Մարգարիտա Սիմոնյան

«Խմբագրությունն արյո՞ւն է պահանջում». Սիմոնյանը` Sputnik–ին ու RT–ին մերժելու մասին

76
Մամուլի ազատության գլոբալ համաժողովի կազմակերպիչները հրաժարվել են հավատարմագրել RT հեռուստաընկերությանն ու Sputnik գործակալությանը։

ԵՐԵՎԱՆ, 9 հուլիսի — Sputnik. RT–ի ու Sputnik–ի գլխավոր խմբագիր Մարգարիտա Սիմոնյանը մեկնաբանել է բրիտանական ԱԳՆ–ի հայտարարությունը, որում նշված է, թե ինչու RT հեռուստաընկերությանն ու Sputnik գործակալությանը չեն հավատարմագրել Մամուլի ազատության գլոբալ համաժողովում(Global Conference for Media Freedom)։

Լոնդոնում նախատեսված միջոցառման կազմակերպիչներն ավելի վաղ հրաժարվել էին հավատարմագրել RT հեռուստաընկերությանն ու Sputnik գործակալությանը։ Մեծ Բրիտանիայի ԱԳՆ–ն էլ հայտարարել էր, թե մերժման պատճառը «ապատեղեկատվության տարածման գործում մեծ դերակատարությունն» է։

«Բնականաբար, այդ ապատեղեկատվության ոչ մի օրինակ այդպես էլ չներկայացրին», – գրել է Սիմոնյանն իր Telegram–ալիքում։

Սիմոնյանի խոսքով` բրիտանական արտգործնախարարությանը կարելի է հիշեցնել` ինչպես նրանք «ամաչելով ջնջեցին Սկրիպալներին ռուսական ծագման նյութով թունավորելու մասին գրառումը»։

«Կամ էլ ինչպես էր Բի–Բի–Սին փորձում Փարիզում «դեղին բաճկոնների» բողոքներում «ռուսական հետք» գտնել։ Խմբագրությունն արյո՞ւն է պահանջում, ի՞նչ է», – ավելացրել է Սիմոնյանը։

Ավելի վաղ Սիմոնյանը հայտնել էր` կազմակերպիչները պատճառաբանել են, թե ազատ տեղ չի մնացել։

Մեծ Բրիտանիայում Ռուսաստանի դեսպանատունն իր հերթին ԱԳՆ–ի այդ որոշումը խտրականություն է որակել։

Նշենք` Մամուլի ազատության համաժողովը կանցկացվի Լոնդոնում հուլիսի 10–11–ին։ Կազմակերպիչներն են Մեծ Բրիտանիայի արտգործնախարարությունն ու Կանադայի կառավարությունը։

«Հղումն ուղարկե՞մ». Մարգարիտա Սիմոնյանը պատասխանել է գերմանացի հակահետախույզներին

76
թեգերը:
Մարգարիտա Սիմոնյան, Ռուսաստան
Ըստ թեմայի
«Քեզ չի կարելի»․ Պուտինը թույլ չի տվել, որ Մարգարիտա Սիմոնյանը շամպայն խմի
Մարգարիտա Սիմոնյանը ցույց է տվել` ինչպես է զվարճանում ամուսինը. տեսանյութ
Ոսկի է, ոչ թե սկեսուր․ ինչո՞ւ Մարգարիտա Սիմոնյանը վարդագույն կոստյում չի հագնի
«Երանի բոլորն այսպիսի կին ունենային». ինչ է եփել Մարգարիտա Սիմոնյանն իր հարազատների համար