Թեստ

Ռուսաստանում կորոնավիրուսի բուժման դեղամիջոց են ստեղծել

1459
(Թարմացված է 18:42 28.03.2020)
Ռուսաստանցի մասնագետները չինական և ֆրանսիական փորձի վրա բուժման սխեմա են մշակել, որը թույլ կտա արդյունավետ բուժել տարբեր աստիճանի ծանրության COVID-19–ով վարակված հիվանդներին։

ԵՐԵՎԱՆ, 28 մարտի – Sputnik. Ռուսաստանի կենսաբժշկական դաշնային գործակալությունը ներկայացրել է կորոնավիրուսային վարակի բուժման համար նախատեսված դեղամիջոց` հիմնվելով մալարիայի բուժման համար օգտագործվող «Մեֆլոխին» դեղամիջոցի վրա։ Այս մասին հայտնում է գործակալության մամուլի ծառայությունը, հաղորդում է ՌԻԱ Նովոստին։

Հաղորդագրության մեջ նշվում է, որ «Фармзащита» գիտաարտադրական կենտրոնը բուժման սխեման մշակել է չինական և ֆրանսիական փորձը հաշվի առնելով, և որ դա թույլ կտա արդյունավետ բուժել տարբեր աստիճանի ծանրության COVID-19–ով վարակված հիվանդներին։

Բացի այս, մամուլի ծառայությունից հաաղորդել են, որ մեֆլոխինի հիման վրա կորոնավիրուսի կանխարգելման արդյունավետ և անվտանգ սխեմա է մշակվում։

Մշակումներն առաջարկվում է ներառել Առողջապահության նախարարության խորհրդատվական ձեռնարկներում։

Ի՞նչ խորհուրդ է տալիս Առողջապահության նախարարությունը

Նախօրեին առողջապահության նախարարությունը թարմացրել էր խորհրդատվական այդ տեղեկատվությունը` թողարկելով արդեն չորրորդ տարբերակը։

Գազմանովն ընտանիքի հետ մեկուսացած է. Լեշչենկոյի և Նիկոլաևի հետ երեկույթի է մասնակցել

Մասնավորապես, թարմացվել է այն բաժինը, որը նվիրված է COVID-19–ի լաբորատոր ախտորոշմանը և ընդլայնվել դեղորայքային թերապիայի սխեմաները։ Այսպես, օրինակ, բժիշկները մի քանի դեղամիջոց են նշել, որոնք կիրառվել են ոչ տիպային թոքաբորբի բուժման ժամանակ և որոնք խորհուրդ են տրվում օգտագործել նոր վարակի բուժման հետ համատեղ։

Դրանք են լոպինավիրը + ռիտոնավիրը, խլորոխինը, հիդրոօքսիխլորոխինը, ինտերֆերոն պարունակող դեղամիջոցներ։ Բացի այդ, այժմ կլինիկական փորձարկումներ են անցնում ումիֆենովիր, ռեմդեսիվիր և ֆավիպիրավիր դեղամիջոցները։

MERCI Էյֆելյան աշտարակի վրա. Փարիզում երախտապարտ են կորոնավիրուսի դեմ պայքարող բժիշկներին

1459
թեգերը:
թեստ, Ռուսաստան, կորոնավիրուս
թեմա:
Կորոնավիրուսը աշխարհում (1028)
Ըստ թեմայի
Արդեն 50 բուժաշխատող է վերապատրաստվել, որոնք կփոխարինեն գործողներին. Թորոսյան
Ինչ դեղերով են բուժում կորոնավիրուսով հիվանդներին. նախարարը պատմեց Հայաստանի փորձի մասին
Չինաստանն ավարտել է կորոնավիրուսի բուժման դեղամիջոցի փորձարկումը
Սյունիք

Ռուսաստանը 3,2 մլն դոլար կհատկացնի Հայաստանի առանձին շրջանների վերականգնման համար

