ԵՐԵՎԱՆ, 15 մայիսի — Sputnik. «Նաշա Ռաշա» նախագծի պրոդյուսեր և ՈՒՀԱ «Պյատիգորսկ» թիմի նախկին ավագ Սեմյոն Սլեպակովը, հնարավոր է, նկարի սկետչ շոուի նոր եթերաշրջանը։ Նա նման ակնարկ է արել Instagram–ի իր էջում։
«Բարև, ժողովուրդ։ Ի՞նչ եք կարծում, անե՞նք «Նաշա Ռաշայի» նոր եթերաշրջան։ Բոլորովին նոր կերպարներով։ Եթե այո, ապա ո՞վ է հիմա մեր ժամանակների հերոսը։ Հ.Գ. Պետդումայի պատգամավոր Վասիլի Վլասովից բացի։ Նա հաստատ կլինի», – գրել է Սլեպակովը։
Посмотреть эту публикацию в Instagram
Նրան գրեթե ակնթարթորեն պատասխանել է Միխայիլ Գալուստյանը։
«Փակեցին սերիալը և չպատժվեցին ։ Իմ կարծիքն է։ Ով համաձայն է` լայք», – մեկնաբանություն է գրել հումորիստը, որը միանգամից հավաքել է մոտ 2000 հավանում։
Գրառումը չորս ժամում հավաքել է 50 հազար «լայք»։ Բաժանորդներն առաջարկել են նոր եթերաշրջանի իրենց վարկածները։
«Հագուստի և մթերքի շուկաներում, առևտրի կենտրոններում աշխատակիցների միջև շփումը։ Ժամանակին աշխատել եմ առևտրի ոլորտում», – գրել է beerkin_se–ն։
«Ողջույն, Սեմյոն, իհարկե, նկարիր, բայց ասում են, որ Միշան շատ թանկ է կինոյի համար, մի սնանկացրու ՏՆՏ–ն», – գրել է saisdisov2018–ը։
Ոչ բոլորն են կողմ այդ գաղափարին։
«Այնպիսի բում, ինչպիսին 2000–ականների վերջին էր, արդեն չի լինի։ Կարծում եմ, որ դա հաջող միտքը չէ։ Պրոժեկտորը դրա վառ ապացույցն է», – գրել է don_kirillka–ն։
