Միխայիլ Գալուստյան

«Միշա, մի՛ փորձիր ինձ անցնել». հայր և որդի Գալուստյանները մրցել են ջրացատկում. տեսանյութ

345
Միխայիլ Գալուստյանը համացանցում նոր տեսանյութ է հրապարակել, որտեղ նա ընտանիքի և ծնողների հետ ծովում հանգստանում է զբոսանավի վրա։

ԵՐԵՎԱՆ, 14 օգոստոսի — Sputnik. Դերասան և շոումեն Միխայիլ Գալուստյանն այժմ ընտանիքի հետ հանգստանում է հայրենի Սոչիում, միևնույն ժամանակ՝ ուրախացնում Instagram–ի բաժանորդներին նոր լուսանկարներով և տեսանյութերով։

Նրա հրապարակած վերջին տեսահոլովակը 2 մասից է բաղկացած։ Առաջին մասում նրա հայրը` Սերգեյ Նշանովիչը, ջուրն է ցատկում զբոսանավից, որի վրա իր հանգիստն է անցկացնում Գալուստյանների ընտանիքը։ Երկրորդում նմանատիպ ցատկ է կատարում Միխայիլը։

Տեսանյութը Գալուստյանն ուղեկցել է մեկնաբանությամբ. «Քրքջում եմ։ Հայրս փոկի նման ջուրը մտավ։ Ես էլ հետևից։ Նա նայում է փորիս ու ասում. «Միշա», մի՛ փորձիր ինձնից առաջ անցնել»։

Սակայն օգտատերերին ավելի շատ հետաքրքրել է ոչ թե Գալուստյանի հոր չափերը, այլ նրանց երկուսի ցատկերը, և սկսել են համեմատել դրանք:

«Հայրիկը մտավ՝ ինչպես դանակը կարագի մեջ։ Հին դպրոց է։ Իսկ դու ձախողեցիր»,- գրում է aleksandr.evlampiev–ը։

«Հայրիկը պատահաբար ջրացատկով չի՞ զբաղվել», – հարցնում է  jorkaev_888–ը։

«Կեցցե հայրիկը։ Գեղեցիկ ցատկ կատարեց», – նշել է viacheslavww–ը։

Այնպես որ, Միխայիլն օրինակ ունի. նա պետք է փորձի ջրացատկի տեխնիկան հղկել։

Իսկ ինչ վերաբերում է հոր փորին, նրան դա կարգավիճակով թույլատրելի է։ Չէ՞ որ Սերգեյ Գալուստյանը մասնագիտությամբ խոհարար է։

Հայաստանի հավաքականն՝ ընդդեմ Սոչիի հավաքականի․ Գալուստյանն անգթորեն հաղթել է հակառակորդին

345
թեգերը:
Միխայիլ Գալուստյան
Ըստ թեմայի
«Հարբեցողության օրհներգ». թողարկվել է Միշա Գալուստյանի և Ռևայի տեսահոլովակը․ տեսանյութ
Հայկական արմատներով հաջողակ աստղերն ընդգրկվել են Forbes–ի վարկանիշում. ովքե՞ր են նրանք
«Խմում ես, հետո էլի ես խմում». Միշա Գալուստյանը Սևանում լողալու իր մեթոդն ունի
Միխայիլ Գալուստյանին զայրացրել են ամուսնալուծության մասին լուրերը. տեսանյութ
Գալուստյան vs Ռևա. երգի մրցույթը վերածվել է հումորային մենամարտի
Դոնալդ Թրամփ

Կորոնավիրուսն ու ռուսական հետքը. ո՞ւմ են ձեռնտու ամերիկյան խռովությունները

63
(Թարմացված է 20:36 02.06.2020)
Աֆրոամերիկացի Ջորջ Ֆլոյդի մահից հետո Ամերիկայի քաղաքներում բողոքի ալիք է բարձրացել։ Եվ ամերիկյան իսթեբլիշմենթն այս անգամ էլ երկրում տեղի ունեցող իրադարձությունների իրական և խորքային պատճառները հասկանալու փոխարեն որոշել է ողջ մեղքը բարդել Ռուսաստանի վրա։

