Կործանիչներ. արխիվային լուսանկար

Ռուսաստանի պլանային վարժանքներն ու «մկների վազվզոցը». ի՞նչ է կատարվում բալթյան տարածքում

378
Ռուսաստանի արևմտյան ռազմական շրջանի և Բալթիական նավատորմի պատասխանատվության գոտում այս օրերին ցամաքային զորքերի, ավիացիայի, հակաօդային պաշտպանության և նավատորմի ուժերի ինտեգրված վարժանքների մի ամբողջ շարք է ծավալվում։

 

Ալեքսանդր Խրոլենկո, ռազմական վերլուծաբան

Երկարամյա «կռիվը ստվերի հետ» բավական ձանձրալի զբաղմունք է և թույլ չի տալիս Բալթիական տարածաշրջանում հաստատել օտարերկրյա զորքերի ներկայության ո՛չ օգտակարությունը, ո՛չ էլ նշանակությունն առհասարակ։

Այդ պատճառով էլ ՆԱՏՕ-ն ստիպված է Ռուսաստանի Բալթիական նավատորմի նավերի և ինքնաթիռների առօրյա պլանային աշխատանքների ֆոնին սյուժեներ հորինել սեփական խիզախության մասին և արդիական հոլովակներ ստեղծել։

Բելգիայի ռազմաօդային ուժերի մամուլի ծառայությունը (որի ինքնաթիռները հսկում են Բալթյան երկրների երկինքը) ապրիլի 17-ին տեսագրություն է հրապարակել, թե ինչպես են Բալթիկ ծովի երկնքում F-16 բելգիական կործանիչները որսում և ուղեկցում ռուսական ՍՈւ-24Մ ճակատային ռմբակոծիչներին, Սու-27 և Սու-30ՍՄ կործանիչներին։ «Որսացել են» իբր այն ժամանակ, երբ ռուսական ավիացիան թռիչքներ էր իրականացնում ԱՄՆ ռազմածովային ուժերի 6-րդ նավատորմի USS Donald Cook էսկադրային ականակրի վերևում՝ Լիտվայի ափամերձ տարածքում։

Պատրաստվում են հարվածի, կամ ինչու է ՆԱՏՕ–ն իր կողմը գրավում Հյուսիսային Մակեդոնիային

Այդ «դրամատիկ պահի» կրակին յուղ լցրեց նաև բրիտանական խոշորագույն Daily Mail տաբլոիդը: Այսինքն՝ վեբ կայքի հազարավոր այցելուները մեկ օրում կարող էին տեսնել միջազգային օդային տարածքում «ուրբաթօրյա բախման» կադրերը և զգալ, թե որքան վտանգավոր են այդ ռուսներն իրենց «օդ-մակերևույթ» սարսափելի «հաստամարմին» հրթիռներով։ Շատերն էին տպավորված. սոցցանցում գրեթե 300 մեկնաբանություն կար, 700 օգտատեր տարածել էին տեսանյութը։

Սակայն ռուսական ինքնաթիռների թռիչքն ու բելգիական F-16-ի հետ նրանց հանդիպումը, այնուամենայնիվ, կապված են ոչ թե «Կուկի» որսի, այլ Բալթիական նավատորմի սովորական վարժանքների հետ։

Պլանային զորավարժություններ

Ռուսաստանի արևմտյան ռազմական շրջանի և Բալթիական նավատորմի պատասխանատվության գոտում այս օրերին ցամաքային զորքերի, ավիացիայի, հակաօդային պաշտպանության և նավատորմի ուժերի ինտեգրված վարժանքների մի ամբողջ շարք է ծավալվում։ Սա պլանային ակտիվություն է, որը կապված չէ տարածաշրջանում ամերիկյան Donald Cook Էսկադրային ականակրի կամ բելգիական կործանիչների ներկայության հետ։ Հետախուզության և «Կուկի» շուրջ թռիչքի համար մեկ Սու-24ՄՌ-ի ինքնաթիռը բավական կլիներ, Բալթիայում և Սև ծովում մենք արդեն բազմիցս ականատես ենք եղել սյուժեի նման զարգացմանը: Այսօր ավելի կարևոր խնդիրներ կան։

Բալթյան նավատորմի ծովային ավիացիայի միավորման Սու-30ՍՄ և Սու-24 ինքնաթիռների անձնակազմերը ապրիլի 21-ին թռիչքներ են կատարել Կալինինգրադի մարզի և ծովի վրա, փորձել են ցամաքային ստորաբաժանումների կրակային աջակցության առաջադրանքները, զինափորձարաններում ոչնչացրել հրամանատարական կետերը, պայմանական հակառակորդի զրահատեխնիկան և զորքերը:

