Քսենիա Սոբչակը և ռեժիսոր Կոնստանտին Բոգոմոլովը

Հարսանիք ուրբաթ 13–ին. Քսենյա Սոբչակը հղի է ամուսնանո՞ւմ

237
(Թարմացված է 10:29 13.09.2019)
Հարսանիքի նախօրեին Սոբչակը սկսել է լայն զգեստներ կրել և հայտարարել է, որ ուզում է էլի երեխա ունենալ։

ԵՐԵՎԱՆ, 13 սեպտեմբերի — Sputnik. Հայտնի ռուս հաղորդավար, 37–ամյա Քսենյա Սոբչակն այսօր ամուսնանում է։ Նա բավական տարօրինակ ամսաթիվ է ընտրել 44–ամյա ռեժիսոր Կոնստանտին Բոգոմոլովի հետ ամուսնանալու համար` ուրբաթ, սեպտեմբերի 13։ Ինչպես գրում է «Կոմսոմոլսկայա պրավդան», հարսանիքին հրավիրված է մոտ 300 մարդ, այդ թվում` արվեստի հայտնի գործիչներ, պաշտոնյաներ և գործարարներ։

Պուտինն առաջինն էր, Սոբչակը` վերջինը. ինչպես են քվեարկել ՌԴ նախագահի թեկնածուները

View this post on Instagram

A post shared by Ксения Собчак (@xenia_sobchak) on

Սոբչակի ընկերուհիները պատմել են, որ Բոգոմոլովը և Սոբչակը հարսանեկան ծախսերի համար վճարելու են հովանավորների հաշվին։ Իբր, Սոբչակն արդեն մի քանի ամիս է` ակտիվորեն գովազդում է հանդիսության հովանավորներին իր Instagram–յան էջում։

View this post on Instagram

A post shared by Ксения Собчак (@xenia_sobchak) on

Պարբերականի տվյալներով` փեսացուն մինչև հարսանիքը նիհարել է։ Նրա ծանոթը պատմել է, որ Բոգոմոլովին վերջերս է հանդիպել։

Նախընտրական սկանդալ. Քսենյա Սոբչակը Ժիրինովսկու վրա ջուր է լցրել բանավեճի ժամանակ

«Նա երջանիկ է, գոհ։ Ասում է, որ մինչև հարսանիքը 18 կգ նիհարել է։ Աչքերը փայլում են։ Երբ դեռ բոլորը գուշակում էին, թե իսկապե՞ս Սոբչակի և նրա միջև սիրավեպ է սկսվել, Կոստյան հյուր եկավ ինձ և ամեն ինչ պատմեց։ Ասաց, որ ուզում է ամուսնության առաջարկություն անել Սոբչակին այն օրը, երբ Քսենյան ստանա ամուսնալուծության մասին փաստաթղթերը», – պատմել է նա։

View this post on Instagram

A post shared by Ксения Собчак (@xenia_sobchak) on

Միաժամանակ, հարսանիքի նախօրեին ԶԼՄ–ներն ակտիվորեն քննարկում են այն հարցը, թե հղի՞ է արդյոք Սոբչակը։ Սերգեյ Շնուրովն իր Instagram–յան էջում գրել է Քսենյայի մասին` «կրկին մայրիկ», և շատերը դա ընդունել են որպես ակնարկ։ Բլոգեր Լենա Միրոն իր հերթին հայտարարել է, որ Սոբչակը հղի է ամուսնանալու։

View this post on Instagram

A post shared by Ксения Собчак (@xenia_sobchak) on

Սոբչակը պահպանել է ինտրիգը։ Նա լուսանկար է հրապարակել սթորիում, որում երևում է նրա կլորացած փորիկը։ Բացի դրանից, նա սկսել է լայն զգեստներ կրել և հայտարարել, որ ուզում է էլի երեխա ունենալ։

