«Լենֆիլմ»

«Անդառնալի կորուստ». կյանքից հեռացել է «Լենֆիլմի» գլխավոր խմբագիր Ֆրիժետա Ղուկասյանը

42
(Թարմացված է 12:32 04.02.2020)
Ռուսաստանի վաստակավոր արվեստի գործիչ Ֆրիժետա Ղուկասյանի ամբողջ կյանքը սերտ կապված է եղել կինոարվեստին։

ԵՐԵՎԱՆ, 4 փետրվարի — Sputnik. Ռուսաստանի կինեմատոգրաֆիստների միությունը հայտնում է, որ 89 տարեկանում մահացել է  «Լենֆիլմ» կինոստուդիայի նախկին գլխավոր խմբագիր  Ֆրիժետա Ղուկասյանը։

«Խոր վշտով հայտնում ենք, որ փետրվարի 2-ին կյանքից հեռացավ արվեստաբանության գիտությունների թեկնածու, Ռուսաստանի արվեստի վաստակավոր գործիչ, Պատվո լեգիոնի շքանշանակիր Ֆրիժետա Գուրգենի Ղուկասյանը»

Ղուկասյանի կյանքը սերտորեն կապված  էր արվեստի հետ։ 1954 թվականին Գերասիմովի անվան կինեմատոգրաֆիայի համառուսաստանյան պետական  ինստիտուտն ավարտելուց հետո Ղուկասյանն անմիջապես սկսել է աշխատել «Լեննաուչֆիլմ» ստուդիայում որպես խմբագիր։ Որոշ ժամանակ անց աշխատանքի է անցել արդեն «Լենֆիլմում», որտեղ մի քանի տասնամյակ գլխավոր խմբագիր է եղել։ Զուգահեռ Ֆրիժետան դասավանդել է Կրուպսկայայի անվան Լենինգրադի ինստիտուտում։

«Դովլաթով» ֆիլմը ռեկորդ է սահմանել Ալեքսեյ Գերման-կրտսերի ֆիլմերի շարքում

Ֆրիժետայի անունը կարելի է գտնել այնպիսի հայտնի ֆիլմերի  տիտրերում ինչպիսիք են` "Донская повесть", "Три толстяка", "Ася", "Король Лир", "Чужие письма", "Собачьи сердце", "Идиот", "Мастер и Маргарита"–ն։

«Ղուկասյանի մահը ծանր, անդառնալի կորուստ է ոչ միայն նրա հարազատների և բարեկամների, այլև բոլոր նրանց համար, ովքեր ճանաչում են նրան», – գրված է մահախոսականում։

«Լենֆիլմը» վերջին հրաժեշտն է տալիս Սերգեյ Միքայելյանին

Ղուկասյանը ծնվել է 1930 թվականի հուլիսի 17–ին։ Այս տարի նա կդառնար 90 տարեկան։

42
թեգերը:
Մահ, գլխավոր խմբագիր, խմբագրություն
Մարգարիտա Սիմոնյան

«Մի շփոթեք, սա գրաքննություն չէ». Սիմոնյանը պատասխանել է Ռուսաստանում ԱՄՆ նախկին դեսպանին

56
(Թարմացված է 17:22 20.01.2021)
Մաքֆոլի կարծիքով` Բայդենի վարչակազմը պետք է պայմաններ ստեղծի, որպեսզի սոցցանցերի օգտատերերն ավելի քիչ տեսնեն ռուսական ԶԼՄ-ների, օրինակ` RT-ի նյութերը։

ԵՐԵՎԱՆ, 20 հունվարի - Sputnik. «Ռոսիա սեգոդնյա» միջազգային տեղեկատվական գործակալության և RT-ի գլխավոր խմբագիր Մարգարիտա Սիմոնյանը մեկնաբանել է Ռուսաստանում ԱՄՆ նախկին դեսպան Մայքլ Մաքֆոլի առաջարկը:

Մաքֆոլը հոդված է հրապարակել ամերիկյան «Foreign Affairs» ամսագրում և կարծիք հայտնել, որ Բայդենի վարչակազմը պետք է պայմաններ ստեղծի, որպեսզի սոցցանցերի օգտատերերն ավելի քիչ տեսնեն ռուսական ԶԼՄ-ների, օրինակ` RT-ի նյութերը։ Եթե դրանք այնուամենայնիվ երևան որոնման արդյունքում, ապա, նախկին դիվանագետի կարծիքով, պորտալները պետք է այլընտրանքային հոդվածներ առաջարկեն «ավելի հուսալի» մեդիառեսուրսներից, օրինակ՝ ԲիԲիՍի-ից:

Մարգարիտա Սիմոնյանը հայտնել է, որ Եմենում RT-ի լրագրողի հասցեին սպառնալիքներ են հնչել

«Մի շփոթեք, սա գրաքննություն չէ, այլ խոսքի ազատություն»,– Մակֆոլի հոդվածը մեկնաբանել է Սիմոնյանը:

Նշենք, որ ՌԴ–ում ԱՄՆ նախկին դեսպանը նման նախաձեռնությամբ էր հանդես եկել նաև 2018 թվականին։Այն ժամանակ նա առաջարկել էր RT–ի բոլոր նյութերին կցել ԲիԲիՍի–ի հղումները։

Մարգարիտա Սիմոնյանը 2 հարցի է պատասխանել` խոսո՞ւմ է հայերեն, ո՞րն է նրա հայրենիքը

