Դմիտրի Պեսկովն ու կինը, արխիվային լուսանկար

«Մամ, պապ, սիրում եմ ձեզ»․ Պեսկովի 5-ամյա դուստրն աջակցել է COVID-19-ով վարակված ծնողներին

472
(Թարմացված է 13:43 17.05.2020)
Փոքրիկ Նադյան վստահ է, որ ծնողները կհաղթահարեն ամեն ինչ ու շուտ տուն կվերադառնան, իսկ մինչ այդ նա որոշել է տեսանյութ ուղարկել ծնողներին։

ԵՐԵՎԱՆ, 17 մայիսի - Sputnik. Ռուսաստանի նախագահի մամուլի խոսնակ Դմիտրի Պեսկովի և նրա կնոջ՝ գեղասահորդուհի Տատյանա Նավկայի 5-ամյա դուստրը ոգեշնչող տեսանյութ է ուղարկել ծնողներին, որոնք  վարակվել են կորոնավիրուսով և այս օրերին գտնվում են Մոսկվայի հիվանդանոցներից մեկում։

Դմիտրի Պեսկովն ասել է՝ որն է COVID-19-ի գլխավոր վտանգը

Նադյան, որն այժմ տանն է, շատ է կարոտում ծնողներին։ Նրա անակնկալ տեսանյութը ոգևորել է Տատյանային, վերջինս որոշել է այն հրապարակել Instagram-ի իր էջում։

View this post on Instagram

A post shared by Tatiana Navka (@tatiana_navka) on

«Իմ տիեզերքը»,- տեսանյութին կից գրել է օլիմպիական չեմպիոնուհին։

Իսկ տեսանյութում փոքրիկ Նադյան հավատով ասմունքում է, որ իր ընտանիքը հաղթահարի ամեն դժվարություն։ Նա ծնողներին օդային համբույրներ ու գրկախառնություններ է ուղարկում։

ՌԴ մշակույթի նախարարի մոտ կորոնավիրուս է հաստատվել

«Հայրիկ, մայրիկ, ես ձեզ սիրում եմ»,- ասում է փոքրիկը։

Գեղասահորդուհու հետևորդները շատ են հավանել անկեղծ փոքրիկին, իսկ ծնողներին մաղթել են շուտափույթ առողջություն։

Հիշեցնենք՝ մայիսի 11-ին հայտնի դարձավ, որ Դմիտրի Պեսկովը վարակվել է կորոնավիրուսով։

472
թեգերը:
տեսանյութ, աղջիկ, կորոնավիրուս, Դմիտրի Պեսկով, Ռուսաստան
թեմա:
Կորոնավիրուսը Չինաստանում և աշխարհում (696)
Ըստ թեմայի
Հայաստանում կորոնավիրուսի գրանցված դեպքերն ավելացել են 189–ով և հասել 4472–ի
Վերջին մեկ օրում Հայաստանում հինգ մարդ է մահացել կորոնավիրուսից
Միշուստինն ապաքինվում է, դուրս կգրվի հաջորդ շաբաթ. ՌԴ առողջապահության նախարար
«Պետք է ամեն ինչ անհապաղ անել». Միշուստինը խորհրդակցություն է անցկացրել
Օլգա Բուզովա. արխիվային լուսանկար

Բուզովայի «երկրպագուն» երկու ամսով կալանավորվել է. լուսանկար

16
(Թարմացված է 17:25 25.05.2020)
Մոսկովյան բանկ ներխուժած տղամարդն այսպիսի գրություն էր թողել․ «Ինձ ձեզնից ոչինչ պետք չէ, միայն ճշմարտությունը»։

ԵՐԵՎԱՆ, 25 մայիսի - Sputnik. Երգչուհի Օլգա Բուզովայի «երկրպագուն», որը սպառնացել էր պայթեցնել Մոսկվայի «Ալֆա–բանկի» բաժանմունքը, երկու ամսով կալանավորվել է: Տեղեկությունը հայտնում է tv360ru տելեգրամ ալիքը։

Ավելի վաղ հայտնել էինք, որ երիտասարդ տղամարդը ներխուժել է բանկ և հայտարարել, որ ականապատված է։

Տղամարդն աշխատակիցներից խոշոր գումար էր պահանջել ու բանկի մասնաճյուղում գրություն թողել․