Հատուկ ուշադրություն է դարձվել տարբեր բարձրությունների և արագությունների ժամանակ հարձակողական և պաշտպանական մանևրների կիրառմամբ օդաչուների աշխատանքին: Նույն օրը Կալինինգրադի մարզի «Դոնսկոյե» օդանավակայանում Մի-24 հարվածային ուղղաթիռների, Մի-8 տրանսպորտային ուղղաթիռների և Կա-27 և Կա-29 նավային ուղղաթիռների անձնակազմերն ապահովել են ծովային դեսանտի իջեցումը սարքավորումներից զուրկ ծովափում:

Միաժամանակ նավային դեսանտային խումբը («Կալինինգրադ» և «Կորոլյով» մեծ դեսանտային նավերի, «Եվգենի Կոչեշկով» փոքր դեսանտային նավի և դեսանտային կատերների կազմով) հետ է մղել պայմանական հակառակորդի ավիացիայի հարձակումը: Ընդ որում ՝ անձնակազմերն ակտիվորեն օգտագործել են ռադիոէլեկտրոնային պայքարի միջոցները։ Այնուհետեւ մեծ դեսանտային նավերը ծովային թիրախների վրա հրետանային հրաձգություն են կատարել:

Բալթիկ ծովում կործանվել է Ка-29 ուղղաթիռը. կան զոհեր

Դեսանտի իջեցումը տեղի է ունեցել Կալինինգրադի մարզի Խմելևկայի ռազմափորձարանում: Ծովային հետևակի ստորաբաժանումները, նավերի անձնակազմերը և ավիացիան աշխատել են ծովից պայմանական հակառակորդի հակադեսանտային պաշտպանությունը ճեղքելու և ափերը գրավելու առաջադրանքների վրա: Ծովից կրակային աջակցության պայմաններում ափին գործում էին Բալթիական նավատորմի ծովային հետևակի միավորման դեսանտա-գրոհային վաշտերը և շուրջ 20 միավոր ԲՏՌ-82Ա զրահամեքենաներ։

Բալթյան նավատորմի հրթիռային նավերի անձնակազմերը մարտական հրաձգություն են իրականացրել օդային թիրախների ուղղությամբ և մշակել ծովային և առափնյա թիրախներին թևավոր հրթիռներով հարվածներ հասցնելու առաջադրանքը:

Զորավարժությունների բովանդակությունն ու բնույթը օտարերկրյա «գործընկերներին» ակնառու կերպով ցույց են տալիս Բալթյան  տարածաշրջանում Ռուսաստանի օպերատիվ և ռազմավարական գերազանցությունը: «Օդային ոստիկանության» ութ բելգիական կործանիչներն ու մեկ ամերիկյան Էսկադրային ականակիրն այստեղ եղանակ չեն ստեղծում։

Մկների վազվզոց

Ռուսական սահմանների մոտ ՆԱՏՕ-ի ռազմական ակտիվության գարնանային սրացման շրջանում USS Donald Cook ամերիկյան հրթիռային Էսկադրային ականակիրը նպաստում է ՆԱՏՕ-ի հակաօդային և հակահրթիռային միջոցների համար մարտական կառավարման, կապի և հետախուզության ավտոմատացված համակարգի ձևավորմանը:

Սակայն «գործընկերները» մի քանի քայլ հետ են մնում։ Առաջատար բարձր տեխնոլոգիական սպառազինությունը և աշխարհագրական դիրքը Ռուսաստանին անխոցելի են դարձնում ինչպես Բալթիկ ծովում, այնպես էլ բալթիական ափին:

Ըստ երևույթին, Բրյուսելում և Վաշինգտոնում խելամիտ հրամանատարները հասկանում են դա։ Այլապես ապրիլի 22-ին ՌԴ ԶՈՒ գլխավոր շտաբի պետ Վալերի Գերասիմովը և ՆԱՏՕ-ի միացյալ զինված ուժերի գլխավոր հրամանատար Տոդ Ուոլթերսը «փոխադարձ հետաքրքրություն ներկայացնող հարցեր» չէին քննարկի։ Նման շփումները պահպանվում են ՝ չնայած Ռուսաստան – ՆԱՏՕ հարաբերությունների լիակատար սառեցմանը։

