Մոսկվայի քաղաքապետ Սերգեյ Սոբյանինը

Մոսկվայում «դիմակային ռեժիմ» է սահմանվում․ բոլորը պետք է դիմակով ու ձեռնոցով լինեն

246
(Թարմացված է 14:40 07.05.2020)
Կորոնավիրուսով վարակվածների թվի աճի ֆոնին Մոսկվայի բնակիչների համար նոր ռեժիմ է սահմանվել։

ԵՐԵՎԱՆ, 7 մայիսի - Sputnik. Կորոնավիրուսի պատճառով Մոսկվայում «դիմակային ռեժիմ» է հայտարարվել, ըստ որի՝ տրանսպորտում և հանրային վայրերում մարդիկ պարտավոր են դիմակ ու ձեռնոց դնել։ Այս տեղեկությունը հայտնել է Ռուսաստանի Մոսկվայի քաղաքապետ Սերգեյ Սոբյանինը։

Ավելի վաղ նա հայտարարել էր, որ արդյունաբերության ու շինարարական ոլորտի ձեռնարկությունների սահմանափակումները չեղարկելուց հետո կես միլիոն քաղաքացի արդեն կարող է լիարժեք աշխատել։

«Մեծ թվով մարդկանց աշխատելու հնարավորություն տալով՝ մենք հասկանում ենք, որ կավելանա տրանսպորտից օգտվողների քանակը, այսպես թե այնպես միմյանց հետ շփվող մարդկանց թիվը կաճի։ Այդ պատճառով լրացուցիչ ռեժիմ ենք մտցնում, պահանջներն ավելի խիստ են լինելու», - ասել է Սոբյանինը։

ՌԴ մշակույթի նախարարի մոտ կորոնավիրուս է հաստատվել

Երեկ Մոսկվայի մարզի ղեկավար Անդրեյ Վորոբյովը հրաման է ստորագրել, ըստ որի` մայիսի 12-ից հանրային վայրերում դիմակ դնելը պարտադիր է։ Փաստաթղթի համաձայն՝ «դիմակային ռեժիմը» կտևի երկու ամիս։

Ռուսաստանում վերջին մեկ օրում կորոնավիրուսի վարակման 11 հազար դեպք է բացահայտվել։ ՌԴ–ն վարակակիրների թվով՝ 177 160 մարդ, հայտնվել է հինգերորդ հորիզոնականում։ Մոսկվայում վարակման 92 676 դեպք է բացահայտվել։ Անցած մեկ օրում կորոնավիրուսով վարակվածներից 88–ը մահացել են։

Հայաստանում կորոնավիրուսով վարակվածների թիվը մեկ օրում ավելացել է 102–ով և հասել 2884-ի

 

246
թեգերը:
կորոնավիրուս, Մոսկվա, Ռուսաստան
թեմա:
Կորոնավիրուսը Չինաստանում և աշխարհում (795)
Ըստ թեմայի
Թու, թու, թու, կորոնավիրուսով չեն վարակվել, կամ սա «կապիկություն» է. հարցախույզ Երևանում
Գիտնականներին հաջողվել է կորոնավիրուսի դեմ «զենք» ստանալ
Կորոնավիրուսը հանգիստ չի տալիս «Ռեալին». մահացել է նաև ակումբի նախկին փոխնախագահը
Ձեռնաշղթա

Ձերբակալել են ՌԴ կրթության և գիտության փոխնախարարին

48
(Թարմացված է 20:46 03.07.2020)
Փոխնախարարի նկատմամբ քրեական գործ է հարուցվել բյուջեի գումարները խարդախության միջոցով յուրացնելու փաստով։

ԵՐԵՎԱՆ, 3 հուլիսի – Sputnik. Ռուսաստանի ՆԳՆ աշխատակիցները ձերբակալել են կրթության և գիտության նախարարության բարձրաստիճան պաշտոնյայի և մի գործարարի։ Տեղեկությունը հայտնում է ՆԳՆ մամուլի ծառայությունը։

Նշվում է, որ քրեական գործը հարուցվել է խարդախության ճանապարհով բյուջետային փողերը յուրացնելու փաստով։