View this post on Instagram

A post shared by Ксения Собчак (@xenia_sobchak) on

237
թեգերը:
Լուսանկար, ամուսնություն, հարսանիք, Քսենյա Սոբչակ
Ըստ թեմայի
Կարապետյանի որդու հարսանիքի թեման թեժանում է. ինչպես են զվարճացել Սոբչակն ու Մալախովը
Մարտահրավեր Սոբչակին. Մարտիրոսյանի կինը «միանում» է նախագահական մրցապայքարին
Քսենյա Սոբչակի «հրաշքների դաշտը». ինչու բարձրաշխարհիկ հասարակության ներկայացուցիչն առյուծ չի դառնա
Սկանդալային Սոբչակը մտել է սառցապատ ջուրը. լուսանկարներ
Գամալեայի անվան համաճարակաբանության և միկրոկենսաբանության ազգային հետազոտական կենտրոն

ՌԴ–ում կորոնավիրուսի դեմ պատվաստանյութը կսկսեն փորձարկել երեխաների վրա

14
(Թարմացված է 13:32 04.08.2020)
Գամալեայի անվան համաճարակաբանության և միկրոկենսաբանության ազգային հետազոտական կենտրոնն արդեն փաստաթղթեր է պատրաստում թեստավորում անցկացնելու համար։

ԵՐԵՎԱՆ, 4 օգոստոսի — Sputnik. 2021 թվականի հունվար-փետրվարին Գամալեայի անվան համաճարակաբանության և միկրոկենսաբանության ազգային հետազոտական կենտրոնը սկսելու է կորոնավիրուսի դեմ պատվաստանյութը փորձարկել երեխաների վրա։ ՌԻԱ Նովոստիի փոխանցմամբ՝ տեղեկությունը հայտնել է կենտրոնի տնօրեն Ալեքսանդր Գինցբուրգը։

Նրա խոսքով՝ այժմ անհրաժեշտ փաստաթղթեր են պատրաստվում, քանի որ նախկինում կենտրոնը երբեք երեխաների վրա փորձարկումներ չի անցկացրել։

«Մանկաբույժները գիտեն այդ նրբությունները, նրանց հետ հիմա փաստաթղթերի փաթեթ ենք կազմում, որը կներկայացնենք առողջապահության նախարարությանը՝ երեխաների վրա փորձարկումներ անցկացնելու համար», - ասել է Գինցբուրգը։

Ընդ որում՝ նա ընդգծել է, որ փորձարկումները կսկսվեն միայն մեծահասակների վրա փորձարկումների ավարտից հետո։

Գինցբուրգն ավելացրել է, որ թեստավորումը կսկսեն միայն ձմռանը, քանի որ մեծահասակների վրա COVID-19-ի դեմ պատվաստանյութի երրորդ փուլը մոտ հինգ ամիս կտևի։ Դրան մոտ երկու հազար պացիենտ է մասնակցելու։

Ավելի վաղ Ռուսաստանի առողջապահության նախարար Միխայիլ Մուրաշկոն հայտնել էր, որ Գամալեայի անվան համաճարակաբանության և միկրոկենսաբանության ազգային հետազոտական կենտրոնի մշակած պատվաստանյութի կլինիկական փորձարկումներն ավարտվել են։

«Պատվաստանյութերի մրցավազք»․ ինչու՞ է Արևմուտքը մեղադրում Ռուսաստանին

Առողջապահության համաշխարհային կազմակերպությունը (ԱՀԿ) մարտի 11-ին նոր COVID-19 կորոնավիրուսի բռնկումը հայտարարել է համավարակ: Կազմակերպությունը բոլոր պետություններին կոչ է արել միավորվել վարակի դեմ պայքարում։
Համաշխարհային վիճակագրության Worldometer կայքի տվյալներով՝ այսօրվա դրությամբ աշխարհում կորոնավիրուսի հայտնաբերված դեպքերի թիվը հասել է 18,4 միլիոնի: Մահացել է ավելի քան 697 հազար մարդ։
Օպերատիվ շտաբի պաշտոնական տվյալներով՝ Ռուսաստանում COVID-19-ի հաստատված դեպքերի քանակը հասել է 891 423–ի, 14 351 մարդ կորոնավիրուսի զոհ է դարձել։

Ռուսաստանի ՊՆ-ում ներկայացրել են COVID-19-ի դեմ պատվաստանյութի փորձարկման արդյունքները

