Ալեքսեյ Լեոնով

Մահացել է լեգենդար տիեզերագնաց Ալեքսեյ Լեոնովը

102
(Թարմացված է 16:05 11.10.2019)
Ալեքսեյ Լեոնովը երկարատև հիվանդությունից հետո մահացել է հոկտեմբերի 10–ին Մոսկվայի № 68 կլինիկական հիվանդանոցում։

ԵՐԵՎԱՆ, 11 հոկտեմբերի — Sputnik. Կյանքի 86–րդ տարում մահացել է խորհրդային տիեզերագնաց Ալեքսեյ Լեոնովը։ Այս մասին հայտնում է ՌԻԱ Նովոստին` հղում անելով Տիեզերագնացների նախապատրաստման կենտրոնի մամուլի ծառայությանը։

«Այո, ցավոք, նա մահացել է», – ասել է կենտրոնի ներկայացուցիչը։

Լեոնովը մահկանացուն կնքել է Մոսկվայի № 68 կլինիկական հիվանդանոցում երկարատև հիվանդությունից հետո։

Նրա հուղարկավորությունը տեղի կունենա հոկտեմբերի 15–ին։

1965թ–ի մարտին Լեոնովը դարձավ աշխարհում առաջին մարդը, որ դուրս եկավ բաց տիեզերք։ Դա տևեց 12 րոպե, իսկ վերադառնալիս Լեոնովը հայտնվեց արտակարգ իրավիճակում. նրա սկաֆանդրն ուռեց, Լեոնովը ստիպված եղավ թուլացնել ճնշումը և, հակառակվելով հրահանգներին, լյուկի մեջ մտավ ոչ թե ոտքերով, այլ գլխով։

Ինչպես են պայթում աստղերը. հայ աստղագետն ուսումնասիրում է «բուռն տիեզերական ծերությունը»

1960–ականների վերջին Լեոնովը պատրաստվում էր թռչել Լուսին։ Եթե ԽՍՀՄ–ը հաղթեր «լուսնային մրցավազքում», նա կլիներ Լուսին հասած առաջին մարդը (1968 թ. դեկտեմբերին ամերիկացիներին հաջողվում է առաջինը հասնել Լուսին):

1975թ–ին Լեոնովը մասնակցել է «Սոյուզ–Ապոլլոն» ծրագրի հայտնի թռիչքին և պատմության մեջ առաջին անգամ ԽՍՀՄ–ի ու ԱՄՆ–ի տիեզերանավերի համակցմանը։

Վիկտոր Համբարձումյան. Տիեզերքների արարիչը

102
թեգերը:
Ալեքսեյ Լեոնով, տիեզերագնաց, Մահ, Ռուսաստան
Ըստ թեմայի
Տիեզերագնացները հայկական դրոշը ծածանեցին Միջազգային տիեզերակայանում
Մարգարյանի գալակտիկաները, կամ ինչպես էին հայերը յուրացնում տիեզերքը
Տիեզերականը, որ խոսեց Աստծո հետ սրտանց, իսկ Աստված պատասխանեց նրան
Վլադիմիր Պուտին

«Պուտինը՝ ԱՄՆ նախագահ»․ Արևմուտքը քննարկում է Ռուսաստանի նախագահի հարցազրույցը

175
(Թարմացված է 18:08 16.06.2021)
Արդեն երկրորդ օրն է, ինչ միլիոնավոր մարդիկ ամբողջ աշխարհում վիճում են հարցազրույցի մասին, որը Ռուսաստանի նախագահը տվել է ամերիկյան NBC հեռուստաընկերությանը:

Պուտինի ձևակերպումները բառացիորեն պայթեցրել են համացանցը։ Եվ բանն այն չէ, որ Ռուսաստանի առաջնորդը ժամանակակից իրավիճակի վերաբերյալ ինչ-որ նոր, հեղափոխական մոտեցումներ է առաջարկել։ Ոչ, Ռուսաստանի նախագահը պարզապես ասել է NBC-ի լրագրող Քիր Սիմոնսին ճշմարտությունը։