74
(Թարմացված է 19:33 14.05.2021)
ՌԴ ԱԳՆ-ին հանձնարարվել է ընդունված որոշման մասին տեղեկացնել ՀՀ կառավարությանն ու ՄԱԿ-ի զարգացման ծրագրին:

ԵՐԵՎԱՆ, 14 մայիսի - Sputnik. Ռուսաստանն իր բյուջեից ավելի քան երեք միլիոն դոլար կհատկացնի Հայաստանի առանձին շրջանների վերականգնման համար։ Կառավարության համապատասխան կարգադրությունը հրապարակվել է իրավական տեղեկատվության պորտալում։

Փաստաթղթի համաձայն` 3,2 մլն դոլար կփոխանցվի ՄԱԿ-ի Զարգացման ծրագրի բյուջեին` Հայաստանի առավել տուժած շրջաններին հետկոնֆլիկտային վերականգնման աջակցության ծրագրի իրականացման հետ կապված ծախսերը ֆինանսավորելու համար:

ՌԴ ԱԳՆ-ին հանձնարարվել է ընդունված որոշման մասին տեղեկացնել ՀՀ կառավարությանն ու ՄԱԿ-ի զարգացման ծրագրին:

Վաղարշակ Հարությունյանն ու ՌԴ պաշտպանության նախարարը քննարկել են Սյունիքի թեման

74
թեգերը:
դոլար, Ռուսաստան, Հայաստան
Ըստ թեմայի
Պուտինն օպերատիվ խորհրդակցություն կանցկացնի ՌԴ ԱԽ մշտական անդամների հետ
Երևանը Սյունիքի հարցով օգնություն չի խնդրել Մոսկվայից. Պեսկով
Լևոն Տեր–Պետրոսյանն իր առանձնատանը հանդիպել է ՌԴ դեսպանի հետ
Արխիվային լուսանկար

«Եկել ենք գործուղման». ռուս զինվորականները Սյունիքում են

678
(Թարմացված է 17:57 14.05.2021)
Նրանց խոսքով` իրենց ծառակիցներից ոմանք վախենում էին ու չէին ցանկանում Հայաստան մեկնել, մյուսներն անմիջապես համաձայնում էին պայմանագիր ստորագրել։

ԵՐԵՎԱՆ, 14 մայիսի- Sputnik. Գյումրիում տեղակայված ռուսական 102–րդ ռազմաբազայի զինծառայողները գործուղվել են Սյունիք։ Այս մասին Sputnik Արմենիայի թղթակցին հայտնել են Գորիսում հանդիպած ռուս զինվորները։

«Մենք մի քանի շաբաթով ենք եկել դիրքեր։ Ուղարկել են գործուղման»,– ասել են զինվորները։

Խոսելով Սյունիքում ստեղծված իրավիճակի մասին` ռուս զինվորականները ներկայացրել են իրենց դիտարկումները։ Նրանց համոզմամբ` հայերը խաղաղություն են ուզում ու անհանգստացած են ստեղծված վիճակից։

«Քաղաքացիները վախեցած են։ Տեսնում են, որ քաղաքով զինվորներ են շրջում, որ զինվորների թիվն ավելացել է։ Ամբողջ Հայաստանն է հիմա անհանգիստ սպասման մեջ։ Մարդիկ կրակոցի ձայն են լսում` արդեն գիտեն, թե որտեղից է այն, գիտեն, թե ինչ է կատարվում»,– ասել է զինվորներից մեկը, միաժամանակ համոզմունք հայտնելով, որ ամեն ինչ լավ է լինելու։

Նրա խոսքով` զինվորականները թույլ չեն տա, որ Գորիսում որևէ վատ բան տեղի ունենա։

«Իրականում մարդիկ վախենալու առիթ չունեն։ Մեծ թվով զինվորական ուժեր են ներգրավվել Սյունիքում»,– ասել է ռուս զինծառայողը։

