Դավիթ Տոնոյան, Սերգեյ Շոյգու. արխիվային լուսանկար

«Հսկայական աշխատանք է». Շոյգուն կարևորում է Հայաստանի օգնությունը Սիրիայի բնակչությանը

778
ՀՀ և ՌԴ պաշտպանության նախարարները հանդիպումն անցկացրեցին` քննարկելով ինչպես համատեղ նախագծերը, այնպես էլ Սիրիայի բնակչությանը մարդասիրական օգնություն ցուցաբերելուն ուղղված խնդիրները։

ԵՐԵՎԱՆ, 17 օգոստոսի –Sputnik. Մոսկվայում աշխատանքային այցով գտնվող ՀՀ ՊՆ Դավիթ Տոնոյանը հանդիպել է Ռուսաստանի պաշտպանության նախարար Սերգեյ Շոյգուի հետ։ ՌԴպաշտպանության նախարարը հատկանշական է համարել հայ սակրավորների և բժիշկների ավանդը Սիրիայում, հայտնում է ՌԻԱ Նովոստին։

Հանդիպման ժամանակ ՌԴ նախարարն առաջարկել է հայ գործընկերոջը տեսակետներ քննարկել ոչ միայն համատեղ ռազմական և ռազմատեխնիկական համագործակցությանն ուղղված նախագծերի շուրջ, այլև Սիրիայում սակրավորների և բժիշկների համատեղ աշխատանքի։

Մասնավորապես, Շոյգուի խոսքով, կարևոր է, որ Սիրիայում հազարավոր մարդիկ բուժօգնություն են ստացել, իսկ հայ վիրաբույժները մի քանի հարյուր վիրահատություն են անցկացրել։

«Դա հսկայական աշխատանք է, որը չի կարող աննկատ մնալ, այն անկասկած, իր ավանդն ունի այդ տարածաշրջանում իրավիճակի կայունացման հարցում», – ընդգծեց նախարարը։

Նա նաև նշել է, որ երկու երկրների պաշտպանական գերատեսչությունների հարաբերությունների ռազմավարությունը թույլ է տալիս ենթադրել, որ դեռ շատ անելիքներ կան։

Դրանից բացի, հանդիպման մասնակիցները քննարկել են «Միջազգային բանակային խաղեր-2019» մրցաշարը։ Բարձր գնահատելով մրցումների մակարդակը` ՀՀ պաշտպանության նախարարը նշել է, որ այդ միջոցառումը բանակի և հասարակության փոխգործակցության օրինակ է։ Տոնոյանի կարծիքով` սա տարբեր երկրների միջև ռազմական համագործակցության լավագույն ձևաչափն է։

Շատ հմայիչ էր Հունաստանի աղջիկը. Տոնոյանն ամփոփեց «Խաղաղության մարտիկի» արդյունքները

Նշենք, որ օգոստոսի 17-ին հայկական պատվիրակությունը պաշտպանության նախարար Դավիթ Տոնոյանի գլխավորությամբ մեկնել է Ռուսաստան։ ՌԴ պաշտպանության նախարար Սերգեյ Շոյգուի հետ հանդիպումից բացի, նախատեսված է նաև Տոնոյանի մասնակցությունը Միջազգային բանակային խաղեր 2019–ի մասնակիցների պարգևատրման արարողությունն ու փակմանը։

778
թեգերը:
Սիրիա, Դավիթ Տոնոյան, Նախարար, ՀՀ Պաշտպանության նախարարություն (ՊՆ), Հայաստան, Մոսկվա, Ռուսաստան

ԱԴԾ-ի հատուկ գործողությունը․ Ռոստովի մարզում ահաբեկչական խումբ է վնասազերծվել․ տեսանյութ

61
(Թարմացված է 15:44 13.07.2020)
Համացանցում են հայտնվել Ռոստովի մարզում ահաբեկչությունները կանխած ՌԴ Անվտանգության դաշնային ծառայության աշխատակիցների հատուկ գործողության կադրերը։

Ռուսաստանի Անվտանգության դաշնային ծառայությունը հայտնաբերել է «Իսլամական պետություն» (ԻՊ-ն արգելված է Ռուսաստանում և մի շարք այլ երկրներում) խմբավորման անդամների, որոնք պատրաստվում էին երկրի տարածքում ահաբեկչություններ իրականացնել։

ԱԴԾ մամուլի ծառայությունը հայտնում է, որ իսլամիստները մասնավորապես ծրագրում էին հարձակումներ գործել  ոստիկանության աշխատակիցների, բժշկական և ուսումնական հաստատությունների վրա։

Նշվում է, որ հայտնաբերված խմբում տարածաշրջանի վեց բնակիչ կար ընդգրկված (միջին ասիական երկրներից մեկի ու Ռուսաստանի քաղաքացիներ)։

