Ռուսաստանի արտգործնախարար Սերգեյ Լավրով

Լավրովը հայտարարել է, որ ՆԱՏՕ–ն ջախջախել է Լիբիայի պետականությունը

99
(Թարմացված է 17:10 14.01.2020)
Երկիշխանությունը և անվտանգության համակարգի տապալումը հանգեցրել են զինված ապստամբական խմբավորումների և ահաբեկչական կազմակերպությունների ակտիվացմանը։

ԵՐԵՎԱՆ, 14 հունվարի — Sputnik. Լիբիայում հիմա արդեն չկա պետականություն. այն 2011թ.–ին ոչնչացրել է ՆԱՏՕ–ն: Այսպիսի հայտարարություն է արել Ռուսաստանի արտգործնախարար Սերգեյ Լավրովը։

«Մենք բոլորս և իհարկե` լիբիացի ժողովուրդը, մինչև հիմա քաղում ենք այդ հանցավոր, անօրինական արկածախնդրության պտուղները»,–ասել է Լավրովը լիբիացի գործընկեր Դինեշ Գունադեվարդենի հետ բանակցությունների արդյունքում։

Լավրովը նաև հավելել է, որ դաշինքի ստեղծած խնդիրը լուծելու վրա աշխատում են շատ երկրներ` Գերմանիան, Ֆրանսիան, Իտալիան, ինչպես նաև Ալժիրը, Եգիպտոսը, ԱՄԷ–ն, Թուրքիան, Կատարը, Ռուսաստանը։

Հոբելյան` մեռած ուղեղով. արդյո՞ք Ռուսաստանը կշահի ՆԱՏՕ–ի խժդժություններից

Նախօրեին Մոսկվայում տեղի են ունեցել միջլիբիական բանակցություններ։ Կողմերը քննարկել են տարածաշրջանում լարվածությունը նվազեցնելու հնարավորությունը և պայմանները, սակայն փոխզիջման հասնել չի հաջողվել, քանի որ հրադադարի մասին ամփոփիչ փաստաթուղթը ստորագրել են ոչ բոլոր մասնակիցները։ Մասնավորապես, չի ստորագրել Լիբիայի ազգային բանակի ղեկավար, մարշալ Խալիֆա Հաֆթարը։

Իրավիճակը` Լիբիայում

2011թ.–ին միջազգային կոալիցիան ԱՄՆ–ի և ՆԱՏՕ–ի գլխավորությամբ Լիբիայում գործողություն է անցկացրել, որի արդյունքում սպանվել է Մուամար Քադաֆին և տապալվել ավելի քան 40 տարի գոյություն ունեցած ռեժիմը։

Ռուսաստանը կպատասխանի ԱՄՆ–ի ագրեսիվ ելույթներին. Սերգեյ Լավրով

Դրանից հետո Լիբիայում սուր ճգնաժամ է սկսվել։ Ժողովրդի ընտրած խորհրդարանը, որին աջակցում է Հաֆթարի գլխավորած ազգային բանակը, գտնվում է արևելքում` Տոբրուկ քաղաքում։ Արևմուտքում` Տրիպոլիում, գործում է ՄԱԿ–ի և Եվրամիության աջակցությամբ ձևավորված Ազգային համաձայնության կառավարությունը, որը գլխավորում է Ֆայեզ Սարաջը։

Երկիշխանությունը և անվտանգության համակարգի տապալումը հանգեցրել են զինված ապստամբական խմբավորումների և ահաբեկչական կազմակերպությունների ակտիվացմանը։ Կենտրոնացված իշխանության և միասնական բանակի բացակայության պատճառով Լիբիան վերածվել է մաքսանենգության կենտրոնի, ինչպես նաև Աֆրիկայից Եվրոպա անօրինական ներգաղթյալների տարանցիկ կետի։

Հզոր պատասխան ՆԱՏՕ–ին. Ռուսաստանն ավարտել է «Իսկանդեր–Մ» հրթիռային համալիրների վերազինումը

