ՌԴ նախագահ Վլադիմիր Պուտին

Պուտինը ստորագրել է Ռուսաստանի քաղաքացիություն ստանալը պարզեցնող օրենքը. ի՞նչ է փոխվել

2789
(Թարմացված է 16:51 24.04.2020)
Նոր օրենքում բացակայում է ՌԴ քաղաքացիության համար դիմում ներկայացնելիս Ռուսաստանում գտնվելու եռամյա ժամկետի և քաղաքացիություն չունեցող չափահաս անձանց համար ապրուստի միջոցների օրինական աղբյուրի առկայության հաստատման պահանջը:

ԵՐԵՎԱՆ, 24 ապրիլի - Sputnik. Ռուսաստանի նախագահ Վլադիմիր Պուտինը ստորագրել է ՌԴ քաղաքացիություն ստանալու կարգի պարզեցման մասին դաշնային օրենքը: Համապատասխան փաստաթուղթը հրապարակվել է իրավական տեղեկատվության պաշտոնական առցանց պորտալում:

«ՌԴ տարածքում մշտապես բնակվող օտարերկրյա քաղաքացիները և քաղաքացիություն չունեցող անձինք իրավունք ունեն պարզեցված կարգով ՌԴ քաղաքացի դառնալու դիմումներ ներկայացնել»,-ասվում է փաստաթղթում։

Նախկինում օրենսդրությունը Ռուսաստանի քաղաքացիություն հայցողին պարտավորեցնում էր միաժամանակ դիմել օտարերկրյա պետության լիազոր մարմին ՝ այլ քաղաքացիությունից հրաժարվելու դիմումով:

ՌԴ–ում Հայաստանի դեսպանությունը պատրաստ է օգնել աշխատանքը կորցրած հայերին

Նոր օրենքը չեղարկում է ՌԴ քաղաքացիության համար դիմում ներկայացնելիս Ռուսաստանում գտնվելու եռամյա ժամկետի և կենսամիջոցների օրինական աղբյուրի առկայության հաստատման պահանջները նրանց համար, ովքեր նախկին ԽՍՀՄ-ի անդամ պետություններից որևէ մեկի քաղաքացի են:

Նույն կարգը կգործի նաև օտարերկրացիների համար, որոնք ապրում են Ռուսաստանում, ամուսնացած են Ռուսաստանի քաղաքացու հետ և այդ ամուսնությունից ընդհանուր երեխաներ ունեն, ինչպես նաև այն օտարերկրացիների համար, որոնց ծնողներից մեկը ՌԴ քաղաքացիություն ունի և ապրում է Ռուսաստանում։

Բացի այդ, Մոլդովայի, Ուկրաինայի, Բելառուսի և Ղազախստանի քաղաքացիների համար ևս ռուսական քաղաքացիություն ստանալու կարգը պարզեցվում է․ նրանք կկարողանան դիմում ներկայացնել անկախ Ռուսաստանում բնակվելու ժամկետից՝ փաստացի բնակության իրավունք ունենալու դեպքում։

Նոր օրենքով կրճատվում է նաև ռուսաստանյան բուհեր ավարտած անձանց համար Ռուսաստանի Դաշնությունում աշխատանքային գործունեություն իրականացելու ժամկետը՝ երեք տարուց դառնալով մեկ տարի։

ՌԴ–ում օտարերկրացիները կկարողանան աշխատել առանց հատուկ թույլտվության

2789
թեգերը:
քաղաքացիություն, Օրենք, Ռուսաստան, Վլադիմիր Պուտին
Ըստ թեմայի
Փաշինյանը չկարողացավ զսպել ծիծաղը, իսկ Պուտինն անհաղորդ մնաց․ ինչ էր ասում Լուկաշենկոն
Պուտինը հետաձգել է Հաղթանակի շքերթը
Պուտին․ Ռուսաստանում կորոնավիրուսի տարածման պիկը դեռ առջևում է
Եվգենի Պետրոսյանն ու Տատյանա Բրուխանովան, արխիվային լուսանկար

