Հրդեհ

Մերձմոսկովյան Միտիշչի քաղաքի ՋԷԿ-ի խոշոր հրդեհը հաջողվել է մարել. կան վիրավորներ.տեսանյութ

19
(Թարմացված է 14:35 11.07.2019)
Հրդեհաշիջման աշխատանքներին հրշեջ ծառայության 2 ուղղաթիռ և երկու գնացք է ներգրավվել:

ԵՐԵՎԱՆ, 11 հուլիսի — Sputnik. ՌԴ Մերձմոսկովյան Միտիշչի քաղաքի ջերմաէլեկտրակայանի տարածքում խոշոր հրդեհը հաջողվել է մարել: Հրդեհի հետևանքով 7-8 մարդ է տուժել:

ՌԻԱ Նովոստիի տվյալներով` կրակի սյունը հասնում էր 50 մետրի: Հրդեհի տարածքը 200 քառակուսի մետր է գնահատվում, իրավիճակը հսկողության տակ էր վերցրել Մերձմոսկովյան շրջանի ղեկավար Անդրեյ Վորոբյովը:

Հրդեհաշիջման աշխատանքներին հրշեջ ծառայության 2 ուղղաթիռ և երկու գնացք է ներգրավվել: Էներգետիկ ծառայության աղբյուրի խոսքով՝ հրդեհի ժամանակ վթարային կերպով անջատվել է էներգաբլոկներից մեկը:

Հրդեհի պատճառով դադարեցվել է Օստաշկովսկոյե մայրուղու երթևեկությունը:

Նախնական վարկածով՝ բռնկվել է նավթով լի ցիստեռնը:

Հաղորդվում է, որ սարքավորումները չեն տուժել: Բնակչությանն էներգիայով ապահովելու նպատակով «ՄոսԷներգո» ընկերությունը պահեստային հավելյալ էլեկտրածին սարքեր է գործի դրել և մեծացրել արդեն աշխատող կայանների հզորությունը:

19
թեգերը:
Վիրավոր, հրդեհ, Ռուսաստան, Մոսկվա
Ըստ թեմայի
Խոշոր հրդեհ հայ-վրացական սահմանին. հայերն ու վրացիները մոբիլիզացրել են ուժերը. տեսանյութ
Հրդեհ է բռնկվել ՊԵԿ–ի շենքում
Աբովյան քաղաքում հրդեհ է բռնկվել բնակելի շենքերից մեկում