Դոպինգային նմուշներ

Ռուսական սպորտի մղձավանջը. ի՞նչ սպառնալիքներ է պարունակում WADA–ի զեկույցը

85
(Թարմացված է 20:26 03.01.2020)
Մղձավանջ, որը ոչ մի կերպ չի ավարտվում։ Հենց այսպես կարելի է բնութագրել այն, ինչ վերջին տարիներին տեղի է ունենում ռուսական սպորտի հետ միջազգային ասպարեզում։

Մաքսիմ Օգնեննի

Նոյեմբերի վերջին Համաշխարհային հակադոպինգային գործակալության (WADA) Համապատասխանության կոմիտեն «ռուսական դոպինգի» գործով ռուսական մարզիկների վերաբերյալ հանձնարարականներ է հրապարակել։ Փաստաթղթի համաձայն` առաջիկա չորս տարվա ընթացքում Ռուսաստանն առանց դրոշի ու օրհներգի կմնա միջազգային բոլոր մրցույթներում։ Բացի դրանից, բոլոր խոշոր մրցումները, որոնք պետք է Ռուսաստանում անցկացվեին, կկազմակերպվեն այլ երկրներում։

Երկու շաբաթից համաշխարհային սպորտային հանրությունը կիմանա` ինչ է կարծում այդ առնչությամբ WADA–ի գործադիր կոմիտեն։ Sputnik–ը որոշել է հասկանալ տեղի ունեցածի պատճառներն ու կանխատեսել իրադարձությունների զարգացումը։

Հակամարտության նախապատմությունը

Ամեն ինչ սկսվեց Սոչիում կայացած ձմեռային օլիմպիական խաղերից. այնտեղ ռուսաստանցի մարզիկները ֆենոմենալ արդյունքներ էին ցույց տվել` նվաճելով 33 մեդալ, որոնցից 13–ը` ոսկի։

ՀՖՖ նախագահի 1 թեկնածու արդեն կա, քանի՞սը դեռ կլինեն

WADA–ն դոպինգի օգտագործման վերաբերյալ հետաքննություն էր սկսել` արդյունքներն ամփոփելու պատասխանատու նշանակելով կանադացի Ռիչարդ Մաքլարենը։ Պետք է նշել, որ WADA–ի գլխամասային գրասենյակը նույնպես Կանադայում է գտնվում։

Քննության արդյունքներով պայմանավորված` 2016 թվականին Ռիո դե Ժանեյրոյի Օլիմպիադային ռուսաստանցիները կրճատված կազմով մեկնեցին։ Հեռացվել էին թեթև աթլետիկայի աստղերը, որոնք կարող էին մեծ քանակով մեդալներ բերել։

Քննության ընթացքում Սոչիում 2014 թվականի Օլիմպիական խաղերի հյուրընկալողներին մեղադրել էին իրենց մարզիկների դոպինգ–նմուշները փոխարինելու մեջ։ Իհարկե, բոլորը հույս ունեին, որ նման ցնցումը բավարար կլինի, որ ամեն ինչ փոխվի։

Այժմ WADA–ն պնդում է, որ ոչինչ չի փոխվել ու դոպինգի խնդիրը երկրում առաջվա պես արդիական է։ Այս անգամ խնդիրը Մոսկվայի հակադոպինգային լաբորատորիայի տվյալներն են, որոնք վերցրել են ստուգելու համար։ Սակայն WADA–ն պնդում է, որ այդ տվյալները փոփոխվել են։

Հանրությանը դեռ ոչ մի ապացույց չի ներկայացվել։ Բազում տեսություններ կան այն մասին, թե ինչու են ռուսական սպորտի «հետևից ընկել» ու որքան է դա շարունակվելու։

Ի՞նչ է սպասում ռուս մարզիկներին մոտ ապագայում

Ինչպես հաճախ պատահում է, հենց մարզիկներն են տուժելու։ Այն մարդիկ, որոնք հեռու են այդ խաղերից, որոնք նույնիսկ չեն մտածում երկրների քաղաքական խաղերի մասին, մարդիկ, որոնք ամեն օր իրենց առողջությունն են զոհում երկրի համբավի համար։