Իզո՞ւր է նեղացել երիտասարդ կնոջ պատճառով․ ինչո՞ւ է Պետրոսյանը դատի տվել Կոկլյուշինին

41
(Թարմացված է 00:43 07.07.2020)
Կոկլյուշինը Եվգենի Պետրոսյանի շատ մենախոսությունների հեղինակն է, նրանք բազմիցս հանդես են եկել նույն բեմում, այս թվում՝ «Ծուռ հայելի» հաղորդման ընթացքում՝ համատեղ համարներով։ Բայց երիտասարդ կնոջ պատճառով նրանց միջև սև կատու է անցել։

ԵՐԵՎԱՆ, 6 հուլիսի – Sputnik. Հայտնի հումորիստ Եվգենի Պետրոսյանը դատարանում գրող-երգիծաբան Վիկտոր Կոկլյուշինի դեմ հայց է ներկայացրել սխալմամբ։ Այդ մասին ՌԻԱ Նովոստիին հայտնել է ինքը՝ Կոկլյուշինը։

Ավելի վաղ հայտնի էր դարձել, որ Եվգենի Պետրոսյանը որոշել է պաշտպանել իր երիտասարդ կնոջը՝ Տատյանա Բրուխունովային և պատասխանատվության կանչել գործընկերոջը՝ Վիկտոր Կոկլյուշինին։ Բանն այն է, որ Տատյանան շարունակ խիստ քննադատությունների կիզակետում է հայտնվում։ Մեկ նա բոլորին դուր չի գալիս, մեկ նրա ընտրությունները դուր չեն գալիս, հագուստը չի սազում և այլն։

Մի քանի օր առաջ ԶԼՄ-ները հայտնել էին, որ նրա հասցեին ոչ կոռեկտ է արտահայտվել երգիծաբան Վիկտոր Կոկլյուշինը։ Ռուսական պարբերականների տվյալներով՝ Կոկլյուշինը հայտարարել է, որ Պետրոսյանը դադարել է հայտնվել հեռուստաէկրաններին, իսկ Տատյանան բոլորովին այն մարդը չէ, որը պետք է լինի հումորիստի կողքին։

Դրանից հետո Պետրոսյանը սկսեց պաշտպանել կնոջը և որոշեց պատասխանատվության կանչել Կոկլյուշինին։ Արտիստի փաստաբան Սերգեյ Ժորինը համապատասխան հայց ներկայացրեց դատախազություն։ «Պետրոսյանը խիստ վրդովված էր, մենք էլ որոշեցինք անպատիժ չթողնել այս ամենը և պաշտպանել Տատյանային։ Նշված արտահայտությունները միանշանակ վիրավորական են, քանի որ ուղղված են նրա արժանապատվությանը և պատվին»,-մեջբերում է պարբերականը արտիստի ներկայացուցչի խոսքերը։ Կոկլյուշինին սպառնում է մի քանի հարյուր հազար ռուբլի տուգանք։

Եվգենի Պետրոսյանի երիտասարդ կինը փոխել է «այրու կերպարն» ու որոշել գիրք կարդալ

Մեկնաբանելով այդ զարգացումները, Կոկլյուշինն ասել է, որ իր խոսքերում որևէ վիրավորական բան չի եղել։ Հուլիսի 6-ին նա հանդիպել է փաստաբան Ժորինի հետ և բացատրել է թյուրիմացության պատճառները։

««Собеседник» պարբերականում հոդված էր հրապարակվել, որը երկու մասից էր բաղկացած։ Առաջին հատվածում ես էի պատասխանում թղթակցի հարցերին, երկրորդում՝ մի արտիստ, որը չէր ցանկացել իր անունը հրապարակել։ Եվ ահա, երկրորդ մասը բավականին կտրուկ է, այնտեղ արտահայտություններ կան, որոնք չեն կարող դուր գալ։ Իսկ երբ տարբեր այլ պարբերականներ սկսեցին արտատպել, ուրիշի խոսքերը վերագրեցին ինձ»,-ասել է Կոկլյուշինը։