«Ինձ ձեզնից ոչինչ պետք չէ, միայն ճշմարտությունը»։

Բացի այդ, նա պահանջել էր բանկ բերել Օլգա Բուզովային։ Հանցագործի խոսքով՝ նա ուզում էր զրուցել երգչուհու հետ, քանի որ վերջինս նրանից «ինչ-որ բան է գողացել»։

Հիշեցնենք` բանկ ներխուժած տղամարդը պատանդ էր վերցրել բանկի աշխատակիցներից մեկին, ժամանել էին հատուկ ջոկատայիններ և դիպուկահարներ ու վնասազերծել չարագործին։ 

Տղամարդու մոտ պայթուցիկ սարք չէր հայտնաբերվել։ Նախնական տվյալներով՝ նրա մոտ մուլյաժ՝ կեղծ զենք էր եղել։

Մոսկվայում սննդի առաքիչի պայուսակով երիտասարդը հարձակվել է բանկի վրա և պատանդներ վերցրել

16
թեգերը:
կալանավորել, տղամարդ, Բանկ, Մոսկվա, Օլգա Բուզովա
Ըստ թեմայի
«Գժվե՞լ ես, ինչ է». Բորոդինան Բուզովային խորհուրդ է տվել զգուշանալ հայ տղաներից
«Տղամարդու խոսք եմ տվել, պիտի անեմ»․Դավա Մանուկյանը Բուզովային հավերժացրել է մաշկի վրա
«Ձեզ դուր չի գալիս, մի նայեք»․ Դավիթ Մանուկյանը քննադատություններից պաշտպանել է Բուզովային
Ալեքսանդր Լուկաշենկո

Լուկաշենկոն կոչ է արել չթուլանալ և պատրաստ լինել համավարակի բռնկման երկրորդ ալիքին

33
(Թարմացված է 15:47 25.05.2020)
Բելառուսի նախագահ Ալեքսանդր Լուկաշենկոն մեկնաբանել է երկրում կորոնավիրուսի հետ կապված ներկայիս իրավիճակը։

ԵՐԵՎԱՆ, 25 մայիսի – Sputnik. Բելառուսի նախագահ Ալեքսանդր Լուկաշենկոն հայտարերել է Բելառուսում համաճարակաբանական իրավիճակի աստիճանական բարելավման մասին, բայց միևնույն ժամանակ, կոչ է արել չթուլանալ, եթե COVID-19–ի երկրորդ ալիք բռնկվի։ Տեղեկությունը հայտնում է Sputnik Բելառուսը` հղում անելով տեղական ԶԼՄ–ներին։

Նշվում է, որ կորոնավիրուսի հետ կապված իրավիճակը քննարկվել է այսօր Բելառուսի արդիական սոցիալ–տնտեսական և քաղաքական հարցերին առնչվող խորհրդակցության ժամանակ։

Նախագահի խոսքով` Մինսկում բժիշկները վստահեցնում են, որ հիվանդության առումով կայունություն է նկատվում։

«Ես, իհարկե, իմ սնահավատությունից ելնելով, այդքան լավատես չեմ»,– խոստովանել է նա։

Միևնույն ժամանակ, Բելառուսի մայրաքաղաքի մի շարք առողջապահական հաստատություններ, այդ թվում` օնկոլոգիական և գինեկոլոգիական պրոֆիլի, արդեն իսկ նախատեսում են վերադառնալ աշխատանքային սովորական ռեժիմի։

«Իսկ «բատկան» տրակտորով ու օղիով է բուժում»․ Լուկաշենկոն նախատել է «լեզվին տվող» ռուսներին

Իրավիճակի կայունացում է նկատվում նաև Մինսկի մարզում, վատ չէ իրավիճակը նաև Մոգիլևշինայում։

«Եթե այդպես է, ապա մեզ կմնա միայն Բրեստսկի և Գոմելսկի մարզերը, որոնք մենք պետք է վերահսկենք»,– ասել է երկրի ղեկավարը։

Լուկաշենկոյի խոսքով` նա ամեն օր առավոտյան և երեկոյան հետաքրքրվում է  կորոնավիրուսի հետ կապված իրավիճակով։ Ինչպես նշել է բելառուսի նախագահը, հիվանդանոցներում բավարար թվով մահճակալներ կան COVID-19–ով հիվանդ պացիենտներին ընդունելու համար, ծանր վիճակում գտնվողների թիվը նվազել է։

