Զավորոտնյուկին դուրս են գրել հիվանդանոցից․ որտե՞ղ է նա հիմա և որքա՞ն է արժեցել բուժումը
(Թարմացված է 19:56 22.04.2020)
Դերասանուհին քաղցկեղից բուժվում էր Բարվիխայի հիվանդանոցում։ Զավորոտնյուկի առողջական վիճակը լավացել է, ու բժիշկները թույլ են տվել նրան ընտանիքի մոտ վերադառնալ։
ԵՐԵՎԱՆ, 22 ապրիլի - Sputnik. Հայտնի դերասանուհի Անաստասիա Զավորոտնյուկին դուրս են գրել Մոսկվայի մարզում գտնվող Բարվիխայի հիվանդանոցից, նա վարակից խուսափելու համար մեկուսացվել է տանը։
Զավորոտնյուկի սարսափելի ախտորոշման մասին հայտնի դարձավ 2019 թվականի աշնանը․ դերասանուհու մոտ քաղցկեղ էր հայտնաբերվել։ Իրադարձությունների զարգացմանն ու բուժման ընթացքին հետևում էին ոչ միայն բարեկամները, այլև երկրպագուները։
StarHit պարբերականը հայտնել է, որ Զավոտոտնյուկին դուրս են գրել հիվանդանոցից, ու նա այս պահին ընտանիքի հետ գտնվում է Մոսկվայի մարզի Կրեկշինոյում գտնվող ամառանոցում։ Դերասանուհու վիճակը կայուն լավ է, սակայն նա աշխատում է ինքնամեկուսացած մնալ՝ նաև հրաժարվելով սոցցանցերից ու հեռախոսից։
«Բժիշկներն ասել են, որ նրան հիմա շուրջօրյա հսկողություն պետք չէ», - ասել է պարբերականի աղբյուրը։
Դեռ վաղ է խոսել դերասանուհու ապաքինման մասին, բժիշկները չեն բացառում հիվանդության կրկնության հավանականությունը, սակայն ամենակարևորն այն է, որ Զավորոտնյուկի քաղցկեղը մահվան դատավճիռ չէ։ Այժմ նա Ստենդֆորդի գիտնականների մշակած հակաքաղցկեղային դեղորայքն է ընդունում։
Մինչ այդ Անաստասիային երկու անգամ վիրահատել էին ու հեռացրել էին գիոբլաստոման։
Զավորոտնյուկը հիվանդության ընթացքում առաջին անգամ պատասխանել է իր հետևորդներին
Բժիշկը, որը խնդրել էր չհրապարակել իր անունը, kp.ru պարբերականին հայտնել էր, որ դերասանուհին առողջանալու մեծ շանս ունի։
«Զավորոտնյուկը դեռ թույլ է, սփրթնած։ Բնականաբար նա արտաքնապես փոխվել է, աչքերի շուրջն ուռած է։ Քիմիայից հետո նրա մազերը թափվել էին, հիմա նորից աճել են», - ամփոփել է բժիշկը։
Դահլիճն արտասվում էր․ Զավորոտնյուկի գեղասահորդ ամուսինը սահել է 1 տարեկան դստեր հետ
Զավորոտնյուկի բուժման ընթացքում նրա ամուսինը՝ Պյոտր Չերնիշևը, մոտ 12 միլիոն ռուբլի է ծախսել։ Դրամական հարցերում օգնել է նաև գեղասահորդուհի Տատյանա Նավկան, որը փոխանցել է դերասանուհուն սառցե ներկայացումներից (որտեղ նա պարում է Պյոտր Չերնիշևի հետ) ստացած գումարը։ Ասում են նաև, որ դերասանուհու ամուսինը վաճառել է Յալթայի բնակարանը՝ բուժման ծախսերը հոգալու համար։
Փաշինյանն ուղերձ է հղել Ռուսաստանի վարչապետին
(Թարմացված է 13:19 03.03.2021)
ՀՀ վարչապետն իր շնորհավորական ուղերձում անդրադարձել է նաև Հայաստանի և Ռուսաստանի հարաբերություններին։ԵՐԵՎԱՆ, 3 մարտի – Sputnik. ՀՀ վարչապետ Նիկոլ Փաշինյանը Ռուսաստանի Դաշնության կառավարության նախագահ Միխայիլ Միշուստինին շնորհավորական ուղերձ է հղել ծննդյան օրվա առթիվ: Տեղեկությունը հայտնում է վարչապետի մամուլի ծառայությունը։
©
Sputnik / Наталья Селиверстова
«Հարգելի Միխայիլ Վլադիմիրի, ընդունեք սրտանց շնորհավորանքներս Ձեր ծննդյան օրվա առիթով, մաղթում եմ հաջողություններ Ռուսաստանի Դաշնության կառավարության ղեկավարի պաշտոնում: Այսօր կցանկանայի առանձնահատուկ ընդգծել Ձեր անձնական ներդրումը հայ-ռուսական դաշնակցային հարաբերությունների զարգացման գործում, որոնց ամրապնդումը լիովին համապատասխանում է մեր երկրների եղբայրական ժողովուրդների հիմնարար շահերին: Վստահ եմ, որ ամուր բարեկամությունը, փոխըմբռնումը և վստահությունը հետայսու ևս կնպաստեն Հայաստանի և Ռուսաստանի միջպետական հարաբերությունների ողջ համալիրի հարստացմանը՝ նոր փոխշահավետ ծրագրերով»,– գրել է Փաշինյանը։
ՀՀ վարչապետը Միշուստինին մաղթել է քաջառողջություն, հաջողություն և բարեկեցություն:
Նշենք, որ այսօր լրանում է ՌԴ վարչապետի 55-ամյակը։
Հայ երիտասարդի սպանության հետքերով. Արա Աբրահամյանը Բելորեչենսկ է ուղարկել իր տեղակալին
(Թարմացված է 10:37 03.03.2021)
