Մարիա Բուտինա

«Ամերիկյան բանտը դժոխք է». բացառիկ հարցազրույց Մարիա Բուտինայի հետ

208
(Թարմացված է 20:34 26.10.2019)
Մարիա Բուտինան, որը 18 ամիս անցկացրել է ամերիկյան բանտում, այսօր Ռուսաստան է վերադարձել։ Օդանավակայանում նրան դիմավորել են հայրն ու ՌԴ ԱԳՆ պաշտոնական ներկայացուցիչ Մարիա Զախարովան։

ՌԻԱ Նովոստիին ու Sputnik-ին տված հարցազրույցում Մարիա Բուտինան խոսել է իր ապրումների, ծրագրերի ու մորն ուղղված խնդրանքի մասին։

- Մարիա, մի քանի ժամ է, ինչ լքել եք ԱՄՆ-ն մեկուկես տարի ազատազրկումից հետո։ Արդեն գիտակցո՞ւմ եք, որ ամեն ինչ ավարտվել է։

– Այնպիսի տպավորություն է, ասես կյանքս երկու մասի է բաժանվել։ Ասես այն, ինչ եղել է, ինձ հետ չի պատահել։ Կարծում եմ՝ դա ինձ փրկեց, երբ ինձ կալանավորել էին։ Ինձ թվում է` այժմ ամեն ինչ միայն դրական ուղղությամբ է գնալու։ Ասես դրախտում լինեմ։ Ամեն ինչ այնքա՜ն լավ է։

– Ինչպե՞ս անցկացրեցիք այս օրը, որը Ձեզ համար վերջինն էր բանտում։

– Ամեն ինձ ստացվեց ծրագրածին հակառակ։ Ինձ թուղթ էին տվել, որի վրա գրված էր, որ ինձ առավոտյան ժամը ութին տանելու են։ Բնականաբար, ինձ ժամը ութին չտարան. տարան ժամը վեցին, մինչև նախաճաշը։

Բոլորին բաժիններում փակել էին։ Ինձ տարան մթության միջով։ Հինգ ամիս ընդհանուր ռեժիմով էի ապրել։ Տարան դրամարկղ, վերադարձրին գումարս կոպեկ առ կոպեկ, տասնմեկ ցենտ էլ ավել տվեցին. ամեն ինչ կատարյալ էր։ Կանխիկով։ Դոլարով։ Ծրարի մեջ դրեցին ու ասացին․ «Մարիա, դրեք Ձեր գրպանը»։ Ամեն ամսվա դիմաց ինձ հաջողվել էր 28 դոլար 80 ցենտ վաստակել։

Мария Бутина, освобожденная из тюрьмы в США, в международном аэропорту Шереметьево (26 октября 2019). Москвa
© Sputnik / Виталий Белоусов
Մարիա Բուտինան` օդանավակայանում

Բոլոր նրանց, ովքեր կարծում են, թե ամերիկյան բանտը դրախտ է, ասեմ, որ` ոչ։ Ամերիկյան բանտը դժոխք է։ Ու դա ստրկություն է, քանի որ դու չես կարող հրաժարվել աշխատելուց։ Եթե հրաժարվես` մեկուսարան կուղարկեն։

Հետո տարան, նորից վանդակում փակեցին։ Նախաճաշ խնդրեցի, փաթիլներ (хлопья) տվեցին։ Նույնիսկ նախաճաշ նախատեսված չէր։

– Իրերից ի՞նչ թողեցին վերցնեք։

Հետս մի քանի գիրք ու մի քիչ ընկուզեղեն վերցրի, քանի որ չգիտեի՝ կերակրելու են, թե ոչ։ Ու ճիշտ արեցի, քանի որ միայն ինքնաթիռում նորմալ կերակրեցին։

Երկրի մասին կարելի է դատել` ելնելով այն բանից, թե ինչպես են այնտեղ վերաբերվում դատապարտյալներին։ Ամերիկան իր դատապարտյալներին վատ է վերաբերվում։ Ի՞նչ խոսք կարող է լինել օտարների մասին։ Էլ ավելի վատ։

– Առաջին միտքը, երբ երկարատև ընդմիջումից հետո առաջին անգամ առանց թիկնապահների ու հսկողության հայտնվեցիք ինքնաթիռում։

