Գեղասահորդուհի Եվգենիա Մեդվեդևա

«Կարիերայիս լավագույն ծրագիրն է». գեղասահորդուհի Մեդվեդևան պատրասվում է նոր մրցաշրջանին

74
(Թարմացված է 15:28 27.08.2019)
Ռուսաստանցի գեղասահորդուհին նշել է, որ իր նոր ազատ ծրագիրը շատ լավ է մտածված։ Նա սահելու է «Գեյշայի հուշերը» ֆիլմի երաժշտության ներքո։

ԵՐԵՎԱՆ, 27 օգոստոսի - Sputnik. Աշխարհի կրկնակի չեմպիոն, գեղասահորդ Եվգենյա Մեդվեդևան իր նոր ազատ ծրագիրն անվանել է իր երազանքի ծրագիրը։

Ավելի վաղ Մեդվեդևան հայտնել էր, որ նրա ազատ ծրագիրը բեմադրել է կանադացի խորեոգրաֆ Շե Լին Բուրնը, և այն իրականացվելու է «Գեյշայի հուշերը» ֆիլմի երաժշտության ներքո։

«Երկու տարի անընդմեջ հոգեպես պատարստում էի ինձ. ականջակալներով հաճախ էի լսում այդ երաժշտությունը, բայց անընդհատ կարծում էի, թե դեռ չեմ «հասունացել» դրա համար, որ հնարավորինս կարողանամ ինքնադրսևորվել։ Ծրագիրն այնքան հագեցած է, որ կարիերայիս ընթացքում այդպիսի ծրագիր դեռ չի եղել։ Մարզիչս` Բրայանն (Օրսեր) ասաց, որ դա իմ կարիերայի լավագույն ծրագիրն է», – ասել է Մեդվեդևան «Ռոսիա Սեգեդնյա» ՄԳՏ–ի ասուլիսի ժամանակ։

Եվգենյա Մեդվեդևան սեքսուալ տեսանյութ է հրապարակել

Նա հայտնել է նաև, որ աշխատում է  բարդ տարրերի վրա, քանի որ ավելի վաղ հայտնել էր քառակի ցատկ սովորելու մտադրության մասին։

74
թեգերը:
Ռուսաստան, մրցաշրջան, մարզիչ
Ըստ թեմայի
Եվգենյա Մեդվեդևան նորից իրարանցում է առաջացրել համացանցում. լուսանկար
Ամեն ինչ Մեդվեդևայի մասին. Կարեն Ադամյանը 50 անձնական հարց է տվել գեղասահորդուհուն
Հայկական արմատներով հաջողակ աստղերն ընդգրկվել են Forbes–ի վարկանիշում. ովքե՞ր են նրանք
Աշխատակիցը օդանավակայանում ախտահանում է ուղևորների համար նախատեսված թեքահարթակը

Ռուսաստան մուտք գործելու համար նոր կանոններ են սահմանվել

275
(Թարմացված է 12:26 14.07.2020)
Ռուսաստան ժամանող արտասահմանցիները պետք է ներկայացնեն ՌԴ սահմանին COVID-19-ի թեստի արդյունքները կամ ժամանելուց երեք օր անց Ռուսաստանում նման թեստ հանձնեն։

ԵՐԵՎԱՆ, 14 հուլիսի — Sputnik. Վաղվանից Ռուսաստանում կորոնավիրուսի տարածումը կանխելու նպատակով երկու շաբաթանոց պարտադիր կարանտինը երկիր ժամանած օտարերկրացիների համար չեղարկվում է։ ՌԻԱ Նովոստսիի փոխանցմամբ՝ տեղեկությունը նշված է Ռոսպոտրեբնադզորի ղեկավար Աննա Պոպովայի որոշման մեջ։

Այսուհետ արտասահմանցիները Ռուսաստան մուտք գործելիս պետք է ներկայացնեն COVID-19-ի թեստի բացասական պատասխանը ռուսերեն կամ անգլերեն։ Թեստը պետք է հանձնված լինի ՌԴ ժամանելուց առնվազն երեք օր առաջ։ Եթե նման տեղեկանք չկա, օտարերկրացին պետք է երեք օրվա ընթացքում վճարովի թեստ հանձնի Ռուսաստանում։

Ինչ վերաբերում է ՌԴ քաղաքացիներին, նրանք կարող են ներկայացնել կորոնավիրուսի թեստի արդյունքները կամ տանը հանձնել դրանք։

Ավելի վաղ Ռոսպոտրեբնադզորը հայտնել է 13 երկրների հետ ավիահաղորդակցության վերականգնման հնարավորության մասին։ Խոսքը Գերմանիայի, Իտալիայի, Մեծ Բրիտանիայի, Լեհաստանի, Դանիայի, Ֆինլանդիայի, Հունգարիայի, Նիդեռլանդների, Նորվեգիայի, Չինաստանի, Շրի Լանկայի․ Վիետնամի ու Մոնղոլիայի մասին է։