«Կարծես թե, վիրուսն արդեն թուլացել է, նրա վարակունակությունն արդեն այն չէ։ Տա աստված, որ այն վերանա։ Բայց, միևնույն ժամանակ, մենք պետք է մտքում պահենք երկրորդ ալիքը։ Ոչ ոք չի ապացուցել, որ այն լինելու է, սակայն մենք պետք է պատրաստվենք դրան։ Եվ ոչ ոք չգիտի, երբ այն կլինի։ Եթե ձմռանն ու աշնանը, ապա տա աստված, որ մենք կարողանանք լրջորեն դրան նախապատրաստվել»,– հայտարարել է Լուկաշենկոն։

Բելառուսի առողջապահության նախարարության կիրակի օրվա տվյալներով` հանրապետությունում կորոնավիրուսի ավելի քան 36 հազար դեպք է գրանցվել։

33
թեգերը:
համավարակ, կորոնավիրուս, Ալեքսանդր Լուկաշենկո, Բելառուս
թեմա:
Կորոնավիրուսը Չինաստանում և աշխարհում (696)
Ըստ թեմայի
Արցախում կորոնավիրուսի նոր դեպք է գրանցվել
Մարի Իզմիրլյանի անվան մանկատան երեխաներից 9-ը վարակվել են կորոնավիրուսով
Հայաստանում կորոնավիրուսով վարակվածների թիվն ավելացել է 452-ով և դարձել 7113
ՀՀ–ում ևս 6 մարդ է մահացել կորոնավիրուսից. մայրական մահվան առաջին դեպքն է գրանցվել
Ուղևորներ

Օրը հայտնի է. ՀՀ քաղաքացիներին Երևան կտեղափոխեն Մինսկից, Դամասկոսից ու Սանկտ Պետերբուրգից

0
(Թարմացված է 18:31 25.05.2020)
Ժամանող ուղևորների հարազատներին քաղավիացիայի կոմիտեն հորդորում է չգնալ օդանավակայան։ Բոլոր ժամանողները կուղեկցվեն ինքնամեկուսացման վայրեր:

ԵՐԵՎԱՆ, 25 մայիսի – Sputnik. Մայիսի 27-ին Հայաստանի քաղաքացիներին Մինսկից, Դամասկոսից ու Սանկտ Պետերբուրգից Երևան տեղափոխելու համար երեք չվերթ կիրականացվի: Տեղեկությունը հայտնում է Քաղաքացիական ավիացիայի կոմիտեն։

Մինսկ-Երևան-Մինսկ չվերթը կիրականացնի «Բելավիա» ավիաընկերությունը (ժամանում դեպի Երևան` ժամը 02:45–ին, Երևանից մեկնում` ժամը 03:35–ին), Դամասկոս-Երևան չվերթը՝ «Cham Wings» ավիաընկերությունը (ժամանում` 00:05–ին), Սանկտ Պետերբուրգ-Երևան չվերթը՝ «Ural» ավիաընկերությունը (ժամանում` 19:30–ին):

Պարետի ցուցումով ՀՀ էկոնոմիկայի նախարարության զբոսաշրջության կոմիտեն ժամանած ուղևորներին կուղեկցի դեպի ինքնամեկուսացման վայրեր, այսինքն՝ ուղևորների կողմից նախապես տրված հասցեներ։

Իսկ ժամանող ուղևորների հարազատներին անհարմարություններից զերծ մնալու նպատակով հորդորում են չգնալ օդանավակայան։

Հիշեցնենք` ՀՀ պարետի որոշմամբ` կորոնավիրուսի տարածմամբ պայմանավորված` Հայաստան ժամանող ուղևորներն այլևս չեն մեկուսացվում հյուրանոցներում: Նրանք տեղափոխվում են ինքնամեկուսացման իրենց նախընտրած վայրեր, որոնց հասցեները գրանցվում են հետագա վերահսկողությունն իրականացնելու նպատակով:

0
թեգերը:
թռիչք, չվերթ, Հայաստան
Ըստ թեմայի
Երևանում և մարզերում հայտնի սննդի օբյեկտներից 46-ը 24 ժամով չեն աշխատի․ պարետի որոշումը
Կորոնավիրուսով հիվանդների մահճակալային ֆոնդն ավելացվել է ևս 102-ով. լուսանկարներ
Մինսկից և Մոսկվայից վերադարձող ՀՀ քաղաքացիները պետք է ինքնամեկուսանան
Հայտնի է` երբ է կայանալու Երևան –Նովոսիբիրսկ –Եկատերինբուրգ թռիչքը. ովքեր կարող են մեկնել