Գալիա Իբրահիմովա, ՌԻԱ Նովոստի

ԱՄՆ–ում զանգվածային անկարգությունները Մոսկվան է հրահրում, իսկ ցուցարարներն ավերում են ոստիկանական բաժինները` խստորեն հետևելով «ռուսների ցուցումներին»։ Նման մեղադրանքով է հանդես եկել ազգային անվտանգության գծով նախկին խորհրդական Սյուզան Ռայսը։ Ապացույցներ ներկայացնելու փոխարեն նա առաջարկել է հավատալ իր փորձին և ինտուիցիային։ Ինչու են ամերիկացիներն ամենուր «ռուսական հետք» տեսնում, փորձել է պարզել ՌԻԱ Նովոստին։

Ցույցերից մինչև ավազակային հարձակումներ

Լոս Անջելեսի առևտրի կենտրոնները կարանտինի պատճառով փակ են։ Կալիֆոռնիայի իշխանությունները մտադիր էին բացել դրանք հունիսին, սակայն ավազակները նրանցից առաջ ընկան։ Այժմ էլիտար բուտիկների դռներն ու ցուցափեղկերը կոտրված են, ամեն ինչ թալանված է։ Ջարդարարները դուրս էին հանում կենցաղային տեխնիկա, հագուստ, կահույք, նույնիսկ սնունդ։ Ոստիկանության ուղղաթիռները փորձում էին կասեցնել անկարգությունները` վերևից ջուր լցնելով։ Սակայն դա չկանգնեցրեց կատաղած ամբոխին։

Ցույցերը, որոնք Մինեապոլիսում սկսվեցին այն բանից հետո, երբ աֆրոամերիկացի Ջորջ Ֆլոյդը մահացավ ձերբակալության ժամանակ, շուտով բռնկեցին նաև Վաշինգտոնում, Սան Ֆրանցիսկոյում, Փորթլենդում, Մայամիում, Ինդիանապոլիսում, Ֆիլադելֆիայում և Ատլանտայում։ Դերեք Չովինին, որն իր մեղքի բաժինն ուներ ողբերգական միջադեպի հետ կապված, աշխատանքից հեռացրին, նրա նկատմամբ քննություն է տարվում։ Սակայն ցուցարարները պահանջում են ոչ միայն պատժել իրավապահ մարմինների ներկայացուցչին, այլև վերջ դնել ԱՄՆ–ում համակարգային ռասիզմին։ «Չկա արդարություն, չկա խաղաղություն։ Ո՛չ ոստիկանների կամայականություններին», – աղաղակում են ցուցարարները։

Շատերի ձեռքին Ֆլոյդի վերջին խոսքերով ցուցանակներ էին` «Չեմ կարողանում շնչել»։ Հարյուրավոր մարդիկ պառկում էին ասֆալտին և կրկնում այդ արտահայտությունը։ Սակայն խաղաղ ցույցերը շատ արագ վերածվեցին բախումների, այնուհետև անկարգությունների և թալանի։

Դոնալդ Թրամփն ԱՄՆ–ի փրկությունը տիեզերքո՞ւմ է փնտրում

Խոշոր քաղաքներում պարետային ժամ մտցրին։ Չօգնեց։ Վաշինգտոնում ցուցարարները շրջապատեցին Սպիտակ տունը, փորձում էին ներս ներխուժել։ Նյու Յորքում ամբոխը քարեր նետեց 20 ոստիկանական մեքենայի վրա և այրեց դրանք։ Փորթլենդում ջարդարարները հրդեհեցին դատարանի շենքը։

Սպառնալիք քաղաքացիական հասարակությանը

Սկզբում ԱՄՆ–ում շատերը համակրանքով էին վերաբերվում ցուցարարներին։ Տեղի իշխանություններն աշխատում էին նրանց սադրիչ գործողություններին չարձագանքել, ոստիկաններին կոչ էին անում ուժ չկիրառել։ Սակայն երբ իրավապահ մարմինների աշխատակիցների ուղղությամբ սկսեցին դյուրավառ խառնուրդով շշեր նետել, այլևս հնարավոր չէր չարձագանքել։

