Съемки фильма Немец в Минске. Архивное фото

Արմեն Ջիգարխանյանը վերակենդանացման բաժանմունքում է. Վիտալինային ոչինչ հայտնի չէ

341
(Թարմացված է 16:04 14.08.2019)
Այժմ արտիստը Մոսկվայի հիվանդանոցներից մեկում բժիշկների մշտական վերահսկողության տակ է։

ԵՐԵՎԱՆ, 14 օգոստոսի — Sputnik. Լեգենդար արտիստ Արմեն Ջիգարխանյանը վերակենդանացման բաժանմունքում է, հայտնում է Mash տելեգրամ ալիքը։

Նշվում է, որ Արմեն Բորիսովիչի մոտ սրտանոթային և երիկամային անբավարարության ֆոնին սրվել է հին հիվանդությունը։

Այժմ նա Մոսկվայի հիվանդանոցներից մեկում է, բժիշկների մշտական վերահսկողության տակ։

Sputnik  Արմենիային հաջողվեց կապ հաստատել Ջիգարխանյանի պրոդյուսեր և մտերիմ ընկեր Մարկ Ռուդինշտեյնի հետ։

«Ինձ հայտնել են, որ ինչ–որ բան է պատահել, սակայն տվյալ պահին ես հստակ տեղեկություն չունեմ», – հայտնեց մեզ Ռուդինշտեյնը։

Sputnik Արմենիային հաջողվեց նաև զրուցել Արմեն Բորիսովիչի նախկին կնոջ` Վիտալինա Ցիմբալյուկ–Ռոմանովսկայայի հետ։

«Ամուսնալուծությունից հետո ինձ ոչինչ չեն հայտնում, բոլոր նորությունները ես իմանում եմ բացառապես լրագրողների միջոցով։ Շատ եմ ափսոսում, եթե դա այդպես է», – սիրալիր պատասխանեց Վիտալինա Ցիմբալյուկ–Ռոմանովսկայան։

83 տարեկան դերասան Արմեն Ջիգարխանյանի և նրա 40 տարեկան կնոջ` Վիտալինա Ցիմբալյուկ-Ռոմանովսկայայի մասին սկսեցին խոսել 2017 թվականի հոկտեմբերի առաջին տասնօրյակում, երբ դերասանը հայտնվեց հիվանդանոցում և հայտարարեց, որ պատրաստ չէ ներել իրեն ցավ պատճառած կնոջը։

Ավելի վաղ Ցիմբալյուկ-Ռոմանովսկայան, որ Ջիգարխանյանի ղեկավարած թատրոնի տնօրենն էր, սեփական ցանկությամբ հեռացել էր թատրոնից և հայտարարել, որ ցանկանում է ամուսնալուծվել։ Դրանից հետո Ջիգարխանյանը պաշտոնական նամակ էր ուղղել Մոսկվայի մշակույթի դեպարտամենտ` իրեն և թատրոնի արտիստներին «կոլեկտիվի նորմալ աշխատանքին խանգարող խաբեբաներից» պաշտպանելու խնդրանքով։

«Անձնագրային տվյալներին համապատասխան». ինչպես է իրեն զգում Արմեն Ջիգարխանյանը

2017 թվականի հոկտեմբերի վերջին Արմեն Ջիգարխանյանի ղեկավարած թատրոնում հետաքննչական գործողություններ անցկացվեցին դերասանի կորցրած անձնագրի վերաբերյալ քրեական գործով։ Տեղեկացվեց նաև, որ խուզարկություն է անցկացվել Ցիմբալյուկ-Ռոմանովսկայայի բնակարանում, առգրավվել են արտասահմանյան անձնագիրը, բժշկական փաստաթղթերն ու Ջիգարխանյանի կտակը։ Նրանք պաշտոնապես ամուսնալուծվեցին նոյեմբերի 27-ին։

 

