Վլադիմիր Պուտինն ու Անգելա Մերկելը. արխիվային լուսանկար

Իսկ ո՞ւր է Պուտինը. նա Լիբիայում կարողացավ անել այն, ինչին հակազդում էր ԱՄՆ–ն

236
(Թարմացված է 18:22 20.01.2020)
Փորձագետ Վլադիմիր Օրլովը Sputnik ռադիոյի եթերում նշել է, որ արևմտյան առաջնորդները գնահատում են Լիբիայում խաղաղություն հաստատելու` Ռուսաստանի ջանքերը։

ԵՐԵՎԱՆ, 20 հունվարի – Sputnik. Գերմանիայի կանցլեր Անգելա Մերկելը և Ֆրանսիայի նախագահ Էմանուել Մակրոնը շփոթվել են այն պատճառով, որ ՌԴ նախագահ Վլադիմիր Պուտինն ուշացել է Բեռլինում Լիբիայի հարցերով համաժողովում լուսանկարվելու արարողությունից, հաղորդում է Sputnik Ֆրանսիան։

ՆԱՏՕ–ն ավելացնում է պաշտպանությանն ուղղված ծախսերը. ՌԴ–ն կմասնակցի՞ մրցավազքին

Տեսանյութում երևում է, թե ինչպես են Մերկելը և Մակրոնը գագաթնաժողովի մյուս մասնակիցների հետ արարողակարգային ֆոտոսեսիայի պատրաստվում, երբ նկատում են` Պուտինը դեռ չի մոտեցել։ Պետությունների ղեկավարները հայացքներ են փոխանակում, որից հետո Գերմանիայի կանցլերը հարցնում է ՄԱԿ գլխավոր քարտուղար Անտոնիո Գուտերեշին` որտեղ է Վլադիմիր Պուտինը։ Լուսանկարվելու ժամանակ ՌԴ նախագահը պետք է կանգնած լիներ նրա կողքին։

Րոպեներ անց ՌԴ առաջնորդը հայտնվում է լուսանկարվելու վայրում, նրան ողջունում է ֆրանսիացի գործընկերը, իսկ Մերկելը ցույց է տալիս, թե որտեղ է պետք կանգնել լուսանկարվելու համար։

Պուտինը հայտնել է` Երկրորդ աշխարհամարտի վերաբերյալ արխիվային փաստաթղթերի համալիր կստեղծվի

Նշենք, որ Բեռլինում տեղի է ունեցել Լիբիայում իրավիճակը կարգավորելուն նվիրված միջազգային համաժողով։ Բանակցություններին Պուտինից, Մերկելից, Մակրոնից և Գուտերեշից բացի մասնակցել են Մեծ Բրիտանիայի, Եգիպտոսի, Թուրքիայի առաջնորդները, Եվրահանձնաժողովի ղեկավարը և այլ միջազգային կազմակերպությունների ներկայացուցիչներ։

Ընդունվել է ամփոփիչ փաստաթուղթ, որը ենթադրում է Լիբիայում մարդասիրական խնդիրների լուծում։ Բացի դրանից, կայուն հրադադար ապահովելու համար որոշում է ընդունվել ստեղծել ռազմական հանձնաժողով։

Sputnik ռադիոյի եթերում Ռազմաքաղաքական լրագրության կենտրոնի փորձագետ Վլադիմիր Օրլովը կարծիք է հայտնել, որ Արևմուտքում գնահատում են Լիբիայում խաղաղություն հաստատելուն ուղղված` Ռուսաստանի ջանքերը։