2019թ–ի ապրիլի 4–ին «ահաբեկիչներից ազատագրվելու» համար Հաֆթարը սկսել է Տրիպոլիի վրա գրոհը։ Կառավարամետ զինված խմբավորումները հայտարարել են «Ցասումի հրաբուխ» պատասխան գործողությունը սկսելու մասին։ Վերջին մի քանի ամիսներին մահացել է մի քանի հարյուր մարդ, կան հազարավոր վիրավորներ։

99
թեգերը:
Ռուսաստան, ՆԱՏՕ, Լիբիա, Սերգեյ Լավրով
Ըստ թեմայի
Ինչպես թաքցնել սեփական մահը. ՆԱՏՕ–ի լոնդոնյան գագաթնաժողովը պատմական է լինելու
«Իրականում». Չինաստանը` նոր թշնամի. ՆԱՏՕ-ն պատճառաբանում է իր գոյությունը
Ուզում են հա՛մ երկխոսել Մոսկվայի հետ, հա՛մ զսպել. ՆԱՏՕ–ն նոր քաղաքականություն է որդեգրել
ՆԱՏՕ–ն ավելացնում է պաշտպանությանն ուղղված ծախսերը. ՌԴ–ն կմասնակցի՞ մրցավազքին
ՆԱՏՕ–ն պատրաստվում է լայնածավալ հակամարտության. Ռուսաստանի գլխավոր շտաբ
Հաքեր

Հաքերները ռուսական բանկերի վրա յուրօրինակ հարձակում են գործել. ԶԼՄ–ները խուճապի են մատնվել

44
(Թարմացված է 23:45 14.08.2020)
Նամակներ են ուղարկվել են հայտնի ԶԼՄ–ների անուններից։ Օրինակ` կիբեռհարձակումներից մեկն իրականացվել է հաղորդագրության օգնությամբ, որն իբրև թե ուղարկվել է ՌԲԿ–ի կորպորատիվ փոստից։

ԵՐԵՎԱՆ, 14 օգոստոսի – Sputnik. Կիբեռհանցագործները լրագրողների անվան տակ գրոհել են Ռուսաստանի բանկերի վրա։ Ինչպես գրում է ռուսական մամուլը, որոշ տվյալներով` TinyScouts խմբավորման հաքերները հաղորդագրություններ էին ուղարկում հարցազրույցի առաջարկով և համավարակի երկրորդ ալիքի մասին նախազգուշացումներով։

«Ռոստելեկոմի» կիբեռսպառնալիքների մոնիթորինգի և արձագանքման կենտրոնի մասնագետներին հայտնի է դարձել, որ կիբեռհանցագործները հարձակման համար ծրագրային նոր ապահովագրում են կիրառում։ Բանկերի վրա առանձին հարձակումներն իրականացվել են ապրիլին։

Նամակներ են ուղարկվում հայտնի ԶԼՄ–ների անուններից։ Օրինակ` կիբեռհարձակումներից մեկն իրականացվել է հաղորդագրության օգնությամբ, որն իբրև թե ուղարկվել է ՌԲԿ–ի կորպորատիվ փոստից։ Հաղորդագրության մեջ բանկի աշխատակիցներից մեկին առաջարկվել է հարցազրույց անցնել։ Հարցերին պատասխանելու համար կից ներկայացված հղումով անցնելու դեպքում բեռնվում է վնասակար ծրագրի հիմնական բաղադրիչը, և կիբեռհանցագործները հեռավար հասանելիություն ու վերահսկողություն են ստանում օտար համակարգիչների նկատմամբ։

Չինացի հաքերները թիրախավորել են Նուբար Աֆեյանի ընկերության COVID-19–ի դեմ պատվաստանյութը

Եթե սարքի վրա որևէ կարևոր տեղեկություն ստանալ չի հաջողվում, այլ ծրագիր է տեղադրվում, որը կոդավորում է համակարգչի ողջ կոնտենտը, այնուհետև գումար պահանջում այն ապակոդավորելու համար։