341
թեգերը:
հիվանդանոց, հիվանդ, դերասան, Ռուսաստան, Արմեն Ջիգարխանյան
Ըստ թեմայի
Արմեն Ջիգարխանյանը մտորում է նոր դերի շուրջ
Արմեն Ջիգարխանյանը` կնոջ մասին. «Նա գող է և իրեն ստորաբար պահեց»
Արմեն Ջիգարխանյանը նոր «հարսանիքի» է պատրաստվում
Արա Այվազյան

Արա Այվազյանը կմեկնի Մոսկվա. նա խոսել է Սերգեյ Լավրովի հետ

209
(Թարմացված է 20:30 28.11.2020)
Արտգործնախարարները հանգամանորեն անդրադարձել են նոյեմբերի 9-ի եռակողմ հայտարարության իրականացման ընթացքին:

ԵՐԵՎԱՆ, 28 նոյեմբերի – Sputnik․ ՀՀ արտաքին գործերի  նախարար Արա Այվազյանը հեռախոսազրույց է ունեցել Ռուսաստանի արտաքին գործերի նախարար Սերգեյ Լավրովի հետ, որի ընթացքում մի շարք հարցերից զատ քննարկվել է Այվազյանի` Մոսկվա կատարելիք աշխատանքային այցը։ Տեղեկությունը հայտնում է արտաքին գործերի նախարարության մամուլի ծառայությունը։

Կողմերը, ի շարունակություն վերջին շրջանում տեղի ունեցող ակտիվ շփումների, հանգամանալից անդրադարձել են նոյեմբերի 9-ի եռակողմ հայտարարության իրականացման ընթացքին, այդ թվում՝ հումանիտար խնդիրների շուտափույթ կարգավորմանը:

Երկու երկրների արտաքին քաղաքական գերատեսչությունների ղեկավարները մտքեր են փոխանակել Արա Այվազյանի՝ դեկտեմբերի 7-ին Մոսկվա կատարելիք աշխատանքային այցի շուրջ:

Ավելի վաղ հայտնել էինք, որ Մոսկվա է մեկնելու նաև ՀՀ վարչապետ Նիկոլ Փաշինյանը։ Վարչապետի աշխատակազմի արարողակարգի բաժնի պետ Էդուարդ Հարությունյանին 2020 թվականի նոյեմբերի 30-ից մինչև դեկտեմբերի 4-ը ներառյալ գործուղվելու է Ռուսաստանի Դաշնություն (Մոսկվա)՝ Փաշինյանի այցը կազմակերպելու և անցկացնելու նպատակով:

209
թեգերը:
Սերգեյ Լավրով, Արա Այվազյան, Ռուսաստան, Հայաստան
Ըստ թեմայի
«Մենք այստեղ ենք Պուտինի որոշմամբ». Լավրովը Փաշինյանին է ներկայացրել իրենց մոտեցումները
Ղարաբաղի վերաբերյալ հայտարարության կենսունակությունը վերահաստատվում է ամեն օր. Լավրով
ՀԱՊԿ հավաքական անվտանգության խորհրդի նիստը կկայանա առաջիկա օրերին. Լավրովին
Պուտինն ու Էրդողանը

Մոսկվան պետք է ավելի «ագրեսիվ» քաղաքականություն վարի Անկարային զսպելու համար. Աթաև

244
(Թարմացված է 23:33 27.11.2020)
Քաղաքագետ Արթուր Աթաևը մեկնաբանել է ԼՂ–ում մարտական գործողություններից հետո տարածաշրջանում Անկարայի դերի ուժեղացման հարցը։

ԵՐԵՎԱՆ, 27 նոյեմբերի – Sputnik. Թուրքիայի ձգտումները նախևառաջ պայմանավորված են երկրի նախագահ Ռեջեփ Թայիփ Էրդողանի անձնական հավակնություններով, որոնք պետք է սահմանափակել։ Sputnik Արմենիայի հետ զրույցում նման կարծիք հայտնեց քաղաքագետ Արթուր Աթաևը։