Դա ներկայումս բացարձակապես բացառիկ մեսիջ է։ Անգլոսաքսոնական լրատվամիջոցներն պատում են իրենց լսարանին ստի, թերի տեղեկությունների, կեղծ լուրերի այնպիսի բարդ խառնուրդով, որ պարզ փաստերը, որոնք ներկայացրել է Ռուսաստանի նախագահը, արդեն որպես հայտնություն են ընկալվում։ Դրանք ապշեցուցիչ տպավորություն են թողել լսարանի վրա։

Խոսքն իհարկե պաշտոնական լրատվամիջոցների մասին չէ։ Դրանք շարունակում են պարտադրել իրենց օրակարգը՝ մեղադրելով Ռուսաստանին և դրա առաջնորդին բոլոր մահացու մեղքերի մեջ։

Հետաքրքիր է, որ Ժնևի գագաթնաժողովից առաջ նախագահ Բայդենը ևս մի շարք հայտարարություններ է արել։ Բայց դա միանգամայն սովորական բանաձևեր են՝ «մարդու իրավունքներ», «ժողովրդավարություն», «կոշտություն ցուցաբերենք»... Դա ոչ ոքի չի հետաքրքրում, ոչ ոք դա չի քննարկում։ Իսկ ահա Պուտինի խոսքերն իսկապես հասել են ամենատարբեր մարդկանց՝ կոտրելով պարտադրված կաղապարները։

«Ես նրան (Պուտինին) ավելի շատ եմ հավատում, քան մեր ողջ խեղկատակ վարչակազմին»,- բրիտանական Daily Mail տաբլոիդի կայքում խոստովանել է ամերիկացի ընթերցողը Նևադայից: «Բա ինչո՞ւ Ռուսաստան չես գնում»- հակադարձում է մյուսը։ «Պարզապես անհավանական է՝ քանի մարդ է այստեղ աջակցում Պուտինին»,- գրում է մեկնաբանը: «Եթե նա քեզ դուր չի գալիս, դա չի նշանակում, որ նա իրավացի չէ»,- վիճում է մյուսը։ «Նա թույլ չէր տա այն խառնաշփոթը, ինչ կատարվում է այսօր Ամերիկայում»,- եզրափակում է երրորդը։

Բայդենը գլխով չի արել ի պատասխան այն հարցին, թե հավատո՞ւմ է արդյոք Պուտինին․ Սպիտակ տուն

Շատ լավ երևում է, որ Պուտինը կարողացել է, ինչպես ինքն է ասել՝ «իշխող շրջանակների» գլխի վրայով ուղիղ դիմել լայն զանգվածներին։

Իհարկե, շատերը չցանկացան դուրս գալ ապատեղեկատվական մատրիցայից, որտեղ նրանց նստեցրել են «լիբերալ» լրատվամիջոցները։ Ի վերջո, աշխարհի պատկերը, որը CNN-ի ու Facebook-ի օգտատերերին պարտադրում են, պարզ ու ոչ հակասական է: Սնունդը և բենզինը թանկանում են, պարտքերը ավելի ու ավելի շատ են աճում, հիփոթեքի ժամկետն անցնում է, աշխատանք չկա։ Ո՞վ է դրանում մեղավոր։ Դե, իհարկե, ռուսները։ Այս սարսափազդու պատմությունը թույլ է տալիս արտասահմանյան առցանց-մարտիկներին տարիներ շարունակ պառկել բազմոցին ու ոչինչ չանել: Իսկ եթե ընդունես, որ այս ամենի մեղավորը կոնկրետ քո կառավարությունն է, պետք է վեր կենաս բազմոցից, դուրս գաս փողոց, ինչ-որ բան ձեռնարկես... Ոչ, դա շատ բարդ է։

Այդ պատճառով ոմանք նախընտրում են նստել ու վախենալ. «Այդ հարցազրույցը շատ սարսափելի է»,- մեկնաբանել է YouTube-ի օգտատերը NBC-ի սյուժեն: «Նա (Պուտինը) վախեցնում է»,- ասում է մյուսը։ «Ինձ էլ»,- գրում է երրորդը։

«Լուսավորյալ» եվրոպացիները և նրանց հոգևոր ժառանգ ամերիկացիները կրկին ընկղմվել են զուտ միջնադարյան դիվական մոլուցքի մեջ։ Իրենց համար սարսափելի կերպար են հորինել, բարդել են նրա ուսերին աշխարհի բոլոր չարիքներն ու սեփական վախից հաճույք են ստանում։