Մոսկվան ԱՄՆ-ի սահմանների մոտ, օրինակ ՝ Մեքսիկայում, ռազմաբազաներ չի կառուցում, և իրավունք ունի Վաշինգտոնից նույնպիսի խաղաղասիրություն ակնկալել։ Սակայն Լատվիայում, Լիտվայում և Էստոնիայում հազարավոր օտարերկրյա զինծառայողներ կան, այդ թվում ՝ ամերիկացիներ։ Բալթիական երկրները վերածվել են մի մեծ ռազմափորձարանի և ռազմական հենադաշտի։

Դաշինքի բազմազգ գումարտակը (շուրջ 1400 զինծառայող) Մեծ Բրիտանիայի ընդհանուր հրամանատարության ներքո տեղակայված է Տապա ռազմակայանում՝ ռուսական սահմանից 100 կմ հեռավորության վրա: Այստեղ կենտրոնացված են հարյուրավոր ստորաբաժանումների ծանր մարտական տեխնիկան, զինանոցը և պահեստները, նորացված թռիչքուղին։ Հանրապետությունում գործում է ևս մեկ խոշոր ռազմական բազա՝ Էմարին, որն էստոնական բանակի համար ակնհայտորեն չափազանց մեծ է։

Լատվիայում ՆԱՏՕ-ի բազմազգ գումարտակի ներկայությունը (կանադական «գործընկերների» հրամանատարության ներքո) նույնպես հարցեր է առաջացնում սահմանակից Ռուսաստանում։ Բացի այդ, Լիելվարդում ստեղծվել է տարածաշրջանում դաշինքի ամենախոշոր ավիաբազան։ Լիտվայում դաշինքի բազմազգ լեգիոնը ղեկավարում է Բունդեսվերը։

Կարելի է երկար թվարկել իբրև թե ռոտացիայի վիճակում գտնվող արտասահմանյան ռազմական ինքնաթիռների, ուղղաթիռների, զրահամեքենաների և տանկերի քանակն ու տեսակները: Հարցն անգամ ՆԱՏՕ-ի զորքերի և ուժերի քանակը չէ, ռազմաքաղաքական լարվածությունն առաջանում է Ռուսաստանի շեմին թշնամական բլոկի մարտական (հարվածային) ենթակառուցվածքի ներկայությունից ու դրա ընդլայնումից։ Այս «մկների վազքի» ֆոնին Բալթիական նավատորմի և արևմտյան ռազմական շրջանի ակտիվությունն արդարացված է, անհրաժեշտ և կշարունակի աճել:

ՆԱՏՕ–ն ավելացնում է պաշտպանությանն ուղղված ծախսերը. ՌԴ–ն կմասնակցի՞ մրցավազքին

378
թեգերը:
Սու-30ՍՄ կործանիչ, Զորավարժություններ, զորավարժարան, Ռուսաստան, ՆԱՏՕ
Ըստ թեմայի
Ուզում են հա՛մ երկխոսել Մոսկվայի հետ, հա՛մ զսպել. ՆԱՏՕ–ն նոր քաղաքականություն է որդեգրել
Ինչպես թաքցնել սեփական մահը. ՆԱՏՕ–ի լոնդոնյան գագաթնաժողովը պատմական է լինելու
Հզոր պատասխան ՆԱՏՕ–ին. Ռուսաստանն ավարտել է «Իսկանդեր–Մ» հրթիռային համալիրների վերազինումը
Ուլան Բատոր. արխիվային լուսանկար

Մոնղոլիան դրական է վերաբերվում ՀԱՊԿ-ին միանալու հրավերին․ Զինովև

5
(Թարմացված է 14:44 06.07.2020)
Մոնղոլիան ՀԱՊԿ-ի աշխատանքին միանալու հրավեր է ստացել, ու Ռուսաստանի շահերի տեսակետից դա մեծ նշանակություն ունի։

ԵՐԵՎԱՆ, 6 հուլիսի — Sputnik. Մոնղոլիան դրական է արձագանքել Հավաքական անվտանգության մասին պայմանագրի կազմակերպությանը (ՀԱՊԿ) միանալու հրավերին։ ՌԻԱ Նովոստիի փոխանցմամբ՝ ՌԴ ԱԳՆ Ասիայի առաջին դեպարտամենտի տնօրեն Գեորգի Զինովևը նման հայտարարություն է արել Դաշնության խորհրդում։