Հենց նրանք` երիտասարդ մարզիկներն արդեն երկու շաբաթից կարող են կորցնել ոչ միայն զարգանալու խթանը, այլև պարզապես կյանքի իմաստը։

WADA–ի հանձնաժողովի հանձնարարականի համաձայն` ռուսաստանցի մարզիկների մեծ մասին կարող են թույլ չտալ մասնակցել առաջիկա երկու օլիմպիադաներին։ Բացառություն կկազմեն եզակիները, որոնք կկարողանան առանձին կարգով ապացուցել իրենց «մաքրությունը»։ Ռուսաստանի դրոշի ու օրհներգի մասին կարելի է առաջիկա չորս տարիներին մոռանալ։ Հնարավոր ծայրահեղ միջոցներից մեկն այն է, որ միջազգային մրցաշարերը, որոնք անցկացումը նախատեսված էր Ռուսաստանի տարածքում, կտեղափոխվեն կամ պարզապես կչեղարկվեն։

Ալեքսանդր Գրիգորյանը նշանակվեց «Ուրարտուի» գլխավոր մարզիչ

WADA–ի մտահղացմամբ` պատժամիջոցները պետք է առնչվեն նաև սպորտային ոլորտի պաշտոնյաներին։ Նրանց կարգելեն այցելել ցանկացած խոշոր մրցաշար, չի բացառվում` նրանց առաջարկեն լքել պաշտոնները միջազգային սպորտային ֆեդերացիաներում։

Ահա այսպիսի սարսափելի տարվա ավարտ ռուսական սպորտային հանրության համար։ Միջազգային ասպարեզում չեն ցանկանում ռուսաստանցի մարզիկների տեսնել։ Ռուսական սպորտը, որը ժամանակին խթանեց ամբողջ համաշխարհային սպորտի զարգացումը, ուզում են հետին պլան մղել։ Կստացվի՞։ Կիմանանք շուտով։

85
թեգերը:
դոպինգ, սպորտ, Ռուսաստան
Ըստ թեմայի
«Իտալացիները խառնվածքով նման են հայերին. այստեղ հիանալի է». Հենրիխ Մխիթարյան
Կփորձեմ փոխել թիմում տիրող ոչ այնքան լավ մթնոլորտը. Բերեզովսկին` «Սոչին» գլխավորելու մասին
Մարիա Կուրսովայի հաջող պարտիան. ինչպես ռուս շախմատիստուհին յուրային դարձավ Հայաստանում
Բանկոմատ

Ինչպես է COVID-19-ը ազդել Ռուսաստանից Հայաստան և այլ երկրներ դրամական փոխանցումների վրա

139
(Թարմացված է 23:48 29.05.2020)
Sputnik-ը փորձել է պարզել՝ ինչ է հիմա կատարվում դրամական փոխանցումների շուկայում և ոլորտի վերականգնման գործում արձանագրել է առանցքային խաղացողների կանխատեսումները։

Մարիա Նաումենկո, Sputnik

Դրամական փոխանցումների համակարգերն արձանագրում են, որ այս գարնանն արտասահմանյան հոսքերի ծավալները փոքրացել են։ Ռուսաստանից մերձակա երկրներ արվող փոխանցումների անկումը որոշ ընկերություններում 50%-ի է հասել։

Այս ցուցանիշները պայմանավորված են այն փաստով, որ համավարակի պատճառով աշխատանքային միգրանտներից շատերը հայրենիք են վերադարձել կամ Ռուսաստանում առանց աշխատանքի են մնացել։

Ապրիլին փոխանցումների ծավալը կիսով չափ պակասել է

Ապրիլին Ռուսաստանից հարևան երկրներ շուկան  տրանսսահմանային փոխանցումների ծավալի շոշափելի անկում է զգացել։ Եթե մարտին 2019 նույն ժամանակահատվածի համեմատ անկումն ընդամենը 5-10% է կազմել, ապա ապրիլին «Զոլոտայա կորոնա» դրամական փոխանցումների ծառայության տնօրեն Իվան Սիտնովի խոսքով՝ այն 50%-ի է հասել։ Այժմ մայիսի ցուցանիշները 25-30%-ի վրա են։