Ռուսաստանի և ԱՄՆ-ի հարաբերությունները հասել են ամենացածր կետին․ Պուտին

Սակայն մեկնաբանների ճնշող մեծամասնությունը Պուտինի խոսքերում իրական ելք են տեսել այն փակուղուց, որի մեջ նրանց մտցրել է գլոբալ իսթեբլիշմենթը։ Հատկապես ուրախացել են Թրամփի կողմնակիցները։

Մեջբերումն այն մասին, որ «ԱՄՆ նախկին նախագահ պարոն Թրամփը ոչ սովորական, տաղանդավոր մարդ է», տարածվել է բոլոր սոցցանցերում ու ԶԼՄ-ներում։ Դա այն մարդկանց սրտից էր, որոնք պաշտպանում են առողջ ազգայնականությունն ու այլ պետությունների գործերին չմիջամտելու ցանկությունը։

Հարցն անձամբ Թրամփը չէ։ Սովորական ամերիկացիները շատ լավ հասկանում են, որ նախկին նախագահի վարած մեկուսացման քաղաքականությունը ձեռնտու էր նրանց։ Այն  նպաստում էր և՛ ԱՄՆ-ի, և՛ միաժամանակ ամբողջ աշխարհի խաղաղության ամրապնդմանը։ Մինչդեռ տեղեկատվական, տնտեսական ու մշակութային պատերազմները, որ Դեմոկրատական կուսակցությունը հրահրում է ամբողջ աշխարհում, ձգտում է քարուքանդ անել և՛ ԱՄՆ-ն, և՛ աշխարհի բոլոր առաջատար տերությունները։

«Պուտինն ազգայնական է։ Նա չի սիրում համաշխարհային կառավարությանը ճիշտ այնպես, ինչպես ես ու դուք: Պուտինն ու Թրամփը դրանում համամիտ են»,- իրավիճակը պարզ նկարագրում է ամերիկյան Breitbart կայքի ընթերցողը:

ԱՄՆ–ից Հայաստան տրանսֆերտներն աճում են. նաև ՌԴ–ից է ակտիվություն ակնկալվում

«Սպիտակ  «լիբերալ» հակաամերիկացիները պարզապես ցավոտ ատելություն են տածում Ռուսաստանի նկատմամբ», - գրում է ամերիկյան Daily Mail-ի մեկնաբանը։ - Նշենք, որ վերջին հինգ-վեց տարիներին նրանք անդադար մեղադրում են Ռուսաստանին այն ամենի համար, ինչը նրանց դուր չի գալիս։ Նրանք անփառունակ ձևով պարտվում են ընտրությունները, ուրեմն Ռուսաստանն է մեղավոր, և դա ընդամենը ամենախայտառակ և ծիծաղելի օրինակն է»։

Պուտինի հարցազրույցի քննարկման ընթացքում հանդիսատեսը հիշել է բայդենյան տխրահռչակ կիքսը «մարդասպանի» մասին ու բացահայտորեն ծաղրել նրան։

«Ի՞նչ հիմարություն է»,-  գրում է ոգևորված մեկնաբանը Realclearpolitics-ում,- «ինչ-որ չեմ հիշում, որ NBC-ը հարցնի Քլինթոններին շատ, շատ խորհրդավոր սպանությունների մասին, որոնք նրանց վերագրում են»։

Ինչի՞ մասին է վկայում Ռուսաստանի նախագահի հարցազրույցներին միջազգային հանրության կրքոտ, շահագրգիռ, գերհուզական արձագանքը։ Պարզապես այն մասին, որ Ռուսաստանն այսօր վերադարձել է գլոբալ գերտերությունների շարքը։ Դրա առաջնորդի կարծիքը բոլոր հարցերի վերաբերյալ վերլուծվում է, աշխուժորեն դիտարկվում ու քննարկվում է։ Դա բոլորին հետաքրքիր է, դա բոլորին հուզում է։

Պուտինի և Բայդենի հանդիպումն արդեն դարձել է ժամանակակից քաղաքականության գլխավոր իրադարձությունը։ Դեռ գագաթնաժողովի մեկնարկից առաջ դրա մասին մտածում և խոսում էին հարյուր միլիոնավոր մարդիկ ամբողջ աշխարհում։

