Միխայիլ Միշուստին

Միշուստինն ապաքինվում է, դուրս կգրվի հաջորդ շաբաթ. ՌԴ առողջապահության նախարար

58
(Թարմացված է 20:02 13.05.2020)
Ռուսաստանի վարչապետի մոտ կորոնավիրուս էր հաստատվել ապրիլի 30-ին։ Վարչապետի ժամանակավոր պաշտոնակատար է նշանակվել առաջին փոխվարչապետ Անդրեյ Բելոուսովը։

ԵՐԵՎԱՆ, 13 մայիսի –Sputnik. Ռուսաստանի վարչապետ Միխայիլ Միշուստինն ապաքինվում է։ Տեղեկությունը ՌԻԱ Նովոստիին հայտնել է ՌԴ առողջապահության նախարար Միխայիլ Մուրաշկոն:

«Ապաքինվում է: Հույս ունենք, որ հաջորդ շաբաթ նա արդեն աշխատանքի կգնա: Վարչապետի առողջական վիճակն այսօր արդեն թույլ է տալիս ներգրավվել աշխատանքային գործընթացին»,- ասել է Մուրաշկոն:

Հիշեցնենք, որ ՌԴ վարչապետը կորոնավիրուսով վարակվելու մասին հայտարարել էր ապրիլի 30-ին` նախագահ Վլադիմիր Պուտինի հետ տեսակոնֆերանսի ժամանակ։ Միշուստինն ասել էր, որ ինքնամեկուսացման ռեժիմ է պահպանելու։ Վարչապետի ժամանակավոր պաշտոնակատար էր նշանակվել առաջին փոխվարչապետ Անդրեյ Բելոուսովը։

Միշուստինի հետ պատահածից հետո Պուտինի առողջության մասին ավելի շատ են հոգ տանում

Նշենք, որ կորոնավիրուս հայտնաբերվել է նաև ՌԴ այլ բարձրաստիճան պաշտոնյաների շրջանում, այդ թվում քաղաքաշինության նախարար Վլադիմիր Յակուշևի և ՌԴ նախագահի մամուլի քարտուղար Դմիտրի Պեսկովի մոտ։

58
թեգերը:
Վարչապետ, Ռուսաստան, կորոնավիրուս, Միխայիլ Միշուստին
Ըստ թեմայի
Արցախում ևս 6 քաղաքացու մոտ է կորոնավիրուս հայտնաբերվել
«Պատասխանին երկար սպասելու խնդիր չենք ունենա». Գյումրիում էլ են կորոնավիրուս ախտորոշում
Ո՛չ ջերմություն, ո՛չ հազ. գիտնականները պարզել են կորոնավիրուսի ամենատարածված ախտանիշը
Հանրային խորհրդի նիստ, արխիվային լուսանկար

ՌԴ նոր Հանրային պալատը կշարունակի համագործակցել ՀՀ Հանրային խորհրդի հետ

58
(Թարմացված է 19:07 10.08.2020)
ՀՀ Հանրային խորհուրդը ռուսական կողմին առաջարկել է մինչ կորոնավիրուսի համավարակի ավարտը փոխգործակցության հիմնական ուղղությունների շրջանակում կազմակերպել առցանց կոնֆերանս: Կոնֆերանսի թեմաները կհստակեցվեն առաջիկայում:

ԵՐԵՎԱՆ, 10 օգոստոսի - Sputnik. ՌԴ Հանրային պալատը հույս է հայտնել, որ նոր՝ 7-րդ կազմով, ևս կշարունակի համագործակցել ՀՀ Հանրային խորհրդի հետ:

ՌԴ Հանրային պալատի գլխավոր քարտուղարը՝ միջազգային հարաբերությունների գծով տեղակալ Ա. Շկոլնիկը ՀՀ Հանրային խորհրդի նախագահ Ստյոպա Սաֆարյանին ուղղված նամակով տեղեկացրել է, որ ՀՊ 7-րդ կազմն արդեն ձևավորված է: Գլխավոր քարտուղար է ընտրվել Լ. Միխեևան:

Շկոլնիկը ՌԴ Հանրային պալատի նոր կազմի անունից, վստահություն է հայտնել, որ ՀՀ Հանրային խորհրդի հետ համագործակցությունը կշարունակի մնալ միջազգային հարաբերությունների կարևորագույն ուղղություններից մեկը:

«Հանրային պալատի անդամները պատրաստակամ են ներգրավվել երկկողմ և բազմակողմ համաժողովներում, ֆորումներում և գործունեության հիմնական ուղղություններին առնչվող այլ միջոցառումներում»,- նշված է նամակում:

ՀՀ ՄԻՊ Արման Թաթոյանը դատապարտել է Ստյոպա Սաֆարյանի արարքը

ՀԽ նախագահը պատասխան նամակով շնորհավորել է ՀՊ նոր կազմին՝ նշանակումների և ընտրությունների կապակցությամբ և շնորհակալական խոսք ուղղել նախկին գործընկերներին՝ արդյունավետ համագործակցության համար:

Ափսոսանք հայտնելով հետաձգված փոխայցերի համար, որոնք այս պահին անհնար են դարձել կորոնավիրուսային համավարակի պատճառով՝  Սաֆարյանը հույս է հայտնել, որ դրանք հնարավոր կդառնան համավարակային իրավիճակի մեղմացումից անմիջապես հետո: Մինչ այդ, ռուսական կողմին առաջարկվել է փոխգործակցության հիմնական ուղղությունների շրջանակում կազմակերպել առցանց կոնֆերանս: Առաջիկայում կհստակեցվեն այն թեմաները, որոնց շուրջ այս ձևաչափով հնարավոր քննարկումները կարող են արդյունավետ լինել:

58
թեգերը:
կորոնավիրուս, Ռուսաստան, Հայաստան, նամակ, Ստյոպա Սաֆարյան, Հանրային խորհուրդ
Ըստ թեմայի
Հանրային խորհուրդն անիմաստ կառույց է. Ալեն Սիմոնյան
Ալավերդյան. «Ստյոպա Սաֆարյանի համար Վազգեն Մանուկյանի անձը մարտահրավեր է»
Պիպոյան. «Հանրային խորհուրդը հարկավոր է որպես ինստիտուտ՝ անկախ անձերից»
Ստյոպա Սաֆարյան. «Նիսյա» լավ երկրի հեռանկարը հեշտ չէ համոզել մարդկանց
Օլգա Բուզովա

Դավան և Բուզովան նշում են իրենց հանդիպման հոբելյանը․ ի՞նչ նվեր է մատուցել բլոգերը սիրելիին

271
(Թարմացված է 20:55 09.08.2020)
Պարզվում է՝ Դավիթից առաջ, Օլգային նույն անակնկալը մատուցել է նաև նրա նախկին ամուսինը՝ Դմիտրի Տարասովը։

ԵՐԵՎԱՆ, 9 օգոստոսի - Sputnik. Ռուսական շոու-բիզնեսի ամենագեղեցիկ զույգերից մեկը՝ երգչուհի Օլգա Բուզովան և նրա ընտրյալը՝ բլոգեր, պարող Դավան (Դավիթ Մանուկյանը) իրենց հարաբերությունների մեկամյակը նշել են Սոչիում։ Երգչուհին Instagram-ում լուսանկար է հրապարակել իրենց հանգստից։

«Երեկ Սոչիի լավագույն բաղնիքներից մեկում էինք։ Մաքուր օդ, լեռներ, կանաչ թեյ և մերսում»,- հիացած գրել է երգչուհին։

Скрин поста Ольги Бузовой
Դավան և Բուզովան նշում են իրենց հանդիպման հոբելյանը

7days.ru կայքը գրում է, որ բաղնիքից հետո զույգը ռեստորան է գնացել, որտեղից էլ Բուզովան վայելել է Դավայի գլխավոր անակնկալը՝ մեծ հրավառությունը։

Սակայն, պարզվում է, Դավիթից առաջ, Օլգային նույն անակնկալը մատուցել է նաև նրա նախկին ամուսինը՝ Դմիտրի Տարասովը։ Օլգայի 30-ամյակին նա մեծ հրավառություն էր պատվիրել, որին երգչուհին հետևել է իր ընկերուհիների հետ Մոսկվա գետի վրա գտնվող ռեստորաններից մեկից։

Հայերենը, մեքենաները, աղջիկները. ի՞նչ են քննարկել բլոգեր Ադամյանն ու Բուզովայի հայ ընկերը

Համացանցում քննարկում են՝ արդյո՞ք Դավան տեղյակ չէր Տարասովի արած անակնկալից, թե՞ հատուկ է որոշել «կրկնել» նրան։

Օլգա Բուզովան և Դավան միասին են ապրում։ Դավան տատու է արել սիրելիի անունը մարմնի վրա, ծանոթացրել նրան իր ծնողների հետ, Օլգան էլ ամեն կերպ օգնում է ընկերոջը կայանալ շոու-բիզնեսում։

271
թեգերը:
հրավառություն, Սոչի, նվեր, Բլոգեր, երգչուհի, Օլգա Բուզովա, Դավիթ (Դավա) Մանուկյան
Ըստ թեմայի
Բուզովայի փեսացուն ամեն ինչի պատրաստ է․ Մանուկյանը դեմ չէ «մեծական» ֆիլմում նկարահանվելուն
Բուզովայի` բանկ ներխուժած «երկրպագուն» երկու ամսով կալանավորվել է. լուսանկար
Ալֆո՞նս, թե՞ երկար սպասված արքայազն․ ինչո՞վ է հայտնի Բուզովայի հայ փեսացուն
Հայերենը, մեքենաները, աղջիկները. ի՞նչ են քննարկել բլոգեր Ադամյանն ու Բուզովայի հայ ընկերը
Ռուբեն Վարդանյան, արխիվային լուսանկար