Նման միտում է գրանցվել նաև «Յունիստրիմում»։ Sputnik-ի հետ զրույցում միջազգային դրամական փոխանցումների համակարգի նախագահ Քսենիա Չեռնիշևան ասաց, որ 2020 թվականի ապրիլին մարտի համեմատ դրամական  փոխանցումների մակարդակը 34%-ով պակասել է։ Նրա խոսքով` ապրիլի համեմատ մայիսին ծավալի մոտ 10% ավելացում է նկատվում։

«Ռուսաստանից մերձավոր արևելք արվող տրանսսահմանյան փոխանցումների մեծ մասն այն գումարն է, որը վաստակում են միգրանտներն ու իրենց ընտանիքներին են ուղարկում։ Մարտին կորոնավիրուսի հետ կապված իրավիճակն այդքան սուր չէր, ձեռնարկությունների զգալի մասն աշխատում էր, իսկ ապրիլին դրանք դադարեցրին աշխատանքը։ Օտարերկրացի աշխատակիցներից շատերը ստիպված էին իրենց երկրներ վերադառնալ կամ պարզապես նստած սպասում էին։ Այսինքն՝ տուն ուղարկելու գումար չունեին», - պարզաբանում է «Ֆինամ» ընկերությունների խմբի վերլուծաբան Ալեքսեյ Կորնևը։

Western Union-ի մամուլի ծառայությունից նշեցին, որ հակառակը՝ մարտի համեմատ ապրիլին փոխանցումների ծավալը մի փոքր աճել է։ Այդ գործընթացը հիմա էլ է շարունակվում։

17․2% տնտեսական անկում․ ինչ վիճակում է ՀՀ տնտեսությունը, և արդյոք կավելանա արտաքին պարտքը

«COVID-19-ի հետ կապված ապրիլին ֆիզիկական անձանց փոխանցումները կրճատվել էին 21%-ով, իսկ մարտի վերջին` 30%-ով։ Ապրիլին այս բարելավումը պայմանավորված է ռիթեյլի համակարգի դրական միտումներով ու թվային դրամական փոխանցումների 77%-անոց աճով։ Մայիսին Western Union-ը շարունակվում է պահպանվել ֆիզիկական անձանց փոխանցումների դրական դինամիկան», - ասացին ընկերությունից։

Հարված երկրի տնտեսությանը

«ԱՊՀ շատ երկրների համար Ռուսաստանից փոխանցումները բյուջեի զգալի համալրում են կատարում։ Այն երկրների համար, որտեղ դրամական փոխանցումը մեծ դերակատարություն ունի, մասնավորապես՝ Ղրղըզստանի ու Տաջիկստանի, սպասվող միջոցների բացակայությունը մեծ հարված է տնտեսության համար», - ասաց Սիտնովը։

Վիրուսի թողած «ժառանգությունը». ինչ հետևանքներ կունենա կորոնավիրուսը երիտասարդների վրա

Նա ընդգծեց, որ տրանսսահմանային փոխանցումների ծավալի անկումը գրեթե չի ազդում Ռուսաստանի տնտեսության վրա։

Ի՞նչը կօգնի վերականգնել ոլորտը

Իվան Սիտնովի կարծիքով՝ դրամական փոխանցումների շուկայի վերականգնման վրա երկու գործոն կազդի․ ֆիզիկական անձանց սպասարկման կետերի բացումն ու միջազգային ավիափոխադրումների վերականգնումը։

«Մենք տեսնում ենք, որ մայիսին, նաև Մոսկվայում, կարանտինի պատճառով մտցված որոշ սահմանափակումներ հանվում են, ավելի շատ ընկերություններ են սկսում աշխատել, որոշակի աճ է նկատվում։ Ինչ վերաբերում է սահմաններին՝ դրանք փակվել են հենց այն ամիսներին, երբ մարդիկ պետք է Ռուսաստան գային գումար վաստակելու։ Հենց սահմանները բացվեն, իրավիճակը կլավանա։ Դժվար է ասել՝ երբ դա կլինի․ հնարավոր մեկ ամսից, հնարավոր է՝ երկու։ Ամեն ինչ կախված է կորոնավիրուսի ստեղծած իրավիճակից»,  -  կարծում է «Զոլոտայա կորոնայի» ներկայացուցիչը։