Մինեսոտայի նահանգապետն ազգային գվարդիա մտցրեց նահանգ, զինվորականների օգնությանը դիմեցին նաև Լոս Անջելեսում։ Գործի դրվեցին արցունքաբեր գազ և ռետինե փամփուշտներ։

«Այն, ինչ կատարվում է Մինեապոլիսում, այլևս կապված չէ Ֆլոյդի մահվան հետ։ Ջարդերը սպառնում են քաղաքացիական հասարակությանը և վախ են ներշնչում մեր քաղաքին, խանգարում նրա բնականոն կյանքին», – բացատրեց նահանգապետ Թիմ Վալցը։

Դոնալդ Թրամփն էլ ավելի կոշտ արձագանքեց։ Նախագահը խոստովանեց, որ Ֆլոյդի մահը «ողբերգություն է, որն ամերիկացիների մոտ սարսափ, զայրույթ և ցավ առաջացրեց»։ Սակայն քննադատեց նահանգի իշխանություններին, որոնք ժամանակին չեն հանդարտեցրել ամբոխին։ Ցուցարարներին նա անվանեց «ավազակներ», ողջունեց ուժի կիրառումը։ Իսկ ձախ ռադիկալ խմբավորումների հասցեին մեղադրանքներ հնչեցրեց սադրանքների համար և կոչ արեց արգելել դրանց գործունեությունը։

Թրամփը ևս մեկ տարով երկարաձգել է Ռուսաստանի դեմ պատժամիջոցները

Կիրակի անվտանգության ծառայությունը պետության ղեկավարին ուղարկեց Սպիտակ տան ստորգետնյա բունկեր։ Այնտեղից նա կարողացավ դուրս գալ միայն այն ժամանակ, երբ վտանգն անցավ։

Ո՞վ է մեղավոր

Անկարգություններում բավական արագ ռուսական հետք «հայտնաբերեցին»։

«Ռուսաստանցիներն անցած նախընտրական արշավի ժամանակ սև ակտիվիստներ էին։ Չեմ բացառում, որ նրանք ներգրավված են նաև ջարդերում», –CNN–ի եթերում ասաց Նոր Օռլեանի քաղաքապետ Մարկ Մորիալը։ Երկար տարիների հետաքննության մասին (որն այդպես էլ չբացահայտեց 2016 թվականի ընտրություններին Մոսկվայի միջամտությունը) քաղաքապետը լռեց։

Մի քանի օր անց էստաֆետը վերցրեց Բարաք Օբամայի վարչակազմի ազգային անվտանգության գծով նախկին խորհրդական Սյուզան Ռայսը։ Նույն CNN–ում նա ենթադրեց, որ ցուցարարները գործել են «ռուսական ձեռնարկով»։

«Կան խաղաղ ցուցարարներ։ Նրանք հանդես են գալիս անարդարության և անհավասարության դեմ։ Սակայն կան նաև սադրիչներ, որոնք փորձում են զավթել ցույցերի օրակարգը։ Փորձն ինձ հուշում է, որ նրանք գործում են ճիշտ և ճիշտ մարտավարական սխեմաների ռուսական ձեռնարկի համաձայն»,–ասել է Ռայսը։

«Ռուսական հետքի» փնտրտուքների անցնելով` ամերիկյան ԶԼՄ–ները հիշեցին Մոսկվայի հասցեին ևս մեկ մեղադրանք։ Մի քանի տարի առաջ Վաշինգտոնում պնդում էին, որ ռուսաստանցի հաքերները սատարում են Black Lives Matter շարժմանը։ Նրանց ակտիվիստները ևս հանդես էին գալիս ոստիկանական կամայականությունների դեմ։

Թրամփը քննադատեց «ռուսական հետքի» մասին բանավեճերը։ Նախագահը ենթադրեց, որ CNN–ը դա անում է վարկանիշների հետևից ընկնելով։