Նրա խոսքով՝ Մոնղոլիան ՀԱՊԿ-ի աշխատանքին միանալու հրավեր է ստացել, ու Ռուսաստանի շահերի տեսակետից դա մեծ նշանակություն ունի։

«Մոնղոլիան դրական է դիտում այդ հրավերը։ Այն արձագանք է գտնում երկրի ղեկավարության շրջանում», - ասել է ռուս դիվանագետը։

Մոնղոլիան նաև հետաքրքրություն է ցուցաբերում նաև Շանհայի համագործակցության կազմակերպության հանդեպ այն բանից հետո, երբ Հնդկաստանն ու Պակիստանն այդ կազմակերպություն են մտել։

Ավելին՝ Մոնղոլիայի ու Եվրասիական տնտեսական հանձնաժողովի միջև բանակցային գործընթաց է սկսվում։

Ավելի վաղ ՌԴ արտգործնախարար Սերգեյ Լավրովն ասել էր, որ Շանհայի համագործակցության կազմակերպությունն ու ԱՊՀ-ն ապագայում կարող են ՀԱՊԿ գործընկերների կարգավիճակ ստանալ։ Նա հիշեցրել էր, որ ՀԱՊԿ գործընկերների ու դիտորդների կարգավիճակի հաստատման մասին որոշումը կազմակերպության մասնակից պետությունների ղեկավարները կայացրել են Ղազախստանում երկու տարի առաջ։

Ադրբեջանը հանուն ՀԱՊԿ–ի քաղաքական առևտուր կսկսի՞ Ռուսաստանի ու Արևմուտքի հետ

ՀԱՊԿ անդամ երկրներն են Հայաստանը, Ռուսաստանը, Բելառուսը, Տաջիկստանը, Ղրղզստանն ու Ղազախստանը։

5
թեգերը:
Ռուսաստան, Մոնղոլիա, Հավաքական անվտանգության պայմանագիր կազմակերպություն (ՀԱՊԿ)
թեմա:
Հայաստան և ՀԱՊԿ
Ըստ թեմայի
ՀԱՊԿ-ը առայժմ չի չեղարկել սեպտեմբեր-հոկտեմբեր ամիսներին նախանշված զորավարժությունները
ՀԱՊԿ ներուժը կարևոր է կորոնավիրուսի ստեղծած սպառնալիքներին արձագանքելու համար. Լավրով
Լավրովն ասաց` ով կարող է ՀԱՊԿ դիտորդ դառնալ ապագայում
Лаборатория для тестирования на коронавирус

Ռուսական պատվաստանյութը հետաքրքրել է ԱՀԿ-ին

15
(Թարմացված է 14:09 06.07.2020)
Առողջապահության համաշխարհային կազմակերպության ավագ գիտաշխատողը հույս է հայտնել, որ ռուս գիտնականները կհամաձայնեն համագործակցել։

ԵՐԵՎԱՆ, 6 հուլիսի – Sputnik. Առողջապահության համաշխարհային կազմակերպության (ԱՀԿ) ավագ գիտաշխատող Սումիա Սվամինատանը ՌԻԱ Նովոստիի հետ զրույցում ասել է, որ կազմակերպությունը հետաքրքրված է կորոնավիրուսի դեմ ռուսական պատվաստանյութով։

Ռուսաստանի առողջապահության նախարարությունը COVID-19-ի բուժման երկու դեղամիջոց է հավանության արժանացրել՝ «Ավիֆավիրը» ու «Արեպլիվիրը»։

«Մենք գիտենք, որ ավիֆավիրի փորձարկումներ են անցկացվում։ Դեղամիջոցները երկու կամ երեք թեստ են անցնում, այնպես որ սպասում ենք արդյունքների», - ասել է Սվամինատանը։

Նա հիշեցրել է, որ ԱՀԿ-ն «Համերաշխության թեստեր» ծրագիր ունի, որն ուղղված է կորոնավիրուսի դեմ դեղերի ու պատվաստանյութերի մասին տեղեկատվության փոխանակմանը։ ԱՀԿ ավագ գիտաշխատողը հույս է հայտնել, որ ռուսաստանցի գիտնականները կհամաձայնեն համագործակցել։

Նշենք, որ այժմ Ն․Ֆ․ Գամալեայի անվան միկրոկենսաբանության և համաճարակաբանության ազգային հետազոտական կենտրոնի ստեղծած պատվաստանյութը փորձարկումների փուլում է։ Թեստավորումն իրականացվում է պաշտպանության նախարարության հետ համագործակցությամբ։