Ալեքսեյ Կորնևը կարծում է, որ հենց աշխատանքային շուկան սկսի վերականգնվել, դրամական փոխանցումների սեգմենտը բավականին արագ կվերադառնա նախկին ցուցանիշներին։

«Հիմա կվերագործարկվեն շինարարությունները, ճանապարհների վերանորոգումը։ Աշխատուժ է պետք, իսկ դա նշանակում է, որ աշխատանքային միգրանտերը նորից Ռուսաստան կգան։ Այլ հարց է, որ աշխատաշուկան կարող է զգալիորեն փոխվել», - ասում է վերլուծաբանը։

Միշուստինը կոչ է արել նվազեցնել կախվածությունը համաշխարհային էներգաշուկաներից

Նա ենթադրում է, որ եթե մինչ համավարակը ՌԴ քաղաքացիների շրջանում բացօթյա ծանր ֆիզիկական աշխատանքը պահանջարկ չուներ, ու այդ աշխատանքը հիմնականում օտարերկրացիներն էին անում, ապա այսօր միգրանտները կարող են մրցակցության բախվել, որովհետև ռուսաստանցիները կհավակնեն այն աշխատատեղերին, որոնք նախկինում պահանջարկ էին վայելում միայն աշխատանքային միգրանտների շրջանում։

ԱՊՀ տնտեսական զարգացման Գործարար կենտրոնի գլխավոր տնօրեն Վլադիմիր Սավչենկոն ընդգծում է, որ դրամական փոխանցումներն ուղղակիորեն կախված են արտադրական ակտիվությունից, որը հանգամանքների նորմալ զարգացման դեպքում երկու-երեք ամսից կվերականգնվի։

139
թեգերը:
փոխանցումներ, աշխատանք, միգրանտ, Ռուսաստան, Հայաստան, տնտեսություն
Ըստ թեմայի
ԱԺ-ն վավերացրեց ԵԱՏՄ մաքսային արտոնությունները 1 տարով երկարաձգող արձանագրությունը
Կառավարությունը հաստատեց կորոնավիրուսի տնտեսական հետևանքների չեզոքացման 19-րդ միջոցառումը
Ճոխության հարկ. դղյակների տերերը կզրկվեն սիմվոլիկ հարկեր վճարելու հնարավորությունից
Կենսալաբորատորիա, Երևան

Ամերիկայի ինչի՞ն են պետք Կովկասի և Կենտրոնական Ասիայի կենսաբանական լաբորատորիաները

124
Ղազախստանում, ՀՀ-ում և Տաջիկստանում ամերիկացիները կենսալաբորատորիաների ցանց են ստեղծել։ ՌԴ իշխանությունը բազմաթիվ հարցեր ունի հատկապես Վրաստանի Լուգարայի անվան կենտրոնի հետ կապված։ Թե այդ ամենը ԱՄՆ ինչին է պետք՝ ուսումնասիրել է ՌԻԱ Նովոստիի թղթակից Գալյա Իբրահիմովան։

Կանխամտածված արտահոսք

Կորոնավիրուսի առաջին դեպքը Ղազախստանում գրանցվեց մարտի սկզբին։ Իշխանությունները փակեցին սահմանները և արտակարգ դրություն հայտարարեցին։ Համացանցում լուրեր տարածվեցին, թե վիրուսը կարող է կապված լինել կենսաբանական լաբորատորիայի հետ, որը 2016թ-ին կառուցել են ամերիկացիները՝ երկրի հարավ-արևելքում։

Ալմա-Աթայի Կենտրոնական ռեֆերենս-լաբորատորիան զբաղվում է Ղազախստանի տարածաշրջանում հատուկ վիրուսների շտամների ուսումնասիրությամբ։ Այն գործում է Ղազախստանի կարանտինային և զոոնոզ վարակների գիտական կենտրոնի հիման վրա, ենթարկվում է Ղազախստանի առողջապահության նախարարությանը և համարվում է այդ երկրի սեփականությունը, չնայած կառուցվել է Պենտագոնի հաշվին։ Լաբորատորիայի կառուցման համար ԱՄՆ-ն 108 միլիոն դոլար է տրամադրել։

