Նիկոլ Փաշինյան, Վլադիմիր Պուտին

Փաշինյանն ու Պուտինը չեն քննարկել ղարաբաղյան հակամարտության կարգավորման հարցեր. Պեսկով

107
(Թարմացված է 13:10 07.06.2019)
Ռուսաստանի նախագահի մամուլի քարտուղար Դմիտրի Պեսկովը ասել է, թե ինչ են քննարկել Ռուսաստանի նախագահ Վլադիմիր Պուտինը և Հայաստանի վարչապետ Նիկոլ Փաշինյանը։

ԵՐԵՎԱՆ, 7 հունիսի — Sputnik. Հայաստանի վարչապետ Նիկոլ Փաշինյանը և Ռուսաստանի նախագահ Վլադիմիր Պուտինը Պետերբուրգի միջազգային տնտեսական համաժողովի շրջանակում հունիսի 6–ին կայացած հանդիպմանը չեն քննարկել ղարաբաղյան կարգավորման հարցը։ Այդ մասին, ինչպես հաղորդում է ՌԻԱ Նովոստին, լրագրողներին հայտնել է ՌԴ նախագահի մամուլի քարտուղար Դմիտրի Պեսկովը։

Հունիսի 6–ին Սանկտ Պետերբուրգում տեղի է ունեցել Հայաստանի վարչապետ Նիկոլ Փաշինյանի և Ռուսաստանի նախագահ Վլադիմիր Պուտինի հանդիպումը։

«Երեկ շատ հանգամանալից զրույց է կայացել երկկողմ հարաբերությունների և առևտրատնտեսական համագործակցության տարբեր ասպեկտների վերաբերյալ», – հավելեց Պեսկովը։

Հանդիպման շրջանակում ՌԴ նախագահը հույս է հայտնել, որ հայկական պատվիրակությանը հետաքրքիր կլինի մասնակցել Պետերբուրգի միջազգային տնտեսական համաժողովին և տնտեսական հարցեր քննարկել նաև այլ երկրների ներկայացուցիչների հետ։

Նշելով, որ կարիք չկա կրկին բնութագրել երկու պետությունների միջև հարաբերությունները` Պուտինն ասել է, որ Ռուսաստանը մնում է Հայաստանի առաջատար առևտրատնտեսական գործընկերը։

Սանկտ Պետերբուրգում մեկնարկել է Փաշինյան-Պուտին հանդիպումը. տեսանյութ

Իր հերթին Փաշինյանը ՌԴ նախագահին ներկայացրել է Հայաստանի տնտեսական իրավիճակը։ Այսպես, 2019թ–ի առաջին եռամսյակի տվյալներով` հանրապետության տնտեսությունն աճել է 7,1 տոկոսով։ Կառավարության ղեկավարի կարծիքով` այդ դինամիկան շատ առումներով պայմանավորված է ԵԱՏՄ–ին Հայաստանի անդամակցությամբ և ռուսական շուկա հայկական ապրանքների հեշտացված մուտքով։

107
թեգերը:
Արցախ, Նիկոլ Փաշինյան, Վլադիմիր Պուտին, Ռուսաստան, Հայաստան
թեմա:
Հայաստան-Ռուսաստան համագործակցություն (163)
Ըստ թեմայի
«Դժվար է ասել, թե որքան կտևի այդ դադարը». Բոզոյանը՝ արցախյան հակամարտության մասին
Արցախյան խնդիր. ինչը ՌԴ-ի համար առաջնային է, ԱՄՆ–ի համար լուսանցքից այն կողմ է
Արցախյան հարցում Փաշինյանը վախենում է պատասխանատվությունից. Աշոտյան
Գագիկ Ծառուկյան. արխիվային լուսանկար

«Կանխելու եմ հակառուսական տրամադրությունները»․ Գագիկ Ծառուկյան

68
(Թարմացված է 23:16 02.07.2020)
ԲՀԿ առաջնորդը կարծում է, որ հակառուսական տրամադրությունները երկրում տարածում են հակահայկական և հակապետական ուժեր։

ԵՐԵՎԱն, 2 հուլիսի - Sputnik. «Բարգավաճ Հայաստան» կուսակցության առաջնորդ Գագիկ Ծառուկյանը Facebook-ում հայտարարություն է տարածել, որով արտահայտել է իր անհանգստությունը՝ կապված երկրում տիրող հակառուսական տրամադրությունների հետ։

«Որպես օրինակ՝ հարկ է նշել, որ հայ հասարակության մեջ ներմուծվում է այն թեզը, որ անհրաժեշտ է վերանայել Ռուսաստանի հետ ռազմական համաձայնագիրը, ինչը կհանգեցնի ռուսական 102-րդ ռազմական բազայի` մեր երկրից դուրս բերմանը: Կարծում եմ՝ բոլորս քաջ գիտակցում ենք, որ սա Թուրքիայի և Ադրբեջանի երազանքն է, որոնք անդադար սպառնում են մեզ պատերազմով և ոչնչացմամբ», - գրել է Ծառուկյանը։