Կոկլյուշինը Եվգենի Պետրոսյանի շատ մենախոսությունների հեղինակն է, նրանք բազմիցս հանդես են եկել նույն բեմում, այդ թվում՝ «Ծուռ հայելի» հաղորդման ընթացքում՝ համատեղ համարներով։

Հիշեցնենք, որ անցած տարվա դեկտեմբերին Եվգենի Պետրոսյանն ամուսնացել է իր օգնականի՝ Տատյանա Բրուխունովայի հետ։ Հանուն Տատյանայի նա 30 տարի համատեղ կյանքից հետո  բաժանվել է իր չորրորդ կնոջից՝ Ելենա Ստեպանենկոյից։ Մամուլը բազմիցս գրել է, որ Պետրոսյանն ու Բրուխունովան երեխա ունեն, սակայն առայժմ կողմերից ոչ մեկը չի հաստատել այդ տեղեկությունը։ 74-ամյա երգիծաբանը հասուն դուստր ունի՝ Վիկտորիան։ Կարանտինի պատճառով վերջինս մնացել է Մոսկվայում է ինքնամեկուսացել է Ստեպանենկոյի բնակարանում, որին աջակցում է ամուսնալուծությունից հետո։

«Երջանկության ալբոմ»․ Պետրոսյանի երիտասարդ կինը նրան սեր խոստովանելու նոր ձև է գտել

41
թեգերը:
փաստաբան, դատ, Տատյանա Բրուխունովա, Եվգենի Պետրոսյան
Ըստ թեմայի
«Իհարկե օրիգինալն է»․ Եվգենի Պետրոսյանի երիտասարդ կինը պարծեցել է Dior-ի գլխարկով
Եվգենի Պետրոսյանի երիտասարդ կինը փոխել է իմիջը. տեսանյութ
Եվգենի Պետրոսյանն առաջին ընտանեկան լուսանկարն է հրապարակել Տատյանա Բրուխունովայի հետ
«Բոլորը կպատժվեն ըստ արժանվույն». Եվգենի Պետրոսյանի կինն արձագանքել է մեղադրանքներին
ՌԴ-ում 10 կմ հեռահարությամբ էլեկտրամագնիսական թնդանոթներ են ստեղծել

Մարտական համակարգերի «մարդասպանը». ՌԴ-ում 10 կմ հեռահարության թնդանոթներ են ստեղծել

117
(Թարմացված է 00:44 07.07.2020)
Առաջատար երկրները բարձր տեխնոլոգիական սպառազինության ոլորտում ակնհայտորեն հետ են մնում Ռուսաստանից։ Դրա վառ ապացույցն է ռուսաստանցի մասնագետների կողմից էլեկտրամագնիսական թնդանոթների ստեղծումը։

Ալեքսանդր Խրոլենկո, ռազմական վերլուծաբան

Ռուսաստանը հաջողությամբ փորձարկում է արհեստական ինտելեկտով հարվածային ԱԹՍ–ներն ու զրահատեխնիկան, ինչպես նաև բարձր տեխնոլոգիական համակարգերի և պոտենցիալ հակառակորդի ռոբոտների ոչնչացման հեռահար միջոցները։

Ռուսաստանի պաշտպանական արդյունաբերության համալիրի աղբյուրները հայտնել են, որ ռուսական էլեկտրամագնիսական թնդանոթների փորձանմուշների կիրառմամբ թիրախի երաշխավորված խոցման հեռահարությունը հասել է 10 կմ–ի։ Դա նշանակում է, որ անմիջական տեսանելիության գոտում թշնամու բարձր տեխնոլոգիական օդային և ցամաքային զենքերը կարող են վայրկենապես վերածվել մետաղաջարդոնի` էլեկտրամագնիսական ազդակներով կառավարման և նշանառման սարքերի բաղադրիչներն այրելու հաշվին։ Անաղմուկ կրակոցը միլիվայրկյաններ է տևում, չկա կրակ, ծուխ կամ հետհարում։ Ռադիոլոկացիոն կամ արբանյակային հետախուզության ստանդարտ միջոցներով էլեկտրամագնիսական թնդանոթի դիրքային հատվածը բացահայտելն անհնար է։

