ԵՐԵՎԱՆ, 1 հունիսի – Sputnik. Այսօր Ձերժինսկում (Ռուսաստանի Նովգորոդսկի շրջան) գտնվող «Կրիստալ» պետական գիտահետազոտական ինստիտուտի գործարանում ուժգին պայթյուն է որոտացել, որին հաջորդել են ևս մի քանիսը։
Ինչպես հայտնում են ռուսական ԶԼՄ–ները, Ջերժինսկի գործարանում տեղի ունեցած պայթյունների հետևանքով մի քանի մարդ բեկորային վնասվածքներ են ստացել։ Տուժածների թվի մասին տեղեկություններն անընդհատ փոխվում են, վերջին տվյալով` տուժել են 19–ը։
Նշվում է, որ պայթյունը տեղի է ունեցել տրոտիլի արտադրամասում։
Տեղի բնակիչները սոցցանցերում հայտնում են, որ միջադեպից հետո հրդեհ է բռնկել, և օդում սպիտակ մասնիկներ են հայտնվել։ Քաղաքում սուր հոտ է տարածվել։ Իշխանությունը բնակիչներին բարձրախոսներով տեղեկացնում է, որ բնակչությանը որևէ վտանգ չի սպառնում։
Համացանցում հրապարակված տեսագրությունում երևում է, որ գործարանի վրա ծխի ամպ է գոյացել։
Հարևանությամբ գտնվող տների ապակիները կոտրվել են։ Պիռա բնակավայրում խափանվել է էլեկտրամատակարարումը։
«Խոսում է Մոսկվան» տելեգրամ–ալիքը նույնպես լուսանկարներ է տարածել դեպքի վայրից։
Արդեն օպերատիվ շտաբ է ստեղծել։ Նախնական վարկածի համաձայն` պայթյունի պատճառը արտադրական գործընթացի խախտումն է եղել։
ԱԻՆ–ը զգուշացրել է, որ պայթյունների վտանգը դեռ չի վերացել։
