Օլգա Բուզովա, արխիվային լուսանկար

«Գժվե՞լ ես, ինչ է». Բորոդինան Բուզովային խորհուրդ է տվել զգուշանալ հայ տղաներից

362
(Թարմացված է 23:24 22.04.2020)
Հեռուստահաղորդավար Քսենյա Բորոդինան բլոգեր Դավիթ Մանուկյանի հետ հանդիպող իր ընկերուհուն՝ Օլգա Բուզովային, պատմել է «հայկական արգելքների» մասին։

ԵՐԵՎԱՆ, 22 ապրիլի – Sputnik. Հայտնի երգչուհի Օլգա Բուզովան դերասանուհի և հեռուստահաղորդավարուհի Քսենյա Բորոդինայի հետ «հայկական թեմաներ» է քննարկել Instagram-ի ուղիղ եթերում։

«Ցերեկույթ Բուզովայի հետ» շոուի ժամանակ փոփ երգչուհին խոստացել է բաժանորդներին, որ եթե եթերին 100 մարդ միանա, Քսյուշան կհանի շապիկը։

Նրա ասածներին զրուցակիցը բավական բուռն է արձագանքել։

«Գժվե՞լ ես, ինչ է։ Չէ՞ որ ես ամուսնացած եմ։ Մի՞թե կարելի է ուղիղ եթերում հանել շապիկը, չէ՞ որ դու էլ ես շուտով կովկասցու կին դառնալու»,- ասել է Բուզովայի ընկերուհին։

Օլգան չի կորցրել իրեն և անմիջապես հարցրել է իր սիրեցյալին` բլոգեր Դավուին (Դավիթ Մանուկյան)՝ կարո՞ղ է հանել շապիկը։ Նա էլ միանգամից բացասական պատասխան է տվել։

Այնուհետև Քսենյան սկսել է ընկերուհու համար թվարկել «հայ կնոջ պարտականություններն ու նրա նկատմամբ կիրառվող արգելքները»։ Բանն այն է, որ Քսենյան նույնպես որոշ ժամանակ հանդիպել է հայի հետ, իսկ ամուսինը` Կուրբան Օմարովը, կովկասցի է (դաղստանցի)։

«Իսկ կարո՞ղ է արդեն ամուսնացել ենք»․ Բուզովան՝ հայ ընկերոջ հետ հարաբերությունների մասին

«Դու չես կարողանա տղա ընկերներ ունենալ, չես կարողանա շփվել տղամարդկանց հետ։ Անպայման պետք է սովորես տոլմա պատրաստել», – ասել է հեռուստահաղորդավարուհին։

Բուզովայի հարցին, թե՝ դա ի՞նչ է, կադրից դուրս գտնվող Դավիթը բղավել է՝ շուտով կիմանաս` առաջացնելով աղջիկների ծիծաղը։

Իսկ եթերի վերջում Օլգան խնդրել է Քսյուշային հայկական ոճով հարսանեկան կենաց ասել։

«Հայերենո՞վ», – վախեցել է հեռուստահաղորդավարուհին, ինչին Բուզովան պատասխանել է՝ ինչո՞ւ ոչ։

«Ես միայն գիտեմ. «Ի՞նչ կա։ Բարև ձեզ։ Ո՞նց ես։ Հա՞յ ես»», – ասել է նա։

Հիշեցնենք, որ Բորոդինայի հայրը հայ է։

Այնուհետև նա Դավիթին նվիրված կենաց է ասել. «Կեցցես։ Քչերն էին հանդգնում անել այդ քայլը, մենք արդեն հուսալքվել էինք, որ այդպիսի կամային, համարձակ տղա կհայտնվի, որը պատրաստ կլինի ամբողջ կյանքն անցկացնել այս հրաշալի, գեղեցիկ ու խելացի «Օլգա ջանի» հետ։ Հաջողություն քեզ, սեր, իսկ կարևորը` համբերություն։ Ցավդ տանեմ»։

362
թեգերը:
երգչուհի, Տոլմա, Օլգա Բուզովա
Ըստ թեմայի
«Պահանջվում է առանց մանկական տակդիրի տղամարդ». Օլգա Բուզովան ամուսին է փնտրում
Օլգա Բուզովան ծննդյան 34–ամյակը նշում է հայ սիրեցյալի հետ. տեսանյութ
Գոհար Ավետիսյանի «թեթև ձեռքով» Օլգա Բուզովան դարձել է այլմոլորակային
Վալենտինա Մատվիենկո

