջին նախարարը

90
թեգերը:
կորոնավիրուս, Վլադիմիր Պուտին, Ռուսաստան
թեմա:
Կորոնավիրուսը Չինաստանում և աշխարհում (705)
Ըստ թեմայի
Ինչպես անել, որ մեկանգամյա օգտագործման դիմակներն ու ձեռնոցները վնաս չտան
ԱՀԿ-ն կանգնեցրել է COVID-19-ի դեմ երկու դեղամիջոցի մշակումը. մահացության ռիսկը մեծ է
ՀԱՊԿ ներուժը կարևոր է կորոնավիրուսի ստեղծած սպառնալիքներին արձագանքելու համար. Լավրով
Здание Министерства иностранных дел Армении

ՄԻԵԴ-ի որոշումն Ադրբեջանի հայատյաց քաղաքականության դեմ կայացրած դատավճիռ է. ՀՀ ԱԳՆ

0
ՀՀ ԱԳՆ–ն վճռական է՝ կանխարգելելու ատելության հողի վրա կատարվող հանցանքները և պաշտպանելու տարածաշրջանում հայ ժողովրդի անվտանգությունը։

ԵՐԵՎԱՆ, 27 մայիսի — Sputnik. ՀՀ արտաքին գործերի նախարարությունն արձագանքել է մայիսի 26–ին ՄԻԵԴ ընդունած «Մակուչյանն ու Մինասյանն ընդդեմ Ադրբեջանի և Հունգարիայի» գործով վճռին, որն առնչվում է Ադրբեջանի կողմից հայ սպա Գուրգեն Մարգարյանին դաժան սպանության ենթարկած Ռամիլ Սաֆարովի ազատ արձակմանը և հերոսացմանը:

Ինչպես տեղեկացնում են ՀՀ ԱԳՆ մամուլի ծառայությունից, հաղորդագրության մեջ նշվում է, որ դատարանն արձանագրեց, որ Ադրբեջանը խախտել է Մարդու իրավունքների եվրոպական կոնվենցիայի 2-րդ (կյանքի իրավունք) և 14-րդ (խտրականության բացառում) հոդվածներով նախատեսված պարտավորությունները:

«Դատավճռում, մասնավորապես, արձանագրվել է. «Դատարանն առանձնապես ցնցված է այն փաստով, որ ի լրումն Ադրբեջան վերադառնալուն պես ազատ արձակմանը՝ Ռամիլ Սաֆարովին շնորհվել են մի շարք արտոնություններ, ինչպիսիք են՝ բանտում անցկացրած ժամանակահատվածի համար աշխատավարձի փոխհատուցում, Բաքվում բնակարանի տրամադրում և ռազմական կոչման բարձրացում, որն իրականացվեց հրապարակային արարողությամբ»»,–ասված է հաղորդագրության մեջ:

ՀՀ արտաքին գերատեսչությունում ընդգծում են, որ դատավճիռը մատնանշել է՝ այդ հոդվածների խախտումը կրել է փոխկապակցված բնույթ, ինչն արձանագրում է, որ Ադրբեջանի բարձրագույն ղեկավարության կողմից ատելության հողի վրա իրականացված դաժան հանցագործության համար դատապարտված Ռամիլ Սաֆարովի անպատժելիությունը և հերոսացումը կատարվել է զոհերի ազգային պատկանելության հիմքով: 

«ՄԻԵԴ-ի այս որոշումն Ադրբեջանի հայատյաց քաղաքականության դեմ կայացրած դատավճիռ է: Այն ոչ միայն ճանաչում է, այլև անընդունելի է որակում Ադրբեջանի կողմից պետական մակարդակով հայերի հանդեպ ատելության հողի վրա գործած հանցագործությունների խրախուսումը»,–ասված է հաղորդագրության մեջ:

ԱԳՆ–ում նշում եմ, որ այս դատավճիռը սահմանում է Ադրբեջանի հանդեպ իրավական պարտավորություն՝ իրականացնելու այնպիսի գործողություններ, որոնցով հնարավոր կլիներ դադարեցնել Մարդու իրավունքների եվրոպական կոնվենցիայի այս խախտումները և հասցեագրել դրանց հետևանքները:

«Հայաստանի Հանրապետությունը ՄԻԵԴ այս վճիռը դիտարկում է որպես պահանջ Ադրբեջանի իշխանություններից վերականգնելու արդարությունը Գուրգեն Մարգարյանի ահասարսուռ սպանության գործում և դադարեցնելու հայերի նկատմամբ ռասիստական քաղաքականությունը: Հայաստանի Հանրապետությունն այս ուղղությամբ հետևողական է լինելու համապատասխան միջազգային ատյաններում»,–ասված է հաղորդագրության մեջ:

Նշվում է, որ դատապարտված մարդասպան Ռամիլ Սաֆարովի՝ Ադրբեջանի նախագահի հրամանագրով ազատ արձակումը և հերոսացումը հերյուրանք և վիրավորանք էին քաղաքակրթական չափանիշների և մարդկային արժանապատվության նկատմամբ: «Այսօր, երբ այս գործողությունները ստացան իրավական գնահատական, մենք առավել քան վճռական ենք՝ կանխարգելելու ատելության հողի վրա կատարվող հանցանքները և պաշտպանելու տարածաշրջանում հայ ժողովրդի անվտանգությունը»,–ասվում է հայտարարության մեջ:

Հիշեցնենք, որ 2004թ. Բուդապեշտում ՆԱՏՕ շրջանակներում անցկացված «Գործընկերություն հանուն խաղաղության» ծրագրի շրջանակներում դասընթացներին Ադրբեջանի կողմից մասնակցող սպա Ռամիլ Սաֆարովը քնած վիճակում կացնահարել էր հայ սպա Գուրգեն Մարգարյանին և հարձակում գործել հայ սպա Հայկ Մակուչյանի վրա: Հունգարական դատարանի կողմից ցմահ ազատազրկման դատապարտված Ռամիլ Սաֆարովը, Ադրբեջան փոխանցվելուց հետո, որտեղ հանցագործը պետք է կրեր պատժի հետագա ժամկետը, արժանացել է ներման և հերոսացվել:

Մայիսի 26–ին Մարդու իրավունքների եվրոպական դատարանը Գուրգեն Մարգարյանի սպանության գործով բավական խիստ գնահատական է տվել Ադրբեջանին՝ կոնվենցիայի երկու հոդվածով խախտում արձանագրելով:

0
թեգերը:
Գուրգեն Մարգարյան, Ռամիլ Սաֆարով, ՀՀ Արտաքին գործերի նախարարություն. ԱԳՆ, Մարդու Իրավունքների Եվրոպական դատարան (ՄԻԵԴ)