Նրանք նաև պատմել են, որ մինչ Հայաստան գալը լսել էին Ղարաբաղի կոնֆլիկտի մասին։ Նրանց խոսքով` իրենց ծառակիցներից ոմանք վախենում էին ու չէին ցանկանում Հայաստան մեկնել, մյուսներն իրենք էին ձգտում մեկնել, անմիջապես համաձայնում էին պայմանագիր ստորագրել։

Հայաստանն ու Արցախը ռուս զինվորներին դուր են եկել։ Հատկապես հիացած են հայերի` զինվորականների նկատմամբ վերաբերմունքից։

«Գորիսն էլ շատ լավն է, շատ ենք հավանել, մարդիկ բարի են, կամեցող։ Պատրաստակամ են օգնել, եթե ինչ–որ բանի կարիք ենք ունենում։ Հայ ազգը մեզ շատ լավ է վերաբերվում, զինվորականների նկատմամբ շատ լավ են տրամադրված», – ասել է զինվորը։

Հիշեցնենք` ՀՀ ՊՆ մամուլի ծառայությունը հայտնել էր, որ մայիսի 12-ի առավոտյան ադրբեջանական զինուժը, «սահմանների ճշգրտման» հիմնավորմամբ, փորձել է որոշակի աշխատանքներ իրականացնել Սյունիքի սահմանային հատվածներից մեկում, սակայն հայկական ստորաբաժանումների ձեռնարկած միջոցառումներից հետո ադրբեջանական զինվորականները դադարեցրել են այդ աշխատանքները։

Նույն օրը ՀՀ վարչապետի պաշտոնակատար Նիկոլ Փաշինյանն Անվտանգության խորհրդի նիստում հայտարարեց, որ սա Արդբեջանի կողմից դեվերսիայի փորձ է, և որ խնդիրը պետք է կարգավորվի բանակցությունների միջոցով։

ՊՆ–ն մայիսի 13-ին հայտնեց, որ Ադրբեջանը հերթական սադրանքն է իրականացրել Վարդենիսի և Սիսիանի սահմանային հատվածներում։

ԱԽ նիստ կայացավ նաև մայիսի 13-ին։ Փաշինյանը հայտարարեց, որ հանձնարարել է ՀԱՊԿ պայմանագրով նախատեսված խորհրդակցություններ սկսել։

Ադրբեջանցիները մտածված են եկել, իսկ հիմա պետք է գնան իրենց տեղերը. Սյունիքի մարզպետ

678
թեգերը:
Սահման, Ադրբեջան, Զինվոր, ռուս, Սյունիք
Ըստ թեմայի
Սյունիքում ադրբեջանական զինվորներին նկատել է հովիվը, որին հետո սպառնացել են. Արման Թաթոյան
Զինվորականի փորձով Սյունիքի մարզպետը չէր կարող ասել, որ թշնամին մոլորվել է. մարզպետարան
Սա դիվերսիոն անցում է. Փաշինյանը` Սյունիքի դեպքերի մասին
И.о. вице-премьера Тигран Авинян, губернатор Сюника Меликсет Погосян в сопровождении военнослужащих у озера Сев лич (15 мая 2021). Сюник

Լուրերը, թե մեր այցելության վայրը Սև լիճը չէ, ապատեղեկատվությունն է. Ավինյանը մեկնաբանել է

0
(Թարմացված է 10:13 16.05.2021)
Երեկ փոխվարչապետ Տիգրան Ավինյանը լուսանկար էր հրապարակել ՀՀ Սյունիքի մարզից, որը բուռն քննարկումների տեղիք էր տվել։

ԵՐԵՎԱՆ, 16 մայիսի – Sputnik. ՀՀ փոխվարչապետի պաշտոնակատար Տիգրան Ավինյանն անդրադարձել է այն լուրերին, թե ինքը ՀՀ Սյունիքի մարզի Սև լճում չի եղել` դրանք համարելով ապատեղեկատվություն։

Նշենք, որ երեկ Ավինյանը Facebook–ի իր էջում Սյունիքի մարզպետ Մելիքսեթ Պողոսյանի, ԱԺ պատգամավորներ Արմեն Խաչատրյանի և Նարեկ Ղահրամանյանի հետ լուսանկար էր հրապարակել ու նշել, որ գնացել են Սև լիճ։