14
թեգերը:
երեխա, կորոնավիրուս, Ռուսաստան
թեմա:
Կորոնավիրուսը աշխարհում
Ըստ թեմայի
Ռուսաստանում հաջողությամբ փորձարկել են կորոնավիրուսի դեմ պատվաստանյութը
Ռուսաստանի հիվանդանոցները ստացել են կորոնավիրուսի դեմ դեղամիջոցի առաջին խմբաքանակը
Կորոնավիրուսի դեմ պայքարում Ռուսաստանն առաջընթաց է գրանցում. Պուտին
Մարինա Կոխալ

Մասնատված ռեփերի կնոջ մասնակցությամբ քննչական փորձ է արվել. տեսանյութ

29
(Թարմացված է 12:16 04.08.2020)
Տեսանյութում երևում է՝ ինչպես են ամուսնու սպանության մեջ մեղադրվող Կոխալին բերում բնակարան, որտեղ հայտնաբերվել էր Էնդի Կարտրայտի մասնատված մարմինը։

ԵՐԵՎԱՆ, 4 օգոստոսի — Sputnik. Ռուսաստանի քննչական կոմիտեն տեսանյութ է հրապարակել, որը նկարահանվել է մահացած ռեփեր Էնդի Կարտրայտի (Ալեքսանդր Յուշկո) կնոջ՝ Մարինա Կոխալի մասնակցությամբ քննչական փորձի ժամանակ։

Տեսանյութում երևում է՝ ինչպես են կնոջը ձեռնաշղթաներով բերում բնակարան, որտեղ հայտնաբերվել է ռեփերի մասնատված դին։ Մասնավորապես, Կոխալը ցույց է տվել քննիչներին այն բազմոցը, որի վրա իբր թե ամուսնուն մահացած է հայտնաբերել։

Ռեփ կատարող Էնդի Կարտրայտի դին մասնատված վիճակում հայտնաբերվել էր Սանկտ Պետերբուրգի կենտրոնում գտնվող բնակարանում հուլիսի 29-ին։

Մարինա Կոխալը կալանավորված է մինչ սեպտեմբերի 30-ը։ Քննիչները պնդում են, որ նա դեռևս չպարզված եղանակով սպանել է Յուշկոյին Նևսկի պողատայում գտնվող բնակարանում, հետո մասնատել դին՝ հանցագործության հետքերը թաքցնելու նպատակով։

Թեև Կարտրայտի մահվան մասին հայտի է դարձել հուլիսի 30-ին, Կոխալն ասել է, որ ամուսինը չորս օր առաջ է մահացել թմրանյութերի չարաշահումից, որից հետո իքը մասնատել է ամուսնուն՝ նրա «խայտառակ մահը» թաքցնելու համար։

Հայտնի ռեփերի սպանությանը միայն կինը չէ, որ մասնակից է եղել. մանրամասներ են հայտնի դարձել

Հարուցված է քրեական գործ ՌԴ Քրեական օրենսգրքի 105 հոդվածի 1–ին մասին հատկանիշներով՝ «սպանություն»։

Վարկածներից մեկի համաձայն՝ Կոխալը սպանել է ամուսնուն խանդի հողի վրա, երբ իմացել է, որ նա սիրուհի ունի։

Ուրիշ կին․ մասնատված ռեփերը պատրաստվում էր բաժանվել կնոջից և ապրել սիրուհու հետ

29
թեգերը:
Կին, Էնդի Կարտրայտ, Սպանություն
Ըստ թեմայի
Եղբայրը նախ խեղդել, ապա գլխատել է քրոջը․ Երևանում կատարված սարսափելի սպանության հետքերով
Սահմռկեցուցիչ սպանություն Երևանում. եղբայրը գլխատել է քրոջը
Զարհուրելի սպանություն Վանաձորում. որդին սպանել է մորը, մասնատել նրա մարմինը և այրել
Ռոբերտ Քոչարյանը դատարանում

Դատարանը հրաժարվեց վերացնել Քոչարյանի ու Գևորգյանի հաշիվների վրա դրված կալանքը

26
(Թարմացված է 15:12 04.08.2020)
ՀՀ երկրորդ նախագահի ու նախկին փոխվարչապետի փաստաբանները դեմ են դատարանի որոշմանը։ Նրանք կարծում են, որ այդ որոշումը հակասում է քրեական դատավարության օրենսգրքին։