– Փակեցի աչքերս ու շնորհակալություն հայտնեցի Աստծուն։ Պարզապես աղոթեցի։

– Ինչպե՞ս են տանը պատրաստվել Ձեր վերադարձին։

– Մայրս վաղուց է սկսել պատրաստվել հանդիպմանը։ Ճաշացանկի վերաբերյալ ամեն ինչ ճշտել է ինձանից։ Անկեղծ ասեմ. խոսում էի նրա հետ այդ թեմայով, բայց իրականում կարևոր չէ՝ ինչ եմ ուտելու կամ ինչ եմ հագնելու։

Мария Бутина, освобожденная из тюрьмы в США, в международном аэропорту Шереметьево (26 октября 2019). Москвa
© Sputnik / Виталий Белоусов
Մարիա Բուտինան` օդանավակայանում

Բայց կարծում եմ՝ միասին ծրագրեր կազմելը շատ կարևոր էր և՛ ինձ, և՛ նրա համար։ Մոր համար կարևոր է իմանալ, որ դուստրը վերադառնալու է։ Այնպես որ, այդ պատրաստությունները հոգեբանորեն կարևոր էին։ Ինձ համար էլ։ Գիտեի, որ այդ օրը կգա, բայց վախենում էի մտածել դրա մասին, քանի որ ինձ բազմիցս խաբել էին։

– Ձեր գալու կապակցությամբ հարազատներից ինչ-որ բան խնդրե՞լ էիք։

– Բանտում ամեն հինգշաբթի հավի օր էր։ Ու ամեն հինգշաբթի պայքարում էինք,  քանի որ հավի ոտքերը շատ փոքր են, իսկ մենք ուտել էինք ուզում։ Ու դա միակ իսկական միսն է, որ տալիս են այնտեղ։

Մորս ասացի․ «Մամ, երբ գամ, խնդրում եմ՝ հինգ հատ հավ առ ու ջեռոցում պատրաստիր։ Սխտորով, ինչպես հարկն է։ Հինգն էլ կուտեմ»։

Մեկ էլ բանաններ։ Բանանն Ամերիկայում քիչ է։ Միայն տոն օրերին էին տալիս։ Այնպես որ` հավ ու բանան։

– Ի՞նչ եք պատրաստվում անել Ռուսաստանում առաջին օրերի ընթացքում։

– Ինչ պատահի։ Դժվար է ծրագրեր կազմել. պետք է մտքերս ի մի բերեմ, քնեմ երևի։ Ադրենալինի ու միջավայրի փոփոխության պատճառով դեռ շատ լարված եմ։

Միայն ծնողներիս հետ եմ հանդիպելու։ Միակ միտքը հիմա ու կալանավորման ժամանակ՝ ինչպե՞ս են նրանք։ Որքան էլ ինձ համար սարսափելի լիներ, նրանց համար ավելի սարսափելի է եղել։ Նրանց համար շատ ավելի դժվար էր նորությունների վազող տողից իմանալ, որ իրենց դստերը կալանավորել են։ Ամենաշատը նրանց համար էին մտածում։

Եվ հետո` որքան էլ որ սարսափելի լինեին իմ պայմանները, երևակայությունը սահմաններ չունի։ Ամենասարսափելին այն էր՝ ինչ էին պատկերացնում ծնողներս, երբ ես կալանավորման մեջ էի։

Ուրախ եմ, որ տուն եմ վերադառնալու։ Մի քանի օր Մոսկվայում կմնամ ու Բառնաուլ կվերադառնամ։

– Այս 18 ամիսների ընթացքում ի՞նչն էր ամենադժվարը։

– Ծնողներից մեկուսացված լինելը։ Երբ չէին թողնում՝ զանգեմ նրանց։ Երբ շաբաթական մեկ անգամ կամ ավելի հաճախ լսում էի հարազատ ձայնը, դա ինձ համար մի ամբողջ շաբաթվա հոգևոր սնունդ էր։

Мария Бутина, освобожденная из тюрьмы в США, с отцом Валерием Бутиным в международном аэропорту Шереметьево (26 октября 2019). Москвa
© Sputnik / Виталий Белоусов
Մարիա Բուտինան ու հայրը` օդանավակայանում

– Բանտում ի՞նչ էիք աշխատում։

– Կամավոր էի։ Դասավանդում էի մաթեմատիկա։ Սովորեցնում էի այն մարդկանց, ովքեր ունեին դրա կարիքը։ Ամերիկայում մեր կենտրոնացված քննությունների նման քննություն կա։ Բանտում գտնվողների մեծ մասն ընդհանրապես կրթություն չունի։ Մեր փոքր ու միջին դասարանների աշակերտն ավելի շատ գիտի, քան այնտեղի 30-40–ն անց կանայք։ Նրանք անգամ բաժանում–բազմապատկում չգիտեն։ Բոլոր ուսանողներս հանձնեցին քննությունը։ Իրենցից շատ էի ուրախացել, քանի որ եթե հանձնում ես այդ քննությունը, քո ամեն տարուց յոթ օր հանում են։ Դա մեծ բան է։