Վաշինգտոնը այդ ամենը բացատրում է այսպես․ տարածաշրջանում ամերիկացի զինվորականներ կան, և ուսումնասիրությունները թույլ կտան պաշտպանել նրանց անհայտ վիրուսային վարակներից։

ՀԱՊԿ-ի, ԱՊՀ-ի և Շանհայի համագործակցության կազմակերպության գագաթնաժողովների ընթացքում Մոսկվայի ներկայացուցիչները բազմիցս հայտարարել են, որ ամերիկացիները կարող են օգտագործել այդ լաբորատորիաները ընդդեմ Ռուսաստանի։ Բայց Ղազախստանի իշխանությունները հավատացրել են, որ իրենց կենսաբանների աշխատանքին որևէ մեկը չի միջամտում։

«Օտարերկրյա գիտնականների մասնակցությունը թույլատրվում է միայն այն դեպքում, երբ համատեղ ուսումնասիրություններ են կատարվում և գրանտային ծրագրեր են իրականացվում»,-պարզաբանեցին Կենտրոնական լաբորատորիայում։

2018թ-ին Ղազախստանում զգալի ավելացան մենինգիտով հիվանդացության դեպքերը, և Ալմա-Աթայում սկսեցին խոսել Կենտրոնական լաբորատորիայից մենինգակոկային վարակի շտամի արտահոսքի մասին։ Լրագրողներն ու բլոգերները գրեցին, որ ամերիկացիները կանխամտածված են թույլ տվել վիրուսի տարածումը։ Այդկերպ նրանք իբր ցանկացել են ստուգել լաբորատորիայում մշակվող կենսաբանական զենքի արդյունավետությունը։

Ղազախստանի առողջապահության նախարարությունը հավատացնում էր, որ ոչ մի վարակ էլ չկա։ «Ղազախստանում մենինգիտի 58 դեպք կա, որոնցից 32-ը՝ Ալմա-Աթայում։ Եթե հաշվենք հարաբերական ցուցանիշները, ապա դրանք, ԱՀԿ չափանիշներով, ցածր են»,-հայտնում էին նախարարությունից։

Կորոնավիրուսի հետ կապված համանման իրավիճակ է։ Իշխանությունները հերքում են դավադրությունների տեսությունները և կոչ են անում խուճապ չտարածել։

Փակ աշխատանքային ռեժիմ

Խորհրդային տարիներին Հայկական ԽՍՀ-ի միկրոկենսաբանության ինստիտուտը միկրոկենսաբանության խոշորագույն կենտրոնն էր։ Իննսունականներին ինստիտուտի գիտական գործունեությամբ սկսեցին հետաքրքրվել ԱՄՆ-ն և Մեծ Բրիտանիան։ Հայ մասնագետներին հրավիրեցին արևմտյան երկրներ՝ փորձի փոխանակման։

Референс-лаборатория в Ереване
© Sputnik / Asatur Yesayants
Երևանում գործող կենսաբանական լաբորատորիա

2000-ականներին ամերիկացիները օգնեցին երկրում մի քանի կենսաբանական լաբորատորիաներ կառուցել։ Ինչպեսև Ղազախստանի դեպքում՝ ֆինանսավորում էր Պենտագոնը։ Հայաստանի հիվանդությունների վերահսկման և կանխարգելման կենտրոնի արդիականացման համար 10 միլիոն դոլար ծախսվեց։
Երևանում, Գյումրիում, Վանաձորում, Մարտունիում և Իջևանում կառուցված գիտական կենտրոնները ուսումնասիրում են Կովկասյան տարածաշրջանին հատուկ վիրուսներն ու շտամները։

Լաբորատորիաները Հայաստանի առողջապահական համակարգի մաս են կազմում, բայց ԱՄՆ պաշտպանության նախարարության Սպառնալիքի նվազեցման գործակալությունն ազատ ելումուտ ունի այնտեղ։ Բացի տեղական մասնագետներից, լաբորատորիայում նաև ամերիկացիներ են աշխատում։

Հայաստանի կենսաբանական լաբորատորիաների փակ լինելուն Մոսկվան կասկածանքով և քննադատաբար է մոտենում: Կասկածները ցրելու համար անցած տարի աշնանը վարչապետ Նիկոլ Փաշինյանը համաձայնեց ռուս մասնագետների հետ համագործակցության հուշագիր ստորագրել։

