Վաղարշակ Եղիշեի Խաչատրյանը

Հայերի համար լավագույն թեյը սուրճն է․ պատերազմի վետերանը բնակարանի բարելավման կարիք ունի

103
(Թարմացված է 09:05 25.03.2020)
Հայրենական պատերազմի վետերանը բնակարանի խնդիր ունի. նա խոհանոցում է քնում, բայց կյանքից չի բողոքում և վստահ է, որ մինչև Հաղթանակի օրը բոլոր խնդիրները կլուծվեն։

 

ԵՐԵՎԱՆ, 25 մարտի - Sputnik. Հայրենական մեծ պատերազմի 93-ամյա վետերան Վաղարշակ Եղիշեի Խաչատրյանն ապրում է Մոսկվայի Մարյինա Ռոշչա թաղամասում։ Նա Ցեղասպանությունից փրկված հայերի սերունդ է։ 18 տարեկանում մեկնել է ռազմաճակատ։ Երբեք չի օգտվել վետերանի կարգավիճակի՝ օրենքով իրեն տրվող առավելություններից և երկրորդ խմբի հաշմանդամի արտոնություններից։ Սակայն 2010 թ․-ին դիմել է բնակարանային պայմանների բարելավման խնդրանքով և մինչև այսօր մերժումներ է ստանում։

ՌԻԱ Նովստիի թղթակից Տատյանա Կիրսանովան այցելել է  վետերանին և փորձել է հասկանալ, թե ինչումն է խնդիրը։ Տատյանան դժվարությամբ է գտնում վետերանի տունը, քանի որ թաղամասը շատ խառը փողոցներ ունի և հասցեն գտնելը հեշտ գործ չէ։ Երբ նա վերջապես հասնում է Վաղարշակ Խաչատրյանի տուն, առանց մի բաժակ տաք թեյի զրույց վարելու ի վիճակի չի լինում։ Այստեղ ևս նրան հայկական անակնկալ է սպասվում։

 «Հայերի մոտ լավագույն թեյը սուրճն է։ Ինչքան թունդ, այնքան լավ։ Մտեք, կոշիկները հանել պետք չէ, սուրճն արդեն գազօջախին է»,-այս խոսքերով է նրան դիմավորում վետերանի դուստրը՝ Լիլիթը։

Вагаршак Егишович Хачатрян
© Photo : personal archive of Vagharshak Khachatryan
Վաղարշակ Եղիշեի Խաչատրյանը

Վետերանն ինքն է վերցնում լրագրողի վերարկուն և խնդրում է չշտապել։ Խոստանում է սուրճի նստվածքով գուշակություն անել, իսկ հարցազրույցից առաջ ուզում է ուղղակի զրուցել Տատյանայի հետ, որպեսզի վերջինս հասցնի շունչ քաշել, իսկ ինքը՝ հասկանալ, թե նա ինչ տեսակ մարդ է։ Կարճ զրույցից հետո վետերանը խոստովանում է, որ բնակարանային պայմանների մասին առանձնապես չի մտածել մինչև «սատանի ճտի» լույս աշխարհ գալը։ «Սատանի ճուտը» Խաչատրյանի փոքրիկ ծոռնուհին է՝ Մաշան։

Вагаршак Егишович Хачатрян
© Photo : personal archive of Vagharshak Khachatryan
Վաղարշակ Եղիշեի Խաչատրյանը

Բնակպայմանների բարելավման խնդիրն առաջացել է 1,5 քմ տարածքի պատճառով, որը թույլ չի տալիս պատերազմի վետերանին բարելավման կարիք ունեցող ճանաչվել։

ՀՀ նախագահը կմեկնի Մոսկվա, եթե նրան հրավիրեն Հայրենական մեծ պատերազմի հաղթանակի 75-ամյակին

«Մենք նրանց ասում ենք՝ դե կտրեք այդ տարաբախտ մեկուկես մետրը, աղյուս շարեք։ Գուցե այդ դեպքում պապիկը կարող է մարդկային պայմաններում քնել։ Ոչ թե խոհանոցում, որտեղ ամբողջ օրը հանգիստ չունի»,-վրդովվում է Լիլիթը։

Вручение медали Победы Вагаршаку Егишовичу
© Photo : personal archive of Vagharshak Khachatryan
Վաղարշակ Եղիշեի Խաչատրյանին մեդալ են հանձնում

Վաղարշակ Խաչատրյանն ու նրա դուստրը հույսը չեն կորցնում և վստահ են, որ ամեն ինչ տեղը կընկնի, ընդամենը պետք է սպասել Հաղթանակի օրվան։

103
թեգերը:
բնակարան, հայ, Մոսկվա, Հայրենական մեծ պատերազմի վետերան, Հայրենական մեծ պատերազմ
Ըստ թեմայի
«Լինելու են շռնդալից միջոցառումներ». ՊՆ խորհրդականը` Մեծ հայրենականի միջոցառումների մասին
Սանդիկովը շնորհավորել է պատերազմի վետերան Մարգարիտա Դարբինյանի 100-ամյա հոբելյանը
Փաշինյանի մոսկովյան այցը չի չեղարկվել. խոսնակ