Աթաևի խոսքով` այս պահին ԼՂ–ի շուրջ իրավիճակի զարգացման միայն բացասական սցենարներ են երևում։

«Շատ է ուժեղացել արտաքին գործոնը` ի դեմս Թուրքիայի, որը չպետք է այդ աստիճան գերիշխի տարածաշրջանում։ Ընդ որում` մեծ մասամբ դա վերաբերում է անձամբ Թուրքիայի նախագահին», – նշեց քաղաքագետը։

Աթաևը հիշեցրեց Էրդողանի հետ մինչև 2017 թվականն աշխատող նախկին վարչապետ և «Թուրքական ապագա» ընդդիմադիր կուսակցության առաջնորդ Ահմեդ Դավութօղլուի հայտարարությունները։ Դավութօղլուի կարծիքով` համաշխարհային հանրությունը չի գիտակցում, թե որքան վտանգավոր է Թուրքիայի ներկայիս նախագահն աշխարհի համար։

«Էրդողանը հեղինակություն է վայելում դեռ չձևավորված, բայց ձևավորման միտում ունեցող «թուրքական աշխարհում»։ Դա փաստ է, և մենք մեծ հավակնություններ ենք տեսնում, լսել ենք ղարաբաղյան երկրորդ պատերազմի ընթացքում Էրդողանի հայտարարությունները, որոնք երբեմն ավելի կոշտ ու ռադիկալ են եղել, քան Ադրբեջանի նախագահ Իլհամ Ալիևինը», – նկատեց Աթաևը։

Նրա խոսքով` պատմությունը ցույց է տալիս, որ թուրքական գործոնի ուժեղացումը վատ հետևանքների է հանգեցնում։ Ընդ որում` Թուրքիայի ուժեղացման գործոնը վերաբերում է Հարավային Կովկասի բոլոր երկրներին, այդ թվում` Վրաստանին և Ադրբեջանին։

Աթաևը կարծում է, որ այժմ սադրանքներ չեն լինի, բայց կլինի Թուրքիայի «ագրեսիվ դիրքավորում»` որպես Հարավային Կովկասի խաղացող, քանի որ Անկարայի համար տարածաշրջանում Թուրքիայի ռազմական ներկայության գործընթացի «լեգիտիմացումը» անցած փուլ է։

«Թուրք զինվորականներն առաջին անգամ են նման ծավալով և որակով ներկա գտնվում այստեղ։ Կարծում եմ` բազմակողմանի (դիվանագիտական, ռազմական, տնտեսական) ճնշումներ են լինելու Վրաստանի, Հայաստանի և Ադրբեջանի տարածաշրջանային քաղաքական էլիտաների վրա», – նշեց Աթաևը։

Նրա խոսքով` Անկարան, որը փորձ է ձեռք բերել Չադում, Կատարում, Լիբիայում, Սիրիայում, գլոբալ «խաղի» է հավակնում։ Սա շատ վտանգավոր խաղ է` հաշվի առնելով Թուրքիայի աշխարհաքաղաքական մեծ հավակնությունները։

Այդ ֆոնին Ռուսաստանի քաղաքականությունը Հարավային Կովկասում, քաղաքագետի կարծիքով, պետք է լավ իմաստով ավելի ագրեսիվ լինի։

«Պետք է շատ ակտիվ գործել քաղաքական մակարդակում և ազդել այն երկրների վրա, որոնք Մոսկվայի հետ մեկտեղ կարող են չափավորել Թուրքիայի հավակնությունները», – համոզված է Աթաևը։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

244
թեգերը:
Ռեջեփ Թայիփ Էրդողան, Թուրքիա, Ռուսաստան
Ըստ թեմայի
Պուտինն ու Էրդողանը կրկին քննարկել են ԼՂ-ի հայտարարության կատարման ընթացքը
Էրդողանն ուզում է Արցախի շրջանները բնակեցնել սիրիացի գրոհայիններով. Սեմյոն Պեգով
Կրեմլում չեն մեկնաբանել Էրդողանի նոր հայտարարությունը Լեռնային Ղարաբաղի վերաբերյալ
Վահան Քերոբյան