Мария Бутина, освобожденная из тюрьмы в США, с отцом Валерием Бутиным в международном аэропорту Шереметьево (26 октября 2019). Москвa
© Sputnik / Виталий Белоусов
Մարիա Բուտինան ու հայրը` օդանավակայանում

–Ինչի՞ համար են կրճատել Ձեր ժամկետը։

– Կրթության ու լավ վարքի համար կրճատեցին։ Ընդհանրապես ոչ մի իրավախախտում չունեի։ Ավելի շատ սպորտով էի զբաղվում, աշխատանքի էի գնում։

Աման լվանալու սենյակում էի աշխատում, կերակրամատուցման գծի վրա։ Բեռնաթափում էինք սառեցրած հավի բեռնատարները։

Мария Бутина, освобожденная из тюрьмы в США, с отцом Валерием Бутиным в международном аэропорту Шереметьево (26 октября 2019). Москвa
© Sputnik / Виталий Белоусов
Մարիա Բուտինան ու հայրը` օդանավակայանում

– Ինչպե՞ս էիք փրկվում մենությունից։

– Գրաֆիկ էի կազմում։ Չխենթանալու համար շատ հագեցած ծրագիր պետք է ունենաս, ամեն ժամդ պետք է զբաղված լինի։ Հենց թուլանում ես ու սկսում մտածել, խճճվում ես. բա որ հանկարծ, ինչ կլինի, եթե...

Հոգևոր բնույթի շատ գրականություն ունեի։ Նաև ինքս ինձ առաջադրանք էի տվել․ ուսումնասիրում էի սրբանկարչությունը, հայտնի սրբանկարների, ներկերի տեսակների մասին գիրք ունեի։ Շատ եմ սիրում արվեստը։ Երեկոյան դասական գրականություն էի կարդում։

Վերընթերցեցի ռուսական դասական գրականություն՝ Չեխով, Լերմոնտով, Դոսվոևսկի։ Դասականներին բոլորովին այլ կերպ ընկալեցի։

Եվ սպորտ։ Օրական 90 րոպե։ Ինձ համար ծրագիր էի մշակել. շաբաթական երեք անգամ վազում էի, ամեն օր` մարզվում։ Դա իսկապես փրկություն էր։

Мария Бутина, освобожденная из тюрьмы в США, в международном аэропорту Шереметьево (26 октября 2019). Москвa
© Sputnik / Виталий Белоусов
Մարիա Բուտինան` օդանավակայանում

– Վիրավորվա՞ծ եք Ամերիայից, ամերիկացիներից։

– Ոչ։ Կարծում եմ՝ ամերիկացիներն այսօր ավելի շատ խղճահարության են արժանի, քանի որ նրանք կորցնում են իրենց երկիրը։ Նրանց մոտ արդարադատության համակարգ գոյություն չունի։

Նրանց մոտ բարգավաճում է ռասիզմը։ Այլ ազգության լինեի, ոչ ոք չէր էլ նայի իմ ուղղությամբ։ Բայց ես ռուս եմ։

208
թեգերը:
Sputnik, հարցազրույց, ռուս, Ռուսաստան, ԱՄՆ, կալանավոր, կալանավորել, կալանք, Մարիա Բուտինա
Ըստ թեմայի
Կինոդերասանի արտաքինով լրտեսը. թե ինչպես ստեղծվեց ԽՍՀՄ ատոմային ռումբը
«Լրտեսական խաղեր» Հայաստանում. Իրանն ու ԱՄՆ–ն պայքարում են չեզոք տարածքում
Թուրքիայից Հայաստան ներխուժած ամերիկյան օդային լրտեսը. Արագածի փեշերին ընկածի հետքերով
Ընդունելի չէ, երբ մեր տարածքը լրտեսության նպատակով օգտագործում են 3-րդ երկրները. Ոսկանյան
Հանրային խորհրդի նիստ, արխիվային լուսանկար

ՌԴ նոր Հանրային պալատը կշարունակի համագործակցել ՀՀ Հանրային խորհրդի հետ

53
(Թարմացված է 19:07 10.08.2020)
ՀՀ Հանրային խորհուրդը ռուսական կողմին առաջարկել է մինչ կորոնավիրուսի համավարակի ավարտը փոխգործակցության հիմնական ուղղությունների շրջանակում կազմակերպել առցանց կոնֆերանս: Կոնֆերանսի թեմաները կհստակեցվեն առաջիկայում:

ԵՐԵՎԱՆ, 10 օգոստոսի - Sputnik. ՌԴ Հանրային պալատը հույս է հայտնել, որ նոր՝ 7-րդ կազմով, ևս կշարունակի համագործակցել ՀՀ Հանրային խորհրդի հետ:

ՌԴ Հանրային պալատի գլխավոր քարտուղարը՝ միջազգային հարաբերությունների գծով տեղակալ Ա. Շկոլնիկը ՀՀ Հանրային խորհրդի նախագահ Ստյոպա Սաֆարյանին ուղղված նամակով տեղեկացրել է, որ ՀՊ 7-րդ կազմն արդեն ձևավորված է: Գլխավոր քարտուղար է ընտրվել Լ. Միխեևան:

Շկոլնիկը ՌԴ Հանրային պալատի նոր կազմի անունից, վստահություն է հայտնել, որ ՀՀ Հանրային խորհրդի հետ համագործակցությունը կշարունակի մնալ միջազգային հարաբերությունների կարևորագույն ուղղություններից մեկը:

«Հանրային պալատի անդամները պատրաստակամ են ներգրավվել երկկողմ և բազմակողմ համաժողովներում, ֆորումներում և գործունեության հիմնական ուղղություններին առնչվող այլ միջոցառումներում»,- նշված է նամակում:

ՀՀ ՄԻՊ Արման Թաթոյանը դատապարտել է Ստյոպա Սաֆարյանի արարքը

ՀԽ նախագահը պատասխան նամակով շնորհավորել է ՀՊ նոր կազմին՝ նշանակումների և ընտրությունների կապակցությամբ և շնորհակալական խոսք ուղղել նախկին գործընկերներին՝ արդյունավետ համագործակցության համար:

Ափսոսանք հայտնելով հետաձգված փոխայցերի համար, որոնք այս պահին անհնար են դարձել կորոնավիրուսային համավարակի պատճառով՝  Սաֆարյանը հույս է հայտնել, որ դրանք հնարավոր կդառնան համավարակային իրավիճակի մեղմացումից անմիջապես հետո: Մինչ այդ, ռուսական կողմին առաջարկվել է փոխգործակցության հիմնական ուղղությունների շրջանակում կազմակերպել առցանց կոնֆերանս: Առաջիկայում կհստակեցվեն այն թեմաները, որոնց շուրջ այս ձևաչափով հնարավոր քննարկումները կարող են արդյունավետ լինել:

53
թեգերը:
կորոնավիրուս, Ռուսաստան, Հայաստան, նամակ, Ստյոպա Սաֆարյան, Հանրային խորհուրդ
Ըստ թեմայի
Հանրային խորհուրդն անիմաստ կառույց է. Ալեն Սիմոնյան
Ալավերդյան. «Ստյոպա Սաֆարյանի համար Վազգեն Մանուկյանի անձը մարտահրավեր է»
Պիպոյան. «Հանրային խորհուրդը հարկավոր է որպես ինստիտուտ՝ անկախ անձերից»
Ստյոպա Սաֆարյան. «Նիսյա» լավ երկրի հեռանկարը հեշտ չէ համոզել մարդկանց
Օլգա Բուզովա

Դավան և Բուզովան նշում են իրենց հանդիպման հոբելյանը․ ի՞նչ նվեր է մատուցել բլոգերը սիրելիին

269
(Թարմացված է 20:55 09.08.2020)
Պարզվում է՝ Դավիթից առաջ, Օլգային նույն անակնկալը մատուցել է նաև նրա նախկին ամուսինը՝ Դմիտրի Տարասովը։

ԵՐԵՎԱՆ, 9 օգոստոսի - Sputnik. Ռուսական շոու-բիզնեսի ամենագեղեցիկ զույգերից մեկը՝ երգչուհի Օլգա Բուզովան և նրա ընտրյալը՝ բլոգեր, պարող Դավան (Դավիթ Մանուկյանը) իրենց հարաբերությունների մեկամյակը նշել են Սոչիում։ Երգչուհին Instagram-ում լուսանկար է հրապարակել իրենց հանգստից։

«Երեկ Սոչիի լավագույն բաղնիքներից մեկում էինք։ Մաքուր օդ, լեռներ, կանաչ թեյ և մերսում»,- հիացած գրել է երգչուհին։