Միաժամանակ ՌԴ փոխվարչապետ Տատյանա Գոլիկովան հայտնել է այլ երկրների չվերթերը վերականգնելու համար հիմնական պայմանը․ այդ երկրներում կորոնավիրուսով վարակվածությունը պետք է լինի 100 հազար բնակչի հաշվով մոտ 40 մարդ։ Երկրները պետք է երկու շաբաթվա ինկուբացիոն շրջանի վիճակագրություն ունենան, օրական միջին ավելացումը չպետք է գերազանցի մեկ պացիենտը։

Համավարակի օրերին Հայաստան է վերադարձել ավելի քան 40 000 ՀՀ քաղաքացի. Ավինյան

Կորոնավիրուսի հետ կապված իրավիճակի պատճառով ՌԴ իշխանությունները մարտի 27-ից դադարեցրել են այլ երկրների հետ կանոնավոր և չարտերային ավիահաղորդակցությունը։ Բացառություն են կազմում քաղաքացիներին հայրենիք վերադարձնելու համար կազմակերպվող չվերթերը, ինչպես նաև՝ բեռնափոխադրումները, փոստային, սանիտարական և մարդասիրական չվերթերը, տեխսպասարկման նպատակով դատարկ ինքնաթիռների տեղափոխումն ու ՌԴ տարածքում լիցքավորվելու համար վայրէջքով տարանցիկ թռիչքները, որոնք իրականացվում են կառավարության առանձին որոշումներով։

Կորոնավիրուսի դեմ պայքարում Ռուսաստանն առաջընթաց է գրանցում. Պուտին

275
թեգերը:
կարանտին, թեստ, չվերթ, թռիչք, ուղևոր, կորոնավիրուս, Ռուսաստան
թեմա:
Կորոնավիրուսը Չինաստանում և աշխարհում
Ըստ թեմայի
Մոսկվայից և Վորոնեժից դեպի Երևան չվերթեր կիրականացվեն
Մոսկվա–Երևան չվերթի որոշ տոմսեր ազատ վաճառքի սկզբունքով հնարավոր կլինի գնել
Մոսկվա-Երևան չվերթի տոմսերի գները տարբեր են եղել. դեսպանությունն ահազանգ է ստացել
Երևան-Մոսկվա չվերթն անորոշ ժամանակով հատաձգվել է

ԱԴԾ-ի հատուկ գործողությունը․ Ռոստովի մարզում ահաբեկչական խումբ է վնասազերծվել․ տեսանյութ

83
(Թարմացված է 15:44 13.07.2020)
Համացանցում են հայտնվել Ռոստովի մարզում ահաբեկչությունները կանխած ՌԴ Անվտանգության դաշնային ծառայության աշխատակիցների հատուկ գործողության կադրերը։

Ռուսաստանի Անվտանգության դաշնային ծառայությունը հայտնաբերել է «Իսլամական պետություն» (ԻՊ-ն արգելված է Ռուսաստանում և մի շարք այլ երկրներում) խմբավորման անդամների, որոնք պատրաստվում էին երկրի տարածքում ահաբեկչություններ իրականացնել։

ԱԴԾ մամուլի ծառայությունը հայտնում է, որ իսլամիստները մասնավորապես ծրագրում էին հարձակումներ գործել  ոստիկանության աշխատակիցների, բժշկական և ուսումնական հաստատությունների վրա։

Նշվում է, որ հայտնաբերված խմբում տարածաշրջանի վեց բնակիչ կար ընդգրկված (միջին ասիական երկրներից մեկի ու Ռուսաստանի քաղաքացիներ)։

Ռոստովի մարզի Ազովի շրջանում խմբավորման ղեկավարին ձերբակալելու ժամանակ նա կրակ է բացել ՌԴ ԱԴԾ հատուկ ստորաբաժանման աշխատակիցների վրա Կալաշնիկովի ինքնաձիգից։ Նա նաև ինքնաշեն պայթուցիկ սարք է գործադրել ու մահացու վնասվածքներ է ստացել։

Օպերատիվ միջոցառումների շրջանակում խմբավորման հինգ անդամ է ձերբակալվել։ Քաղաքացիական բնակչության կամ ԱԴԾ անդամների շրջանում տուժածներ չկան։

Քրեական գործեր են հարուցվել։

Հիշեցնենք՝ ավելի վաղ ԱԴԾ աշխատակիցներն Աստրախանի մարզում էին ԻՊ անդամի ձերբակալել․ նա հարձակում էր պատրաստում վարչական շենքերի վրա։

