Մոսկվա. արխիվային լուսանկար

Ռուսաստանում այլ երկրներում գրանցված ավտոմեքենաների տվյալների բազա կստեղծեն

43
(Թարմացված է 16:25 29.10.2019)
Ռուսաստանի ուժային և հսկիչ տեսչություններին հանձնարարվել է արտասահմանյան համարանիշներով մեքենաների վարորդներին պատժելու համակարգ մշակել։ Հսկողության տակ են հայտնելու նաև հայկական համարանիշներով ճանապարհատրանսպորտային կանոնները խախտող մեքենաները։

ԵՐԵՎԱՆ, 29 հոկտեմբերի — Sputnik. Ռուսաստանի փոխվարչապետ Մաքսիմ Ակիմովը հանձնարարել է ոստիկանությանը, Տրանսպորտային ծառայությանը ու Անվտանգության ծառայությանը մշակել մի համակարգ, որը թույլ կտա տուգանել ճանապարհատրանսպորտային կանոնները խախտող վարորդներին, որոնք արտասահմանյան համարանիշներով մեքենաներ են վարում։

Դա վերաբերում է նաև հայկական համարանիշներով մեքենաներին, որոնք մեծ տոկոս են կազմում, քանի որ ռուսաստանցիները հաճախ են Հայաստանից մեքենա տանում։ Երկրի ցանկացած բնակիչ կարող է համացնցով օտար մակնիշի մեքենայի ցանկացած մոդել պատվիրել, որից  հետո մեքենան Հայաստանից  իր քաղաք են տանում։ Երբեմն, գնորդն ինքն է Երևան գալիս` մեքենան ընտրելու համար։ Զննումից հետո նա ինքն է իր մեքենան վարելով քաղաք տանում կամ փոխանցում է  երրորդ անձանց, որ ճիշտ հասցեով տեղ հասցնեն։ Հայաստանում սա արդեն հարթված բիզնես է։

Քիչ մնաց. Հայաստան ներկրվող բոլոր մեքենաները կանցնեն Գյումրու «թրի տակով»

Ռուսաստանցիների շարքում հայկական համարանիշներով մեքենաների մեծ պահանջարկը պայմանավորված է մի քանի գործոնով։ Նախ` գները շատ ավելի էժան են։ Երկրորդը` շատ մինիվենները, այդ թվում` Alphard–ն ու դրա նմանները հազվադեպ են հանդիպում ռուսական ավտոշուկայում։ Եվ վերջապես հայկական համարանիշներով մեքենաները տրանսպորտային հարկի տակ չեն ընկնում։

Եվ մեկ կարևոր առանձնահատկություն. այժմ արտասահմանյան համարանիշներով մեքենաները նույնիսկ «նկարվելու» դեպքում չեն տուգանվում, քանի որ ճանապարհային ոստիկանությունը տուգանք վճարելու համար անհրաժեշտ տվյալներ չունի։

Միայն Մոսկվայում  նախորդ մեկուկես տարիների ընթացքում արտասահմանյան համարանիշներով մեքենաների մասնակցությամբ 2 միլիոն խախտում է արձանագրվել։ Ընդ որում` հաջողվել է միայն  30 հազար վճիռ կայացնել։ 98%–ի դեպքում ավտոմեքենաների մասին տվյալներ չեն եղել։

Նույն խնդիրներն ունեն Բելառուսի ու Ղազախստանի ճանապարհային ոստիկանությունները։

Տուգանքների մասին նախագիծը Ռուսաստանի մինչ հաջորդ տարվա փետրվարի 1–ը հաստատման է ներկայացվելու Ռուսաստանի կառավարությանը։

Լավ լուր ներկրողների համար. հունվարին հնարավոր կլինի մեքենա ներկրել գործող դրույքաչափով

ԶԼՄ–ների տեղեկության համաձայն` վերջին մեկուկես տարվա ընթացքում միայն Մոսկվայում հայկական համարանիշերով մեքենաներին 1750  տուգանք է գրվել։ Ընդհանուր վիճակագրություն Ռուսաստանի (ինչպես նաև Բելառուսի ու Ղազախստանի) վերաբերյալ  չկա։

43
թեգերը:
ավտոմեքենա, Ռուսաստան, Հայաստան
Ըստ թեմայի
Ինչ եղավ Գյումրու մաքսատունը. Անանյանի հաշիվները խառնել են շինարարները
Ինչ է փոխվելու ավտոներկրողների կյանքում հունվարից. մանրամասներ` ՊԵԿ նախագահից
Փաշինյանը կրկին Գյումրիում է. ինչպես են ընթանում ավտոմաքսատան շինաշխատանքները. տեսանյութ
«Գործ տալու» մասին օրենքն ընդունվեց. տեսախցիկի առկայությունն այլևս պարտադիր չէ