Նախկինում էլեկտրամագնիսական թնդանոթի գործողությունների հեռահարությունը 3 կմ–ի էր հասնում։ Զենքի նոր տեսակի փորձարկումներն իրականացվում են 2015 թվականից, թնդանոթները հաջողությամբ օդում ԱԹՍ–ներ և ցամաքում տարատեսակ սարքեր են «այրում»։

Տեղում դոփելով․ ամերիկյան Patriot ՀՕՊ համալիրների հերթական ձախողումը

Թե սպառազինությունը երբ կհամալրվի նոր էլեկտրամագնիսական թնդանոթներով դեռ հայտնի չէ, այնուամենայնիվ, Ռուսաստանը մոտենում է դրան, և հաջողությունն այդ առումով ակնհայտ է։ Այսօր փորձանմուշները կարող են զգալի հեռավորության վրա խոցել  թշնամու ԱԹՍ–ները, ուղղաթիռները և թևավոր հրթիռները։ Որպես ՀՕՊ միջոց նոր թնդանոթը ռեկորդ է սահմանել` «այրելով» ուսումնական օդային թիրախը 10 կմ հեռավորության վրա։ Եթե հեռահարությունը հաջողվի ավելացնել մինչև 20 կմ, ապա թիրախների շարքում կհայտնվեն նաև ժամանակակից մարտական ինքնաթիռները (բարձրությամբ)։ Կարծում եմ, որ ռուսական  պաշտպանական արդյունաբերության համալիրի նոր ձեռքբերումներն այս ոլորտում երկար չեն սպասեցնի։

Էլեկտրամագնիսական թնդանոթներն առաջնագծում

Էլեկտրամագնիսական ճառագայթման տեխնոլոգիայի վրա հիմնված զենքը, իր գործողության սկզբունքով մոտ է ռադիոէլեկտրոնային պայքարի համակարգին։ Վառոդի և մետաղի փոխարեն, ռուսական էլեկտրամագնիսական թնդանոթը բարձր հաճախականության ճառագայթման էներգիա է  օգտագործում։ Էլեկտրամագնիսական խոցող ճառագայթումը տարածվում է լույսի արագությամբ։ Դեռ խնդիր է մնում յուրաքանչյուր կրակոցի համար ծախսած հսկայական էներգիան, սակայն տեխնոլոգիաներն անդադար զարգանում են։ Հեռանկարում էլեկտրամագնիսական թնդանոթները կարող են տեղակայվել 6-րդ սերնդի ծանր կործանիչ ԱԹՍ–ների, ցամաքային զորքերի տեխնիկայի և Ռազմածովային նավատորմի (ՌԾՆ) նավերի վրա։

Էլեկտրամագնիսական թնդանոթը ոչ մահաբեր զենք է համարվում. ոչնչացնում է էլեկտրոնիկան, սակայն խնայում է կենդանի ուժը։ Կոշտ էլեկտրամագնիսական ճառագայթումը վտանգավոր է մարդու առողջության համար, կարող է խոցել նյարդային, իմունային և օրգանիզմի այլ համակարգերը։ Եվ, այնուամենայնիվ, եթե էլեկտրամագնիսական ազդակն «այրի» միկրոսխեման և կանգնեցնի թռչող սարքի շարժիչը, օդաչուն դատապարտված է մահվան` կատապուլտը ևս չի գործի։

