Դմիտրի Պեսկով

Պեսկովն ասել է, թե Ռուսաստանը որ դեպքում կչեղարկի Վրաստան մեկնելու արգելքը

203
(Թարմացված է 21:42 22.06.2019)
Կրեմլում կարծում են` Վրաստանում այնպիսի իրավիճակ է, որ Ռուսաստանի քաղաքացիների` այնտեղ գտնվելն անվտանգ չէ։

ԵՐԵՎԱՆ, 22 հունիսի – Sputnik. Վրաստանի ուղղությամբ ավիաչվերթերի իրականացնման արգելքը կարող է չեղարկվել միայն այն դեպքում, եթե երկրում իրավիճակը կարգավորվի։ РБК–ի հետ զրույցում այս մասին ասել է Վլադիմիր Պուտինի մամուլի քարտուղար Դմիտրի Պեսկովը։

«Վրաստանում պետք է նորմալ իրավիճակ լինի, և մեր քաղաքացիների անվտանգության համար ցանկացած վտանգ պետք է վերանա», – ասել է Պեսկովը։

Երեկ` հունիսի 21-ին, ՌԴ նախագահ Վլադիմիր Պուտինն ազգային անվտանգությունն ապահովելու մասին հրամանագիր էր ստորագրել, որի համաձայն` հունիսի 8-ից ռուսական ավիաընկերություններին արգելվում է Ռուսաստանից Վրաստան չվերթեր իրականացնել։

Միաժամանակ ռուսական զբոսաշրջային ընկերություններին և գործակալներին խորհուրդ է տրվել դադարեցնել քաղաքացիներին Վրաստան տանելու զբոսաշրջային առաջարկները։

Պեսկովը, մեկնաբանելով Պուտինի որոշումը, ասել է, որ սա հարկադրված միջոց է, և նպատակը ռուսաստանցիների անվտանգությունն ապահովելն է։

Հունիսի 20-ին Թբիլիսիում ընդդիմադիրները բողոքի ցույց էին կազմակերպել այն բանից հետո, երբ նույն օրն առավոտյան Վրաստանի խորհրդարանի խոսնակի աթոռին էր հայտնվել ՌԴ պետդումայի պատգամավոր, Կոմկուսի անդամ Սերգեյ Գավրիլովը։ Նա Թբիլիսի էր մեկնել Ուղղափառության միջխորհրդարանական վեհաժողովի 26–րդ նստաշրջանի մասնակցելու համար, բայց միջոցառումը տապալվել էր։ Ընդդիմությունը Վրաստանի իշխանությանը մեղադրել էր «հայրենիքին դավաճանելու» մեջ։ Թբիլիսիում ընդդիմության ցույցն անկարգությունների էր վերածվել, ինչի հետևանքով հարյուրավոր մարդիկ էին տուժել։

ՌԴ նախագահը կառավարությանը հանձնարարել է ապահովել Վրաստանի տարածքում ժամանակավորապես գտնվող ռուսաստանցիների վերադարձը։

203
թեգերը:
չվերթ, Բողոքի ակցիա, Թբիլիսի, Վլադիմիր Պուտին, Վրաստանի Հանրապետություն, Ռուսաստան
Ըստ թեմայի
Վրաստանի խորհրդարանում վիճաբանությունից հետո հայկական պատվիրակությունը լքել է դահլիճը
Զախարովան սարսափելի սադրանք է անվանել Վրաստանում տեղի ունեցած իրադարձությունները
Ի՞նչ կշահի Հայաստանում տուրիստական բիզնեսը. Պուտինն արգելել է ավիափոխադրումները Վրաստան
Օդանավակայան

Ցուցակագրվածներից ոմանք հրաժարվում են ՌԴ-ից գալ Հայաստան. դեսպանատնից բացատրել են` ինչու

19
(Թարմացված է 16:08 15.07.2020)
Ավելի քան 25 հազար մարդ կա հայրենիք վերադառնալու ցուցակում։ 5 հազար մարդ արդեն վերադարձել է Հայաստան:

ԵՐԵՎԱՆ, 15 հուլիսի — Sputnik. Ռուսաստանում Հայաստանի դեսպանատանը հերթագրված Հայաստանի քաղաքացիները սկսել են հրաժարվել վերադառնալ հայրենիք։ Տեղեկությունը Sputnik Արմենիայի թղթակցին ասել է Ռուսաստանում Հայաստանի դեսպանության խորհրդական Էդվարդ Ջամբազյանը։