«Իսկապես, այսօրվա դրությամբ Ռուսաստանը Լիբիայում խաղաղապահ գործընթացի հիմնական խաղացողներից է։ Այն քաոսից հետո, որն ԱՄՆ–ն հաստատել է այնտեղ արևմտյան կոալիցիայի հետ` երկիրը փաստացի ներքաշելով արյունահեղության ու քաղաքացիական պատերազմի մեջ, Ռուսաստանն այսօր բանակցությունների սեղանի շուրջ է նստեցնում այս հակամարտության տարբեր քաղաքական, ռազմական կողմերին։ Ըստ երևույթին Ռուսաստանը կարողացել է անել այն, ինչին նախկինում չի ձգտել Արևմուտքը և ինչին հակազդել է ԱՄՆ–ն` Լիբիայում հակամարտող կողմերին ստիպելով գնալ անմիջական բանակցությունների»,–ասել է Օրլովը։

Բեռլինի համաժողովը տեղի է ունեցել Մոսկվայում Ռուսաստանի և Թուրքիայի ներկայացուցիչների մասնակցությամբ միջլիբիական բանակցություններից հետո։ Իրազեկ լիբիական աղբյուրը նշել է, որ Լիբիայի ազգային բանակի ղեկավար Խալիֆա Հաֆթարը լքել է Մոսկվան` Ֆայիզ Սարաջի կառավարության հետ չստորագրելով հրադադարի մասին համաձայնագիր։ Ավելի ուշ, ԶԼՄ-ների տվյալներով, Հաֆթարը հայտարարել է, որ իր պայմանները կատարելու դեպքում պատրաստ է հրադադար հաստատել:

ԼԱԲ հրամանատարը նամակ է գրել Ռուսաստանի նախագահ Վլադիմիր Պուտինին` շնորհակալություն հայտնելով նրան Լիբիայում խաղաղություն և կայունություն հաստատելու ջանքերի համար։

ՆԱՏՕ–ն նոր տարին կսկսի Ռուսաստան ներխուժելու փորձի «բեմադրությունից»

236
թեգերը:
Էմանուել Մակրոն, Անգելա Մերկել, Լիբիա, Ռուսաստան, Վլադիմիր Պուտին
Ըստ թեմայի
Ինչպես թաքցնել սեփական մահը. ՆԱՏՕ–ի լոնդոնյան գագաթնաժողովը պատմական է լինելու
Եվրամիությունը Ռուսաստանի հետ հարաբերություններում պատրաստ չէ իրավահավասարության. Լավրով
«Տոր» զենիթահրթիռային համալիրները լավ «զույգ» կկազմեն ՍՈւ–30-ի հետ. ռուսաստանցի փորձագետ
Ռուսաստանը կպատասխանի ԱՄՆ–ի ագրեսիվ ելույթներին. Սերգեյ Լավրով
Ինչո՞ւ է Ռուսաստանն ուժեղացնում Կասպիական նավատորմը
Եվգենի Պետրոսյանն ու Ելենա Ստեպանենկոն

Ստեպանենկոն ասել է, թե ինչպես է վերաբերվում Պետրոսյանին ամուսնալուծությունից հետո

74
(Թարմացված է 17:11 31.05.2020)
Ստեպանենկոն պատմել է, որ ամուսնալուծության գործընթացի ժամանակ ստիպված բախվել է սուտ մեղադրանքների, բայց որոշել է դիմանալ ի վերուստ տրված փորձություններին։

ԵՐԵՎԱՆ, 31 մայիսի –Sputnik. Հայտնի երգիծաբան Ելենա Ստեպանենկոն խոստովանել է, որ Եվգենի Պետրոսյանի վրա չարացած չէ և վաղուց է ներել նրան։ Այս մասին նա պատմել է «Վեչեռնյայա Մոսկվային» տված հարցազրույցում։

Ստեպանենկոն խոստովանել է, որ լինելով հավատացյալ, ինքը հակված է ներել բոլորին։

«Չէ՞ որ հավատքում կարևոր է բոլորին ներելը։ Իսկ եթե մարդուն չես ներել, էլ ի՞նչ հավատացյալ ես դու»,– ասել է նա։