ԲՀԿ առաջնորդը կարծում է, որ հակառուսական տրամադրությունները երկրում տարածում են հակահայկական և հակապետական ուժեր և խոստանում է անձամբ զբաղվել նրանցով։

«Ես՝ որպես ՀՀ ամենամեծ ընդդիմադիր քաղաքական ուժի կուսակցության նախագահ, որպես քաղաքական գործիչ, որպես քաղաքացի, կանեմ ամեն ինչ՝ կանխելու մեր երկրում հակառուսական տրամադրությունների ստեղծմանը նպատակաուղղված սադրանքները: Վստահ եմ, որ Հայաստանի զարգացման և մեր երկրի անվտանգության ու անկախության ամրապնդման համար մենք պետք է էլ ավելի խորացնենք և ամրապնդենք Ռուսաստանի Դաշնության հետ հարաբերությունները», - գրել է Ծառուկյանը։

Գագիկ Ծառուկյանի բացակայությունը չի խանգարի. ե՞րբ կլինի կալանքի մասին որոշումը

Նա հավելել է, որ հայ-ռուսական հարաբերությունները պետք է զարգանան ոչ միայն երկկողմ ձևաչափով, այնպես էլ ԱՊՀ, ԵԱՏՄ, ՀԱՊԿ և այլ քաղաքական, տնտեսական, ռազմական ձևաչափերով։

Նշենք, որ «հակառուսական տրամադրությունների» մասին երեկ և այսօր սոցցանցերում ակտիվ քննարկումներ են ծավալվել։

68
թեգերը:
Ռուսաստան, Հայաստան, Գագիկ Ծառուկյան
Ըստ թեմայի
ՀՅԴ ներկայացուցիչը հանդիպել է Վանեցյանի ու Ծառուկյանի հետ
Ծառուկյանի՝ բռնաբարության վերաբերյալ գործի նյութերը հրապարակելու փաստով քրգործ է հարուցվել
Ծառուկյանն իր ամառանոցում իրականությունից հեռու է. Ալեն Սիմոնյանը` սով սկսվելու մասին
Գագիկ Ծառուկյանը կաթիլային է ստանում
Մաքսիմ Գալկինն ու Ալլա Պուգաչովան. արխիվային լուսանկար

Ինչպես են սպասում տանը. Գալկինը ցույց է տվել, թե ինչ անակնկալ է պատրաստել իր համար կինը

72
(Թարմացված է 20:43 02.07.2020)
71-ամյա պրիմադոննան գործուղումից վերադարձող ամուսնուն դիմավորելու համար յուրահատուկ անակնկալ է պատրաստել։ Երկար սպասված հանդիպման «տեսահաշվետվությունը» հայտնվել է Instargam-ում։

ԵՐԵՎԱՆ, 2 հուլիսի - Sputnik. Ռուսական շոու բիզնեսի թագուհի Ալլա Պուգաչովան հաճելի անակնկալ է պատրաստել ամուսնու` Մաքսիմ Գալկինի վերադարձի առթիվ․ երգչուհին որոշել է ուշադրություն չդարձնել համավարակին և ամուսնու պատվին երեկույթ է կազմակերպել։

Հայտնի հաղորդավարն աշխատանքի բերումով մի քանի օրով քաղաք էր գնացել։ Այդ ընթացքում Պուգաչովան և նրանց երկվորյակները՝ Գարին ու Լիզան, ժամանակը զուր չեն վատնել և պատրաստվել են հայրիկի վերադարձին։ Պուգաչովան ընդհատել է ինքնամեկուսացումը և հրավիրել Գալկինի ընկերներին և բարեկամներին։

Պրիմադոննան գործուղումից վերադարձող ամուսնու համար հատուկ հրավերք է կազմակերպել։ Ընտանեկան հավաքի տեսահաշվետվությունը հայտնվել է Գալկինի ինստագրամյան էջում։

Հավերժ գեղեցիկ ու երջանիկ Պուգաչովան․ Գալկինը կնոջ մասնակցությամբ տեսանյութ է հրապարակել

View this post on Instagram

A post shared by Максим Галкин (@maxgalkinru) on

Տեսանյութում երևում է, որ հյուրերն աստղերի դղյակի տարածքում հավաքվել են խարույկի շուրջ և սպասում են հավաքույթի «մեղավորին»։

Գալկինը հիացած է մտերիմների ուշադրությամբ և շտապել է ուրախությունը հայտնել երկրպագուներին։ Հաղորդավարի հետևորդները գնահատել են նրա տիկնոջ ջանքերը և նշել են, որ Պուգաչովան է՛լ ավելի է գեղեցկացել և իր տարիքից շատ ավելի երիտասարդ է երևում։

Ռուս հումորիստ Մաքսիմ Գալկինը և երգչուհի Ալլա Պուգաչովան, հոգնելով չորս պատի մեջ գտնվելուց, հաճախ են հետաքրքրացնում իրենց առօրյան։ Վերջերս նրանք ընտանեկան կյանքի բեմադրություն էին կազմակերպել կորոնավիրուսի համավարակի հետ կապված։ «Ինքնամեկուսացման հիմնը» զվարճացրել էր հայտնի զույգի երկրպագուներին։