Չենք մեջբերի այն ամբողջ քննադատությունը, որն առատորեն իրենց նախագահի հանդեպ հնչեցնում են ԱՄՆ-ի քաղաքացիները սոցցանցերում ու աշխարհի առաջատար ԶԼՄ-ների մեկնաբանություններում։ Այնտեղ շատ են և՛ անձնական վիրավորանքները, և՛ Բայդենի դիվանագիտական տաղանդների վերաբերյալ ոչ այնքան պարկեշտ արտահայտություննեը։

Պարզապես կմեջբերենք ամերիկյան Սենթ Լուիսի բնակիչ օգտատիրոջը. «Կուզենայի Պուտինը նախագահ լիներ՝ Բայդենի և Հարիսի փոխարեն՝ ցանկացած պահի»։

175
թեգերը:
հարցազրույց, Ջո Բայդեն, Վլադիմիր Պուտին
Ըստ թեմայի
ՌԴ–ն վերջին զգուշացումն է անում. փորձագետները` Պուտինի «ուկրաինական» հարցազրույցի մասին
Պուտինն ու Բայդենը հատուկ ուշադրություն կդարձնեն Ղարաբաղի իրավիճակին․ Ուշակով
Պուտինը մինչև սեպտեմբերի 30-ը երկարաձգել է միգրանտների ժամանակավոր կեցության ժամկետը
Գյումրու 102–րդ ռազմաբազա

Պետք է ռուսական ներկայությունը սարքենք ժամանակակից. Քոչարյանը` 102-րդ ռազմաբազայի մասին

78
(Թարմացված է 14:38 16.06.2021)
Ռոբերտ Քոչարյանը կարծում է, որ մեր զինված ուժերի զարգացմանը զուգահեռ, պետք է նաև ռուսական ներկայությունը հզորացնենք։

ԵՐԵՎԱՆ, 16 հունիսի - Sputnik. Հայաստանը Ռուսաստանի հետ պետք է շատ լուրջ գործընթաց սկսի ՌԴ ռազմական ներկայությունն այստեղ ուժեղացնելու համար։ Քարոզարշավի շրջանակներում Մարալիկում տեղի բնակիչների հետ հանդիպման ժամանակ նման կարծիք հայտնեց ՀՀ երկրորդ նախագահ, «Հայաստան» դաշինքի առաջնորդ, ՀՀ վարչապետի թեկնածու Ռոբերտ Քոչարյանը։

Նշենք, որ հանդիպման մասնակիցներից մեկը հետարքրվեց, թե արդյո՞ք Գյումրիում գտնվող ռուսական 102-րդ ռազմաբազան կընդլայնվի, քանի որ մինչ այդ խոսում էին, որ պետք է շինարարություն գնա, որտեղ նաև տեղի բնակիչները կներառվեին։

«Ռուսական ռազմաբազային չպետք է նայել շինարարության ընդլայնման տեսանկյունից, դա զուտ կողմնակի էֆեկտն է։ Առհասարակ, երկրի անվտանգությունը լրջագույն խնդիրներ ունի. մեր զինված ուժերի վերականգնման հարցերով զբաղվելուց բացի, պետք է փորձենք ռուսական ներկայությունը սարքել ժամանակակից»,–ասաց Քոչարյանը։

Նրա խոսքով` դա հնարավոր է և պետք է անել` հաշվի առնելով, թե ինչպիսի զարգացումներ են տեղի ունենում։ Մասնավորապես, ակնհայտ է Թուրքիայի դերակատարության հարցը, որը բավական ինքնավստահ է գործում տարածաշրջանում։

Քոչարյանը վստահեցնում է` երբ նայում ես քարտեզին, հասկանում ես, որ միակ զսպող գործոնը կարող է Ռուսաստանը դառնալ։

Սակայն, ըստ նրա, դրան զուգահեռ, պետք է մեր կշիռը մեծացնենք, որ մեզ հետ հաշվի նստեն, այսինքն` որպեսզի ոչ թե կողքից ինչ–որ բան ասող լինենք, այլ մեր խոսքն էլ ծանրակշիռ լինի։