Չլռեցին նաև Մոսկվայում։ Նախագահի մամուլի քարտուղար Դմիտրի Պեսկովը նշեց, որ Ռուսաստանը «երբեք չի միջամտել Ամերիկայի գործերին և մտադիր չէ միջամտել նաև այսօր»։

Ամերիկայի բևեռացում

Ամերիկյան հասարակությունը խիստ բևեռացված է։ Սրանով է Եվրոպական և միջազգային համալիր հետազոտությունների կենտրոնի փոխտնօրեն Դմիտրի Սուսլովը բացատրում ցույցերի զանգվածային բնույթը։  Ամբողջ հարցն արժեհամակարգի պառակտման մեջ է, որն ուժեղացել է Դոնալդ Թրամփի իշխանության գալուց հետո։

«Ամերիկացիների մի մասը լիբերալ արժեքներ ունի, մյուս մասը` պահպանողական։ Կան էմիգրացիայի կողմնակիցներ, սակայն շատ են նաև նրանք, ովքեր կողմ են Մեքսիկայի հետ սահմանին պատ կառուցելուն։ Ավելացրեք գլոբալիստների և պրոտեկցիոնիստների հակամարտությունը։ Մինեապոլիսը հիշեցրեց նաև ռասսայական խնդրի մասին։ Ճիշտ շրջապատում գործեց սպիտակ բնակչության նկատմամբ, սակայն սևն այդպես էլ չկարողացավ հասարակության լիիրավ անդամ դառնալ»,–ՌԻԱ Նովոստիի հետ զրույցում պարզաբանել է Սուսլովը։

Կորոնավիրուսի համավարակը, փորձագետի կարծիքով, ընդգծեց աֆրոամերիկացիների խոցելիությունը։ «Սևամորթ բնակչության շարքերում վարակից մահացությունն ավելի բարձր է։ Ըստ ամենայնի` սա բժշկության նկատմամբ սահմանափակ հասանելիություն ունենալու հետևանք է։ Աֆրոամերիկացիներն իրենց թանկարժեք բուժում թույլ տալ չեն կարող` սպիտակների հետ համեմատած ավելի քիչ եկամուտ ունենալու պատճառով», – ասում է Սուսլովը։

Օգտակար մեղադրանքներ

«Ռուսական հետքի» փնտրտուքները քաղաքագետը կապում է այն բանի հետ, որ իշխանությունները չեն ցանկանում խոստովանել, որ առկա են ներքին հակասություններ։

«Ամերիկյան էլիտան կարծում է, որ հասարակությունն առողջ է։ Ամեն ինչ փչացնում են Թրամփն ու ռուսները։ Եթե հեռացնեն Թրամփին և վերացնեն «ռուսական հետքը», երկիրը նորմալ վիճակի կվերադառնա։ Սակայն քաղաքներում տեղի ունեցող խռովությունները ցույց են տալիս, որ այդ նորմալ վիճակը վաղուց չկա։ Ոչ ոք չի խոստովանում լուրջ բարեփոխումների անհրաժեշտությունը», –նշում է Սուսլովը։

Ռայսի ելույթը, ըստ քաղաքագետի, պետք է ընկալել նախընտրական քարոզարշավի համատեքստում։

«Կարելի է ենթադրել, որ նախկին պաշտոնյան մտադիր է մտնել Ջո Բայդենի թիմ, եթե նա դառնա հաջորդ նախագահը։ Եվ Մոսկվայի հասցեին մեղադրանքները դեմոկրատների ճնշման շարունակությունն են Թրամփի վրա, որն իբրև թե Կրեմլի հետ միասին է գործում», – նշում է փորձագետը։

Սուսլովը չի բացառում, որ Բայդենի հաղթանակը հերթական «ռուսական գործի» սկիզբ կդառնա։

