Թինա Կանդելակի և Մարգարիտա Սիմոնյան

«Դու արդեն շատ բան ես ապացուցել աշխարհին». Կանդելակին շնորհավորել է Սիմոնյանին

239
(Թարմացված է 14:10 06.04.2020)
Հայտնի հաղորդավարուհի Թինա Կանդելակին շնորհավորանքներ ու մաղթանքներ է հղել Մարգարիտա Սիմոնյանին՝ ծննդյան օրվա առթիվ։

ԵՐԵՎԱՆ,   ապրիլի— Sputnik․ RT-ի և Sputnik-ի գլխավոր խմբագիր Մարգարիտա Սիմոնյանն ապրիլի 6-ին նշում է ծննդյան տարեդարձը։ Նրան արդեն շնորհավորել է հայտնի հաղորդավարուհի և գործարար կին Թինա Կանդելակին։

«Մարգո @margaritasimonyan, մենք իրար հազար տարի է՝ ճանաչում ենք։ Այս ամբողջ ընթացքում ինձ չի դադարում ապշեցնել ցանկացած իրավիճակում պայքարելու քո ունակությունը։ Դու, կարծում եմ, արդեն ամեն ինչ ապացուցել ես աշխարհին և մասնագիտական հանրությանը Չեչնիայում, երկրորդ պատերազմի ամենաթեժ ժամանակ, և, իհարկե, Բեսլանում»,-գրել է Կանդելակին իր Telegram ալիքում։

Կանդելակին նշել է, որ Սիմոնյանը հմտորեն համատեղում է մայրությունը, մեծ ընտանիքի հանդեպ հոգատարությունը և երկրի համար պայքարը այնտեղ, որտեղ անգամ ամենաուժեղ տղամարդիկ երբեմն թևաթափ են լինում։

Հաղորդավարուհին ընկերուհուն բնութագրել է իբրև «համարձակ աղջնակի, որը չի վախենում իջնել «խուլիգաններով» լի բակը»։

Մարգարիտա Սիմոնյանի սկեսուրը «Դլե յաման» է երգում. տեսանյութ

«Քեզ լավ նայիր։ Գիտես, որ միշտ բազմաթիվ թշնամիներ ես ունենալու։ Դու մեր երկրի հզոր ձայնն ես այն ժամանակաշրջանում, երբ բոլորը փորձում են մեր ձայնը խլացնել։ Քանի դեռ քեզ լսում են, քանի դեռ Վաշինգտոնից մինչև Տոկիո աշխարհի ուժեղները վախենում են Մարգարիտա Սիմոնյան փխրուն կնոջից, մենք ոչ մի քայլ հետ չենք նահանջի»,-գրել է Կանդելակին։

Մարգարիտա Սիմոնյանն ընդգրկվել է Առաջին ալիքի տնօրենների խորհրդի թեկնածուների ցանկում

Նշենք, որ Սիմոնյանը 25 տարեկանում դարձել է Russia Today-ի՝ առաջին ռուսական միջազգային հեռուստաալիքի գլխավոր խմբագիրը։ Նա «Հայրենիքին մատուցած ծառայությունների համար» չորրորդ աստիճանի շքանշանի ասպետ է։ 

2017թ․-ին Forbes ամսագիրը Սիմոնյանին ներառել է աշխարհի հարյուր ամենաազդեցիկ կանանց ցուցակում։

239
թեգերը:
շնորհավորանք, ծնունդ, Մարգարիտա Սիմոնյան, Թինա Կանդելակի
Ըստ թեմայի
«Դու սա հրապարակելո՞ւ ես. ամո՛թ». Կանդելակին պարում է Արմենչիկի երգի տակ. տեսանյութ
Ի՞նչ է մտածում Թինա Կանդելակին կին–տղամարդ հարաբերությունների մասին
«Էդ ի՞նչ ա կատարվում». Կանդելակին գնացել էր դիմակի, բայց հանդիպեց հայրենակցին
Օլգա Բուզովա. արխիվային լուսանկար

Բուզովայի` բանկ ներխուժած «երկրպագուն» երկու ամսով կալանավորվել է. լուսանկար

26
(Թարմացված է 19:19 25.05.2020)
Մոսկովյան բանկ ներխուժած տղամարդն այսպիսի գրություն էր թողել․ «Ինձ ձեզնից ոչինչ պետք չէ, միայն ճշմարտությունը»։

ԵՐԵՎԱՆ, 25 մայիսի - Sputnik. Երգչուհի Օլգա Բուզովայի «երկրպագուն», որը սպառնացել էր պայթեցնել Մոսկվայի «Ալֆա–բանկի» բաժանմունքը, երկու ամսով կալանավորվել է: Տեղեկությունը հայտնում է tv360ru տելեգրամ ալիքը։