Ռուսական պատվաստանյութը կորոնավիրուսից կպաշտպանի երկու տարի անընդմեջ

Բացի այդ, թեստավորումներ են անցկացվում Սեչենովի անվան համալսարանում։

Առողջապահության համաշխարհային կազմակերպությունը (ԱՀԿ) մարտի 11-ին նոր COVID-19-ի բռնկումը հայտարարել է համավարակ։ Կազմակերպությունը բոլոր երկրներին կոչ է արել միանալ վարակի դեմ ակտիվ պայքարին։

Worldometer կայքի տվյալների համաձայն՝ աշխարհում կորոնավիրուսով վարակվածների թիվն արդեն հատել է 11,5 մլն-ի սահմանը: Ավելի քան 537 հազար մարդ համավարակի զոհ է դարձել։

Կորոնավիրուսի դեմ պատվաստանյութ լինելու է, բայց Հայաստանին կարող է չհասնել. Թորոսյան

15
թեգերը:
կորոնավիրուս, պատվաստանյութ, Ռուսաստան, Առողջապահության համաշխարհային կազմակերպություն (ԱՀԿ)
թեմա:
Կորոնավիրուսը Չինաստանում և աշխարհում
Ըստ թեմայի
Ռուսաստանում COVID-19–ի դեմ սկսել են «յոգուրտանման» պատվաստանյութ մշակել
Դեռ պետք չէ թուլանալ․ Ռոսպոտրեբնադզորի պարզաբանումները պատվաստանյութերի վերաբերյալ
COVID-19–ի պատվաստանյութի ռուսական երեք փորձանմուշ արդյունավետ են եղել
Դալմա գարդեն մոլ

«Դալմա Գարդեմ մոլից» մարդկանց տարհանում են. ԱԻՆ-ը ռումբի մասին ահազանգ ունի

38
(Թարմացված է 14:47 06.07.2020)
Երևանյան երկու առևտրի կենտրոնների մասին ԱԻՆ-ն այսօր ռումբերի տեղադրման ահազանգեր է ստացել:

ԵՐԵՎԱՆ, 6 հուլիսի – Sputnik. Հուլիսի 6-ին ԱԻՆ Ճգնաժամային կառավարման ազգային կենտրոն տեղեկություն է ստացվել, որ Երևանի «Դալմա գարդեն մոլ» առևտրի կենտրոնում ռումբ է տեղադրված: Տեղեկությունը Sputnik Արմենիային հայտնեցին ԱԻՆ լրատվական ծառայությունից:

Այս պահին առևտրի կենտրոնից քաղաքացիներին տարհանում են: Տեղում աշխատում են փրկարարները, ոստիկաններն ու շտապ օգնության ծառայությունը:

Նշենք, որ այս պահին տարհանման աշխատանքներ են իրականացվում նաև Երևանի Նոր Նորք համայքում գտնվող «Մեգամոլ Արմենիա» առևտրի կենտրոնում:

Ըստ ԱԻՆ պաշտոնաան կայքի, ինտերնետային հարթակում հաղորդագրություն է տարածվել, որ Երևանի առևտրի կենտրոնի 1-ին և 2-րդ հարկերում ռումբեր են տեղադրված, որոնք ժամը 13։50-ին պայթելու են։

Հիշեցնենք՝ հուլիսի 1-ին ԱԻՆ Ճգնաժամային կառավարման ազգային կենտրոնն ահազանգ է ստացել, որ Երևանի «Երևան մոլ» առևտրի և զվարճանքի համալիրի «Ֆուդկորտում» ռումբ է տեղադրված։

Առևտրի կենտրոնից մարդկանց էվակուացնելուց հետո փկարարներն իրականացրել էին տեղազննում, որի արդյունքում ռումբ չէր հայտնաբերվել։

38
թեգերը:
ահազանգ, Դալմա գարդեն մոլ, ռումբ, ՀՀ արտակարգ իրավիճակների նախարարություն (ԱԻՆ), Երևան
թեմա:
Վթար, պատահար, սպանություն, գողություն
Ըստ թեմայի
Երևանում ծեծել են դիմակ չունենալու համար արձանագրություն կազմող ոստիկաններին
Նորքի տուն-ինտերնատում կորոնավիրուսով վարակված բոլոր տարեցներն առողջացել են
Սպառնալիք է քրիստոնեական աշխարհի համար. Կիրիլ Առաջինը դեմ է Թուրքիայի ծրագրերին