44
թեգերը:
ԶԼՄ, Ռուսաստան, Բանկ, հաքեր
Ըստ թեմայի
Սին «հերոսություն» է. մասնագիտական ապտակ ադրբեջանցի հաքերներին
«Մենք թիկունքում ենք և ձեր մեջ». հայերը պատասխան հարված են հասցրել ադրբեջանցի հաքերներին
Հայերը կոտրել են ադրբեջանցիների գլխավոր հաքերական կայքը. համացանցում «փոխհրաձգություն» է
Սերգեյ Մելիք–Բաղդասարով

Սերգեյ Մելիք–Բաղդասարովը համատեղության կարգով նշանակվել է Հայիթիում ՌԴ դեսպան

52
(Թարմացված է 20:21 14.08.2020)
Մելիք-Բաղդասարովը երկար ժամանակ աշխատել է ՌԴ ԱԳՆ համակարգում։ Նա զբաղեցրել է գերատեսչության լատինամերիկյան դեպարտամենտի տնօրենի տեղակալի պաշտոնը։

ԵՐԵՎԱՆ, 14 օգոստոսի — Sputnik. Ռուսաստանի նախագահ Վլադիմիր Պուտինը հրամանագիր է ստորագրել Սերգեյ Մելիք-Բաղդասարովին համատեղության կարգով Հայիթիում ՌԴ արտակարգ և լիազոր դեսպանի պաշտոնում նշանակելու մասին։ Մելիք–Բաղդասարովի նշանակման հրամանագիրը հրապարակվել է իրավական տեղեկատվության պորտալում:

«Սերգեյ Միխայլովիչին նշանակել Հայիթիի Հանրապետությունում Ռուսաստանի Դաշնության արտակարգ և լիազոր դեսպան համատեղության կարգով», - նշված է հրամանագրում:

Ի դեպ, Մելիք-Բաղդասարովը փետրվարից զբաղեցնում էր Վենեսուելայում ՌԴ արտակարգ և լիազոր դեսպանի պաշտոնը:

Մելիք-Բաղդասարովը ծնվել է 1968թ.–ին, 1994-ին ավարտել է ՌԴ ԱԳՆ Միջազգային հարաբերությունների Մոսկվայի պետական ինստիտուտը։ Նա զբաղեցրել է նաև ՌԴ ԱԳՆ լատինամերիկյան դեպարտամենտի տնօրենի տեղակալի պաշտոնը։

52
թեգերը:
Սերգեյ Մելիք–Բաղդասարով, Վլադիմիր Պուտին, Ռուսաստան, Դեսպան
Ըստ թեմայի
Բեյրութի պայթյունի հետևանքով լուրջ վնասվածքներ է ստացել Նիդեռլանդների դեսպանի կինը
ԱՄՆ-ում ՌԴ դեսպանատունը մեկնաբանել է «քարոզչության» մասին Պետդեպարտամենտի զեկույցը
Սերբիայում ձերբակալել են Ադրբեջանի դեսպանին

Եվրամիությունը ԱՄՆ–ին դեմարշ է հղել. ո՞րն է անհամաձայնության պատճառը

0
(Թարմացված է 00:49 15.08.2020)
Ի՞նչ են ուզում ցույց տալ եվրոպացիները, կկառուցվի արդյո՞ք ռուսական գազատարը`դիտեք տեսանյութում։

ԵՄ–ն ԱՄՆ–ին դեմարշ է հղել նոր պատժամիջոցների պատճառով, որոնք նրանք մտադիր են կիրառել «Հյուսիսային հոսք 2»–ի պատճառով։  Իրենց դժգոհությունն են հայտնել ԵՄ 27 անդամ երկրներից 24-ը։ Տեղեկությունը հայտնել է Welt գերմանական պարբերականը։ Ամերիկացիների դեմ հանդես են եկել նաև այն պետությունները, որոնք նախկինում չէին հանդգնում դա անել։ Ռուս քաղաքագետներն այստեղ Վաշինգտոնին ուղղված ակնարկ են տեսնում։

Եվրոպական երկրներն ԱՄՆ–ին իրենց բողոքն են արտահայտել «Հյուսիսային հոսք 2»–ի դեմ նրանց կողմից կիրառվող նոր պատժամիջոցների հետ կապված։