Ավելի վաղ հայտնել էինք, որ երիտասարդ տղամարդը ներխուժել է բանկ և հայտարարել, որ ականապատված է։

Տղամարդն աշխատակիցներից խոշոր գումար էր պահանջել ու բանկի մասնաճյուղում գրություն թողել․

«Ինձ ձեզնից ոչինչ պետք չէ, միայն ճշմարտությունը»։

Բացի այդ, նա պահանջել էր բանկ բերել Օլգա Բուզովային։ Հանցագործի խոսքով՝ նա ուզում էր զրուցել երգչուհու հետ, քանի որ վերջինս նրանից «ինչ-որ բան է գողացել»։

Հիշեցնենք` բանկ ներխուժած տղամարդը պատանդ էր վերցրել բանկի աշխատակիցներից մեկին, ժամանել էին հատուկ ջոկատայիններ և դիպուկահարներ ու վնասազերծել չարագործին։ 

Տղամարդու մոտ պայթուցիկ սարք չէր հայտնաբերվել։ Նախնական տվյալներով՝ նրա մոտ մուլյաժ՝ կեղծ զենք էր եղել։

Մոսկվայում սննդի առաքիչի պայուսակով երիտասարդը հարձակվել է բանկի վրա և պատանդներ վերցրել

26
թեգերը:
կալանավորել, տղամարդ, Բանկ, Մոսկվա, Օլգա Բուզովա
Ըստ թեմայի
«Գժվե՞լ ես, ինչ է». Բորոդինան Բուզովային խորհուրդ է տվել զգուշանալ հայ տղաներից
«Տղամարդու խոսք եմ տվել, պիտի անեմ»․Դավա Մանուկյանը Բուզովային հավերժացրել է մաշկի վրա
«Ձեզ դուր չի գալիս, մի նայեք»․ Դավիթ Մանուկյանը քննադատություններից պաշտպանել է Բուզովային
Ալեքսանդր Լուկաշենկո

Լուկաշենկոն կոչ է արել չթուլանալ և պատրաստ լինել համավարակի բռնկման երկրորդ ալիքին

43
(Թարմացված է 15:47 25.05.2020)
Բելառուսի նախագահ Ալեքսանդր Լուկաշենկոն մեկնաբանել է երկրում կորոնավիրուսի հետ կապված ներկայիս իրավիճակը։

ԵՐԵՎԱՆ, 25 մայիսի – Sputnik. Բելառուսի նախագահ Ալեքսանդր Լուկաշենկոն հայտարերել է Բելառուսում համաճարակաբանական իրավիճակի աստիճանական բարելավման մասին, բայց միևնույն ժամանակ, կոչ է արել չթուլանալ, եթե COVID-19–ի երկրորդ ալիք բռնկվի։ Տեղեկությունը հայտնում է Sputnik Բելառուսը` հղում անելով տեղական ԶԼՄ–ներին։

Նշվում է, որ կորոնավիրուսի հետ կապված իրավիճակը քննարկվել է այսօր Բելառուսի արդիական սոցիալ–տնտեսական և քաղաքական հարցերին առնչվող խորհրդակցության ժամանակ։

Նախագահի խոսքով` Մինսկում բժիշկները վստահեցնում են, որ հիվանդության առումով կայունություն է նկատվում։

«Ես, իհարկե, իմ սնահավատությունից ելնելով, այդքան լավատես չեմ»,– խոստովանել է նա։

Միևնույն ժամանակ, Բելառուսի մայրաքաղաքի մի շարք առողջապահական հաստատություններ, այդ թվում` օնկոլոգիական և գինեկոլոգիական պրոֆիլի, արդեն իսկ նախատեսում են վերադառնալ աշխատանքային սովորական ռեժիմի։

«Իսկ «բատկան» տրակտորով ու օղիով է բուժում»․ Լուկաշենկոն նախատել է «լեզվին տվող» ռուսներին

Իրավիճակի կայունացում է նկատվում նաև Մինսկի մարզում, վատ չէ իրավիճակը նաև Մոգիլևշինայում։

«Եթե այդպես է, ապա մեզ կմնա միայն Բրեստսկի և Գոմելսկի մարզերը, որոնք մենք պետք է վերահսկենք»,– ասել է երկրի ղեկավարը։

Լուկաշենկոյի խոսքով` նա ամեն օր առավոտյան և երեկոյան հետաքրքրվում է  կորոնավիրուսի հետ կապված իրավիճակով։ Ինչպես նշել է բելառուսի նախագահը, հիվանդանոցներում բավարար թվով մահճակալներ կան COVID-19–ով հիվանդ պացիենտներին ընդունելու համար, ծանր վիճակում գտնվողների թիվը նվազել է։