Պիտի հասկանանք` ինչ ենք կորցրել և գտնենք դրանք վերականգնելու մեխանիզմները. Վահան Քերոբյան

0
(Թարմացված է 23:02 28.11.2020)
ՀՀ էկոնոմիկայի նորանշանակ նախարար Վահան Քերոբյանը Sputnik Արմենիայի հետ հարցազրույցում ներկայացրել է իր ծրագրերն ու անելիքներն այդ պաշտոնում: Անդրադարձել է նաև Արցախում անցկացրած 52 օրերին ու բանակում իր արձանագրած խնդիրներին:

- Պարո՛ն Քերոբյան, շնորհավորում ենք պաշտոնը ստանձնելու կապակցությամբ ու նաև խնդրում ենք պատմել՝ ինչպես ստացաք այդ առաջարկն ու ինչպես որոշեցիք ընդունել այն՝ հատկապես այս դժվարին ժամանակահատվածում:

- Առաջարկը ստացել եմ վարչապետի հետ մեր վերջին հանդիպման ժամանակ, կարծեմ՝ երկուշաբթի օրը: Միանգամից չեմ համաձայնել, քանի որ որոշ հարցեր կային ճշտելու աշխատանքի ու պահանջների հետ կապված՝ ինչ է պահանջվում, ինչ խնդիրներ է պետք լուծել, արդյոք դրանք համապատասխանում են իմ պատկերացումներին, թե ոչ: Հիմա, հասկանալով պատկերացումներն ու ինձ հետ կապված նպատակները, համաձայնեցի:

- Իսկ սպասելի՞ էր նման առաջարկ ստանալը:

- Այնպես չէ, որ լրիվ անսպասելի էր, որովհետև վարչապետի հետ հարաբերություն նախկինում ևս ունեինք, ու իմ մտքերը ես կարողանում էի հասցնել վարչապետին ու կառավարությանը, ու կար երկխոսություն, որի արդյունքում վարչապետի համար պարզ դարձավ, որ այս հանգրվանում ես գուցե կկարողանամ օգտակար լինել իմ երկրին:

- Ձեր բիզնեսը՝ Menu.am-ը, փաստորեն թողնո՞ւմ եք: Ի՞նչ եք անելու Ձեր բիզնեսը:

- Դե, այսօրվա դրությամբ Menu.am-ի ամենախոշոր բաժնետերն եմ: Այդ բաժնետոմսերը դեռևս մնում են իմ սեփականությունը, բայց, համաձայն օրենքի, ես պետք է այն հավատարմագրային կառավարման տամ: Ինչ վերաբերում է գործադիր պաշտոններին՝ տնօրենների խորհրդի անդամի և գործադիր տնօրենի պաշտոններին, ապա ես արդեն հրաժարական եմ ներկայացրել վճարովի պաշտոնից, այսինքն՝ գործադիր տնօրենի պաշտոնից, իսկ խորհրդի անդամի պաշտոնից մինչև մեկ ամիս ժամանակ ունեմ, կհասցնեմ բաժնետոմսերս տալ հավատարմագրային կառավարման և զիջել իմ տեղը տնօրենների խորհրդում:

- Արդեն մի քանի օր է, ինչ մամուլում հիշատակվում է Al Jazira-ին տված Ձեր հարցազրույցը, որտեղ ասում եք, թե երկրի ղեկավարությունը մեզնից թաքցնում էր պատերազմում տիրող ռեալ իրավիճակը: Ի՞նչ նկատի ունեիք:

- Ես ասել եմ` «վերջին տասնամյակներում»: Իմիջիայլոց, այդ արտահայտությունը Al Jazira-ն կտրել է: Վերջին տասնամյակներում մեզ միշտ ասել են, որ մեր բանակը հզոր է, որ մեր բանակում ամեն ինչ կա, մեր բանակը տարածաշրջանի ամենամարտունակ բանակն է և այլն, ինչը, կռվի դաշտում պարզվեց, որ չի համապատասխանում իրականությանը: Իմ կարծիքով` մենք ունենք շատ վատ կառավարվող կառույց, ու եթե դա չընդունենք, բնականաբար, չենք կարող զարգացնել այն: Կարծում եմ`հիմա ժամանակն է ճիշտը խոսել բանակի մասին և, բնականաբար, ձեռնամուխ լինել արմատական բարեփոխումներին, ինչն արդեն ընթացքի մեջ է:

50-52 օր ես եղել եմ այնտեղ՝ պատերազմի առաջին օրվանից մինչև նոյեմբերի 18-ը, իսկ իմ եղբայրներն ու մեր ընկերները մինչև օրս էլ դեռ այնտեղ են: Մենք համառորեն պաշտպանեցինք այն դիրքերը, որոնք կմնան Հայաստանի կամ Արցախի տիրապետման տակ: Այդ 52 օրվա մեջ ես ընդամենը 1 անգամ եմ տեսել համակարգիչ և ցանկացած էլեմենտից՝ մեր տեղաշարժի և այլն, պարզ է դարձել, որ մենք թուղթ ու գրիչով ենք կառավարում բանակը: 21-րդ դարում չի կարող նման բան լինել, և տեղեկատվական տեխնոլոգիաները պետք է ամբողջությամբ ներծծվեն այդ կառույցի մեջ:

- Ձեր այս տպավորություններով Դուք արդեն կիսվե՞լ եք կառավարության անդամների, վարչապետի հետ:

- Ոչ ամբողջությամբ։ Բնականաբար, այն, ինչ ես եմ տեսել, բազմաթիվ մարդիկ իրենց հրապարակային ելույթներում ասել են: Միգուցե ես ինչ-որ նոր բաներ կասեմ, բայց հիմնական հետևությունը, որ կարելի է անել, այն է, որ բանակին տրամադրվել են հսկայական ռեսուրսներ, որոնք, կարելի է ասել, արդյունավետ չեն օգտագործվել:

Մեր հրամանատարական կազմի ներկայացուցիչները խոստովանեցին, որ վերջին 25 տարում բանակը չի եղել գրավիչ տեղ խելացի մարդկանց համար: Հետևաբար բանակի պետությունը չի կարողացել ներգրավել բավարար քանակով տաղանդավոր մարդկանց, որոնք կկարողանային կառուցել ապագայի բանակ:

Չեմ ուզում մեղավորներ փնտրել։ Մեղքի բաժին բոլորս ունենք: Ես ինքս որոշ բաների վրա աչք եմ փակել, ինչ-որ բաներ ասել եմ՝ լավ, դե սա իմ գործը չէ, ու արդյունքում ունենք այն, ինչ ունենք: Հիմա պետք է բացարձակապես անհանդուրժելի դառնա հարմարվողականությունը: Մենք պետք է չհամակերպվենք այն վիճակի հետ, որն այսօր կա ու շտկենք, որպեսզի կարողանանք արագ, բեկումնային աճ արձանագրել այդտեղ ու ոչ միայն այդտեղ, այլև ամբողջ տնտեսության մեջ:

- Պարզ է, որ մեր տնտեսությունն այսօր շոկային վիճակում է. առաջին հարվածը ստացել էր կորոնավիրուսի համավարակի պատճառով, իսկ երկրորդն արդեն պատերազմից ստացավ։ Ի՞նչ քայլեր եք ձեռնարկելու, որպեսզի տնտեսությունը դուրս բերեք այդ վիճակից:

-Ես, իհարկե, ունեմ իմ պլանը, բայց քանի որ այն պետք է վերածվի կառավարության որոշումների, ապա ես այս պահին զերծ կմնամ դրանք կետ առ կետ թվարկելուց: Բայց ես արդեն ասել եմ, որ իմ հիմնական դերը տեսնում եմ բոլոր այն խոչընդոտները վերացնելու մեջ, որոնք այսօր կանգնած են բիզնեսի առաջ, որպեսզի գործարար համայնքը կարողանա անկաշկանդ և ստեղծագործ ձևով աշխատել և զարգացնել երկրի տնտեսությունը:

- Ո՞րն եք համարում ամենամեծ խոչընդոտը:

- Միայն ես չէ, որ այդպես եմ համարում: Եթե դուք ուշադրություն դարձնեք Դավոսի համաշխարհային տնտեսական ֆորումի ամենամյա գլոբալ մրցունակության զեկույցում Հայաստանին վերաբերող հատվածին, ապա կտեսնեք, որ տասնամյակներով Հայաստանի գործարարները հարցումներին պատասխանելիս շեշտել են, որ կոռուպցիայից, հարկերից ու բյուրոկրատիայից ավելի շատ մեր տնտեսության զարգացմանը խանգարում է ֆինանսական միջոցներին անհասանելիությունը, անմատչելիությունը: Բնականաբար, դրանից էլ պետք է սկսել, որպեսզի տնտեսության մարմնի մեջ բավարար չափով արյուն լցվի:

- Հայաստանի տնտեսությունը սերտորեն կապակցված է Արցախի հետ: Մենք այսօր ունենք կորցրած տարածքներ, որտեղ ցորեն էր մշակվում: Փորձագետներն ասում են, որ սա խնդիր է լինելու ապագայում մեր տնտեսության համար: Ի՞նչ հակաճգնաժամային ծրագրեր ունեք այս կորուստը կոմպենսացնելու համար:

- Ամենամեծ խնդիրը, որ կար Արցախում, այն էր, որ 30 տարում մենք այդպես էլ չենք կարողացել ընդունելի մակարդակով յուրացնել այդ տարածքները՝ զարգացնել տնտեսությունը, ավելացնել բնակչությունը և այլն: Կարելի է ասել, որ այդ տարածքների մեծ մասն անապատ էր: Հիմա, բնականաբար, այն մարդիկ, որոնք բիզնես են ունեցել Արցախում ու կորցրել են, լինելու են ուշադրության կենտրոնում, քանի որ նրանք կարողացել էին Հայաստանից շատ ավելի ծանր պայմաններում լինել հաջող բիզնեսմեն: Նման մարդկանց պետք է փրկել, և ես պետք է հանդիպեմ այդ մարդկանց հետ ու տեսնեմ, թե ինչով կարող ենք վերակենդանացնել իրենց կորցրած բիզնեսները:

Ինչ վերաբերում է դրա հետ կապված ճգնաժամին, նախ պետք է մանրամասն հաշվառում անել, որովհետև առաջին հայացքից այդ տարածքներում առանձնապես մեծ տնտեսություն չի եղել: Մի խոսքով` պետք է հասկանալ՝ ինչ ենք կորցրել և արագ գտնենք դրանք վերականգնելու մեխանիզմները:

0
թեգերը:
Նախարար, Վահան Քերոբյան, Հայաստան
Ըստ թեմայի
Ֆանտազիայի ժանրից է, ինչ ասեմ. Մանե Թանդիլյանը մեկնաբանել է իրեն պաշտոն առաջարկելու լուրը
«Իմ քայլը» պահանջում է պատժել Երևանի պատասխանատու պաշտոնյաներին` թվեր նկարելու համար
Արթուր Վանեցյանը նոր փակագծեր բացեց իր` ԱԱԾ տնօրենի պաշտոնից հրաժարվելու վերաբերյալ
Ստեփանավանը քաղաքապետի պաշտոնակատար ունի