«Ավրորան» 200 000 ԱՄՆ դոլար կնվիրաբերի Բեյրութում աղետի հետևանքները հաղթահարելու համար

1
«Ավրորա» մարդասիրական նախաձեռնության ներկայացուցիչները կոչ են անում հումանիտար բոլոր կազմակերպություններին, աշխարհի բոլոր հայերին` սատարելու Լիբանանի բնակչությանն ու լիբանանահայ համայնքին։

ԵՐԵՎԱՆ, 11 օգոստոսի - Sputnik. «Ավրորա» մարդասիրական նախաձեռնության համահիմնադիրներ Նուբար Աֆեյանը, Վարդան Գրեգորյանն ու Ռուբեն Վարդանյանը և «Ավրորա» մրցանակի ընտրող հանձնաժողովի նախագահ Լորդ Արա Դարզին հայտարարել են, որ «Ավրորան» 200 000 ԱՄՆ դոլար կնվիրաբերի Լիբանանի մայրաքաղաք Բեյրութի բնակիչներին աջակցելու համար։ Միաժամանակ #AraratChallenge շարժման միջոցով լրացուցիչ դրամահավաք-հանգանակություն կսկսի՝ Բեյրութի հայ համայնքին աջակցելու նպատակով։

«Մենք խորապես ցավում ենք Բեյրութում տեղի ունեցած ողբերգական պայթյունի համար և միանում Լիբանանին հրատապ օգնելու համաշխարհային ջանքերին: Ինչպես Լիբանանը կանգնեց մեր կողքին Հայոց ցեղասպանությունից հետո, այսօր մենք ենք Լիբանանի ողջ ժողովրդին աջակից»,– նշված է համահիմնադիրների ու «Ավրորա» մրցանակի Ընտրող հանձնաժողովի նախագահի համատեղ հայտարարության մեջ։

«Ավրորա» մարդասիրական նախաձեռնության ներկայացուցիչները կոչ են անում հումանիտար բոլոր կազմակերպություններին, աշխարհի բոլոր հայերին` սատարելու Լիբանանի բնակչությանն ու լիբանանահայ համայնքին։

Եվս մեկ ինքնաթիռ․ Արցախն օգնության խմբաքանակ է ուղարկել Լիբանան

«Ավրորա» մարդասիրական նախաձեռնությունը հայտնում է, որ վերոհիշյալ 200 000 դոլարից  100 000–ը Լիբանանի Կարմիր խաչի և Մերձավոր Արևելքի հիմնադրամի միջոցով կտրամադրվի պայթյունի անմիջական հետևանքները մեղմելու համար, 50 000–ը կնվիրաբերի Մեծի Տանն Կիլիկիո Կաթողիկոսությանը՝ հայ համայնքի կարիքների համար, ևս 50 000 ԱՄՆ դոլար ակնկալվում է հավաքել հանգանակության միջոցով։ Այդ միջոցները ևս կուղղվեն  աջակցության ու վերականգնման նախագծերին, որոնք կընտրվեն ավելի ուշ:

«Ավրորա» մարդասիրական նախաձեռնությունը, որն ստեղծվել է Հայոց ցեղասպանությունը վերապրողների անունից՝ ի երախտագիտություն նրանց փրկողների, ձգտում է հնարավորություն տալ մերօրյա հերոսներին՝ կյանք և հույս պարգևել նրանց, ովքեր մարդասիրական աջակցության խիստ կարիք ունեն ողջ աշխարհում, այսպիսով՝ շարունակել մարդասիրության շղթան աշխարհով մեկ: «Ավրորա» մարդասիրական նախաձեռնությունը գործով արտահայտված երախտագիտություն է՝ վերափոխելու հայկական փորձառությունը համաշխարհային շարժման, որը կոչված է մեզնից յուրաքանչյուրին ոգեշնչելու գործի՝ հանուն մարդկության և մարդկային կյանքի։

1
թեգերը:
Տուժածներ, Լիբանան, հայ, պայթյուն, Բեյրութ, Ռուբեն Վարդանյան, Ավրորա
Ըստ թեմայի
Ամուսնություն ծերուկի հետ. մի աղջկա սարսափելի պատմություն, որը Ավրորա Մարդիգանյան չդարձավ
Հայտնի է «Ավրորա» մրցանակաբաշխության այս տարվա հաղթողը
Հայտնի է` երբ կհայտարարվի «Ավրորա» մարդասիրական մրցանակի այս տարվա դափնեկրի անունը
Ավրորա Մարդիգանյանի ծառուղի. ֆորումի մասնակիցներն այցելել են Ծիծեռնակաբերդ. լուսանկարներ