«Հիմա պետք չէ մեղավորներ փնտրել». Մատվինեկոն` հայ–ադրբեջանական սահմանի լարվածության մասին

53
(Թարմացված է 17:40 15.07.2020)
ՌԴ Դաշնային խորհրդի ղեկավարի կարծիքով ՝ հիմա կարևոր է մեղմել հայ-ադրբեջանական սահմանի լարվածությունը։

ԵՐԵՎԱՆ, 15 հուլիսի — Sputnik. Ռուսաստանի Դաշնության դաշնային խորհրդի նախագահ Վալենտինա Մատվիենկոն հայտնել է, որ իրեն ՝ որպես ԱՊՀ Միջխորհրդարանական վեհաժողովի նախագահ, դիմել են Հայաստանի ու Ադրբեջանի խորհրդարանների ղեկավարները՝ հայ-ադրբեջանական սահմանին իրավիճակի սրման կապակցությամբ:

Ինչպես տեղեկացնում է «Խորհրդարանական թերթը», Մատվիենկոն նշել է, որ Ռուսաստանի խորհրդարանում խիստ մտահոգված են Հայաստանի և Ադրբեջանի սահմանին ստեղծված իրավիճակով և Ռուսաստանը Երևանին ու Բաքվին կոչ է անում տարաձայնությունները լուծել բանակցությունների ճանապարհով:

«Մենք շատ մտահոգված ենք, քանի որ և՛ Հայաստանը, և՛ Ադրբեջանը մեզ համար բարեկամ երկրներ են։ Հիմա պետք չէ մեղավորներ փնտրել, ուղղակի պետք է դադարեցնել ռազմական գործողությունները», - հայտարարել է նա։

Դաշնության խորհրդի ղեկավարի խոսքով ՝ խորհրդարանական բոլոր հնարավոր ջանքերը գործադրվում են, որպեսզի հակամարտության սրությունը վերանա:

Թիրախավորված կրակոցներ չեն արձանագրվել. նոր մանրամասներ սահմանային իրավիճակի մասին

Հուլիսի 12–ից սկսած իրավիճակը սրվել է հայ–ադրբեջանական սահմանի Տավուշի հատվածում։ Հուլիսի 12–ին` ժամը 12:30-ի սահմաններում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են կատարել: Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել են իրենց դիրքեր:

Դրանից հետո հակառակորդը պարբերաբար վերսկսում է գնդակոծությունն ինչպես հայ դիրքապահների, այնպես էլ բնակավայրերի ուղղությամբ։

Պաշտոնական տվյալներով՝ Ադրբեջանն ունի 11 զոհ, իսկ հայկական կողմը` 5 զոհ, 10 վիրավոր։

53
թեգերը:
Սահման, հայ-ադրբեջանական, Ադրբեջան, Հայաստան, Վալենտինա Մատվիենկո, Ռուսաստան
Ըստ թեմայի
ՍՈւ–երը երկինք են բարձրացել` մարտական հերթապահության. Փաշինյանը տեսանյութ է հրապարակել
Հայաստանի մարդու իրավունքների պաշտպանը Տավուշի մարզում է
ՀՀ–ն հուսով է, որ ՌԴ–ն ազդեցություն կունենա սահմանի լարվածության նվազման հարցում. Տողանյան
Սմերչ համակարգ. արխիվային լուսանկար

Հայաստանը լրացուցիչ զենք կուզի՞ Ռուսաստանից. պատասխանում է դեսպան Տողանյանը

189
(Թարմացված է 17:19 15.07.2020)
Դիվանագետը կարծում է, որ սպառազինության պլանային մատակարարումները միանգամայն բավարար են Հայաստանի անվտանգության ապահովման համար:

ԵՐԵՎԱՆ, 15 հուլիսի – Sputnik. Ռուսաստանից Հայաստան լրացուցիչ զենք մատակարարելու կարիք չկա։ ՌԴ-ում Հայաստանի դեսպանը նման հայտարարություն է արել ՌԻԱ Նովոստիին տված հարցազրույցում։

Նրա խոսքով՝ Հայաստանն Ադրբեջանի հետ սահմանին տիրող իրավիճակի պատճառով մտադիր չէ Ռուսաստանին սպառազինության լրացուցիչ մատակարարման հայտ ներկայացնել։

«Եղած սպառազինությունը բավարար է երկրի անվտանգությունն ապահովելու համար»,-վստահ է դիվանագետը։

Նա արձանագրել է այն փաստը, որ Երևանի և Մոսկվայի միջև այս բոլոր տարիների ընթացքում զարգանում է ռազմատեխնիկական համագործակցությունը, կան պարտավորություններ և համաձայնագրեր, որոնք քննարկում են երկու երկրների համապատասխան գերատեսչությունները։