Գործընկերները հետ են մնում

Էլեկտրամագնիսական թնդանոթների նախագծերով զբաղվում են ԱՄՆ–ն, Իսրայելը, Թուրքիան, Ֆրանսիան, Չինաստանը։ Այնուամենայնիվ այդ երկրներից ոչ մեկը չի հասել «բարձր հաճախականության կրակի» 10-կիլոմետրանոց արդյունավետ հեռահարության։ Օրինակ՝ ԱՄՆ–ի ՌԾՈւ–ն անցած ամառ փորձարկեց ռելսատրոն թնդանոթը, որի արձակած արկի արագությունը մոտ 2041 մ/վ է։ Նկատենք, որ  այդ ամրակուռ ռազմամթերքը (ոչ թե էլեկտրամագնիսական ազդակը) ամեն դեպքում չի գերազանցել ժամանակակից վառոդային հրետանու արկի առավելագույն` 2500 մ/վ արագությանը։ Հետագա պատերազմների համար արագացումը ակնհայտորեն բավարար չէ։

Սու-57-ի փորձարկումներն ավարտված են. երբ ՌԴ ռազմաօդային ուժերը կստանան առաջին կործանիչները

Ամերիկացիները 2000-ականների սկզբից լաբորատորիայում փորձարկում են 475-մմ ռելսատրոն թնդանոթը  (GeneralAtomics և BAE Systems ընկերությունների մշակում), սակայն հաջողությունն ակնհայտ չէ։ 23 կգ զանգված ունեցող արկը, որը փողից դուրս է թռչում մոտ 2200  մ/վ արագությամբ, կարող է մեծ ավերածությունների հանգեցնել։ Հայտնի չէ, թե ուր և որքան հեռու է այն թռչում։

Նախանձելի ճակատագիր չունի ԱՄՆ ՌԾՈւ ռելսատրոն թնդանոթը։ Մի քանի տասնյակ կրակոցների և հսկայական էներգիա ծախսելու պատճառով հրաժարվել են այն Zumwalt առաջատար ամերիկյան էսկադրոնային ականակրի վրա տեղադրելու գաղափարից։ Նավը չի կարող սեփական զենքի զոհ լինել, իսկ էլեկտրամագնիսական թնդանոթի կիրառումը ենթադրում էր ականակրի գրեթե ողջ էլեկտրոնիկայի անջատում, այդ թվում՝ ՀՕՊ–ՀՀՊ համակարգերի։ Արդյունքում՝ ԱՄՆ ռազմածովային ինստիտուտի մասնագետներն առաջարկեցին Zumwalt տեսակի «սուպոր–ականակիրներն» օգտագործել  ընդամենը որպես թիմային նավեր։ Ուսումնասիրությունները շարունակվում են։ Բարձր տեխնոլոգիական զենքի ոլորտում առաջատար երկրներն ակնհայտորեն հետ են մնում Ռուսաստանից։

Սևմաշը պատրաստվում է հանձնել ատոմային սուզանավերը.ինչպես կփոխվի ՌԴ ռազմածովային նավատորմը

117
թեգերը:
թնդանոթ, Զենք, Ռուսաստան
Ըստ թեմայի
Հայաստանին մատակարարած ռուսական զենքը չեզոքացրել է Բաքվի գերազանցությունը․ Եվսեև
Հայաստանը ռուսական նոր զենք ունի. լուսանկարներ
ՀՀ ԶՈւ համալրման հայ–ռուսական նոր գործարք. զենքի մասին չեն խոսելու, այն կցուցադրեն
Հրապարակվել է կուրացնող և հալյուցինացիաներ առաջացնող ռուսական զենքի փորձարկումների վիդեոն
Կարմիր հաղարջ

Սև, սպիտակ և կարմիր․ հաղարջի ո՞ր տեսակն է առավել օգտակար

0
(Թարմացված է 00:52 07.07.2020)
Հաղարջի տեսակներից ամենաօգտակարը սևն է։ Այն հասնում է հուլիսին։ Սև հաղարջը վիտամինների գանձարան է։ Հատկապես օգտակար է երեխաների համար։ Ամենաճիշտը հաղարջը հում վիճակում ուտելն է։ Թե ի՞նչ օգտակար հատկություններ ունի հաղարջը՝ ընթերցեք մեր նյութում։