83
թեգերը:
Ահաբեկչություն, ահաբեկիչ, «Իսլամական պետություն», Ռուսաստան, Անվտանգության դաշնային ծառայություն (ԱԴԾ)
Ըստ թեմայի
ԱԴԾ–ն հրապարակել է «Հիզբ ութ Թահրիրի» իսլամիստներին ձերբակալելու տեսանյութը
Ռուսաստանի ԱԴԾ-ն առնվազն երկու ահաբեկչություն է կանխել
Ռուսաստանում ահաբեկչություն են կանխել. ԱԴԾ-ն հայտարարություն է տարածել
Զոհրաբ Մնացականյանն ու Մոհամմադ Ջավադ Զարիֆը, արխիվային լուսանկար

Մնացականյանն ու Զարիֆը զրուցել են հայ-ադրբեջանական սահմանին ստեղծված իրավիճակի մասին

6
(Թարմացված է 08:40 15.07.2020)
ՀՀ ԱԳՆ ղեկավարն իր իրանցի գործընկերոջը ներկայացրել է Ադրբեջանի կողմից ուժի կիրառման հետևանքով հայ-ադրբեջանական սահմանի հյուսիսարևելյան հատվածում ստեղծված իրավիճակը:

ԵՐԵՎԱՆ, 15 հուլիսի - Sputnik. Հուլիսի 14-ին Հայաստանի ԱԳ նախարար Զոհրաբ Մնացականյանը հեռախոսազրույց է ունեցել Իրանի ԱԳ նախարար Մոհամմադ Ջավադ Զարիֆի հետ։ Այս մասին տեղեկացնում է ՀՀ ԱԳՆ Facebook-յան էջը:

Elbit Hermes 900-ը հարձակողական անօդաչու չէ, վրան զենք չկա. Լապշինը ցնցված է հայերի արածից

«Հայաստանի ԱԳՆ ղեկավարն իր իրանցի գործընկերոջը ներկայացրել է Ադրբեջանի կողմից ուժի կիրառման հետևանքով հայ-ադրբեջանական սահմանի հյուսիսարևելյան հատվածում ստեղծված իրավիճակը»,- նշված է հաղորդագրության մեջ։

Կողմերը կարևորել են տարածաշրջանային անվտանգության և կայունության պահպանման, համակարտությունները բացառապես խաղաղ ճանապարհով կարգավորելու անհրաժեշտությունը։

Հիշեցնենք` հուլիսի 12–ից սկսած իրավիճակը սրվել է հայ–ադրբեջանական սահմանի Տավուշի հատվածում։ Հուլիսի 12–ին` ժամը 12:30-ի սահմաններում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են կատարել:

Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել են իրենց դիրքեր: Ժամը 13:45-ին Ադրբեջանի զինված ուժերի զինծառայողները կրկնել են հայկական զինված ուժերի սահմանային դիրքը գրավելու փորձը` կիրառելով հրետանային կրակ, սակայն ճնշվել են հայկական կողմից և, կորուստներ տալով, հետ շպրտվել:

Տոնոյանը զգուշացրել է` ինչ կլինի, եթե հակառակորդը չդադարեցնի կրակը

Ավելի ուշ հայտնի դարձավ, որ ադրբեջանական կողմը վերսկսել է Տավուշի դիրքերի ուղղությամբ հրետակոծությունը: ՀՀ ՊՆ խոսնակ Շուշան Ստեփանյանը երեկ վաղ առավոտյան հայտնեց, որ երկու-երեք ժամվա դադարից հետո առավոտյան հակառակորդը վերսկսել է սադրիչ գործողությունները՝ շարունակելով հրետակոծել հայկական դիրքերի ուղղությամբ։

Պաշտոնական տվյալներով՝ Ադրբեջանն ունի 11 զոհ, իսկ հայկական կողմը` 4 զոհ և 5 վիրավոր։

Հուլիսի 13-ը կմտնի պատմության մեջ. Արծրուն Հովհաննիսյանը` հայկական ԱԹՍ–ների մասին

6
թեգերը:
հայ-ադրբեջանական, Զոհրաբ Մնացականյան, Մոհամադ Ջավադ Զարիֆ, Իրանի Իսլամական Հանրապետություն, Հայաստան
թեմա:
Հայ–ադրբեջանական սահմանին տիրող իրավիճակը
Ըստ թեմայի
Հայկական ԶՈւ-ն ադրբեջանական հերթական ԱԹՍ-ն է խոցել
«Սահմանային հանգույցն» ավելի վտանգավոր է․ ինչու իրավիճակը սրվեց հայ-ադրբեջանական սահմանին
Սին «հերոսություն» է. մասնագիտական ապտակ ադրբեջանցի հաքերներին
«Մենք թիկունքում ենք և ձեր մեջ». հայերը պատասխան հարված են հասցրել ադրբեջանցի հաքերներին