ԵՄ–ի պատվիրակության և Պետդեպի տեսակոնֆերանսի ժամանակ դեմարշին 24 երկիր է միացել։ Բողոքի նոտա չեն հղել ընդամենը ԵՄ 3 պետություն, սակայն դեռ հայտնի չէ` որոնք են դրանք։

Ավելի վաղ եվրահանձնակատար Կադրի Սիմսոնը հայտարարել էր, որ ԱՄՆ պատժամիջոցները խախտում են միջազգային իրավունքը։

 «Գործունեությունը, որը համապատասխանում է ԵՄ օրենքներին և միջազգային իրավունքին, և որն իրականացնում են եվրոպական ձեռնարկությունները, օրինական է։ Այդ պատճառով պատժամիջոցների կիրառումն այդ գործունեության նկատմամբ կասկածելի է»,–ասել է Սիմսոնը։

Ռուսաստանյան քաղաքագետները կարծում են, որ այս դեմարշը Վաշինգտոնին ուղղված ազդակ է, որ ԵՄ–ն մտադիր չէ հարմարվել ԱՄՆ-ի շահերին։

«Նույնիսկ զարմանալի է, որ այն երկրները, որոնք սովորաբար նախագծին դեմ են արտահայտվում (Լեհաստանը, Մերձբալթյան երկրները, Ռումինիան և Խորվաթիան), այս անգամ նման բան չարեցին։ Ամենայն հավանականությամբ, Գերմանիան և ԵՄ–ն ճնշում էին գործադրել` առաջնորդվելով նրանով, որ եվրոպական խոշոր երկրները և նույնիսկ ոչ այնքան խոշորները, ինչպեսին Ավստրիան է, չեն ցանկանում կախվածության մեջ լինել ամերիկյան թանկարժեք հեղուկ գազից  և, քաղաքական նկատառումներից ելնելով, չեն ուզում խզել կապերը Ռուսաստանի հետ»,– ասել է քաղաքագետ, ՌՊՀՀ–ի դոցենտ Վադիմ Տրուխաչյովը։

«Եվրոպան այլ շահեր ունի». Ավստրիան քննադատել է «Հյուսիսային հոսք–2»–ի պատժամիջոցները

Ռուսական գազատարի նկատմամբ ԱՄՆ–ն պատժամիջոցներ էր կիրառել 2019 թվականի վերջին։ Իսկ այս ամառ ամերիկացիները լրացուցիչ սահմանափակումներ կիրառեցին «Հյուսիսային հոսք 2»–ի նկատմամբ։

Պատժամիջոցներն անդրադարձան եվրոպական ընկերությունների վրա, որոնք մասնակցել են ռուսական նախագծի իրականացմանը։

Ռուսաստանը հայտարարեց, որ կարող է իր ուժերով ավարտին հասցնել «Հյուսիսային հոսք 2»–ը, ինչում կօգնի Nord Stream 2 AG ընկերությունը։

ՌԴ արտգործնախարար Սերգեյ Լավրովը հայտնեց, որ դա տեղի կունենա առաջիկայում։

Պատժամիջոցները չեն խանգարի ավարտել «Հյուսիսային հոսք–2»–ի շինարարությունը. Նովակ

 «Մենք գնահատում ենք Բեռլինի սկզբունքային դիրքորոշումն այս բացառապես կոմերցիոն նախաձեռնության վերաբերյալ, որը կօգնի դիվերսիֆիկացնել բնական գազի մատակարարումների երթուղին և ամրապնդել Եվրոպայի էներգետիկ անվտանգությունն այն գնահատականների հիման վրա, որոնք տալիս են եվրոպական երկրները, այլ ոչ այն գնահատականների, որոնք արվում են օվկիանոսի մյուս կողմից»,–ասել է Լավրովը։

«Հյուսիսային հոսք 2»–ը նախատեսում է Ռուսաստանի ափերից Բալթիկ ծովով մինչև Գերմանիա գազատարի երկու գիծ կառուցել։ Գազատարը նախատեսվում է գործարկել մինչև տարեվերջ։

0
թեգերը:
Սերգեյ Լավրով, Գերմանիա, Ռուսաստան, Եվրոպա, ԱՄՆ, «Հյուսիսային հոսք» նախագիծ