ԵՐԵՎԱՆ, 4 օգոստոսի — Sputnik. ՀՀ երկրորդ նախագահ Ռոբերտ Քոչարյանի և մյուսների գործով դատական նիստում դատարանը մերժեց քննության այս փուլում հանել Քոչարյանի ունեցվածքի, ինչպես նաև նախկին փոխվարչապետ Արմեն Գևորգյանի հաշիվների վրա դրված կալանքը։ Որոշումը կայացվեց այն բանից հետո, երբ փաստաբանները մերժեցին դատավորին տրամադրել կալանքի տակ գտնվող գույքի արժեքը։

Հուլիսի 28-ին կայացած նախորդ նիստում փաստաբանները դատարանին միջնորդել էին վերացնել նրանց գույքի և դրամական միջոցների վրա դրված կալանքը։։ Երկրորդ նախագահի պաշտպանները կարծում են, որ կալանքի ոչ մի պատճառ չկա։

Ալումյանը, ներկայացնելով պաշտպանական կողմի դիրքորոշումը, նշեց, որ դեռ 2019 թվականին իրենք կալանքը չեղարկելու համար Վերաքննիչ դատարան էին դիմել, դատարանը բավարարել էր բողոքը։ Սակայն ընդհանուր իրավասության դատավոր Աննա Դանիբեկյանն անցյալ տարվա հունիսին փաստացի հրաժարվել էր կատարել վերադաս դատական ատյանի որոշումը։ Ալումյանի խոսքով` դատարանը չի ուզում վերացնել ակնհայտ ապօրինությունը, հենց այդ պատճառով էլ իրենք որոշել են մերժել դատարանի խնդրանքը։

Ալումյանի որոշմանը միացավ նաև նախկին փոխվարչապետ Արմեն Գևորգյանի փաստաբան Էրիկ Ալեքսանյանը։

Դանիբեկյանն իր հերթին հայտարարեց, որ դատարանը չի կարող կալանքը հանելու հարցը լուծել առանց ունեցվածքի չափի նախնական գնահատման։ Այդ պատճառով էլ դատարանը որոշել է հետաձգել կալանքը հանելու հարցը։ Ի պատասխան դրան պաշտպանները հայտնեցին, որ այդ որոշումը հակասում է քրեական դատավարության օրենսգրքին։

«Ես չեմ հասկանում` ինչ է նշանակում՝ Արցախը Հայաստան է, և վերջ». Ռոբերտ Քոչարյան

Հիշեցնենք, որ հունիսի 18-ին Վերաքննիչ քրեական դատարանի դատավոր Արսեն Նիկողոսյանը մասնակի բավարարեց Քոչարյանի կալանքը փոխելու միջնորդությունները մերժելու մասին դատարանի որոշման դեմ բողոքը։ Քոչարյանն ազատ արձակվեց 2 միլիարդ դրամ գրավի դիմաց։

Ռոբերտ Քոչարյանը խոսել է տավուշյան դեպքերի ու Ադրբեջանի ագրեսիայի պատճառների մասին

ՀՀ երկրորդ նախագահին մեղադրանք է առաջադրվել 2008 թ.–ի մարտի 1-ի բողոքի ակցիաները ցրելու ժամանակ սահմանադրական կարգը տապալելու համար։ Նա իրեն ուղղված մեղադրանքները քաղաքական հետապնդում է համարում։ 2018թ-ին Քոչարյանին երկու անգամ ձերբակալեցին: 2019 թվականի հունիսի վերջին նա ձերբակալվեց երրորդ անգամ: Երկրորդ նախագահին նաև կաշառք ստանալու մեղադրանք է առաջադրված։

Իշխանությունները պատրաստ չեն լսել. Ռոբերտ Քոչարյանը մտահոգություններ ունի. տեսանյութ

26
թեգերը:
Դատարան, Ռոբերտ Քոչարյան, Հայաստան
թեմա:
Ռոբերտ Քոչարյան