«Ոստիկանները պարզել են, որ 2016 թվականին առևտրային կազմակերպության ղեկավարը, բյուջետային դրամական միջոցներ ստանալով, ենթակա ԱՁ–ների հետ մի շարք պայմանագրեր է կնքել ՌԴ կրթության և գիտության նախարարության շահերից բխող աշխատանքներ կատարելու համար` միևնույն ժամանակ մտադրություն չունենալով ամբողջ ծավալով կատարել ստանձնած պարտավորությունները։ Այնուհետև պատվիրատուին ներկայացվել են կատարված աշխատանքի արդյունքները, որոնք ի սկզբանե չեն համապատասխանել պայմանագրերի պայմաններին։ Աշխատանքի ընդունումն իրականացրել է կասկածյալի հանցակիցը, որը գերատեսչությունում ղեկավար պաշտոն է զբաղեցրել։ Այդպիսով, նախարարությանն ավելի քան 40 մլն ռուբլու վնաս է հասցվել»,– գրված է գերատեսչության հաղորդագրության մեջ։

Զախարովան մանրամասներ է հայտնել Շրի Լանկայում կալանավորված հայ և ռուս կենսաբանների գործից

Ինչպես հայտնում է Mash–ի Տելեգրամ ալիքը, ՆԳՆ–ն ձերբակալել է ՌԴ գիտության փոխնախարար Մարինա Լուկաշևիչին։

Ինչպես են Ռուսաստանում կանխել ահաբեկչությունը. ձերբակալման կադրերը հայտնվել են համացանցում

48
թեգերը:
Ձերբակալում, փոխնախարար, Ռուսաստան
Ըստ թեմայի
Ամերիկացիները «ռուսական հետք» են գտել համաշխարհային ահաբեկչության մեջ. ինչ են առաջարկում
Անվտանգության դաշնային ծառայությունը ձերբակալել է Շամիլ Բասաևի երկու գրոհայինի․ տեսանյութ
Մոսկվայում կանխել են քրեական հեղինակությունների հավաքը
Վլադիմիր Պուտին

Նրանք ցույց են տվել` ովքեր են այնտեղ աշխատում. Պուտինը` ԼԳԲՏ դրոշի մասին

144
(Թարմացված է 19:24 03.07.2020)
ՌԴ նախագահը հիշեցրել է, որ Ռուսաստանում օրենք է ընդունվել անչափահասների շրջանում միասեռականության քարոզն արգելելու մասին։

ԵՐԵՎԱՆ, 3 հուլիսի - Sputnik. ՌԴ նախագահ Վլադիմիր Պուտինը սահմանադրական փոփոխություններով զբաղվող աշխատանքային խմբի հետ հանդիպման ժամանակ ասել է, որ Ռուսաստանում կրոնական և ազգային, ինչպես նաև սեռական փոքրամասնությունների իրավունքների ոչ մի սահմանափակում չի եղել, չկա և չի լինի:

Խորհրդակցության ընթացքում Դաշնության խորհրդի տեղեկատվական քաղաքականության հանձնաժողովի նախագահ Ալեքսեյ Պուշկովը խոսել է Մոսկվայում ԱՄՆ դեսպանատան շենքի վրա ծածանվող ԼԳԲՏ դրոշի մասին և ասել, որ ծիածանագույն դրոշը կախել են հունիսի 24-ին՝ ի պաշտպանություն սեռական փոքրամասնությունների։

Եկեք գաղտնազերծենք տեղեկությունները. Պուտինը հոդված է գրել Երկրորդ համաշխարհայինի մասին

- Ո՞վ է աշխատում այդ շենքում, - հարցրել Է Պուտինը։

- Ամերիկացիները, ամերիկացի դիվանագետները։

- Իսկ դրոշը... Հասկանալի է...

- Դրոշը ծիածանագույն է:

- Դե լավ։ Նրանք ցույց տվել, թե ովքեր են այնտեղ աշխատում։ Սարսափելի չէ։ Չէ՞ որ մենք շատ ենք խոսել այդ մասին, և մեր դիրքորոշումը հասկանալի է»,- ասել Է Պուտինը։

Պուտինի մամուլի քարտուղարը պատասխանել է Բոլտոնի սկանդալային գրքին վերաբերող հարցին

Նախագահի խոսքով ՝ մարդը պետք է մեծանա և ինքնուրույն որոշի իր ճակատագիրը, ոչինչ պարտադրել պետք չէ։ Նա հիշեցրել է, որ ՌԴ-ում օրենք է ընդունվել անչափահասների շրջանում միասեռականության քարոզն արգելելու մասին։

