ԵՐԵՎԱՆ, 8 մայիսի - Sputnik. «Playboy» ամսագիրը նկարահանման է հրավիրել ռուսական շանսոնի թագուհի Լյուբով Ուսպենսկայային։ Այս մասին երգչուհին հայտնել է Instagram-ի իր էջում։
««Playboy»-ը նկարահաման է հրավիրել։ Հանդես կգամ նապաստակի կերպարով։ Ականջներս սրել եմ, գազարը պատրաստել եմ»,- գրել է Ուսպենսկայան և օգտագործել «հումոր» հեշթեգը։
Օգտատերերից մի քանիսը, 66-ամյա երգչուհու՝ անկեղծ ֆոտոշարքին մասնակցելու որոշումը միանշանակ չեն ընդունել, ակնարկելով, որ Ուսպենսկայան պետք է նիհարի։ Երգչուհուն «օգնության են շտապել» երկրպագուները։ Նրանք ողջունել են Ուսպենսկայայի համարձակ որոշումը։
«Բոլոր կերպարներում էլ գեղեցկուհի եք, հիմա նախանձները կսկսեն վատ մեկնաբանություններ գրել»,«շատ գեղեցիկ եք»,«հրաշք տեսք ունեք»,«անհամբեր սպասելու ենք»,-գրել են նրանք։
View this post on Instagram
Ավելի վաղ, երգչուհին հայտարարել էր, որ իր կյանքում դժվար ժամանակներ են և իրեն հանգիստ է պետք, իսկ կարանտինն իր համար հնարավորություն է ստեղծել հանգստանալու և նոր լիցքերով ստեղծագործելու համար։