«Ամերիկացիներն անմիջապես մեղադրեցին Մոսկվային ընտրությունների վրա ազդելու մտադրության մեջ։ Այժմ այդ կասկածներն ուժեղացել են։ Կոնգրեսի դեմոկրատները կարող են պատժամիջոցներ առաջարկել Մինեապոլիսի ավերածությունների համար։ Իսկ հետո նաև այլ քայլերի դիմել։ Բայդենն ընդհանրապես կարող է մեղադրել Մոսկվային ամերիկյան հասարակությունը ոչնչացնելու փորձում, և կարող է դա անել նախընտրական դրույթներից մեկով», – կանխատեսում է քաղաքագետը։

Սակայն արտաքին թշնամու փնտրտուքները, ըստ փորձագետի, որևէ լավ բան չեն կանխատեսում ո՛չ ռուս–ամերիկյան հարաբերությունների, ո՛չ էլ միջազգային անվտանգության համակարգի համար։ Ավելին, սովորական գաղափարական կարծրատիպերից օգտվելու փորձը վտանգավոր է հենց Ամերիկայի համար. չէ՞ որ ցույցերն իրական են, ինչպես և այն խնդիրները, որոնք առաջացրել են այդ փոթորիկը։ Իսկ ռուսական հետքի մասին ակնարկներով ոչինչ լուծել հնարավոր չէ։

«Իրականություն վերադարձեք». Զախարովան պատասխանել է ԱՄՆ նախագահի նախկին խորհրդականին

63
թեգերը:
Բողոքի ակցիա, Ռուսաստան, ԱՄՆ, Դոնալդ Թրամփ
Ըստ թեմայի
«Չեմ կարողանում շնչել»․ խռովությունները տարածվել են ԱՄՆ-ում
Սոցիալական կայքերը հեղեղված են ԱՄՆ-ում տեղի ունեցող բողոքի ակցիաների տեսանյութերով
Ավելի քան 60 սպա և գործակալ է տուժել ԱՄՆ-ում տեղի ունեցած ցույցերի ժամանակ

Համացանցում են հայտնվել երկնքում վերալիցքավորվող ռուսական կործանիչների տպավորիչ կադրերը

69
(Թարմացված է 18:44 02.06.2020)
Ռուսական կործանիչների անձնակազմը վարպետորեն իրականացրել է թռիչքային պատրաստության տարրերից մեկը՝ օդում վառելիքի վերալիցքավորումը։

Կենտրոնական ռազմական շրջանի կործանիչները օդ են բարձրացել Չելյաբինսկի մարզի Շագոլ օդանավակայանից։

Ավելի քան 150 բարձրակարգ օդաչուներ մոտեցել են Իլ-78 օդային տանկերին, ընդ որում՝ 60 թռիչք իրականացվել է գիշերային ժամերին։

Օդաչուները թռիչքներ են իրականացրել Սու-34, ՄիԳ-31ԲՄ և Սու-24ՄՌ ինքնաթիռներով։

Օդում վերալիցքավորումը օդաչուների թռիչքային պատրաստության կարևորագույն բաղադրիչներից է։ Այն ենթադրում է 550-600 կմ/ժ արագությամբ թռիչքի ընթացքում մոտենալ լիցքավորողի կոնուսային տվիչին՝ պահպանելով ընդամենը 10-15 մետր հեռավորություն»:

Տոնական ավիացիոն շքերթ. Երևանի երկնքում Սու-30ՍՄ կործանիչներն էին և ոչ միայն. լուսանկարներ

69
թեգերը:
վառելիք, տեսանյութ, Սու-30ՍՄ կործանիչ, Ռուսաստան
Ըստ թեմայի
Մոսկվայում կործանիչներն ու ռմբակոծիչները պատրաստվում են Հաղթանակի օրվան․ տեսանյութ
ՍՈւ-30 ՍՄ կործանիչների անձնակազմերը սկսել են ինտենսիվ մարզումներն ու ուսումնական թռիչքները
Ռուսական կործանիչներն ամերիկյան հետախույզ-ինքնաթիռներ են բռնել․ ի՞նչ էին փնտրում նրանք
Սու-57-ի փորձարկումներն ավարտված են. երբ ՌԴ ռազմաօդային ուժերը կստանան առաջին կործանիչները
Տիգրան Ավինյան, արխիվային լուսանկար