56
թեգերը:
ԱՄՆ, Մարգարիտա Սիմոնյան, RT–ի հեռուստաալիքներ
Ըստ թեմայի
Մարգարիտա Սիմոնյանը հայտնել է, որ Եմենում RT-ի լրագրողի հասցեին սպառնալիքներ են հնչել
Մինսկում ձերբակալվել է նաև RT-ի թղթակիցը
RT-ի հեռարձակման արգելքը. ճչացող ոչ պրոֆեսիոնալիզմ, կամ չի եղել և չկա որևէ պատահական սխալ
Գարիկ Մարտիրոսյան

«Ուշագրավ պատմություն է». Սոբչակը նկատել է, որ Գարիկ Մարտիրոսյանը «Ազերչայ» չի խմում

689
(Թարմացված է 23:26 19.01.2021)
Նշենք, որ շոումենը ժյուրի է «Մասկա» հաղորդումում և չի կարող ազդեցություն ունենալ գլխավոր հովանավորի ընտրության վրա։

ԵՐԵՎԱՆ, 19 հունվարի – Sputnik. Հայտնի շոումեն Գարիկ Մարտիրոսյանը ռուսական «Մասկա» շոուի ժամանակ խուսափել է գովազդել ադրբեջանական թեյը։ Սա նկատել է լրագրող և հաղորդավարուհի Քսենյա Սոբչակը և դրա մասին գրառում արել իր Telegram ալիքում։

Նա ապրում էր սևահեր կնոջ հետ. Գարիկ Մարտիրոսյանի կինը արխիվային լուսանկար է հրապարակել

«Հաղորդման գլխավոր հովանավորն է «Ազերչայը»: Ժյուրին գնահատում է մրցույթի մասնակիցներին և խմում «Ազերչայի» լոգոտիպով բաժակներից: Աչքի է զարնում, որ Գարիկ Մարտիրոսյանը կամ չի խմում, կամ բաժակը դնում է սեղանին այնպես, որպեսզի «Ազերչայ» մակագրությունը չերևա: Ուշագրավ պատմություն է, իհարկե. Գարիկը հայ է, իսկ հովանավորը` ադրբեջանցի։ Հաշվի առնելով հակամարտությունը` հակառակ պահվածքը, հավանաբար, շատ հարցեր կառաջացներ», – գրել է Սոբչակը։

Գարիկ Մարտիրոսյանը դեռևս չի մեկնաբանել դիպվածը։

«Ազերչայը» 2020-ի մարտից «Մասկա» հաղորդման հովանավորն է։

Նշենք, որ շոումենը ժյուրի է «Մասկա» հաղորդումում և չի կարող ազդեցություն ունենալ գլխավոր հովանավորի ընտրության վրա։

689
թեգերը:
Ադրբեջան, Քսենյա Սոբչակ, Գարիկ Մարտիրոսյան
Ըստ թեմայի
«Պարզապես հրաշալի է». Գարիկ Մարտիրոսյանի կինը ցույց է տվել, թե ում հետ է «զվարճանում»
Կարեն Ադամյանը «հարցաքննել է» Comedy Club-ի անդամներին
«Ինքդ քո ընթրիքը պատրաստիր». Միխայիլ Գալուստյանը ընտանեկան կյանքից դրվագներ է պատմել
Ռուս խաղաղապահները Լաչինի միջանցքում

Հայաստանի և Արցախի անվտանգային հարաբերություններում ոչինչ չի փոխվել. վարչապետ

0
(Թարմացված է 20:12 20.01.2021)
Նիկոլ Փաշինյանն ասաց, որ Հայաստանի և Արցախի անվտանգային հարաբերություններում ակնհայտորեն նոր գործոն է ավելացել։

ԵՐԵՎԱՆ, 20 հունվարի – Sputnik. Հայաստանի և Արցախի անվտանգային հարաբերություններում ոչինչ չի փոխվել։ Ազգային ժողովում կառավարության անդամների հետ հարցուպատասխանի ժամանակ հայտնեց վարչապետ Նիկոլ Փաշինյանը։

«Հայաստանի Հանրապետությունն իր ողջ պատմության ընթացքում եղել է ՀԱՊԿ–ի անդամ։ Ինչքան էլ մենք համարել ենք, որ ՀՀ անվտանգության երաշխավորն ինքը ՀՀ–ն է, նկատի ենք ունեցել նաև այն իրավապայմանագրային բազան, որը Հայաստանը ստեղծել է իր հարաբերությունների շնորհիվ։ Հայաստանի և Արցախի անվտանգային հարաբերություններում անկհայտորեն նոր գործոն է ավելացել` ռուս խաղաղապահների ներկայությունը ԼՂ–ում»,-ասաց Փաշինյանը։

Նրա խոսքով` ռուս խաղաղապահների ներկայությունն Արցախում դրական երևույթ է, և նրանց ներկայությունն անվտանգային խնդիրներ լուծելու համար է տեղի ունեցել։ Վարչապետը նշեց` ԼՂ–ում խաղաղապահները տեղակայվել են նաև ՀՀ որոշման վրա, որպեսզի Հայաստանը կարողանա լիարժեք կատարի իր գործառույթն Արցախի անվտանգության հարցով։

Փաշինյանը վստահեցրեց` եթե խաղաղապահներն Արցախում չլինեին, հնարավոր է` չկարողանար ՀՀ–ն այդ գործառույթն իրականացնել։

Հիշեցնենք` 2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

0
թեգերը:
Նիկոլ Փաշինյան, խաղաղապահ, Արցախ, Հայաստան
թեմա:
Իրադրությունը Հայաստանում և Արցախում հայտարարության ստորագրումից հետո