Скрин поста Ольги Бузовой
Դավան և Բուզովան նշում են իրենց հանդիպման հոբելյանը

7days.ru կայքը գրում է, որ բաղնիքից հետո զույգը ռեստորան է գնացել, որտեղից էլ Բուզովան վայելել է Դավայի գլխավոր անակնկալը՝ մեծ հրավառությունը։

Սակայն, պարզվում է, Դավիթից առաջ, Օլգային նույն անակնկալը մատուցել է նաև նրա նախկին ամուսինը՝ Դմիտրի Տարասովը։ Օլգայի 30-ամյակին նա մեծ հրավառություն էր պատվիրել, որին երգչուհին հետևել է իր ընկերուհիների հետ Մոսկվա գետի վրա գտնվող ռեստորաններից մեկից։

Հայերենը, մեքենաները, աղջիկները. ի՞նչ են քննարկել բլոգեր Ադամյանն ու Բուզովայի հայ ընկերը

Համացանցում քննարկում են՝ արդյո՞ք Դավան տեղյակ չէր Տարասովի արած անակնկալից, թե՞ հատուկ է որոշել «կրկնել» նրան։

Օլգա Բուզովան և Դավան միասին են ապրում։ Դավան տատու է արել սիրելիի անունը մարմնի վրա, ծանոթացրել նրան իր ծնողների հետ, Օլգան էլ ամեն կերպ օգնում է ընկերոջը կայանալ շոու-բիզնեսում։

269
թեգերը:
հրավառություն, Սոչի, նվեր, Բլոգեր, երգչուհի, Օլգա Բուզովա, Դավիթ (Դավա) Մանուկյան
Ըստ թեմայի
Բուզովայի փեսացուն ամեն ինչի պատրաստ է․ Մանուկյանը դեմ չէ «մեծական» ֆիլմում նկարահանվելուն
Բուզովայի` բանկ ներխուժած «երկրպագուն» երկու ամսով կալանավորվել է. լուսանկար
Ալֆո՞նս, թե՞ երկար սպասված արքայազն․ ինչո՞վ է հայտնի Բուզովայի հայ փեսացուն
Հայերենը, մեքենաները, աղջիկները. ի՞նչ են քննարկել բլոգեր Ադամյանն ու Բուզովայի հայ ընկերը
Երևան

Զգույշ եղեք` ուլտրամանուշակագույն ճառագայթումը նորմայից բարձր է. եղանակի տեսություն

0
(Թարմացված է 17:04 10.08.2020)
Օդերևութաբանների կանխատեսումներով` հանրապետության որոշ շրջաններում առաջիկա օրերին ամպրոպի ժամանակ կնկատվի քամու ուժգնացում։

ԵՐԵՎԱՆ, 11 օգոստոսի — Sputnik. ՀՀ ԱԻՆ-ը զգուշացնում է, որ այսօր ուլտրամանուշակագույն ճառագայթման ինտենսիվությունը սպասվում է նորմայից բարձր: Խորհուրդ է տրվում ժամը 11:00-ից 17:00-ն ընկած ժամանակահատվածում խուսափել արևի ուղիղ ճառագայթներից:

Իրաքի հայերը մոտ 98 հազար դոլար են փոխանցել «Զինծառայողների ապահովագրություն» հիմնադրամին

«Հիդրոմետի» տվյալներով էլ հանրապետության տարածքում օգոստոսի 11-15-ի առանձին շրջաններում կեսօրից հետո սպասվում է կարճատև անձրև և ամպրոպ, ամպրոպի ժամանակ քամու ուժգնացում՝ 20-25 մ/վ արագությամբ: Առանձին վայրերում սպասվում է նաև կարկուտ:

Եղանակի կանխատեսում
Եղանակի կանխատեսում

Օդի ջերմաստիճանը օգոստոսի 11-12-ն աստիճանաբար կնվազի 3-5 աստիճանով:

Երևան քաղաքում օգոստոսի 11-15-ը սպասվում է առանց տեղումների եղանակ:

Գիշերային ժամերին լռության խախտման, հրավառության դեպքերի հսկողությունը կուժեղացվի

Մայրաքաղաքում օգոստոսի 11–ի գիշերը կգրանցվի 19-21 աստիճան տաքություն, իսկ ցերեկային ժամերին կլինի + 31...+33 աստիճան։

0
թեգերը:
շոգ, արև, Անձրև, Երևան, եղանակ, Հայաստան
թեմա:
Եղանակը Հայաստանում