Լուսանկարների մեկնաբանությունում լրագրող Նաիրի Հոխիկյանը գրել էր, թե  «պարոն փոխվարչապետ, Ձեզ խաբել են, դուք գնացել եք ոչ թե Սև լիճ, այլ այդ տարածքին հարակից, ավելի փոքր, դեպի Գորիս ընկած Սագի լիճ, իսկ Ձեր թիկունքի լճակը նույնիսկ Սագի լիճը չէ, այլ դրա կողքի փոքրիկ, շատ փոքրիկ լճակը, որը մեր հսկողության տակ է և շատ հեռու է ադրբեջանական զորքից»։

Այս մեկնաբանությանը հաջորդեցին հազարավոր օգտատերերի մեղադրանքները  փոխվարչապետի հասցեին։ Տեղեկությունը ֆեյսբուքյան  իրենց էջերում տարածեցին նաև քաղաքական գործիչներ։

«Քանի որ մեր օրերում պարզ և մատչելի տեղեկատվությունն է անգամ վերածվում կեղծիքի ու համակարգված տարածվում, ստիպված եմ արձագանքել։ Տարածվող լուրերը, թե մեր այցելության վայրը Սև լիճը չէ, այլ ինչ-որ ճահիճ, հերթական ապատեղեկատվությունն է»,– գրել է Ավինյանը։

Նա նշել է, որ իրենց այցի և դրա հրապարակայնացման նպատակն էր վերջ տալ շահարկումներին և հստակ արձանագրել, որ Սև լճի մերձակայքը գտնվում է հայկական զինուժի վերահսկողության ներքո։ «Ավելին, ինչպես ավելի վաղ ՀՀ պաշտպանության նախարարությունն էր հայտարարել, ադրբեջանական զինուժը փորձել էր դիրքային առաջխաղացում ապահովել, սակայն թե՛ ամբողջ տարածքը, թե՛ զինվորականներն ու նրանց ապահովման ուղիները գտնվում են հայկական զինված ուժերի վերահսկողության ներքո»,–գրել է նա։

Հիշեցնենք` մայիսի 12-ի առավոտյան ադրբեջանական զինուժը, «սահմանների ճշգրտման» հիմնավորմամբ, փորձել է որոշակի աշխատանքներ իրականացնել Սյունիքի սահմանային հատվածներից մեկում, սակայն հայկական ստորաբաժանումների ձեռնարկած միջոցառումներից հետո ադրբեջանական զինվորականները դադարեցրել են այդ աշխատանքները։

ԱՄՆ-ը սադրանք է համարում Ադրբեջանի գործողությունները Հայաստանի սահմանների մոտ. Պետդեպ

Նույն օրը ՀՀ վարչապետի պաշտոնակատար Նիկոլ Փաշինյանն Անվտանգության խորհրդի նիստում հայտարարեց, որ սա Ադրբեջանի կողմից դիվերսիայի փորձ է, և որ խնդիրը պետք է կարգավորվի բանակցությունների միջոցով։

ՊՆ–ն մայիսի 13-ին հայտնեց, որ Ադրբեջանը հերթական սադրանքն է իրականացրել Վարդենիսի և Սիսիանի սահմանային հատվածներում։

Մայիսի 14–ին, ՀՀ վարչապետի պաշտոնակատար Նիկոլ Փաշինյանը հայտարարեց, որ կեսօրին պաշտոնապես ՀԱՊԿ են դիմել, նաև ռազմական աջակցություն խնդրել։

Ադրբեջանցիների հետ բանակցությունները կոորդինացնում է ռուսական խաղաղապահ զորախմբի հրամանատար, գեներալ Ռուստամ Մուրադովը։ Դրանք կշարունակվեն այսօր։

0
թեգերը:
Հայաստան, Սև լիճ, Սյունիք, Տիգրան Ավինյան