«Ռուսաստանում կորոնավիրուսի հետ կապված իրավիճակը կայունացել է, և նրանք հիմա կարող են վերադառնալ իրենց աշխատանքին։ Այդ պատճառով հրաժարվում են նախնական հերթագրումից», - ասաց նա:

Խորհրդականն ընդգծել է, որ այս պահին դեսպանատունը քաղաքացիների նոր հերթագրում չի իրականացնում, քանի որ ցուցակներում ավելի քան 25 հազար մարդ կա։ Նրանցից հինգ հազարը վերադարձել են հայրենիք: Իսկ մնացած քաղաքացիները վերադառնում են տարբեր չարտերային չվերթերով։

«Մենք նախապես հայտնում ենք, թե որ հեռախոսահամարներով և որ չվերթի համար կարող են տոմսեր ձեռք բերել։ Իսկ եթե քաղաքացին հրաժարվում է վերադառնալ, ապա ավիաընկերությունը վաճառում է նրա տոմսը», — ասաց Ջամբազյանը։

Նա ընդգծեց, որ առաջիկա երկու չվերթները նախատեսված են հուլիսի 16-ին և 17-ին Մոսկվայից Երևան Red Wings ավիաընկերության կողմից:

Նշենք, որ մարտին 16–ից Հայաստանում գործող արտակարգ դրության ռեժիմը երկարաձգվել է մինչև օգոստոսի 12-ը:

Ռուսաստանը և Թուրքիան հուլիսի 15-ից կվերականգնեն ավիահաղորդակցությունը

Հիշեցնենք, որ պարետի նոր որոշմամբ՝ Հայաստան վերադարձող քաղաքացիներն այլևս չեն մեկուսացվում հյուրանոցներում. նրանց ինքնամեկուսացման պահանջ է ներկայացվում։ Այսինքն՝ արտերկրից ժամանած ՀՀ քաղաքացիները և ՀՀ տարածք մուտք գործելու իրավունք ստացած օտարերկրյա քաղաքացիները հունիսի 23-ից պարտավորվում են ինքնուրույն կազմակերպել իրենց տեղափոխումն օդանավակայանից և ցամաքային սահմանային անցակետերից դեպի նախանշված ինքնամեկուսացման վայրեր:

19
թեգերը:
խոպանչի, հայ, դեսպանատուն, թռիչք, չվերթ, Ռուսաստան, Հայաստան
Ըստ թեմայի
Ռուսաստան մուտք գործելու համար նոր կանոններ են սահմանվել
Կորոնավիրուսի դեմ պայքարում Ռուսաստանն առաջընթաց է գրանցում. Պուտին
Ռուսաստանում հաջողությամբ փորձարկել են կորոնավիրուսի դեմ պատվաստանյութը
Վլադիմիր Պուտինն ու Էրդողանը, արխիվային լուսանկար

Ռուսաստանը և Թուրքիան հուլիսի 15-ից կվերականգնեն ավիահաղորդակցությունը

8
(Թարմացված է 16:00 15.07.2020)
Հունիսին թուրքական կողմը Ռուսաստանին առաջարկել էր հուլիսի 15-ից վերսկսել ավիահաղորդակցությունը։ Երկրի իշխանությունները հայտարարել էին, որ պատրաստ են ընդունել ռուսաստանցի զբոսաշրջիկներին: Կողմերը, ըստ ամենայնի, համաձայնության են եկել։

ԵՐԵՎԱՆ, 15 հուլիսի – Sputnik. Ռուսաստանի և Թուրքիայի նախագահներ Վլադիմիր Պուտինը և Ռեջեփ Թայիփ Էրդողանը հեռախոսազրույցից հետո վարչություններին հանձնարարել են սկսել ավիահաղորդակցության վերականգման մասին բանակցությունները։ Տեղեկությունը ՌԻԱ Նովոստիին հայտնել է ՌԴ նախագահի մամուլի քարտուղար Դմիտրի Պեսկովը։

Անադոլու գործակալության հաղորդմամբ՝ Թուրքիայի տրանսպորտի և ենթակառուցվածքների նախարարությունը տեղեկացրել է, որ Մոսկվան և Անկարան պայմանավորվել են թռիչքները վերսկսել հուլիսի 15-ից։

Ինչպես հայտնում են ռուսական ԶԼՄ-ները, որոշ զբոսաշրջային ընկերություններ արդեն տուր-փաթեթներ են վաճառում դեպի Թուրքիա․ Որոշ տուրեր առաջարկվում են չարտերային չվերթներով, որոշներն էլ՝ Turkish Airlines-ի պարբերական չվերթներով։