Որոշ լաբորատորիաներում կարգելվեն ՊՇՌ մեթոդով հետազոտությունները. ՀՀ պարետի նոր որոշումը

0
(Թարմացված է 00:43 03.06.2020)
Պոլիմերազային շղթայական ռեակցիայի մեթոդով լաբորատոր հետազոտությունների իրականացումը չի թույլատրվում բոլոր այն լաբորատորիաներում, որոնք չունեն տեխնիկական բավարար հագեցվածություն, բավարար թվով և որակավորմամբ մասնագետներ, ինչպես նաև կենսաանվտանգության պատշաճ համակարգ

ԵՐԵՎԱՆ, 3 հունիսի - Sputnik. ՀՀ պարետ Տիգրան Ավինյանը նոր որոշում է հրապարակել, որով ՀՀ-ում արգելվում են պոլիմերազային շղթայական ռեակցիայի (ՊՇՌ) մեթոդով լաբորատոր հետազոտությունները այն լաբորատորիաներում, որոնք չունեն տեխնիկական բավարար հագեցվածություն։ Տեղեկությունը հայտնում է ՀՀ կառավարության կայքը:

«ՀՀ ողջ տարածքում արգելվում է կորոնավիրուսային հիվանդության (COVID-19) ախտորոշման նպատակով պոլիմերազային շղթայական ռեակցիայի (այսուհետ՝ ՊՇՌ) մեթոդով լաբորատոր հետազոտությունների իրականացումն այն լաբորատորիաներում, որոնք չունեն տեխնիկական բավարար հագեցվածություն, բավարար թվով և որակավորմամբ մասնագետներ, ինչպես նաև կենսաանվտանգության/կենսապահովության (այսուհետ՝ կենսանվտանգություն) պատշաճ համակարգ»,- նշված է հաղորդագրության մեջ:

Նոր որոշմամբ սահմանվում է, որ կորոնավիրուսային հիվանդության (COVID-19) ախտորոշման նպատակով ՊՇՌ մեթոդով լաբորատոր հետազոտություններ իրականացնելու համար լաբորատորիաների տեխնիկական հագեցվածության, մասնագետների թվի և որակավորման, ինչպես նաև կենսաանվտանգության չափորոշիչներն ու պահանջները սահմանվում են Առողջապահության նախարարի հրամանով և ՊՇՌ մեթոդով լաբորատոր հետազոտություններ իրականացնելու համար բժշկական կազմակերպությունները և լաբորատորիաները պետք է դիմեն Առողջապահության նախարարություն՝ ներկայացնելով Առողջապահության նախարարի հրամանով սահմանված պահանջների ու չափորոշիչների վերաբերյալ տեղեկանք-հիմնավորում և անհրաժեշտ փաստաթղթեր:

Պարետ Տիգրան Ավինյանը կորոնավիրուսի թեստ չի հանձնի և չի փոխարինի Փաշինյանին. խոսնակ

Ինչ վերաբերում է տեխնիկական հագեցվածության, մասնագետների թվի ու որակավորման, ինչպես նաև կենսաանվտանգության/կենսապահովության պահանջներին լաբորատորիաների համապատասխանությանը, ապա դա իրականացվում է Առողջապահության նախարարի հրամանով ձևավորված մասնագիտական խմբի կողմից տեղում կատարված դիտարկմամբ, որի արդյունքում կազմվում է մասնագիտական եզրակացություն:

ՊՇՌ մեթոդով լաբորատոր հետազոտություն իրականացնելու համար նմուշառում կատարող բժշկական կազմակերպությունները և լաբորատորիաները, ինչպես նաև՝ հետազոտությունն իրականացնող լաբորատորիաները պարտավոր են նմուշառման օրն ապահովել իրենց կողմից իրականացված բոլոր հետազոտությունների վերաբերյալ ամբողջական տեղեկության մուտքագրումը էլեկտրոնային առողջապահության «ԱՐՄԵԴ» համակարգ, իսկ արդյունքները՝ դրանք հայտնի դառնալուց հետո՝ 12 ժամվա ընթացքում։ Պարտադիր է հետազոտվող անձի հասանելի հեռախոսահամարի ճշգրիտ մուտքագրումը, որը հանդիսանում է միակ կոնտակտային հեռախոսահամարն արդյունքների մասին տեղեկացնելու և քաղաքացու հետ հետագա կապի ապահովման համար։