Ռուսաստանի հայերի միությունն ամեն ինչ անում է հայ երիտասարդի ողբերգական մահից հետո սադրանքներից խուսափելու համար:ԵՐԵՎԱՆ, 3 մարտի - Sputnik. Կրասնոդարի երկրամասի Բելորեչենսկ քաղաքում տեղի ունեցած ողբերգական դեպքից հետո Ռուսաստանի հայերի միության նախագահ Արա Աբրահամյանը Կրասնոդարի երկրամաս է ուղարկել իր առաջին տեղակալ Լուսիկ Ղուկասյանին:
©
Sputnik / Николай Хижняк
Ինչպես հաղորդում է կազմակերպությունը, Ղուկասյանը հանդիպումներ կունենա տեղական իշխանության ներկայացուցիչների, ՌՀՄ տեղական բաժանմունքների ղեկավարների և երիտասարդական կազմակերպությունների հետ, որպեսզի քայլեր ձեռնարկեն սադրանքներ թույլ չտալու ուղղությամբ։
«Բացասական հետևանքներից խուսափելու և իրավիճակը չսրելու համար ՌՀՄ-ն համայնքի ներկայացուցիչներին խնդրում է չարձագանքել զգացմունքային, երբեմն սադրիչ կոչերին և հանգստություն պահպանել», - նշված է հաղորդագրության մեջ:
Ռուսաստանի հայերի միությունը միջոցներ է ձեռնարկում հասարակական վերահսկողություն ապահովելու ուղղությամբ, քանի դեռ օպերատիվ միջոցառումներ են իրականացվում մարդասպանին բռնելու ուղղությամբ։
Մոսկվայում խեղդամահ արված 2 երեխայի են գտել. սպանության մեջ կասկածվում է նրանց մայրը
Ռուսաստանի հայերի միությունը կարծում է, որ եթե հանցագործը հայտնվի Ադրբեջանում, ապա պետք է վերադարձվի Ռուսաստան և կանգնի դատարանի առաջ:
«Մենք հույս ունենք, որ հանցագործն առաջիկայում կհայտնաբերվի և պատիժ կկրի ռուսական օրենսդրությանը համապատասխան», - հայտարարել են ՌՀՄ-ում:
Հիշեցնենք, որ փետրվար 28-ին Բելորեչենսկում ծեծկռտուքի հետևանքով սպանվել է 22-ամյա Արթուր Սարուխանովը։ Նախնական տեղեկություններով` սպանողն ադրբեջանցի է, որի նկատմամբ հետախուզում է հայտարարվել։
Մոսկվայում ձերբակալել են քրեական հեղինակություն Զիրոյանի կնոջ սպանության կասկածյալին
Դատախազությունը հերքում է Օնիկ Գասպարյանի նկատմամբ քրգործ հարուցելու մասին լուրերը
(Թարմացված է 15:20 03.03.2021)
Գլխավոր դատախազությունից վստահեցնում են` Օնիկ Գասպարյանի վերաբերյալ որևէ քրեական վարույթ չկա հարուցված։ ԵՐԵՎԱՆ, 3 մարտի - Sputnik. ՀՀ գլխավոր դատախազությունը հերքում է Զինված ուժերի գլխավոր շտաբի պետ Օնիկ Գասպարյանի նկատմամբ քրեական վարույթ հարուցելու մասին լուրերը: Sputnik Արմենիային այս մասին հայտնեցին ՀՀ գլխավոր դատախազության հանրային կապերի բաժնից։
«Քրեական վարույթներն ընդհանրապես քրեադատավարական սուբյեկտ չհանդիսացող անձանց քաղաքական հրահանգների հիման վրա չեն հարուցվում, այլ առերևույթ հանցագործության դեպքի կամ փաստի: Օնիկ Գասպարյանի վերաբերյալ որևէ քրեական վարույթ չկա հարուցված»,–ասացին գլխավոր դատախազության հանրային կապերի բաժնից:
Հիշեցնենք, որ ԶԼՄ–ներում լուրեր էին տարածվել, որ քաղաքական հրահանգ է տրված, որպեսզի քրեական գործ հարուցեն Զինված ուժերի գլխավոր շտաբի պետ Օնիկ Գասպարյանի դեմ:
Իրադրությունը սրվեց այն բանից հետո, երբ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։
Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։
Նա հայտնեց նաև, ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, ՀՀ նախագահ Արմեն Սարգսյանը չստորագրեց և հետ ուղարկեց փետրվարի 27–ին։ Նույն օրը վարչապետը կրկին առաջարկությունն ուղարկեց ՀՀ նախագահին։
Օնիկ Գասպարյանը շարունակում է մնալ ԶՈւ բարձրագույն զինվորական հրամանատարը. Գլխավոր շտաբ
Երեկ հայտնի դարձավ, որ նախագահը չի ստորագրել Օնիկ Գասպարյանին ԳՇ պետի պաշտոնից ազատելու հրամանագիրը, բայց ՍԴ դիմելու է ոչ թե Նիկոլ Փաշինյանի ներկայացրած հրամանագրի նախագծի սահմանադրականության հարցը պարզելու համար, այլ «Զինվորական ծառայության և զինծառայողի կարգավիճակի մասին» 2017թ. նոյեմբերի 15-ի ՀՀ օրենքի՝ Սահմանադրությանը համապատասխանելու հարցը որոշելու խնդրանքով:
Հայրենիքի փրկության շարժումը այդ տեղեկությունից հետո հայտարարեց, որ շտապ հանդիպում է պահանջում նախագահի հետ։