Հայ ուսուցիչները Մոսկվայում

Ինչպե՞ս ճիշտ դասավանդել լեզուն. ռուսերենի հայ ուսուցիչները Մոսկվայում են

138
(Թարմացված է 18:13 11.07.2019)
Մոսկվայում անցկացվող դասընթացներին մասնակցում են ռուսագետներ Խորվաթիայից, Բուլղարիայից, Գերմանիայից, Հունգարիայից, Հնդկաստանից, Իտալիայից։

Sputnik, Լև Ռիժկով

Հուլիսին Մոսկվայի Ա. Ս. Պուշկինի անվան ռուսաց լեզվի ինստիտուտում անցկացվում է ռուս լեզվի ամառային միջազգային դասընթացների երկրորդ փուլը։ Դասընթացներին մասնակցում են տարբեր պատրաստվածության մարդիկ` երիտասարդներ, որոնք նոր են ուսումնասիրում «մեծ և հզոր» լեզուն, ինչպես նաև վստահ օգտատերեր և ռուսագետ դասախոսներ։

Учителя русского языка из Армении на Международных летних курсов русского языка
© Sputnik / Игорь Пантин
Հայ ուսուցիչները Մոսկվայում

Այն մանկավարժների համար, որոնք ցանկանում են բարձրացնել դասավանդման մակարդակը, Պուշկինի անվան ինստիտուտում բացվել է որակավորման խթանման ամառային ծրագիր։ Մոսկվա են ժամանել ռուսագետներ Խորվաթիայից, Բուլղարիայից, Գերմանիայից, Հունգարիայից, Հնդկաստանից, Իտալիայից։ Այս տարի առաջին անգամ մեծ կազմով մանկավարժներ են ժամանել նաև Հայաստանից։ Նրանք Sputnik–ի թղթակցին պատմեցին, թե ինչու է Հայաստանում այդքան բարձր ռուսաց լեզվի որակյալ դասավանդման պահանջարկը։

Սաթենիկ Սարգսյան. խաղալով լեզու սովորեցնել

Սաթենիկը երիտասարդ ուսուցչուհի է։ Նա դասավանդում է Հրազդանի թիվ 8 դպրոցում։ Ինչպես խոստովանում է, դասավանդման մեծ փորձ չունի` ընդամենը երկու տարի։

Учительница русского языка Сатеник Саргсян
© Sputnik / Игорь Пантин
Սաթենիկ Սարգսյան

«Ես ուզում էի հայտնվել ռուսալեզու միջավայրում, զգալ լեզուն։ Դա շատ կարևոր է։ Ինձ շատ են հետաքրքրում լեզու սովորեցնելու նոր, ոչ ստանդարտ մեթոդները։ Մենք իմացանք, որ Երևանում կա «Ռոսսոտրուդնիչեստվո» և Ազգային մշակույթի ռուսական կենտրոնի ծրագիրը։ Այստեղ սովորում ենք քվոտայով` ՌԴ բյուջեի հաշվին։ Ճիշտ է, ճանապարհածախսը մենք ենք հոգում», – ասում է երիտասարդ ուսուցչուհին։

Սաթենիկի վրա առավել մեծ տպավորություն է գործել քվեստի տեսքով դասը։ Նրա կարծիքով` այս մեթոդը հաջողված է. դասերը պետք է հետաքրքիր լինեն։ Իսկ այնտեղ, որտեղ հետաքրքրություն կա, նույնիսկ ամենաբարդ առարկան հեշտ է յուրացվում։

Հայրենիքում Սաթենիկն, անպայման, խաղի տեսքով դասեր է անցկացնելու։

Մարո Սահակյան. համակարգիչ դասագրքի փոխարեն

Մարո Սահակյանը դասավանդում է Արմավիրի մարզի գյուղական դպրոցներից մեկում։ Նա Մոսկվա է եկել` հասկանալու, թե ինչու դպրոցական դասագրքերը, որոնցով սովորում են երեխաները, գործնականում չեն աշխատում։ Երեխաները տարրական գիտելիքներ ունեն ռուսաց լեզվից, բայց ոչ դասագրքային։ Այդ ինչպե՞ս։

Учительница русского языка Маро Саакян
© Sputnik / Игорь Пантин
Մարո Սահակյան

«Երեխաները սովորում են լեզուն համակարգչային խաղերից և մուլտֆիլմերից։ Եվ դա լավ առիթ է։ Ինչ-որ ռուսերեն բան է կարդում համակարգչային խաղերում և հարցնում` դա ինչ է նշանակում։ Եթե ֆիլմում հանդիպում են ինչ-որ անհասկանալի արտահայտությունների, կրկին հարցնում են», – ասում է Մարոն։

