Խաչատուրյան քույրերի դատավարությունը. արխիվային լուսանկար

Միխայիլ Խաչատուրյանի հարազատները մտադիր են վիճարկել նրա կրտսեր դստեր անմեղսունակությունը

154
(Թարմացված է 19:10 18.10.2019)
Դուստրերի ձեռքով սպանված Միխայիլ Խաչատուրյանի ազգականներն ուզում են, որ դատարանն առավելագույն պատիժ սահմանի բոլոր երեք քույրերի համար, և չեն հավատում, որ կրտսեր դուստրը անմեղսունակ է։

ԵՐԵՎԱՆ, 18 հոկտեմբերի - Sputnik. Միխայիլ Խաչատուրյանի ազգականները պատրաստվում են վիճարկել նրա կրտսեր դստեր` Մարիայի անմեղսունակության մասին եզրակացությունը։ Այդ մասին 360 հեռուստաալիքին պատմել է նրանց փաստաբան Գեորգի Չուգուաշվիլին։

Նա նշել է, որ իրենց կողմը կպնդի, որ ևս մեկ անգամ անցկացվի հոգեբանական–սեռահոգեբուժական փորձաքննություն և կպաշտպանի այն դիրքորոշումը, որ աղջիկն ամեն ինչ գիտակցել է հանցագործության պահին։ Եթե դա նրանց հաջողվի` Մարիային սպառնում է մինչև 10 տարի ազատազրկում։

Ավելի վաղ փորձաքննությունը խոստովանել է, որ կրտսեր քույրը հոր սպանության պահին անմեղսունակ է եղել և չի գիտակցել, թե ինչ է անում։ Այդ պատճառով դատարանը չի կարող նրա համար պատիժ սահմանել, միայն կարող է հարկադիր բուժման ուղարկել։

Հիշեցնենք` Միխայիլ Խաչատուրյանի աղմկահարույց սպանությունը տեղի էր ունեցել Մոսկվայում 2018 թվականի հուլիսի 27-ին։ 57-ամյա տղամարդու դիակը` վզի և կրծքավանդակի բազմաթիվ կտրած–ծակած վերքերով, հայտնաբերվել էր Մոսկվայի Լոբաչևսկի մայրուղում գտնվող տան շքամուտքում։ Երեք դուստրերը, որոնք մեղադրվում են հոր սպանության մեջ, խոստովանել են, որ իրենք են սպանել հորը։ Քննության ընթացքում պարզվել է, որ Խաչատուրյանը տարիներ շարունակ բարոյական և ֆիզիկական բռնության է ենթարկել դուստրերին։

Նշենք, որ քննության վարկածի համաձայն` կրտսեր դուստրը` 11–րդ դասարանի աշակերտուհին, հոր պարանոցին ու մարմնին դանակի 35 հարված է հասցրել։ Մյուս երկուսը գլխին են հարվածել։ Դրանից հետո քույրերից մեկը փոքրի ձեռքից խլել է դանակն ու հարվածել հոր սրտին։

Սպանությունից հետո կրտսեր քույրն անձամբ է ոստիկանություն զանգել։

Խաչատուրյան քույրերի եղբայրն ամեն ինչից տեղյակ է եղել ու լռել է. նոր մանրամասներ

Հիշեցնենք` Մոսկվայի Սանահինյան դատարանը 2018թ–ի օգոստոսի 2-ին կալանավորել էր երեք քույրերին։ Սեպտեմբերի 27-ին Մոսկվայի Բասմանյան դատարանը հավանություն էր տվել Խաչատուրյան քույրերի կալանքը «որոշակի գործողությունների արգելքով» փոխարինելու միջնորդությանը։ Նրանք տեղավորվել էին առանձին բնակարաններում։

154
թեգերը:
աղջիկ, հայր, փաստաբան, բողոք, Դատարան, Խաչատուրյան քույրեր
Ըստ թեմայի
Խաչատուրյան քույրերի գործը. փաստաբանը հրապարակել է նրանց հոր սկանդալային նամակագրությունը
Խաչատուրյան քույրերի աղմկահարույց գործի վերաբերյալ ֆիլմ–հետաքննությունն է նկարահանվել
Նա գազան էր, ոչ թե մարդ. Խաչատուրյան քույրերի մայրը չի զղջում ամուսնու մահվան համար
«Այս կողմ շրջվիր, ուռո՛դ». ինչպես է Խաչատուրյանը «դաստիարակում» դուստրերին. տեսանյութ