Վլադիմիր Պուտին

«Մեծ պատիվ կլինի». Պուտինը` «Ռուսթավի 2»–ի լրագրողի դեմ քրեական գործ հարուցելու մասին

784
(Թարմացված է 18:25 09.07.2019)
ՌԴ նախագահը մեկնաբանել է վրացի լրագրողի դեմ քրեական գործ հարուցելու գաղափարը։

ԵՐԵՎԱՆ, 9 հուլիսի — Sputnik. Ռուսաստանի նախագահ Վլադիմիր Պուտինն առաջին անգամ մեկնաբանել է «Ռուսթավի 2»–ի հաղորդավարի հնչեցրած վիրավորանքների պատճառով առաջացած սկանդալը։

«Մեծ պատիվ կլինի ինչ–որ քրեական գործեր հարուցել։ Թող շարունակի աշխատել», – ասել է Պուտինը լրագրողներին, որոնք խնդրել են մեկնաբանել Գաբունիայի նկատմամբ պետությանը վիրավորանք հասցնելու մասին հոդվածով քրեական գործ հարուցելու գաղափարը։

Պուտինը նաև դեմ է արտահայտվել Վրաստանի նկատմամբ պատժամիջոցներ կիրառելուն։ Նա ասել է, որ նման բան չի անի հենց վրացի ժողովրդի նկատմամբ ունեցած հարգանքից ելնելով։

Հիշեցնենք, որ կիրակի «Ռուսթավի 2» հեռուստաընկերության հեղինակային ծրագրի հաղորդավար Գեորգի Գաբունիան իր եթերը սկսել էր Ռուսաստանի ՌԴ նախագահ Վլադիմիր Պուտինի հասցեին հնչեցրած հայհոյանքներով։

Այդ արարքը դատապարտել են սոցցանցերի վրացական տիրույթի օգտատերերի մեծ մասը։ Իսկ հեռուստաընկերության տնօրեն Նիկա Գվարամիան հայտարարել է, որ թեև համակարծիք է հաղորդավարի դիրքորոշման հետ, սակայն ուղիղ եթերում հայհոյել չի կարելի։

Հեռուստահաղորդավարի արածը դատապարտել են նաև Վրաստանի նախագահն ու վարչապետը, իսկ հանրապետության ԱԳՆ–ն այդ ելույթն անվանել է երկրների հարաբերություններում լարվածություն մտցնելու փորձ։ ՌԴ ԱԳՆ–ից նշել են, որ տեղի ունեցածը աննախադեպ ստոր արարք են համարում, ևս մեկ արմատական հակառուսական ուժերի սադրանք` ուղղված ռուս–վրացական հարաբերությունների խաթարմանը։

Մի քանի հարյուր մարդ ցույցի էին հավաքվել հեռուստաընկերության մոտ և ձվեր նետել շենքի ուղղությամբ։ Ցուցարարները պահանջել էին հեռուստալրագրողի հրաժարականը։

Պուտինին հայհոյելու համար «Ռուսթավի 2» հեռուստահաղորդավարին երկու ամսով հեռացրել են աշխատանքից։

Ռուսաստանի և Վրաստանի միջև լարվածությունը սկսվել էր հունիսի 20-ից, երբ ընդդիմադիրները բողոքի ցույց էին կազմակերպել այն բանից հետո, երբ նույն օրն առավոտյան Վրաստանի խորհրդարանի խոսնակի աթոռին նստել էր ՌԴ պետդումայի պատգամավոր, Կոմկուսի անդամ Սերգեյ Գավրիլովը։ Նա Թբիլիսի էր մեկնել Ուղղափառության միջխորհրդարանական վեհաժողովի 26–րդ նստաշրջանի մասնակցելու համար, բայց միջոցառումը տապալվել էր։ Ընդդիմությունը Վրաստանի իշխանությանը մեղադրել էր «հայրենիքը դավաճանելու» մեջ։ Թբիլիսիում ընդդիմության ցույցն անկարգությունների էր վերածվել: Վերջին տվյալներով՝ մոտ 240 մարդ տուժել է, 300-ից ավելի մարդ՝ բերման ենթարկվել:

784
թեգերը:
Վրաստանի Հանրապետություն, Վլադիմիր Պուտին, Ռուսաստան
Ըստ թեմայի
Խաչատրյան. «Միանշանակ չէ, որ լարիի արժեզրկումը բխելու է մեր շահերից»
Georgian Airways–ը ուղևորներին Մոսկվայից Թբիլիսի կբերի Երևանի միջոցով
Հայկական գինին և ջուրը ՌԴ–ում կփոխարինե՞ն վրացականին. ի՞նչ կտա մեզ ռուս-վրացական լարումը
«Արմենիա» ավիաընկերությունը նաև Բաթում-Երևան-Մոսկվա ուղղությամբ չվերթ կիրականացնի