ԵՐԵՎԱՆ, 7 հուլիսի - Sputnik. Կարմիր ու սև հաղարջը բավականին լայն տարածում ունեն Հայաստանում, երկուսն էլ հատուկ խնամք չեն պահանջում, բավականին համեղ են ու շատ օգտակար։ Սակայն ճիշտ արդյունք ստանալու համար պետք է իմանալ՝ ինչպես կիրառել հատապտուղն ու որ դեպքում այն չպետք է ուտել՝ օրգանիզմին չվնասելու համար, քանի որ հաղարջը մի շարք հակացուցումներ ունի։ Փորձենք հասկանալ՝ ինչպես է հաղարջն ազդում օրգանիզմի վրա։

Օգնում է բուժել մրսածությունն ու իջեցնում է ջերմությունը

Սև հաղարջի շնորհիվ կարելի է ամրացնել իմունային համակարգն ու կանխել վարակների ներթափանցումը օրգանիզմ։ Հաղարջը նաև մանրէասպան միջոց է ու կարող է իջեցնել ջերմությունը։ Անգինայի ու գրիպի ժամանակ բժիշկները խորհուրդ են տալիս հաղարջի թեյ օգտագործել։

Черная смородина
Սև հաղարջ

Օգտակար է ճնշման ու ռևմատիզմի դեպքում

Կարմիր հատապտղի հիմնական ազդեցությունը ճնշման կարգավորումն է ու արյունատար անոթների վրա զգալի ազդեցությունը, իսկ սև հաղարջը նպաստում է արյան ճնշման իջեցմանը։ Դրա մեջ եղած Р ու С վիտամինները օգնում են իջեցնել ու կարգավորել արյան ճնշումը։

Ի՞նչ է կատարվում օրգանիզմում, երբ մոռ եք ուտում

Հաղարջի տերևներից թուրմը միզամուղ է, այդ պատճառով հաճախ է օգտագործվում տոքսինները հանելու համար։ Թուրմերով բուժում են հոդատապն ու ռևմատիզմը։ Դրանից բուժիչ վաննաներ են պատրաստում մաշկի հիվանդությունների ու ցաների դեպքում։

Ամրացնում է օրգանիզմը

Վիտամին С-ի պարունակությամբ հաղարջը զիջում է միայն մասուրին։ 20 հատապտուղը բավական է՝ օրգանիզմի օրական պահանջը բավարարելու համար։ Բացի այդ՝ հաղարջի մեջ կան Р խմբի վիտամիններ, որոնք կարգավորում են ու պահպանում արյունատար անոթների կառուցվածքը, ճկունությունը, գործառույթն ու թափանցելիությունը։

Красная смородина
Կարմիր հաղարջ

Նվազեցնում է սթրեսը

Հաղարջի մեջ պարունակվող վիտամինները ամրացնում են նյարդային համակարգն ու նպաստում գլխուղեղի անոթների աշխատանքին, լավացնում են հիշողությունն ու օգնում հաղթահարել հոգեբանական բեռնվածությունը։ Հաղարջը հաճախ խորհուրդ են տալիս բուհերի դիմորդներին ու քննություն հանձնող ուսանողներին։

Լավացնում է աղիների, երիկամների, լյարդի ու սրտի աշխատանքը

Վիտամին В-ի շնորհիվ հաղարջը կարգավորում է աղիների աշխատանքը, իսկ ֆոսֆորը խիստ անհրաժեշտ է երիկամների, լյարդի ու սրտի աշխատանքի համար։ Ֆոսֆորն օգնում է օրգանիզմին էներգիա արտադրել, կատարել մկանային ու նյարդային համակարգի գործառույթներն ու նպաստում ոսկրերի ամրացմանը։

Ի՞նչ է կատարվում օրգանիզմի հետ, երբ բալ եք ուտում

Հաղարջի կանոնավոր օգտագործումը կօգնի ազատվել այրոցից, ամրացնել անոթների պատերն ու բարենպաստ ազդեցություն կունենա հիշողության ու մտածողության վրա։