«Արդեն տեղադրված պատվերները և այն, ինչ մենք սպասում ենք պլանային ռեժիմում, միանգամայն բավական է մեր երկրի անվտանգության ապահովման համար։ Այդ պատճառով էլ այսօր ինչ-որ լրացուցիչ մատակարարումների մասին խոսք չկա»,-ընդգծել է Տողանյանը։

Հիշեցնենք` հուլիսի 12–ից իրավիճակը սրվել է հայ–ադրբեջանական սահմանի Տավուշի հատվածում։ Հուլիսի 12–ին` ժամը 12:30-ի սահմանում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են կատարել:

ՀՀ զինված ուժերի կողմից խոցված Elbit Hermes 900 ԱԹՍ-ն 30 մլն ԱՄՆ դոլար արժեր

Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել են իրենց դիրքեր: Դրանից հետո ադրբեջանական ԶՈՒ-ն պարբերաբար կրակ է արձակում ինչպես հայ դիրքապահների, այնպես էլ գյուղերի ուղղությամբ։

Հայկական կողմն ունի 4 զոհ և 10 վիրավոր։ Ադրբեջանը պաշտոնապես հայտարարել է 11 զոհի մասին, նրանց թվում է գեներալ-մայոր Փոլադ Հաշիմովը։

189
թեգերը:
Սահման, հայ-ադրբեջանական, ադրբեջանցի, Ադրբեջան, Վարդան Տողանյան, Դեսպան, Զենք, Ռուսաստան, Հայաստան
թեմա:
Հայ–ադրբեջանական սահմանին տիրող իրավիճակը
Ըստ թեմայի
Համագործակցություն պաշտպանության ոլորտում․ ԶՈւ գլխավոր շտաբի պետն ընդունել է ՌԴ դեսպանին
ՀՀ–ն հուսով է, որ ՌԴ–ն ազդեցություն կունենա սահմանի լարվածության նվազման հարցում. Տողանյան
ՀԱՊԿ-ը պետք է արձագանքի ՀՀ և Ադրբեջանի սահմանին տեղի ունեցած միջադեպին․ դեսպան Տողանյան
Արման Թաթոյան

Ադրբեջանը կիրառել է մարդուն խոշտանգող ու անվերականգնելի վնաս հասցնող հրետանային արկեր. ՄԻՊ

8
(Թարմացված է 22:26 15.07.2020)
ՄԻՊ-ը հայտարարեց, որ մասնագետների հետ ուսումնասիրելու են նաև այդ զինատեսակների՝ միջազգայնորեն արգելված լինել-չլինելու հարցը:

ԵՐԵՎԱՆ, 15 հուլիսի – Sputnik. Տավուշի մարզի Մովսես գյուղի հարևանությամբ Ադրբեջանի կողմից հուլիսի 12-ին իրականացրած հրետակոծությունների մասին առաջին ահազանգը ՀՀ ՄԻՊ գրասենյակը ստացել է կրակոցների մեկնարկից րոպեներ անց: Այս մասին Տավուշի մարզում կայացած ճեպազրույցում լրագրողներին հայտնեց ՀՀ ՄԻՊ Արման Թաթոյանը:

Ադրբեջանական կրակոցների հետքերը Այգեպարում. տեսանյութ

«Ես, իհարկե, անմիջապես հրատապ հարցմամբ դիմեցի ՀՀ պաշտպանության նախարարին, մենք ունեցանք քննարկում, նախարարը հաստատեց և մենք սկսեցինք մեր միջազգային գործընկերներին զեկույցներ ներկայացնելու ուղղությամբ աշխատանքներ տանել»,- ասաց Թաթոյանը:

Ավելի ուշ պաշտպանն ու նրա աշխատակազմը մեկնեցին Տավուշ ու դիտարկումները արեցին հրետակոծության ենթարկված Բերդ քաղաքում:

«Այստեղ հրետակոծության էր ենթարկվել «Տավուշ տեքստիլը», ինչպես նաև Երևանի կոնյակի գործարանի մասնաճյուղը: Պետք է ասեմ, որ սա հատկապես մտահոգիչ ու խիստ դատապարտելի է, որովհետև «Տավուշ տեքստիլն» արտադրում է բժշկական դիմակներ: COVID-19-ի պայմաններում հարցն ակնհայտ մարդասիրական դաշտում է ու միջազգային մարդասիրական իրավունքի նորմերի խախտման»,- ասաց պաշտպանը:

Պաշտպանը նշեց` քանի որ բնակչության հետ շփումներից պարզ է դարձել, որ հակառակորդը կիրառել է ԱԹՍ-ներ, դա մեզ հիմք է տալիս պնդելու, որ ադրբեջանական կողմը նախապես տեղյակ է եղել, որ այդտեղ ոչ ռազմական օբյեկտ է, և այն էլ՝ առողջապահական դիմակներ արտադրող: Իսկ քանի որ հրետակոծությունը տեղի է ունեցել ցերեկային ժամին, դա իր հերթին հիմք է տալիս ենթադրելու, որ խոսքը թիրախային հարվածներ հասցնելու մասին է։ 

«Մեր դիտարկումներով` ակնհայտ էր վտանգը՝ անմիջական վնաս պատճառելու քաղաքացիական բնակչության կյանքին ու առողջությանը»,- ասաց Թաթոյանը:

Ինչ վերաբերում է գյուղերի ուղղությամբ արձակված արկերին, Թաթոյանը շեշտեց, որ կիրառվել են այնպիսի հրետանային արկեր, որոնք ներսից պայթում են, բեկորների վերածվում ու կարող են կյանքի ու առողջության համար ակնհայտ վտանգ ներկայացնել:

«Դրանք ունեն նաև մարդուն խոշտանգման ու անվերականգնելի վնաս հասցնելու հատկություններ»,- ասաց պաշտպանը:

Նման արկերից մեկը Ներքին Կարմիրաղբյուր գյուղում բնակելի տունը վերածել է փլատակների:

ՄԻՊ-ը հայտարարեց, որ մասնագետների հետ ուսումնասիրելու են նաև այդ զինատեսակների՝ միջազգայնորեն արգելված լինել-չլինելու հարցը:

Ի՞նչ է ակնկալում Հայաստանը Ադրբեջանի ղեկավարությունից. Զոհրաբ Մնացականյանի հարցազրույցը

Իսկ Չինարիում բնաելի տան բակում ընկած չպայթած արկը, Թաթոյանի խոսքով, հնարավորությւն կտա ավելի մանրամասն ուսումնասիրելու կիրառված արկերի ողջ տեսականին:

Մեկ այլ տուն արկի պայթյունի հետևանքով ամբողջությամբ հրդեհվել է:

Թաթոյանը շեշտեց, որ ի տարբերություն Ադրբեջանի, հայկական տարածքում բնակավայրերին մոտ ռազմական կրակակետեր երբևէ չեն տեղադրվում, ուստի Ադրբեջանը խաղաղ բնակչության նկատմամբ իր ոտնձգությունները չի կարող ներկայացնել իբրև պատահականության հետևանք:

Թաթոյանը հիշեցրեց, որ հայկական կողմն արդեն Ադրբեջանի գյուղերի անմիջական հարևանությամբ տեղակայված նման կրակակետերի կադրեր է հրապարեկել ու հիշեցրեց, որ նույն գործելակերպին ականատես է եղել նաև 2016թ.-ին Արցախի շփման գծի հարևանությաբմ գտնվող ադրբեջանական գյուղերում:

Ի՞նչ է կատարվում հայ–ադրբեջանական սահմանագոտում. ՊՆ–ն նոր տեղեկություն է հայտնում

«Դրանով փորձ է արվում Հայաստանի հնարավոր պատասխանի դեպքում ցույց տալ, թե քաղաքացիական բնակչությանը վնաս է հասցվում»,- ասաց Թաթոյանը՝ նշելով, որ հարցն այս դիտակետից ևս ներկայացնելու է միջազգային կառույցներում:

Պաշտպանը նշեց, որ մի քանի միջանկյալ զեկույցներ միջազգային կառույցներին արդեն ուղարկվել են: Նախատեսվում է առաջիկայում ավելի մանրամասն փաստերով նոր համապարփակ զեկույցներ ներկայացնել:

8
թեգերը:
Հայաստան, Արման Թաթոյան, ՀՀ ՄԻՊ, հայ-ադրբեջանական, ադրբեջանցի, Ադրբեջան
Ըստ թեմայի
Չպայթած արկ` Տավուշի գյուղերում. Արծրուն Հովհաննիսյանը լուսանկար է հրապարակել
Հայաստանի մարդու իրավունքների պաշտպանը Տավուշի մարզում է
Սահմանամերձ գյուղերը կապահովվեն տեսահսկման, հատուկ կապի ու շչակային իրազեկման համակարգերով