Ռուսաց լեզվի ուսուցման խնդիրն են քննարկել Արայիկ Հարությունյանն ու Սերգեյ Կոպիրկինը

Ստացվում է, որ երեխաներն իրենք իրենց մոտիվացնում են, քանի որ դպրոցն առայժմ չի կարող լրացուցիչ միջոցներ հատկացնել ռուսաց լեզվի ուսուցման համար։ Բացի դրանից, միջին դասարաններում երեխաների մոտ նվազում է ռուսաց լեզու սովորելու ցանկությունը։ Դասացուցակում հայտնվում է անգլերենը, որը նույնպես հանդիպում է խաղերում և ֆիլմերում։

Արմինե Վարդանյան. ինչպես ստանալ հարգի աշխատանք

Մեծ քաղաքներում (օրինակ` Երևանում) ռուսաց լեզու սովորողներն ավելի շատ են, հատկապես երիտասարդների շրջանում։

Учительница русского языка Арминэ Вартанян
© Sputnik / Игорь Пантин
Արմինե Վարդանյան

«Բանն այն է, որ դպրոցների շատ շրջանավարտներ պատրաստվում են շարունակել կրթությունը Ռուսաստանում, որովհետև ռուսական դիպլոմները մեծ պահանջարկ են վայելում աշխատաշուկայում։ Երևանում և մեծ քաղաքներում բարձր վարձատրվող աշխատանք գտնելու համար անհրաժեշտ է ռուսաց լեզվի իմացությունը։ Իմ նախկին աշակերտներից մի քանիսն արդեն աշխատում են մեծ ընկերություններում», – ասում է մանկավարժ Արմինե Վարդանյանը։

Կարինա Մարգարյան. ծնողները երեխաներից վատ գիտեն ռուսերեն

Ընդհանրապես, Հայաստանում կարգին աշխատանք գտնելու համար երիտասարդները պետք է իմանան երեք լեզու` հայերեն, ռուսերեն և անգլերեն։ Դա բոլորն են հասկանում։ Ուստի, ինչպես ասում է ռուսաց լեզվի դասընթացների ղեկավար Կարինա Մարգարյանը, սովորելու են գալիս ոչ միայն երեխաները, այլ նաև մեծահասակները։

Учительница русского языка Карина Макарян
© Sputnik / Игорь Пантин
Կարինա Վարդանյան

«Բանն այն է, որ այսօրվա երեխաների ծնողները, որոնք սովորել են 90–ականների դպրոցում, ռուսաց լեզու չգիտեն։ Երկար ժամանակ համարվել է, որ այն պետք չէ։ Ռուսաց լեզվի նկատմամբ հետաքրքրությունը վերադարձել է 2000 թ.–ից։ Երբ հասկանալի է դարձել, որ լավ աշխատանք ունենալու համար է պետք է լեզու իմանալ։ Կամ Ռուսաստանում աշխատելու համար. այն մարդիկ, ովքեր արտագնա աշխատանքի են մեկնում առանց լեզուն իմանալու, իհարկե, շատ բարդ իրավիճակում են հայտնվում», – ասում է Կարինան։

Ռուսաստանում հետաքրքրված են դպրոցներում շախմատի դասավանդման Հայաստանի փորձով

Լուսինե Մինասյան. 10 տարի առաջ ավելի դժվար էր

Լուսինե Մինասյանը, ինչպես և Սաթենիկ Սարգսյանը, դասավանդում է Հրազդանի թիվ 8 դպրոցում։ Նրա խոսքով` վիճակագրությունը բոլոր զգացմունքներից լավ է վկայում Հայաստանում ռուսաց լեզվի տարածվածությունը։ Սովորական դպրոցում սովորում է 200-300 մարդ։ Կան որոշ դպրոցներ, որտեղ սովորում են ընդամենը 80 աշակերտ։ Իսկ ռուսաց լեզվի խորացված ուսուցմամբ դպրոցում 960 աշակերտ կա։

Учительница русского языка Люсинэ Минасян
© Sputnik / Игорь Пантин
Լուսինե Մինասյան

«Հիմա երեխաները փորձում են սովորել լեզուն։ Տասը տարի առաջ դասավանդելն ավելի բարդ էր։ Հայտնվել են բազմաթիվ զարգացնող մուլտֆիլմեր, որոնք երեխաները հաճույքով են դիտում։ Մեծահասակների շարքում ռուսաց լեզու ուսումնասիրելու դրդապատճառներ ևս կան։ Չէ որ Ռուսաստանի քաղաքացիություն ստանալու համար պետք է լեզվի քննություն հանձնել», – ասում է Լուսինե Մինասյանը։