Հիշեցնենք` հունիսի 20–ին Հայաստանում անցկացվելու են արտահերթ խորհրդարանական ընտրություններ, որոնց մասնակցելու հայտ է ներկայացրել 21 կուսակցություն և 4 դաշինք։ 

Հունիսի 7–ից մեկնարկել է նախընտրական քարոզարշավը, որը կավարտվի ընտրություններից մեկ օր առաջ` հունիսի 19–ին։

Պետք է Ռուսաստանին զուգահեռ զարգացնել հարաբերությունները նաև Արևմուտքի հետ. Գասպարյան

78
թեգերը:
Հայաստան, Ռուսաստան, Գյումրու 102–րդ ռազմաբազա, Ռոբերտ Քոչարյան
Ըստ թեմայի
«Մոնարխի» տնօրեն Սերգեյ Համբարձումյանը իր աջակցությունն է հայտնել Ռոբերտ Քոչարյանին
Իմ աչքի առաջ կա, թե ով պիտի ինձ փոխարինի. Քոչարյան
«Երկիրը ճգնաժամից կարող է հանել Ռոբերտ Քոչարյանը». Կարեն Կարապետյան
Արխիվային լուսանկար

Նախընտրական կարգախոսների մեսիջները. ինչի՞ վրա են շեշտը դնում քաղաքական ուժերը

11
(Թարմացված է 23:02 16.06.2021)
Sputnik Արմենիան փորձագետի հետ վերլուծել է նախընտրական մրցապայքարի առաջնորդների կարգախոսներն ու քարոզարշավը։

ԵՐԵՎԱՆ, 16 հունիսի – Sputnik. Հայաստանի քաղաքական ուժերն արդեն մեկ շաբաթից ավելի է` զբաղված են նախընտրական քարոզարշավով։ Ոմանք արդեն օգտագործել են ամենաուժեղ հաղթաթղթերը` իրենց վրա սևեռելով ընտրազանգվածի ուշադրությունը, մյուսները կենտրոնացել են բացառապես «բակային քարոզի» վրա և չեն խառնվում աշխարհի մեծերի «փոխհրաձգությանը»։

Բացարձակապես բոլոր կուսակցություններն ու դաշինքները ժամանակ և ուժ չեն խնայել` հորինելու քարոզչական հետաքրքիր «հնարքներ» և կարգախոսներ։ Թեև ոչ բոլորի մոտ է դա լավ ստացվել։

Sputnik Արմենիան PR ոլորտի փորձագետ Աստղիկ Ավետիսյանի հետ փորձել է վերլուծել վեց առաջնորդների կարգախոսներն ու վարած քարոզարշավը։

«Հետպատերազմական շրջանում տրամադրության անկում և որոշակի ապատիա է նկատվում։ Նման իրավիճակում դժվար է հասարակությանը կարգախոսներով գործողության մղել։ Չէ՞ որ կարգախոսի նպատակը այնպիսի ուղերձ հղելն է, որը կհիշվի և գործողության կմղի», – նշեց փորձագետը։

Սակայն, անկախ արտահերթ ընտրություններին մասնակցող քաղաքական ուժերի մեծ թվաքանակից, դրանց մեծամասնությունը հիմնականում նմանատիպ անուններ և կարգախոսներ են կիրառում։ Դա դժվարացնում է ընտրությունը հատկապես նրանց համար, ովքեր դեռ չեն կողմնորոշվել։

Տիգրան Արզաքանցյանը դատարանում կվիճարկի ԿԸՀ-ի որոշումը

Բացի այդ, կարգախոսը պետք է դրական ուղերձ ունենա, ոգեշնչի և խթանի, սակայն քաղաքական ուժերի հիմնական մասի կարգախոսները փրփուրներից կախվելու տպավորություն են թողնում։

«Քաղաքացիական պայմանագիր» կուսակցություն` «Ապագա Կա՛ Ապագա»