Պուտինն ասել է, թե որքան հաճախ է հասցնում շփվել թոռնիկների հետ

144
թեգերը:
ԱՄՆ, դրոշ, Վլադիմիր Պուտին, ԼԳԲՏ, Ռուսաստան
Ըստ թեմայի
Ինչո՞ւ գազի միասնական գին չի սահմանվում. Պուտինը պատասխանեց Փաշինյանին ու Լուկաշենկոյին
«Մամ, զանգիր Պուտինին». փոքրիկը խնդրում է բացել դպրոցները
Պուտինը հանձնարարել է կատարելագործել հեռավար կրթությունը, բայց հիշել կարևորի մասին
Գոհար Ավետիսյան

Գոհար Ավետիսյանի առաջնեկը ծնվել է. լուսանկար

85
(Թարմացված է 00:15 04.07.2020)
Երկրպագուները վաղուց էին սպասում հայտնի դիմահարդարի փոքրիկի ծնվելուն։ Գոհարն էլ ծննդաբերությունից հետո լուսանկար է հրապարակել։

ԵՐԵՎԱՆ, 4 հուլիսի – Sputnik. Հանրահայտ դիմահարդար Գոհար Ավետիսյանը, որին Ռուսաստանում և Հայաստանում հաճախ «մեյքափի գուրու» են անվանում, ծննդաբերել է։

«Բարի գալուստ այս գեղեցիկ աշխարհ, իմ փոքրիկ հսկա, 4 կգ երջանկություն և անիրական սեր առաջին վայրկյանից։ Սա, թերևս, իմ ծննդյան օրվա լավագույն նվերն է (այն կլինի վաղը, բայց ես, միևնույնն է, բոլորին ցանկանում եմ զգալ այդ երջանկությունը)», - գրել է նա Instagram–ում:

Посмотреть эту публикацию в Instagram

Публикация от Goar Avetisyan (@goar_avetisyan)

Մաղթանքներն ու շնորհավորանքները չեն ուշացել։ Մաքսիմ Գալկինը երջանկություն է մաղթել փոքրիկին, իսկ երգչուհի Ժասմինը ապագա տղամարդուն հրահանգել է, որ ամեն օր ու ամեն ժամ ուրախացնի մայրիկին:

«Ուռա։ Շնորհավոր։ Մի հրաշալի հայ էլ ավելացավ»,- գրել է ռեժիսոր Սարիկ Անդրեասյանը:

Գոհար Ավետիսյանը ծնվել է Մարտունիում, նրա ընտանիքը տեղափոխվել է Մոսկվա, երբ Գոհարը մեկ տարեկան է եղել։ Ավետիսյանը Ռուսաստանում ամենահայտնի բյութի բլոգերն է։ Հիմա նա Instagram-ում ավելի քան 5 միլիոն բաժանորդ ունի, իսկ նրա «Կերպարանափոխություն» նախագիծը քննարկվել է անգամ Daily Mail-ի էջերում։

Գոհարն ինքնուրույն է հասել հաջողության։ Նա ինքնուս դիմահարդար է: Այս ոլորտում առաջին փորձերն արել է 11-12 տարեկանում: 16 տարեկանում ընդունվել է Ժողտնտեսության և պետական ծառայության ռուսական ակադեմիայի տնտեսագիտական ֆակուլտետ:

Գոհար Ավետիսյանը տոնական մեյքափի հեշտ ու արագ տարբերակ է առաջարկում․ տեսանյութ

Արդեն առաջին կուրսում Գոհարը սկսել է դիմահարդարել բոլոր ընկերուհիներին և ծանոթներին: Հետաքրքրությունը դարձել է աշխատանք, և նա թողել է ուսումը:

2012թ.-ին սկսել է դասախոսել, դիմահարդարման վարպետության դասեր անցկացնել։ Հիմա արդեն հայտնի դիմահարդարը Մոսկվայի կենտրոնում սեփական դպրոց և ստուդիա ունի:

Նշենք, որ առաջին ամուսնուց բաժանվելուց հետո Գոհարը գրեթե կես տարի դեպրեսիվ վիճակում էր։ Ամուսնալուծությունից հետո նա 43 կգ նիհարեց և նոր սեր գտավ։ 

«Ո՞վ կմտածեր, որ...». Գոհար Ավետիսյանի հուզիչ գրառումը

85
թեգերը:
երեխա, Գոհար Ավետիսյան
Ըստ թեմայի
«Որքան գեղեցիկ ես». դիմահարդարման վարպետ Գոհար Ավետիսյանը՝ Վարդայի նոր կերպարի մասին
«Ես քեզ կդարձնեմ ուժեղ». Գոհար Ավետիսյանը հերթական անգամ զարմացրել է երկրպագուներին
Դիմահարդար Գոհար Ավետիսյանը որոշել է երգչուհի դառնալ «միամիտ» երգով. տեսանյութ