«Կարծես թե, վիրուսն արդեն թուլացել է, նրա վարակունակությունն արդեն այն չէ։ Տա աստված, որ այն վերանա։ Բայց, միևնույն ժամանակ, մենք պետք է մտքում պահենք երկրորդ ալիքը։ Ոչ ոք չի ապացուցել, որ այն լինելու է, սակայն մենք պետք է պատրաստվենք դրան։ Եվ ոչ ոք չգիտի, երբ այն կլինի։ Եթե ձմռանն ու աշնանը, ապա տա աստված, որ մենք կարողանանք լրջորեն դրան նախապատրաստվել»,– հայտարարել է Լուկաշենկոն։

Բելառուսի առողջապահության նախարարության կիրակի օրվա տվյալներով` հանրապետությունում կորոնավիրուսի ավելի քան 36 հազար դեպք է գրանցվել։

43
թեգերը:
համավարակ, կորոնավիրուս, Ալեքսանդր Լուկաշենկո, Բելառուս
թեմա:
Կորոնավիրուսը Չինաստանում և աշխարհում
Ըստ թեմայի
Արցախում կորոնավիրուսի նոր դեպք է գրանցվել
Մարի Իզմիրլյանի անվան մանկատան երեխաներից 9-ը վարակվել են կորոնավիրուսով
Հայաստանում կորոնավիրուսով վարակվածների թիվն ավելացել է 452-ով և դարձել 7113
ՀՀ–ում ևս 6 մարդ է մահացել կորոնավիրուսից. մայրական մահվան առաջին դեպքն է գրանցվել
Ucom- գրասենյակ

Հայաստանի կապի երեք օպերատորները համատեղ հայտարարություն են տարածել

0
(Թարմացված է 19:29 25.05.2020)
Հայաստանի շարժական կապի ներքոստորագրյալ երեք օպերատորները հորդորել են զերծ մնալ իրականությանը չհամապատասխանող, չճշտված, գիտականորեն չհիմնավորված, քաղաքացիների շրջանում անհարկի տագնապ առաջացնող տեղեկության, ինչպես նաև սադրիչ հայտարարություններ տարածելուց:

ԵՐԵՎԱՆ, 25 մայիսի - Sputnik. Հայաստանի շարժական կապի երեք օպերատորները՝ Ucom-ը, VivaCellMTS-ն ու Beeline-ը հանդես են եկել համատեղ հայտարարությամբ: Օպերատորները նշել են, որ ստիպված են արձանագրել, որ վերջին շրջանում նկատվում է շարժական կապի և մասնավորապես՝ 5G ցանցի վերաբերյալ դավադրապաշտական, հակագիտական, իրականությանը չհամապատասխանող նյութերի ակտիվ շրջանառություն:

«Հարկ ենք համարում տեղեկացնել, որ Հայաստանի հանրապետությունում առկա են բացառապես 2G, 3G, 4G ու 4G+/LTE Advanced ցանցեր, որոնցից յուրաքանչյուրի համար Հայաստանի Հանրային ծառայությունները կարգավորող հանձնաժողովի կողմից շարժական կապի օպերատորներին հատկացվել են հաճախականությունների համապատասխան շերտեր: Այս տեղեկատվությունը բաց է ու հասանելի: Վերազինման և ընդլայնման աշխատանքներն իրականացվում են բացառապես 2G, 3G, 4G ու 4G+/LTE Advanced ցանցերում»,- նշված է հայտարարության մեջ:

Ներքոստորագրյալ երեք օպերատորները հորդորել են զերծ մնալ իրականությանը չհամապատասխանող, չճշտված, գիտականորեն չհիմնավորված, քաղաքացիների շրջանում անհարկի տագնապ առաջացնող տեղեկության, ինչպես նաև օպերատոր-ընկերությունների գույքին սպառնալիք ներկայացնող սադրիչ հայտարարություններ տարածելուց:

Նշվում է, որ համավարակով պայմանավորված իրավիճակում երեք օպերատորներն անում են առավելագույնը, որպեսզի հայաստանյան բաժանորդները մշտապես կապի մեջ մնան աշխարհի տարբեր երկրներում բնակվող իրենց մտերիմների, գործընկերների և կարևոր մարդկանց հետ, կարողանան առցանց աշխատել, կրթվել և, մնալով տանը, կանխել վարակի տարածումը։ Սպառնալիք ու սադրանք պարունակող հայտարարությունների հետագա տարածման դեպքում Հայաստանի շարժական կապի օպերատոր ընկերություններն ստիպված կլինեն դիմել իրավապահ մարմիններին:

0