Բուն «ապագա» բառը դրական նշանակություն ունի, իսկ նրա կրկնակի կիրառումն ամրապնդում է ազդեցությունը։ Սակայն տվյալ դեպքում խնդրահարույց է այն, որ այս կարգախոսը վերցրել է մի կուսակցություն, որն ասոցացվում է պատերազմում պարտություն կրելու, պետական կառավարման և տնտեսության մեջ ձախողելու հետ։ Հաշվի առնելով երեք տարվա կառավարումը և բոլոր այդ գործոնները, ապագայի հետ սեփական կուսակցությունը նույնականացնելն ընտրողների հետ շփման խոչընդոտներ է ստեղծում։ Այս համատեքստում կարգախոսը կարելի է դիտարկել որպես խորամանկ հնարք, որը թույլ է տալիս չխոսել այսօրվա մասին, գնահատականներ չտալ անցյալում մնացած աշխատանքին, բայց խոստանալ ապագա։

Միևնույն ժամանակ, կուսակցությունը կրկին շեշտը դնում է իր առաջնորդ Նիկոլ Փաշինյանի վրա, որը միայնակ է վարում ողջ նախընտրական քարոզարշավը։ Ինչպես և հեղափոխության ժամանակ, նա իրեն ներկայացնում է որպես ժողովրդի ծոցից դուրս եկած մարդ, շարունակում մնալ ընդդիմադիրի կերպարում, քննադատել նախորդներին։ Սակայն այս անգամ ագրեսիայի չափաբաժինն էապես ավելացել է, իսկ բառապաշարը` կոշտացել։

Նման հռետորաբանությունը կարող է գրավել հասարակության որոշ հատվածի ուշադրությունը` հիմնականում այն մարդկանց, որոնք վերլուծությամբ իրենց ուղեղը չեն ծանրաբեռնում։ Միևնույն ժամանակ, Փաշինյանը նախապատվությունը տալիս է խառը լսարանին և զանգվածային ելույթներին, ինչը պակաս արդյունավետ է սեփական ուղերձը տեղ հասցնելու տեսանկյունից։

«Հայաստան» դաշինք` «Դեպի ուժեղ Հայաստան»

Կարճ և հիշվող կարգախոս։ Նույնականացվում է դաշինքի առաջնորդի կերպարի, նրա վարքագծի և բառապաշարի հետ։ Քաղաքական ուժի կարգախոսի ուղերձն ու իմիջը լիովին համահունչ են։ Բացի այդ, այն լրացնում է սլաքի տեսքով դաշինքի խորհրդանիշը, որը ցույց է տալիս շարժում կամ ուղղություն, կամ ուժի մասին խոսող «մեծ»–ի նշան։ Քարոզարշավում բոլոր տարրերը լրացնում են միմյանց և ընտրողին փոխանցում սեփական ուղերձը։

Անկախ նրանից, որ քարոզարշավը տանում են դաշինքի բոլոր առաջնորդները, հիմնական շեշտը դրվում է ՀՀ երկրորդ նախագահ Ռոբերտ Քոչարյանի վրա, որն ասոցացվում է որոշումներ կայացնող և առողջ ապրելակերպ վարող կայուն, ուժեղ մարդու կերպարի հետ։

Նա վճռական և ուժեղ մարդու հեղինակություն ունի, ինչն արդիական է անվտանգության խնդիրների ֆոնին։ Ավելին, նա զսպվածություն է ցուցադրում, նրա հռետորաբանության մեջ «ներվ» չկա, սակայն հաճախ կատակում է և դրանցով պատասխանում իրեն «փողոցային բանավեճերի» մեջ ներքաշելու փորձերին։ Այս ամենը գրավում է ընդդիմադիր տրամադրվածություն ունեցող ընտրազանգվածին։

Դաշինքը գրագետ է աշխատում նաև թիրախային լսարանի հետ, առանձին հանդիպումներ կազմակերպում տարբեր պրոֆեսիոնալ խմբերի հետ և նրանց հասանելի լեզվով զրույցներ վարում։

«Պատիվ ունեմ»` «Ուղղի՛ր մեջքդ: Կպնե՛նք գործին: Որ ապրե՛նք»