Ստեպանենկոն պատմել է, որ ամուսնալուծության գործընթացի ժամանակ ստիպված բախվել է սուտ մեղադրանքների, որոնք չի հերքել՝ դարձյալ հետևելով քրիստոնեական սկզբունքներին։ Նա որոշել է դիմանալ ի վերուստ տրված փորձություններին։

Միևնույն ժամանակ Ստեպանենկոն խոստովանել է, որ զարմացած է կատարվածի, քանի որ «դա իսկապես սարսափելի էր»։

«Չէ՞ որ ես անցա այդ ճանապարհը՝ չպատասխանելով կեղծ մեղադրանքներին։ Մտածում էի, որ եթե Աստված այդպես է վարվել, նշանակում է, ես պետք է դիմանամ դրան։ Այլ կերպ լինել չի կարող»,– նշել է Ստեպանենկոն։

Իսկական տղամարդը գիտի՝ երբ հեռանալ. նախկին ամուսինների վեճը շարունակվում է

Նա հավաստիացրել է, որ թերթել է իր կյանքի այդ էջը և այժմ իրեն բացարձակ երջանիկ համարում։ Ստեպանենկոն ընդգծել է, որ վաղուց է բաց թողել Պետրոսյանին և նրան երջանկություն մաղթել։

Պետրոսյանն ու Ստեպանենկոն ամուսնալուծվել են 2018 թվականին` 33 տարի ամուսնացած լինելուց հետո։  Անցած տարվա դեկտեմբերին Եվգենի Պետրոսյանն ամուսնացավ իր երիտասարդ օգնական Տատյանա Բրուխունովայի հետ։ 74-ամյա երգիծաբանի հասուն դուստրը՝ Վիկտորյան, բնակվում է Մոսկվայում` Ելենա Ստեպանենկոյի հետ նույն բնակարանում։ Ամուսնալուծությունից հետո Վիկտորյան սատարեց խորթ մորը և դադարեց շփվել հոր հետ։

«Շատ ոճային եք». սոցցանցերում քննարկում են Եվգենի Պետրոսյանի նոր կերպարը

74
թեգերը:
Մեղադրանք, ամուսնալուծություն, Ռուսաստան, Եվգենի Պետրոսյան
Ըստ թեմայի
Պետրոսյանի և Ստեպանենկոյի ունեցվածքը կգնահատեն. նշանակված է փորձաքննություն
Եթե դա ճիշտ է. Ստեպանենկոն խոսել է Պետրոսյանի և նրա երիտասարդ սիրուհու ամուսնության մասին
Ելենա Ստեպանենկոն Եվգենի Պետրոսյանից գրեթե կես միլիոն դոլար է թաքցրել
«Երկրորդ Ջիգարխանյան կսարքեմ». սիրահարված և նիհարած Ստեպանենկոն սպառնացել է Պետրոսյանին
Հայաստան ժամանած նորակոչիկները կփոխարինեն 102-րդ ռազմաբազայի անձնակազմին

Հայաստան ժամանած նորակոչիկները կփոխարինեն Գյումրու 102-րդ ռազմաբազայի անձնակազմին

147
Նորակոչիկները կմնան երկշաբթայա կարանտինում` Գյումրու ռազմական կայազորի հատուկ պատրաստված տարածքներում:

ԵՐԵՎԱՆ, 31 մայիսի – Sputnik. Հայաստանում տեղակայված 102-րդ ռուսական ռազմակայան է ժամանել զինծառայողների առաջին խումբը` սահմանված ժամկետային զինծառայությունն ավարտած  զինվորների և սերժանտների պլանային փոխարինման համար։

Ինչպես հայտնում է ՀՌՕ մամուլի ծառայությունը, մայիսի 31-ին շուրջ 100 զինծառայողներ, որոնց ծառայության ժամկետն ավարտվել է, տուն են վերադարձել, որոնց էլ կփախարինեն Հայաստան եկած մոտ 150 զինծառայողները։