Դրական արդյունքների դեպքում լաբորատորիաները 12 ժամվա ընթացքում լրացնում և Առողջապահության նախարարության «Հիվանդությունների վերահսկման և կանխարգելման ազգային կենտրոն» ՊՈԱԿ են ներկայացնում շտապ հաղորդման քարտ։

Երևանի կենտրոնում փակվել են հանրային սննդի մի շարք հայտնի կետեր. տեսանյութ

ՊՇՌ հետազոտություններ իրականացնող լաբորատորիաներում հետազոտությունների որակի արտաքին հսկողությունն իրականացնում է Առողջապահության նախարարության «Հիվանդությունների վերահսկման և կանխարգելման ազգային կենտրոն» ՊՈԱԿ-ը. ընթացակարգային կանոնները սահմանվում են Առողջապահության նախարարի ցուցումով։

Իր վերջին որոշման մեջ ՀՀ պարետը Առողջապահության նախարար Արսեն Թորոսյանին հանձնարարել է 2-օրյա ժամկետում՝

  • Սահմանել կորոնավիրուսային հիվանդության (COVID-19) ախտորոշման նպատակով ՊՇՌ մեթոդով լաբորատոր հետազոտություններ իրականացնելու համար լաբորատորիաներին ներկայացվող տեխնիկական հագեցվածության, մասնագետների թվի և որակավորման, կենսաանվտանգության չափորոշիչների ու պահանջների վերաբերյալ հարցաշար և ապահովել դրա հրապարակումը նախարարության պաշտոնական կայքէջում:
  • Ձևավորել մասնագիտական խումբ կորոնավիրուսային հիվանդության (COVID-19) ախտորոշման նպատակով ՊՇՌ մեթոդով լաբորատոր հետազոտություններ իրականացնելու համար լաբորատորիաների տեխնիկական հագեցվածության, մասնագետների թվի և որակավորման, ինչպես նաև կենսաանվտանգության՝ Առողջապահության նախարարի համապատասխան հրամանով սահմանված պահանջներին ու չափորոշիչներին համապատասխանությունը գնահատելու նպատակով:
  • Սահմանել կորոնավիրուսային հիվանդության (COVID-19) ախտորոշման նպատակով ՊՇՌ մեթոդով լաբորատոր հետազոտություններ իրականացնող լաբորատորիաներում որակի արտաքին հսկողության իրականացման գործողությունների ստանդարտ ընթացակարգը (ԳՍԸ)։
  • Հաշվի առնելով մասնագիտական խմբի գնահատման եզրակացությունը՝ Առողջապահության նախարարի ցուցումով սահմանել կորոնավիրուսային հիվանդության (COVID-19) ախտորոշման նպատակով ՊՇՌ մեթոդով լաբորատոր հետազոտություններ իրականացնող լաբորատորիաների ցանկը և ապահովել հանրությանը պատշաճ իրազեկումը՝ ըստ անհրաժեշտության ապահովելով դրա պարբերական թարմացումը։

Որոշումն ուժի մեջ է մտնում հունիս 2-ին՝ ժամը 23:59-ից:

0
թեգերը:
թեստ, որոշում, Տիգրան Ավինյան, պարետ, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Պարետի որոշմամբ Երևանի կենտրոնի խոշոր սուպերմարկետներից մեկը ժամանակավորապես չի գործի
932 տնտեսվարող պարետի սահմանած կանոնները չեն պահպանել. նրանց գործունեությունը կասեցած է
Պարետը չի բացառում կարանտինային ռեժիմ սահմանելու հնարավորությունը
Պարետատունն ինքնամեկուսացման պայմաններում փոփոխություններ է կատարել