Նիհարելու համար

Հատապտուղը շատ օգտակար է այն մարդկանց համար, որոնք ուզում են նիհարել, բացի այդ, հաղարջի 100գրամն ընդամենը 56 կկալ ունի։ Այն նաև հարուստ է բջջանյութով, որն ամբողջովին յուրացվում է օրգանիզմի կողմից ու արագ հագեցնում է։

Коктейль
Կարմիր հաղարջով կոկտեյլ

Հակացուցումները

Վիտամին К-ի բարձր պարունակության պատճառով այն խորհուրդ չի տրվում մարդկանց, որոնք գլխուղեղի կաթված կամ ինֆարկտ են տարել։ Հաղարջը խորհուրդ չեն տալիս նաև աղիքային ու ստամոքսային սուր հիվանդությունների, օրինակ՝ խոցի դեպքում, քանի որ այն բարձրացնում է թթվայնությունը։

Փոքր երեխաների համար վնասակար է հաղարջի 100%-ոց հյութը, քանի որ այն կարող է ալերգիկ ռեակցիա առաջացնել։ Նրանց կարելի է հյութը տալ միայն ջրով բացած վիճակում ու քիչ քանակությամբ։ Հղիության ու կրծքով կերակրելու ժամանակ հաղարջը պետք է ուտել բժշկի հետ խորհրդակցելուց հետո։

Հավկիթն օրգանիզմի համար օգտակա՞ր է, թե ՞ վնասակար. միֆ և իրականություն

Բացի այդ, պետք է չափն իմանալ։ Մեծ քանակությամբ հաղարջ ուտելը կարող է հանգեցնել արյան մակարդելիության բարձրացման։

Ոչ միայն սև ու կարմիր

Սպիտակ հաղարջի տեսակները հաճախ անարդարացիորեն մոռացության են մատնվում։ Մինչդեռ սպիտակ հաղարջը համային հատկանիշներով տարբերվում է սևից ու կարմիրից։ Այն շատ անուշաբույր ու համեղ է, քանի որ բարձր քանակությամբ շաքար է պարունակում։

Բացի այդ, սպիտակ հաղարջն ալերգիկ չէ․ բոլորը հանգիստ կարող են ուտել այն։

Смородина
Սպիտակ հաղարջ

Սպիտակ հաղարջը կարող է․

  • վերականգնել սրտանոթային համակարգի լիարժեք գործունեությունը,
  • բարենպաստ ազդել արյունատար համակարգի վրա,
  • նորագոյացությունների նախապահպանություն իրականացնել․
  • պաշտպանել օրգանիզմը վաղաժամ ծերացումից,
  • կարգավորել լեղապարկի գործունեությունը,
  • պայքարել աթերոսկլերոզի դեմ
  • լավացնել լյարդի, մակերիկամների աշխատանքը,
  • շտկել բջջային փոխանակությունը,
  • վերականգնել տեսողությունը,
  • ամրացնել նյարդային համակարգը։

Ոմանք պնդում են, որ եթե մարդն ուզում է կատարյալ առողջ ու պաշտպանված լինել վարակներից և մանրէների հարձակումից, պետք է օրական ընդամենը մեկ բուռ սպիտակ հաղարջ ուտի։

0
թեգերը:
հատապտուղ, սթրես, երեխա, օրգանիզմ, հաղարջ
Ըստ թեմայի
Ի՞նչ է կատարվում օրգանիզմում, երբ պանիր եք ուտում
Ինչ է տեղի ունենում օրգանիզմում, երբ կարտոֆիլ ենք ուտում․ սիրված մթերքի լավ և վատ կողմերը
Ի՞նչ է տեղի ունենում օրգանիզմում, երբ ելակ ենք ուտում
Ի՞նչ է կատարվում օրգանիզմում, երբ ծիրան եք ուտում