Զինծառայողներին տուն են ուղարկում ռազմատրանսպորտային ավիացիայի Իլ-76 ինքնաթիռներով։ ՀՌՕ զորահրամանատար, գեներալ–գնդապետ  Ալեքսանդր Դվորնիկովի որոշման համաձայն` անձնակազմի տեղափոխումն իրականացվում է ռազմական ինքնաթիռներով սոցիալական հեռավորության պահպանելով, օդանավը բեռնված է 50%–ով։

Ռազմակայանի բուժանձնակազմը բոլոր զինծառայողների բուժզննում է անցկացրել, ինչպես նաև ջերմաչափել նրանց։

Ռազմակայան ժամանելիս յուրաքանչյուր խումբ ապահովվում է անհատական պաշտպանության միջոցներով (ձեռնոց, դիմակ, բախիլներ), անձնակազմը տեղափոխվում է բացառապես զինվորական ավտոբուսներով, որոնք նախապես հատուկ մշակվել են ախտահանիչ լուծույթներով։

Ռուսաստանը չի բացահայտում Վալերի Պերմյակովի պահման վայրը

Նորակոչիկները երկշաբաթյա կարանտինի կտեղափոխվեն «Սիվերսկի» ռազմական ավանում գտնվող Գյումրիի ռազմական կայազորի հատուկ նախապատրաստած տարածքներում։  Կարանտինի ընթացքում զինծառայողների հետ ադապտացման միջոցառումներ կանցկացվեն, նրանց ֆիզիկական վիճակի ամենօրյա մոնիթորինգ, ջերմաչափում և բուժզննում կիրականացվի։  Ռազմակայանի ռազմաքաղաքական աշխատանքի բաժնի սպաները նորակոչիկներին կծանոթացնեն զորամասի պատմությանն ու ավանդույթներին։

Հայաստանում ՀՌՕ ռուսական ռազմակայանում ծառայություն անցնելու համար զինծառայողները Հարավային և այլ ռազմական օկրուգների զորամասերից և ուսումնական կենտրոններից են։ Փոխարինման ժամանած նորակոչիկներին ռազմակայանի հրամանատարությունը նշանակում է կապավորի, հետախույզի, կինոլոգի, սակրավորի, դիպուկահարի, ԱԹՍ և ՀՕՊ միջոցների օպերատորի պաշտոնների։

Մինչև հուլիսի 1-ը նախատեսվում է զորակոչով ծառայություն անցնող շուրջ 1.5 հազար զինվորի և սերժանտի փոխարինում։ Պլանային փոխարինման ընթացքում ռազմակայանի անձնակազմի թիվն անփոփոխ կմնա։

147
թեգերը:
Գյումրի, կարանտին, զինծառայող, նորակոչիկ, Գյումրու 102–րդ ռազմաբազա, Հայաստան
Ըստ թեմայի
ՀՀ-ում ՌԴ 102-րդ ռազմաբազայի աջակցությամբ Սադունց գյուղը նոր ջրագիծ ունի
Ռուսաստանի պաշտպանության փոխնախարարն այցելել է Գյումրու 102–րդ ռազմաբազա
Շարմազանով. «102–րդ ռազմաբազան Հայաստանի անվտանգության կարևորագույն բաղադրիչներից է»
Բողոքի ակցիա, ԱՄՆ

Ավելի քան 60 սպա և գործակալ է տուժել ԱՄՆ-ում տեղի ունեցած ցույցերի ժամանակ

0
(Թարմացված է 23:35 31.05.2020)
Ցույցերի ժամանակ անցած գիշեր մեկ անձ է ձերբակալվել։ Ցուցարարներից ոչ ոք Սպիտակ տան ճաղավանդակներից այն կողմ չի անցել։

ԵՐԵՎԱՆ, 31 մայիսի –Sputnik.  ԱՄՆ գաղտնի ծառայությունների ավելի քան 60 սպա և հատուկ գործակալներ տուժել են Սպիտակ տան մոտ ընթացող ցույցի ժամանակ, նրանցից 11-ը հիվանդանոց է տեղափոխվել բուժզննման համար: Տեղեկությունը հայտնում է Գաղտնի ծառայությունների մամուլի ծառայությունը։