Բավական երկար և դժվար հիշվող կարգախոս։ Այնքան էլ հասկանալի չէ, թե կոնկրետ ինչ նկատի ունի քաղաքական ուժը, որն է նրա հիմնական ուղերձը, բայց արդեն նախընտրական քարոզարշավը լրացնող տեսահոլովակներում բացահայտվում են հասցեատերն ու ուղերձի նպատակը։ Կարգախոսում խոսակցական բառ է օգտագործվում (կպնենք), ինչն այնքան էլ բնորոշ չէ քաղաքական այդ ուժին, և դա դիսոնանս է առաջացնում։ Բացի այդ, այստեղ կուսակցության առաջնորդների հետ նույնականացում չկա, ինչը ևս այնքան էլ լավ չի անդրադառնում ընդհանուր արդյունքի վրա։

Սա միակ ուժն է, որի ցուցակը գլխավորում է մի մարդ, իսկ քարոզարշավը տանում մեկ ուրիշը։ ՀՀ երրորդ նախագահ Սերժ Սարգսյանի որոշումն ուժեղացնում է քաղաքական ուժի դիրքերը, քանի որ նրա համախոհների թիվը խիստ գերազանցում է վարչապետի թեկնածու Արթուր Վանեցյանի համախոհների թիվը։ Վերջինիս վարկանիշն էապես իջել է ԱԱԾ տնօրենի` պաշտոնից հեռանալուց հետո։

Ի դեպ, Սերժ Սարգսյանը նոր կերպարով է ներկայացված։ Նա ավելի էմոցիոնալ է, կիրառում իրեն ոչ բնորոշ բառապաշար, որն ավելի մոտ է փաշինյանական հռետորաբանությանը։ Նա հարմարվում է ընտրազանգվածին, սակայն ոչ միանշանակ է ընկալվում լուռ զինվորականի իմիջով Սարգսյանի ավելի զուսպ «տարբերակի» համախոհների կողմից։

Հայ ազգային կոնգրես` «Լրջանալու պահը»

Կարգախոսն ահազանգում է սպառնալիքի և նրա մասշտաբների մասին ու փոխանցում իրավիճակի ողջ լրջությունը, սակայն գործողության չի մղում և քաղաքական ուժի հետ ասոցիացիա չի ստեղծում, հետևաբար քիչ արդյունավետ է։

Սակայն քաղաքական ուժի առաջնորդ, ՀՀ առաջին նախագահ Լևոն Տեր–Պետրոսյանի հետ այն միանգամից է ասոցացվում, քանի որ արտացոլում է երկրում ստեղծված իրավիճակի վերաբերյալ նրա կարծիքը, իսկ բուն արտահայտությունը բազմիցս հանդիպել է քաղաքական գործչի հոդվածներում և վերլուծություններում։

 Բնականաբար, քարոզարշավն իրականացնում է ինքը` Լևոն Տեր–Պետրոսյանը, թեև մեդիահարթակներում հայտնվում են նաև նրա կուսակիցները։ Առաջին նախագահը շարունակում է մնալ իմաստուն առաջնորդի իր դերում։ Նա իր հավատարիմ հետևորդներն ու համախոհներն ունի, որոնք նրան կարծիքների առաջնորդ են համարում։ Նա, ինչպես միշտ, մի փոքր գոռոզ է, քննադատում է երկու հակամարտող կողմերին, սակայն այս անգամ նա ավելի անկեղծ է, իրեն որոշակի անկեղծություններ է թույլ տալիս, որոշակի «խաղաքարտեր» բացում, որոնց մասին նախկինում չէր խոսի։ Բացի այդ, նա ասոցացվում է հաղթանակի հետ (Արցախում), և դա օգտագործվում է նախընտրական քարոզարշավի ժամանակ։

«Լուսավոր Հայաստան»` «Կա՛ այլընտրանք, քվեարկի՛ր»

Արդյունավետ կարգախոս է հատկապես չկողմնորոշված քաղաքացիների վրա ազդելու համար։ Կուսակցությունն արագ կողմնորոշվեց լարվածությունը հաշվի առնելով, ու շեշտը դրեց համերաշխության վրա, ինչը կգնահատեն երկրում լարված իրավիճակից հոգնած ու կայունություն տենչող ընտրողները։ Կուսակցությունը ոչ միայն իրեն դուրս է բերում հիմնական առաջնորդների հետ հակամարտությունից, այլև ստեղծում երրորդ` իր համար շահավետ ուղի։