Ռոստովի մարզի Ազովի շրջանում խմբավորման ղեկավարին ձերբակալելու ժամանակ նա կրակ է բացել ՌԴ ԱԴԾ հատուկ ստորաբաժանման աշխատակիցների վրա Կալաշնիկովի ինքնաձիգից։ Նա նաև ինքնաշեն պայթուցիկ սարք է գործադրել ու մահացու վնասվածքներ է ստացել։

Օպերատիվ միջոցառումների շրջանակում խմբավորման հինգ անդամ է ձերբակալվել։ Քաղաքացիական բնակչության կամ ԱԴԾ անդամների շրջանում տուժածներ չկան։

Քրեական գործեր են հարուցվել։

Հիշեցնենք՝ ավելի վաղ ԱԴԾ աշխատակիցներն Աստրախանի մարզում էին ԻՊ անդամի ձերբակալել․ նա հարձակում էր պատրաստում վարչական շենքերի վրա։

61
թեգերը:
Ահաբեկչություն, ահաբեկիչ, «Իսլամական պետություն», Ռուսաստան, Անվտանգության դաշնային ծառայություն (ԱԴԾ)
Ըստ թեմայի
ԱԴԾ–ն հրապարակել է «Հիզբ ութ Թահրիրի» իսլամիստներին ձերբակալելու տեսանյութը
Ռուսաստանի ԱԴԾ-ն առնվազն երկու ահաբեկչություն է կանխել
Ռուսաստանում ահաբեկչություն են կանխել. ԱԴԾ-ն հայտարարություն է տարածել
ՌԴ ԱԳՆ

ՌԴ ԱԳՆ-ն արձագանքել է հայ-ադրբեջանական սահմանին տեղի ունեցող դեպքերին

371
(Թարմացված է 14:40 13.07.2020)
Պաշտոնական Մոսկվան կողմերին կոչ է արել զսպվածություն դրսևորել և խստորեն պահպանել հրադադարի ռեժիմը:

ԵՐԵՎԱՆ, 13 հուլիսի - Sputnik. Ռուսաստանի ԱԳՆ-ն հայ-ադրբեջանական սահմանին ծավալված գործողությունների առնչությամբ հայտարարություն է տարածել և մտահոգություն հայտնել իրավիճակի կտրուկ սրման կապակցությամբ։

«Տեղեկություններ կան, որ մարտական գործողությունները շարունակվում են, հրետանի է կիրառվում, զոհեր ու վիրավորներ կան։ Ցավակցում ենք զոհվածների հարազատներին ու մտերիմներին։ Անթույլատրելի ենք համարում տարածաշրջանի անվտանգությանը սպառնացող հետագա էսկալացիան։ Կողմերին կոչ ենք անում ցուցաբերել զսպվածություն և խստորեն պահպանել հրադադարի ռեժիմը», - նշված է հայտարարության մեջ:

Պաշտոնական Մոսկվան պատրաստ է անհրաժեշտ աջակցություն ցուցաբերել իրավիճակի կայունացման համար։

Հիշեցնենք, որ հուլիսի 12-ին՝ ժամը 12:30-ի սահմաններում, Ադրբեջանի զինված ուժերի զինծառայողները, ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձ են կատարել: Հայկական կողմի նախազգուշացումից հետո ադրբեջանական զինծառայողները, թողնելով ՈւԱԶ ավտոմեքենան, վերադարձել են իրենց դիրք:

Ժամը 13:45-ին Ադրբեջանի ԶՈւ զինծառայողները կրկնել են հայկական զինված ուժերի սահմանային դիրքը գրավելու փորձը` կիրառելով հրետանային կրակ, սակայն ճնշվել են հայկական կողմից և, կորուստներ կրելով, հետ շպրտվել:

Երեկոյան ադրբեջանական կողմը վերսկսել է հրետակոծել նույն դիրքի ուղղությամբ 82 մմ ականանետից և տանկից: Կրակոցները պարբերաբար տարբեր ինտենսիվությամբ շարունակվել են ամբողջ գիշերվա ընթացքում։

Ովքե՞ր են ներգրավված հայ–ադրբեջանական սահմանին ծավալված գործողություններում

Հակառակորդի բոլոր փորձերը թիրախավորվել են հայկական զինված ուժերի ստորաբաժանումների կողմից և չեզոքացվել: Հուլիսի 13-ի առավոտյան հակառակորդը վերսկսել է սադրիչ գործողությունները՝ շարունակելով հրետակոծել հայկական դիքերի ուղղությամբ։ ՀՀ ԶՈւ ստորաբաժանումները համարժեք պատասխան են տվել։ Հայկական կողմը կորուստներ չունի:

Արցախի ՊԲ–ն ներկայացրել է` ինչ վիճակ է հիմա Ադրբեջանի հետ շփման գծում

371
թեգերը:
Տավուշ, Ռուսաստան, Ադրբեջան, Հայաստան
թեմա:
Հայ–ադրբեջանական սահմանին տիրող իրավիճակը
Ըստ թեմայի
Տավուշի սահմանին 2 վիրավոր ունենք. ադրբեջանցիները հայտարարել են 4 զոհի մասին
Ադրբեջանական ԶՈՒ–ն կրակում է խաղաղ բնակավայրերի հարևանությամբ. ՄԻՊ–ն ահազանգում է
Դավիթ Տոնոյանը ներկայացրեց՝ ինչ է տեղի ունեցել հայ-ադրբեջանական սահմանին
ՀԱՊԿ–ը հայ–ադրբեջանական սահմանին տիրող իրավիճակի հարցով հրատապ նիստ կանցկացնի
Բողոքի ակցիա Խոր Վիրապի մոտ

Կրկնակի բերման ենթարկում, առանձնազրույցներ․ ՄԻՊ-ն ամփոփել է բողոքի ակցիայի արդյունքները

77
(Թարմացված է 00:48 14.07.2020)
Ամփոփվել են Մարդու իրավունքների պաշտպանի աշխատակազմի արագ արձագանքման խմբերի աշխատանքները, որոնց արդյունքներով համապատասխան գրություն կհասցեագրվի ոստիկանություն:

ԵՐԵՎԱՆ, 14 հուլիսի – Sputnik. Մարդու իրավունքների պաշտպանի գրասենյակը տեղեկացնում է, որ այսօր ՄԻՊ հանձնարարությամբ՝ ստացած մի շարք ահազանգերի հիման վրա արագ արձագանքման խմբերն այցեր են իրականացրել Ոստիկանության Արտաշատի, Մասիսի և Արարատի բաժիններ՝ կապված Խոր Վիրապի տարածքում ակցիա իրականացնող անձանց բերման ենթարկելու հետ:

Ընդ որում, ոստիկանության Մասիսի բաժին իրականացվել է կրկնակի այց՝ կապված մի շարք անձանց կրկնակի վարչական ձերբակալման և Ոստիկանություն կրկնակի բերման ենթարկելու հետ: Մարդու իրավունքների պաշտպանին բողոքներ են հասցեագրել նաև վարչական ձերբակալման ենթարկված անձանցից մի քանիսի փաստաբանները:

«Ոստիկանության նշված բաժիններում Պաշտպանի աշխատակազմի արագ արձագանքման խմբերն ունեցել են առանձնազրույցներ ընդհանուր թվով 53 անձի հետ, ուսումնասիրվել են նրանց վերաբերյալ կազմված փաստաթղթերը: Օրվա ընթացքում Մարդու իրավունքների պաշտպանի աշխատակազմից տեղի ունեցած ակցիայի հետ կապված աշխատել է 4 աշխատանքային խումբ»,-ասված է հայտարարության մեջ:

Այսօր երեկոյան ամփոփվել են Մարդու իրավունքների պաշտպանի աշխատակազմի արագ արձագանքման խմբերի աշխատանքները, որոնց արդյունքներով համապատասխան գրություն կհասցեագրվի ոստիկանություն:

Տեղեկացվում է, որ գրությամբ կբարձրացվեն հարցեր, որոնք վերաբերում են անձանց վարչական ձերբակալման ենթարկելու հիմքերին ու բերման ենթարկելիս նրանց անձնական ազատությունից զրկելու պատճառները պարզաբանելուն, բերման ենթարկվածներին իրենց իրավունքները ներկայացնելուն, Ոստիկանության բաժին բերման ենթարկված անձանց վերաբերյալ կազմված փաստաթղթերին և այլն:

Հիշեցնենք, որ հուլիսի 13-ին «Վետօ» շարժման ղեկավար Նարեկ Մալյանը և շարժման անդամներն ավտոերթ էին իրականացնում դեպի Խոր Վիրապ վանական համալիր՝ բողոքելով Հայաստանում արտակարգ դրության երկարացման դեմ։ Ակցիայի 48 մասնակիցների, այդ թվում և Նարեկ Մալյանին ոստիկանությունը բերման էր ենթարկել։

Նշենք, որ Հայաստանում կորոնավիրուսով պայմանավորված մարտի 16-ից գործում է արտակարգ դրության ռեժիմ։ Հուլիսի 13-ի արտահերթ նիստում կառավարությունը որոշեց 4-րդ անգամ երկարաձգել այն։ Արտակարգ դրությունը կտևի մինչև օգոստոսի 12-ը։

77
թեգերը:
ՀՀ Ոստիկանություն, Նարեկ Մալյան, Խոր Վիրապ, Բողոքի ակցիա, Հայաստան