Ավելի վաղ ՌԴ փոխվարչապետ Տատյանա Գոլիկովան հայտարարել էր, որ հուլիսի 15-ից իշխանությունները կսկսեն վերացնել օտարերկրյա թռիչքների սահմանափակումները։ Ավիահաղորդակցությունը կվերականգնվի այն երկրների հետ, որտեղ կորոնավիրուսով հիվանդացությունը յուրաքանչյուր 100 հազար բնակչի հաշվով 40 դեպքից ավելի չէ․ COVID-19-ի օրական միջին տարածման ցուցանիշն այդ երկրներում չպետք է գերազանցի 1%-ը։

«Իրար մեջ դեռ չեն կարողանում պարզել». Պուտինը` միջազգային ավիահաղորդակցության մասին

Ռուսաստանը մարտի 27-ին կորոնավիրուսի պատճառով դադարեցրել է այլ երկրների հետ պարբերական և չարտերային ավիահաղորդակցությունը։ Բացառություն են կազմում տարհանման, ինչպես նաև բեռնափոխադրող, փոստային, սանիտարական և մարդասիրական չվերթները, դատարկ ինքնաթիռների տեղափոխումը՝ տեխսպասարկման համար, տրանզիտային թռիչքները երկրի տարածքում՝ վերալիցքավորման կամ անձնակազմի փոփոխության վայրէջքով, որոնք իրականացվում են ՌԴ կառավարության առանձին որոշումներով։

8
թեգերը:
չվերթ, զբոսաշրջություն, Թուրքիա, Ռուսաստան, Ռեջեփ Թայիփ Էրդողան, Վլադիմիր Պուտին
Ըստ թեմայի
Իրանը պատրաստ է վերսկսել ուղիղ ավիահաղորդակցությունն ԱՄՆ–ի հետ
Վրաստանը դադարեցրել է ավիահաղորդակցությունն Իրանի հետ
Ե՞րբ կվերականգնվի Վրաստանի հետ ավիահաղորդակցությունը. Կրեմլի պարզաբանումը
Հայաստանը մտադի՞ր է դադարեցնել ավիահաղորդակցությունն Իրանի հետ
Էջմիածնի Մայր տաճար

«Հաղթության նշան». Էջմիածնի Մայր տաճարի դռներն առաջիկայում կբացվեն հավատացյալների առաջ

8
(Թարմացված է 16:18 15.07.2020)
Տեր Վահրամ քահանա Մելիքյանը սա հաղթական նշան է համարում՝ Սուրբ Էջմիածնի օրհնությունը մաղթելով հայրենիքի պաշտպան զինվորներին:

ԵՐԵՎԱՆ, 15 հուլիսի — Sputnik. Մայր աթոռի տեղեկատվական համակարգի ղեկավար Տեր Վահրամ քահանա Մելիքյանը facebook-ում հավտացյալներին լավ լուր է հայտնել՝ այն բնորոշելով որպես «Հաղթության նշան»:

Реставрация купола Эчмиадзинского монастыря
Էջմիածնի Մայր տաճարի գմբեթի վերանորոգումը

«Վար են բերվում Մայր Տաճարի գմբեթը կաղապարող շինարարական կապանքները։

Սուրբ Էջմիածնի օրհնությունը թող միշտ մեր զինվոր եղբայրների հետ լինի»,- գրել է հոգևորականը ու նաև տաճարի վերանորոգման աշխատանքների ավարտը վկայող լուսանկարներ հրապարակել։

Ուշագրավ բացահայտումներ` Էջմիածնի վերականգնվող Մայր տաճարում. ինչո՞վ կզարմացնի Մայր Աթոռը

Հիշեցնենք՝ Տաճարի վերականգնման աշխատանքները մեկնարկել էին 2017թ-ին: Բայց մինչ այդ, շուրջ 7 տարի՝ 2012–ից մինչ 2017–ը` մինչ բուն շինարարական աշխատանքների մեկնարկը, մասնագետները ճարտարապետական լուրջ հետազոտություններ են կատարել ու նաև որոշ հետաքրքիր բացահայտումներ արել:

8
թեգերը:
Եկեղեցի, Մայր Աթոռ Սուրբ Էջմիածին, Էջմիածին
Ըստ թեմայի
Հայտնի է՝ երբ կվերատեղադրվի Էջմիածնի Մայր տաճարի գմբեթի խաչը
Հայաստանը միացավ Կրոնական ազատության միջազգային դաշինքին. ԱԳՆ
Հայ առաքելական եկեղեցին դատապարտում է Սուրբ Սոֆիայի տաճարը մզկիթի վերածելու որոշումը