Սակայն մայիսի 1-ին ՀՀ ԱԳՆ-ն հայտարարեց, որ հանրապետության տարածքում գործող կենսաբանական լաբորատորիաները պատկանում են Հայաստանին և ՀՀ պետական մարմինները լիովին վերահսկում են դրանք։ Հուշագրի նախագիծը կողմերից որևէ մեկի համար լաբորատորիա մուտք գործելու իրավունք կամ դրանց միակողմանի վերահսկողություն չի նախատեսում։

Ավելի վաղ ՌԴ ԱԳՆ ներկայացուցիչ Մարիա Զախարովան՝ պատասխանելով ռուս մասնագետների՝ հայկական կենսալաբորատորիաներ մուտք գործելու մասին Sputnik Արմենիայի հարցին, ասել էր, որ Ռուսաստանը և Հայաստանը շարունակում են համատեղ աշխատանքը կենսաբանական անվտանգության հուշագրի նախագծի ուղղությամբ։

Վրացական պաթոգենը

Վրաստանը ՀԱՊԿ-ի կազմում չէ, բայց սահմանակից է Ռուսաստանին և առանցքային դեր ունի Կովկասում։ Մոսկվային մտահոգում է Ռիչարդ Լուգարի անվան Հանրային աողջապահության հետազոտական կենտրոնի աշխատանքը։ Ռուսաստանի իշխանությունները կարծում են, որ Թբիլիսիիի շրջակայքում գտնվող կենսաբանական լաբորատորիան գործում է ի շահ ամերիկացիների։

Սրանք անհիմ կասկածներ չեն։ 2018թ-ի սեպտեմբերին Վրաստանի պետական անվտանգության նախկին նախարար Իգոր Գիորգաձեն հայտարարել էր, որ հնարավոր է՝ լաբորատորիայում փորձարկումներ են կատարվել մարդկանց վրա, և փաստաթղթեր ներկայացրել, որոնց համաձայն՝ Լուգարայի անվան կենտրոնում բուժվող տասնյակ մարդիկ մահացել էին։ Ընդ որում՝ այնտեղ աշխատում են կենսաբաններ ամերիկյան երեք մասնավոր ընկերություններից՝ CH2M Hill, Battelle и Metabiota․ երեքն էլ Պենտագոնի պատվերներն են կատարում։

Գիորգաձեն ուշադրություն էր հրավիրել լաբորատորիայի մանրէաբանական պաշտպանության բարձր մակարդակի վրա։ Ավելին, կենտրոնը հագեցած է «վնասակար նյութերի փոշեցողման սարքավորումներով և կենսաբանական ակտիվ նյութ պարունակող զինամթերքով»։

«Եթե հաստատության նպատակը բնակչության պաշտպանությունն է, ապա դրա ինչի՞ն են պետք նման բաները»,-հետաքրքրվել էր նախկին նախարարը։

Նրա մտահոգությունը Մոսկվայում անարձագանք չթողեցին։ ՌԴ ԱԳՆ սպառազինությունների վերահսկողության հարցերով վարչության ղեկավար Վլադիմիր Երմակովը հայտարարեց, որ Ռուսաստանը չի հանդուրժի ամերիկյան կենսաբանական փորձարկումներն իր սահմանների մոտ:

Պենտագոնը Գիորգաձեի հայտարարությունները «աբսուրդ» որակեց։ Թբիլիսիում վստահեցնում էին, որ լաբորատորիան խաղաղ հետազոտություններով է զբաղվում և մարդկանց վրա փորձարկումների մասին խոսք լինել չի կարող։ Վրաստանի իշխանությունները դեմ չէին, որ ռուս մասնագետները այցելեն կենտրոն։ Բայց անցած տարի երկու երկրների հարաբերություններում սկսված ճգնաժամի պատճառով ծրագրերը ձախողվեցին։