138
թեգերը:
Մոսկվա, հայ, Ուսուցիչ, Ուսանող, Ռուսաստան, Հայաստան
Ըստ թեմայի
Հայերենն ուսումնասիրության համար ամենահետաքրքիր լեզուն է. The Daily Caller
Հայաստանն ու Վոլտերի լեզուն. Ռոբոտ Սոֆյան ասում է` ինչով են իրենք մարդկանցից առավել
ՀՀ–ում պոլիգլոտ ոստիկաններ կան, կամ եթե լեզուն չի բավարարում, օգնության են հասնում ժեստերը
Միխայիլ Կոկշենով

Մահացել է հայտնի դերասան Միխայիլ Կոկշենովը

35
(Թարմացված է 15:15 05.06.2020)
Դերասանը 83 տարեկան էր։ Մահվան պատճառը չի նշվում։ Սակայն հայտնի է, որ վերջին շրջանում դերասանը պայքարում էր ծանր հիվանդության դեմ։

ԵՐԵՎԱՆ, 5 հունիսի - Sputnik. 83 տարեկանում մահացել է ռուս հայտնի դերասան Միխայիլ Կոկշենովը։ Տեղեկությունը հայտնել է բանաստեղծ Լյուբով Վորոպաևան։

«Մահացել է Միշա Կոկշենովը։ Հիշատակը վառ մնա»,- Facebook-ի իր էջում գրել է նա։

2017 թվականի հոկտեմբերին նա գլուղեղի կաթված էր ստացել։ Դերասանը փողոցում քայլելիս հանկարծակի վատ էր զգացել․ անցորդները շտապօգնություն էին կանչել։ Ավելի ուշ հայտնում էին, որ արտիստի վիճակը լավանում է։

Նա ընդհանուր առմամբ 130 դեր է խաղացել ֆիլմերում ու սերիալներում։ Ամենահայտնի ֆիլմերից են՝ «Դաուրիան»,  «Սպորտլոտո-82»-ը, «Ամենահմայիչն ու գրավիչը» և այլն։

35
թեգերը:
դերասան, Մահ, Ռուսաստան
Ալեքսանդր Մյասնիկով. արխիվային լուսանկար

Կորոնավիրուսը դեռ կարող է «անակնկալներ» մատուցել․ Մյասնիկով

299
(Թարմացված է 13:29 05.06.2020)
Ռուսաստանցի հայտնի բժիշկ Ալեքսանդր Մյասնիկովն ընթացիկ եզրակացություններ է ներկայացրել COVID-19-ի վերաբերյալ ու խոսել դրա դեմ պայքարելու փորձերի մասին։

ԵՐԵՎԱՆ, 5 հունիսի – Sputnik. Կորոնավիրուսը փոխանցվում է նաև մինչկլինիկական շրջանում, այդ պատճառով էլ այն շատ վարակիչ է։ Այս տեղեկությունը Telegram-ի իր ալիքում գրել է սրտաբան, Մոսկվայի Ժադկևիչի անվան առաջին քաղաքային կլինիկական հիվանդանոցի գլխավոր բժիշկ Ալեքսանդր Մյասնիկովը։

«Գրեթե առողջ մարդիկ տարածում են վարակը, այդ պատճառով այն շատ վարակիչ է։ Փոխանցվում է օդակաթիլային ճանապարհով՝ հազ, փռշտոց, շնչառություն։ Մնացածն ապացուցված չէ», - գրել է Մյանիկովը։

Նրա խոսքով՝ ռիսկի խմբում են 65 տարեկանից մեծ մարդիկ և նրանք, ովքեր ճարպակալության խնդիր ունեն, տառապում են շաքարային դիաբետով կամ սրտի, երիկամի, ուռուցքաբանական հիվանդություններ ունեն։ Մնացած դեպքերում COVID-19-ի վարակման դեպքում սովորական սուր շնչառական հիվանդության պատկեր է լինում։

Բժիշկը կարծում է, որ տարածման շրջանն արագ վերելքից մինչև անկում մոտ երեք ամիս է տևում։

«Հայրիկներ ջան, էս թարգեք, ցավներդ տանեմ»․ Փաշինյանը ցույց է տվել ոստիկանների աշխատանքը

Հայտնի է, որ հակավարակային դեղերը, որոնք փորձարկման մեջ են, կարող են միայն կարճացնել հիվանդության տևողությունը։ Մինչդեռ կանխարգելման միակ արդյունավետ տարբերակը հեռավորության պահպանումն է, իսկ բռնկման դեպքում՝ ինքնամեկուսացումը։