Օրբելյան, Մանուկյան և Ալլա․ մի հայն ուղի բացեց Պուգաչովայի համար, մյուսն ուզում էր «փակել»

Գալկինի և Պուգաչովային երեխաները գործուն մասնակցություն ունեն ծնողների «տարօրինակություններին»։ Վերջերս Գարին և Լիզան պատմում էին, թե ինչպես է պետք պաշտպանվել COVID-19-ից, ինչպես նաև շնորհավորում էին պրիմադոննային՝ ծննդյան օրվա առթիվ։

72
թեգերը:
Ալլա Պուգաչովա, Մաքսիմ Գալկին
Ըստ թեմայի
Հրապարակվել է Ալլա Պուգաչովայի «վուլգար» տեսահոլովակը
Պուգաչովան հպարտանում է իր երեխաներով. նրանք արդեն սահում են անվաչմուշկով. տեսանյութ
Գալկինն առաջին անգամ ասել է` ինչպես է ծանոթացել Պուգաչովայի հետ
Տիգրան Ավինյան. արխիվային լուսանկար

Պարետը կասեցրել է Արարատի ոսկու կորզման գործարանի աշխատանքը

0
(Թարմացված է 23:54 02.07.2020)
Կանոնները խախտած տնտեսվարողների շարքում են նաև «Գազպրոմ Արմենիայի» Չարենցի փողոցի մասնաճյուղը, «Նատալի Ֆարմ» դեղատների ցանցի` Խաղաղ Դոնի փողոցում գտնվող մասնաճյուղը, «Վեոլիա Ջուր» ընկերության գրասենյակը, «Վարկս Էյ Էմ» ընկերության՝ Հալաբյան փողոցում գտնվող գրասենյակը։

ԵՐԵՎԱՆ, 2 հուլիսի - Sputnik. Պարետ Տիգրան Ավինյանը հուլիսի 2-ին նոր որոշում է ստորագրել տնտեսվարողների գործունեությունը արգելելու մասին։ Ըստ այդմ՝ 24 ժամով արգելվել է 36, 48 ժամով՝ 2 տնտեսվարողի գործունեությունը։

Տնտեսվարողների գործունեությունը կասեցվել է արտակարգ իրավիճակով և կորոնավիրուսի համավարակով պայմանավորված անվտանգության կանոնների խախտման պատճառով։

Կանոնները խախտած տնտեսվարողների շարքում են «Գազպրոմ Արմենիայի» Չարենցի փողոցի մասնաճյուղը, «Նատալի Ֆարմ» դեղատների ցանցի` Խաղաղ Դոնի փողոցում գտնվող մասնաճյուղը, «Վեոլիա Ջուր» ընկերության գրասենյակը, «Վարկս Էյ Էմ» ընկերության՝ Հալաբյան փողոցում գտնվող գրասենյակը։

Խախտումներ են արձանագրվել ոչ միայն Երևանում, այլ նաև Վանաձոր, Հրազդան, Գորիս, Արտաշատ և Արարատ քաղաքներում։ Վերջինում փակվել է «Գեոպրոմայնինգ Գոլդ» ՓԲԸ-ն, այսինքն՝ Արարատի ոսկու կորզման գործարանը։

«Նատալի Ֆարմ», «Կայզեր», «Պրոմ-Տեստ». նրանց աշխատանքը կասեցվել է

Նշենք, որ խախտումներ են ախտահանիչ նյութերի բացակայությունը կամ անհամապատասխանությունը սահմանված նորմերին, շփման մակերեսների ոչ պատշաճ ախտահանումը, աշխատակիցների կողմից դիմակի ոչ ճիշտ կրելը, ջերմաչափման և ախտահանման գրանցամատյանների լրացման թերացումները։

Մարտի 16–ից Հայաստանում արտակարգ դրություն է, այն կտևի մինչև հուլիսի 13–ը` ժամը 17։00–ն ներառյալ։ Մայիսի 25–ից դիմակ դնելը պարտադիր է, չդնողները տուգանվում են 10 հազար դրամով։

Կրկին բազմամարդ հարսանիքներ. 72 ժամով կասեցվել է ռեստորանային 3 համալիրի գործունեությունը

0
թեգերը:
Արտակարգ դրություն, գործարան, Ոսկի, Հայաստան, կորոնավիրուս, պարետ, Տիգրան Ավինյան
թեմա:
Կորոնավիրուսը Հայաստանում և Արցախում
Ըստ թեմայի
Արդեն 1490 տնտեսվարողի գործունեություն է կասեցվել, խստացումներ են եղել. Արթուր Ասոյան
Երևանում ևս 2 մանկապարտեզի գործունեություն է կասեցվել․ տեսանյութ
«Տաշիր» առևտրի կենտրոնի գործունեությունն ամբողջությամբ կասեցվել է․ տեսանյութ