Փաշինյանը խոսեց Հայաստանում կենսալաբորատորիաների գործունեության մասին

Գործակալության կողմից հարցված փորձագետները համակարծիք են,որ հետխորհրդային պետությունները, դրսից օգնություն ակնկալելով, կարող են կորցնել համաճարակաբանական իրավիճակի վերահսկողությունը: Իսկ դա հղի է լուրջ հետևանքներով։ Բացի այդ, համավարակի շրջանում լաբորատորիաներին սկսել են է՛լ ավելի զգուշությամբ վերաբերվել, ինչը վերջապես այդ կառույցների աշխատանքը ավելի բաց դարձնելու կարևոր առիթ է։

124
թեգերը:
Վրաստանի Հանրապետություն, Ռուսաստան, Վաշինգտոն, ԱՄՆ, Երևան, Հայաստան
Ըստ թեմայի
Ինչ գիտենք Հայաստան բերված ռուսական լաբորատորիայի մասին
Ռեֆերենս լաբորատորիաները չեն սպառնում Հայաստանի անվտանգությանը
Ռեֆերենս լաբորատորիաներն ապահովում են Հայաստանի անվտանգությունը
«Կասպերսկի լաբորատորիաներ». ԱՄՆ մեղադրանքները բացառապես քաղաքական ենթատեքստ ունեն
ԱԳՆ

ՀՀ քաղաքացիները հունիսի 1-ից կկարողանան Չինաստան մեկնել սովորական անձնագրով. ԱԳՆ

10
(Թարմացված է 12:39 30.05.2020)
Չինաստան ժամանելուց հետո Հայաստանի քաղաքացիները ստիպված կլինեն 14 օր մեկուսանալ սեփական միջոցների հաշվին։

ԵՐԵՎԱՆ, 30 մայիսի – Sputnik. Մայիսի 31-ին ավարտվում է «ՀՀ կառավարության և ՉԺՀ կառավարության միջև սովորական անձնագրեր կրող անձանց համար մուտքի արտոնագրի պահանջի փոխադարձության սկզբունքով վերացման մասին» համաձայնագրի ժամանակավոր կասեցման ժամկետը, և հունիսի 1-ից սովորական անձնագրեր կրող ՀՀ քաղաքացիները իրավունք կունենան առանց արտոնագրերի ձևակերպման մեկնել Չինաստան: Տեղեկությունը հայտնում է ՀՀ արտգործնախարարությունը։

Միևնույն ժամանակ ԱԳՆ-ն հորդորում է ՀՀ քաղաքացիներին Չինաստան այցելություն ծրագրել միայն խիստ անհետաձգելի դեպքերում:

«Այցելություն ծրագրելու պարագայում Չինաստան մեկնելուց առաջ ՀՀ քաղաքացիները պետք է լրացնեն համապատասխան հայտարարություն առողջական վիճակի վերաբերյալ, ինչպես նաև Չինաստան ժամանելուց հետո անցնեն պարտադիր 14-օրյա կարանտին հատկացված վայրում՝ սեփական միջոցների հաշվին»,– նշված է հաղորդագրության մեջ:

Հիշեցնենք, որ նոր տիպի կորոնավիրուսային համավարակով պայմանավորված` 2020թ. փետրվարի 1–ից մինչ մարտի 31–ը ժամանակավորապես կասեցվել էր «ՀՀ կառավարության և ՉԺՀ կառավարության միջև սովորական անձնագրեր կրող անձանց համար մուտքի արտոնագրի պահանջի փոխադարձության սկզբունքով վերացման մասին» համաձայնագրով սահմանված՝ ՀՀ մուտքի արտոնագրի պահանջի վերացումը Չինաստանի Ժողովրդական Հանրապետության սովորական անձնագրեր կրող անձանց համար։

Չինաստանից մեծ թվով բժշկական պարագաներ ու սարքավորումներ են բերվել

10
թեգերը:
ՀՀ Արտաքին գործերի նախարարություն. ԱԳՆ, Չինաստան, Հայաստան
Ըստ թեմայի
Ու՞մն է Արարատը. Չինաստանից ուղարկած օգնության վրա գրվածը Թուրքիայում աղմուկ է բարձրացել
Երբ կնահանջի COVID-19-ը. Չինաստանի առաջատար համաճարակաբանը խոսել է համավարակի մասին
«Չինաստանը վերահաստատել է, որ հայությունն ու Արարատը համարժեք բանաձևեր են». Մելքոնյան