«Դիմակային ռեժիմը հեշտ, էժան, ոչ դեղորայքային միջոց է՝ անհասկանալի արդյունավետությամբ։ Դա ավելի շուտ կոլեկտիվ պաշտպանության միջոց է», - կարծում է Մյասնիկովը։

Նրա խոսքով՝ ձեռնոցը պետք է ձեռքի մաշկը հաճախ ախտահանելուց ու լվանալուց խուսափելու համար։

Նա կարծում է, որ հիվանդանոցից դուրս ախտահանումը կասկածելի միջոց է, քանի որ վարակը մարդու մեջ է, ոչ թե դրսից։ Նա չի բացառում, որ կորոնավիրուսը դեռ անկանխատեսելի է և դեռ կարող է «անակնկալներ» մատուցել։

Worldometer կայքի տվյալներով՝ հունիսի 5-ի առավոտվա դրությամբ աշխարհում COVID-19-ով վարակվել է 6 702 699 մարդ։ Մահվան դեպքերի թիվը 393 212 է։

Առողջապահության համաշխարհային կազմակերպությունը (ԱՀԿ) մարտի 11-ին նոր COVID-19 կորոնավիրուսի բռնկումը հայտարարել է համավարակ: Կազմակերպությունը բոլոր պետություններին կոչ է արել միավորվել վարակի դեմ պայքարում։

Տեմպերն աճում են․ աշխարհում COVID-19-ի ավելի քան 6,7 միլիոն դեպք է բացահայտվել

299
թեգերը:
Ռուսաստան, Ալեքսանդր Մյասնիկով (բժիշկ), բժիշկ, կորոնավիրուս
թեմա:
Կորոնավիրուսը Չինաստանում և աշխարհում
Ըստ թեմայի
Կորոնավիրուսից 33-ամյա պացիենտ է մահացել. ծանր վիճակում գտնվողների թիվն ավելացել է
Հայաստանում կորոնավիրուսից ևս 7 մահ է արձանագրվել. նոր տվյալներ
Վրաստանն իր օգնությունն է առաջարկել Հայաստանին կորոնավիրուսի դեմ պայքարում
Медицинский персонал инфекционной больницы Норк

Ինչու են առողջացածների տվյալները նվազել. Փաշինյանը հայտնեց հաշվարկի նոր սխեմայի մասին

0
Նիկոլ Փաշինյանը հայտնեց, որ պարետատան նիստում տոտալ կամ մասնակի սահմանափակումների գնալու որոշում չի կայացվել։

ԵՐԵՎԱՆ, 5 հունիսի — Sputnik. Եթե նախկինում առողջապահության նախարարությունը տեղեկացնում էր կորոնավիրուսով վարակվածներից բոլոր առողջացածների տվյալները, ապա հիմա այդ մեխանիզմը փոխվել է։ Պարետատան նիստից հետո ճեպազրույցի ժամանակ հայտնեց ՀՀ վարչապետ Նիկոլ Փաշինյանը։

«Հիմա հայտնում ենք միայն ծանր և առանձնապես ծանր վիճակում գտնվողների առողջացման տվյալները, այսինքն` միայն հոսպիտալացվածների»,–ասաց Փաշինյանը։

Նա բերեց իր և իր ընտանիքի անդամների օրինակը` ասելով, թե քանի որ առանց ախտանշանների է ընթանում իրենց մոտ վարակը, և չեն հոսպիտալացվել, ապա հետո իրենց տվյալներն ընդգրկված չեն լինելու առողջացածների ցանկում։

Անդրադառնալով հետագա անելիքներին` վարչապետը նշեց, որ այսօր տոտալ կամ մասնակի սահմանափակումների գնալու որոշում չի կայացվել։ Ըստ նրա` նման որոշում չի կայացվի այնքան ժամանակ, քանի դեռ նման հնարավորություն կա։ Փաշինյանը նշեց` հավատում է յուրաքանչյուր ՀՀ քաղաքացու վարքի փոփոխությանը և հակահամաճարակային կանոնների պահպանմանը։

Հիշեցնենք` Հայաստանում կորոնավիրուսով վարակվածների թիվը վերջին մեկ օրում ավելացել է 596–ով և դարձել 11817։ Այս պահին փաստացի բուժում է ստանում 8052 մարդ, կատարվել է 65161 թեստավորում, առողջացել են վարակվածներից 3513–ը։ Ընդհանուր առմամբ գրանցվել է մահվան 183 դեպք։

0
թեգերը:
կարանտին, Նիկոլ Փաշինյան, Հայաստան, կորոնավիրուս