Այդ ծառայությունն ապահովում է ԱՄՆ կառավարական մարմինների և ղեկավարության անվտանգությունը։

«Ուրբաթ գիշերվանից մինչև կիրակի առավոտ Գաղտնի ծառայության ավելի քան 60 սպա և հատուկ գործակալ բազմաթիվ վնասվածքներ են ստացել նրանց ուղղությամբ նետած աղյուսների, քարերի, շշերի, ճայթուկների և այլ առարկաների պատճառով։ Ընդհանուր առմամբ 11 տուժած տեղի հիվանդանոց է տեղափոխվել, նրանց օգնություն է ցուցաբերվել, վնասվածքները կյանքի համար վտանգավոր չեն», – նշված է հաղորդագրության մեջ։

Նշվում է, որ ցույցի ժամանակ անցած գիշեր մեկ անձ է ձերբակալվել։ Ցուցարարներից ոչ ոք Սպիտակ տան ճաղերից այն կողմ չի անցել։

«Չեմ կարողանում շնչել»․ խռովությունները տարածվել են ԱՄՆ-ում

ԱՄՆ նախագահ Դոնալդ Թրամփն ավելի վաղ գովել է ծառայության գործողություններն ու քննադատել ցուցարարներին։

Անկարգությունները սկսվել էին ԱՄՆ Մինեապոլիս և մի շարք այլ  քաղաքներում այն բանից հետո, երբ ոստիկանության ձեռքից մահացավ աֆրոամերիկացի Ջորջ Ֆլոյդը։

Համացանցում տեսանյութ էր հայտնվել որում երևում է, թե ինչպես են մայիսի 25-ին Մինեապոլիսում աֆրոամերիկացի 46-ամյա Ջորջ Ֆլոյդի նկատմամբ ոստիկանության երկու ծառայողներ բռնություն կիրառում: Նրանցից մեկը ծնկով սեղմել էր գետնին պառկած Ֆլոյդի կոկորդն ու մի քանի րոպե պահել այդ դիրքում, չնայած որ քաղաքացին ասում էր, որ չի կարողանում շնչել ու թախանձագին խնդրում էր բաց թողնել իրեն։

Ոստիկանները անտեսել էին ոչ միայն իրենց զոհի, այլև հավաքվածների զգուշացումները, որ դադարեցնեն քաղաքացու նկատմամբ բռնությունը:

Իսկ երբ Ֆլոյդը կորցրել է գիտակցությունը, նրան տեղափոխել են հիվանդանոց, որտեղ էլ բժիշկներն արձանագրել են նրա մահը:

Ոստիկան Դերեկ Շովինը նախ հեռացվել էր ոստիկանության համակարգից, ապա՝ ձերբակալվել:

Աշխատանքից հեռացվել են միջադեպին մասնակցած ևս երեք ոստիկան:

Մինեապոլիսում անկարգությունները շարունակվում են․ ցուցարարները բանկ են հրկիզել

0
թեգերը:
Ձերբակալում, հիվանդանոց, Տուժածներ, Բողոքի ակցիա, ԱՄՆ
Ըստ թեմայի
ԱՄՆ-ն դադարեցնում է հարաբերությունները ԱՀԿ–ի հետ. Թրամփ
Կորոնավիրուսի մասին ապատեղեկատվություն տարածող կայքն աշխատել է ԱՄՆ փողերով
Թրամփն ասել է՝ ինչու է ԱՄՆ-ն թոքերի արհեստական շնչառության սարքեր տրամադրում այլ երկրների
ԱՄՆ–ում բնակվող հայերից մեկը Դավիթ Տոնոյանին է փոխանցել իր պապի` 100 տարվա ստացականը