Կուսակցությունն ապակենտրոնացած նախընտրական քարոզարշավ է իրականացնում։ Մեդիա տիրույթում ներկայացնում է բազմաթիվ անձանց, քարոզը տարվում է միանգամից մի քանի ուղղություններով և փոքր խմբերով, ինչն արդյունավետ կերպով նրանց ուղերձը կհասցնի հասցեատիրոջը։ Բացի այդ, կուսակցությունն ուշադրություն է հրավիրում իր առաջնորդ Էդմոն Մարուքյանի վրա, որը բոլոր թեկնածուներից տարբերվում է իր զսպվածությամբ և դասական քաղաքական գործչի կերպարով։

Սա միակ կուսակցությունն է, որն ունի իր գույնը` մանուշակագույն։ Այն ընտրությունների համար որևէ նոր բան չի հորինում, այլ օգտագործում է իր բոլոր լծակներն ու ռեսուրսները` փոխելու ինչ–որ բան. թեկուզ փոքր քայլերով։ Այնուամենայնիվ, քաղաքական ուժը փորձում է կրեատիվ լինել։ Դրա առաջնորդը նախքան քարոզարշավի մեկնարկը սկսեց հարցազրույցներ անցկացնել, իսկ նախընտրական քարոզարշավի ամենաթեժ պահին մի տեսահոլովակ հայտնվեց, որը գրագողության կասկած առաջացրեց։

«Բարգավաճ Հայաստան»` «Անվտանգ հայրենիք, հզոր պետություն»

Կուսակցության կարգախոսը շատ երկար է և կուսակցության կամ նրա առաջնորդ Գագիկ Ծառուկյանի հետ ասոցիացիա չի ստեղծում։ Այն դժվար է հիշել և չի կարող խթանել, որ քվեարկեն հենց այդ կուսակցության օգտին։

Այս անգամ ԲՀԿ–ն որոշել է հետևել միտումներին և խաղարկել անվտանգության հարցը, սակայն դա հակառակ ազդեցությունն ունի։ Կուսակցության նախորդ կարգախոսն («Մեր խոսքը գործ է») ավելի արդյունավետ էր և լրացնում էր Գագիկ Ծառուկյանի կերպարը` որպես իր խոսքի տեր մարդ։

Նախընտրական քարոզարշավը բավական կայուն է անցնում, անցնցում և առանձնացվող պահերով։ Հիմնական շեշտը դրված է Ծառուկյանի ելույթների վրա, որոնք անդրադառնում են անվտանգության, տնտեսական և սոցիալական զարգացումների թեմաներին։ Նախապատվություն է տրվում զանգվածային միջոցառումներին, որտեղ ավելի շատ են հույզերը, սակայն ավելի քիչ` հասցեատիրոջը մեսիջը հասցնելու արդյունավետությունը։

Հատկանշական է, որ երկրի պատմության մեջ առաջին անգամ նախընտրական քարոզարշավին մասնակցում են ՀՀ բոլոր երեք նախագահները, թեև նրանցից մեկը` Սերժ Սարգսյանը, ընտրություններին չի մասնակցում։ Ընտրություններին նաև ռեկորդային թվով քաղաքական ուժ է մասնակցում` 21 կուսակցություն և 4 դաշինք։ Տարբեր գնահատականներով` ընտրազանգվածի շուրջ 40-45 տոկոսը դեռ չի կողմնորոշվել, թե ում է տալու իր ձայնը, ինչը նախընտրական քարոզարշավի արդյունքն ավելի անկանխատեսելի է դարձնում։

«Ուշքի եկեք, հայրենիք ենք կորցնում». Սպիվակովան խոսել է Հայաստանի ճակատագրի մասին

11
թեգերը:
«Պատիվ ունեմ» դաշինք, «Հայաստան» դաշինք, կարգախոս, Ընտրություններ, քարոզարշավ
Ըստ թեմայի
Նիկոլ Փաշինյանը հայտնեց` ինչ կարգախոսով է «Իմ քայլը» մասնակցելու ընտրություններին
«Հանրապետության» համար քարոզարշավը լավ է ընթանում. կուսակցությունը նորամուծություն է արել
«5165»-ը քարոզարշավը սկսեց Աղձքից`արքաների դամբարանի մոտից և ներկայացրեց իրենց նպատակը